Evran - Ef við bíðum of lengi með að ræða þetta þá höfum við ekkert um það að segja

Það er alltaf að koma betur og betur í ljós að við höfum afsalað okkur stórum hluta að ákvörðunum um efnahagslífið okkar til atvinnumarkaðarins. Nú eru stóru fjármálafyrirtækin komin hvert og eitt í þá stöðu að þau gætu farið að leika sér með gengi krónunar. Þau geta bæði fellt krónuna og eins styrkt hana á einum degi. Því er það mín skoðun að við þurfum að verða hluti af stærri mynnt og þá hugnast mér evran best. En helst vill ég að þessi málefni séu skoðuð af alvöru áður en það verður fjármálamarkðaurinn taki þessa ákvörðun fyrir okkur án þess að við höfum nokkuð um það að segja.

Þetta las ég á www.visir.is

Markaðurinn, 24. jan. 2007 06:15

Þingið áhrifalaust varðandi gengismál

Margar stefnumarkandi ákvarðanir í peningamálum þjóðarinnar hafa verið teknar án frumkvæðis eða skilnings stjórnmálamanna, að sögn Vilhjálms Bjarnasonar aðjúnkts við viðskipta- og hagfræðideild Háskóla Íslands.


Vilhjálmur velti upp spurningunni um hvort svo kynni einnig að fara í tengslum við umræðu um kosti og galla evrunnar sem gjaldmiðils hér í stað krónu í erindinu Þrautir þingsins, sem hann flutti í hádeginu í gær í málstofu viðskipta- og hagfræðideildar. Hann segist þó ekki ætla að spá neinu um hver þróunin verði, en segir merkilegt að sjá hvernig þingið hafi í gegnum tíðina yfirleitt staðið frammi fyrir orðnum hlutum þegar kæmi að ákvörðunum um gengi, verðtryggingu og vexti.

 

„Spurningin er kannski sú hvort fyrirtækin velji sér mynt hvert og eitt eins og heimild er fyrir í lögum um ársreikninga þar sem þau geti ekki búið við það að sveiflur í gengi krónunnar séu 10 til 15 prósent innan árs." Vilhjálmur bendir á að fyrirtæki færi mörg hver þegar bókhald sitt í erlendri mynt, að þrír fjórðu útlána bankanna séu það líka um leið og mikið af fjármálastjórn fyrirtækja fari í gjaldmiðlastýringu.

 

Og svo má nefna þetta úr ágætri samantekt Friðriks Þórs Guðmundssonar á viðtali Egils Helgasonar og Guðmundar Ólafssonar í Silfri Egils:

"1. (Útláns)vextir á Íslandi eru þeir mestu í heimi - mestu okurvextir "í sögu mannsandans".

2. Bankarnir eru böl - þeir eru frekir á fóðrum.

3. Krónan er mjög tæpur/hæpinn gjaldmiðill. Ástandið er óeðlilegt og krónan er viðskiptahindrun.

4. Íslensk fyrirtæki hafa vanist við að ríkið bjargi þeim (með gengisfellingum og slíku) - tími kominn til að "einkavæða einkareksturinn".

5. Verðlag á Íslandi er okur - við búum við hæsta verðlag í heimi. Landbúnaðarvörur veita "verðleiðsögn" - toga upp verðlag á annars óskyldum vörum"

 

Athugasemdir

[Magnús Helgi Björgvinsson, 24.1.2007 kl. 11:32]

Mér findist það frábær hugmynd. Málþing þar sem að allir fremstu fræðingar mundu ræða kosti ESB og galla kosti evru og galla. Hvernig þróun mála verður hér í framtíðinni í tengslum við fyrirtæki og hvaða staða kemur upp þegar að fyrirtæki fara almennt að gera öll sín viðskipti upp í evrum.

Skoðanir mínar eru nokkuð ljósar og er bara nær eingöngu byggðar á tilfinningu minni og rökum sem ég hef lesið og heyrt sem styðja það. En það gætu komið rök sem fengju mig til að skipta um skoðun. Ég tek lítið mark á mönnum sem eru með fyrirfram mótaðar skoðanir sem þeir leita að rökum til að styðja málstað sinn. En aðrir sem eru á móti en viðurkenna að þeir byggi þetta á sinni tilfinningu er náttúrulega alveg réttháar skoðanir og mínar. Hinsvegar finnst mér flestir sem tala um þetta sem mest séu forpokaðir og hræðist að hér fyllist allt af útlendingum (sem er að gerast núna þrátt fyrir að við séum ekki í ESB) og að allar ákvarðanir séu teknar í Brussel og fullveldi afsalað en mér finnst við taka upp flest sem ESB ákvarðar og aðrar þjóðir í ESB hafi nú haldið megninu af fullveldi sínu. En það eru örugglega kostir og gallar og ég vill fá upplýsingar um það á hlutlausan hátt.