Fínar tillögur en hafa reyndar allar heyrst áður!

Fínt hjá framsókn að leggja fram þennan pakka. En þar mætti nú gjarnan vera meira kjöt á beinunum. Og sum rökin stangast á:

T.d. vilja þeir hætta eða endurskoða samstaf við AGS og hafa viðrað að þeir vilji hætta við lántökur. En síðan er talað um í tillögunum að almenn skuldaleiðrétting auki neyslu sem sé lífsnauðsynleg til að koma hlutum af stað aftur hér. En ef vöruskipti verða hér óhagstæð með aukinni neyslu hlýtur að þurfa hér aðgang að gjaldeyri umfram það sem við fáum í tekjur af útflutning. Og úps nær allur gjaldeyrir sem við eigum í dag er eyrnamerktur afborgunum og greiðslu á lánum næstu 2 árin.

Eins er ljóst að viðskiptanefnd Alþingis er nú að heimta raunverulega stöðu lána hjá bönkunum til afskrifta og það er nauðsynlegt til að meta getu þeirra.

Síðan velti ég fyrir mér hvernig menn bregðast við eftir að þeir hafa leiðrétt lánin. En síðan heldur verðbólga áfram á þá að leiðrétta aftur. Því þeir virðast vera að tala um öll lán.

Síðan er spurning hvernig á að leiðrétta lánin. Á að lækka öll lán t.d. flatt um 30%. Hvað þá með öll þau heimili sem eru komin með erlend lán kannski 50 til 100% yfir markaðsvirði og hvað þá með heimili þar sem að virði húsnæðis hefur hrapað um 20% eða meira.

Góð hugmynd varðandi gjaldþrot og að fólk geti byrjað aftur með hreint borð eftir nokkur ár. Myndi líka þrýsta á banka að vera ábyrgir í lánveitingum og eins auka vilja þeirra til að afskrifa lán í dag.

Eins má Framsókn athuga að almennar afskriftir eiga eftir að fara skakkt í marga þegar þeir fara að átta sig á upphæðum sem sumur fengju niðurfeldar ef að afskriftir verða fastar %. T.d. er 30% af 100 milljónum 30 milljónir á meðan sá sem er með 10 milljónir í skuldir fengi aðeins 3 milljónir. Þetta byggi ég nú á látunum sem voru þegar Árni Páll reifaði hugmyndir um lækkun bílalána.

Síðan finnst mér hugmyndir Framsóknar um að heimurinn sé fullur af sérfræðingum sem viti betur en þeir sem Stjórnvöld leita til vera merki um hugmyndir um að það séu til "kraftaverkamenn með patent lausnir"

Svo er það þessi kafli sem ég er lítið hugsaður hjá þeim:

Langt er um liðið síðan ríkisstjórnin hét því að beita sér fyrir mannaflsfrekum framkvæmdum. Lítið hefur farið fyrir þeirri atvinnusköpun til þessa. Á sama tíma hefur fjölmörgum atvinnuskapandi verkefnum einkaaðila verið haldið í þarflausri biðstöðu um margra mánaða skeið. Mikilvægt er að ríkisvaldið liðki tafarlaust fyrir slíkum verkefnum og innleiði skattastefnu sem ýtir undir fjárfestingu og umsvif í atvinnulífinu fremur en að draga úr þeim.

 

Framsóknaflokkurinn veit að margar af framkvæmdu einkaaðila og opinbera er komin með öll tilskilin leyfi en vegna óuppgerðara mál okkar við önnur lönd er ekki möguleiki á að fjárfesta hér þar sem að fjárfestum býðst ekki fjármagn á almennilegum kjörum. Hvorki innlendum né erlendum. Enda segir miðstjórn ASÍ í dag:

Miðstjórn ASÍ krefst þess að allir axli sinn hluta af ábyrgðinni og vinni að þessu sameiginlega markmiði. Stjórnvöld , bæði ríkisstjórn og sveitarstjórnir, bera sérstaka ábyrgð á að gera allt sem í þeirra valdi stendur til þess að eyða óvissu og stuðla að frekari uppbyggingu og fjárfestingum. Alþingi verður að ljúka þessari erfiðu ICESAVE deilu sem allra fyrst til að auðvelda aðgengi að erlendu fjármagni til uppbyggingar og stuðla að hraðari vaxtalækkun

En að öðruleyt eru þetta hugmyndir sem eru vel þess virði að skoða. Í dag heyrðum við að Viðskita og efnahagsnefnd er að hjóla í bankana til að fá einmitt upplýsingar um svigrúm til afskrifta, verið er að fara af stað að gera ítarlega könnun á stöðu heimila, ríkisstjórnin kom með pakka af tillögum um daginn og flest atiði nema um AGS finnst mér vera hvort eð er í burðarliðnum.

Þjóðarsátt Framsóknar