Árni Johnsen í framboð

Jæja nú er ákveðið að Árni verður í 2 sæti á framboðslista Sjálfstæðisflokksins í Suðvesturkjördæmi. Tæknilegur mistökin voru ekki látin ógilda vilja kjósenda Sjálfstæðisflokksins. Gaman að sjá hvort að fólk á suðurlandi sætti sig við þetta.

www.ruv.is

Fyrst birt: 17.01.2007 12:35

Síðast uppfært: 17.01.2007 13:23

Suðurland: Prófkjörið ráði D-lista

Tillaga kjörnefndar Sjálfstæðisflokksins í Suðurkjördæmi um skipan framboðslista flokksins fyrir kosningarnar í vor verður í samræmi við niðurstöður prófkjörsins í haust hvað varðar sex efstu sæti listans.

Tillagan sem lögð verður fyrir kjördæmisráð á sunnudag er að Árni Matthiesen verði í fyrsta sæti, Árni Johnsen í öðru, Kjartan Ólafsson í þriðja, Björk Guðjónsdóttir í fjórða, Unnur Brá Konráðsdóttir í fimmta og Drífa Hjartardóttir í sjötta.

Starfandi alþingismenn verða samkvæmt tillögunni í fyrsta, þriðja og sjötta sæti listans. Sex-menningarnir fengu allir bindandi kosningu í viðkomandi sæti í prófkjörinu nema Kjartan Ólafsson. Kjördæmisráð ákveður listann en ráðsmenn geta lagt til breytingar á tillögu kjörnefndar.

Athugasemdir

[Stefán Friðrik Stefánsson, 17.1.2007 kl. 13:48]

Það hefur ekki verið ákveðið. Kjördæmisþing á eftir að funda og ræða um tillögu kjörnefndar. Tillagan er ekki endanleg. Hver einasti fundarmaður hefur frelsi til að bera upp breytingatillögu.

[Magnús Helgi Björgvinsson, 17.1.2007 kl. 14:44]

Er ekki hægt að segja að það væri ólíklegt að tillaga sem bæði er byggð af prófkjöri og tillögu kjörnefndar yrði breytt? Finnst sjálfum að úrslitum prófkjöra megi ekki breyta. Því að þá er vilji almennra flokksmanna hunsaður.

[Stefán Friðrik Stefánsson, 17.1.2007 kl. 14:48]

Það er óvarlegt að útiloka nokkuð. Valið á Árna hefur verið umdeilt. Skil vel kjörnefndina að fara ekki gegn prófkjörinu. Kjördæmisþingið verður úrslitaatriðið. Það eru ekki allir sáttir við útkomuna á listanum og það verður fróðlegt hvað gerist. Ég yrði ekki hissa þó breytingatillaga kæmi fram. Síðast var kosið milli manna á kjördæmisþingi þar sem listi var ákveðinn, reyndar án prófkjörs, en það sýnir vel að ekkert er ráðið fyrr en listinn er borinn upp og flokksmenn fá tækifæri til að tjá sig.

[Magnús Helgi Björgvinsson, 17.1.2007 kl. 15:04]

Það verður gaman að fylgjast með þessu. Takk fyrir upplýsingarnar!

[Bragi Einarsson, 17.1.2007 kl. 21:22]

Niðurstaða prófkjörsins var val fólksins. Ef þeir breita uppröðuninni, væri það í andstöðu við fyrri yfilýsingar. Ekki að það kæmi mér á óvart! En þeim var nær!