Væri þetta ekki verkefni fyrir einhvern lögfræðing sem vill styrkja Ómar?

Var að lesa á www.visir.is smá viðtal við Ómar Ragnarsson þar sem hann var spruður út í frásögn af vefnum www.amx.is . En þar segir m.a.

Smáfuglarnir eyða miklum tíma á flugi eins og eðlilegt er og hafa tekið eftir því að Ómar Ragnarsson er duglegur að fljúga með ferðamenn yfir gosstöðvarnar á Suðurlandi. Lendir hann flugvél sinni á túnum umhverfis Hótel Rangá. Ómar fer með ferðamenn í flugferðir gegn gjaldi en slíkt er ólöglegt þar sem Ómar hefur ekki réttindi sem atvinnuflugmaður né hefur hann uppfyllt þau fjölmörgu skilyrði sem þarf til slíks flugs.

Nú er samfélagið á Suðurlandi ekki stórt og flest sem þar gerist kemst á allra vitorð á skömmum tíma. Hvers vegna bregst lögregla ekki við þegar Ómar Ragnarsson stundar ólöglega flugstarfsemi með ferðamenn? Er það af því að hann er Ómar Ragnarsson? Er það af því að hann er sjónvarpsmaður til margra ára? (sjá greinina í heild hér)

Ég er bara svo sleginn að ég vill að þessu sorpvef sem sjálfstæðismenn halda úti verði lokað með öllum þeim ráðum sem til þess er hægt að finna.

Ómar segir reyndar á www.visir.is

„Ég er með atvinnuflugmannsréttindi og má fljúga verkflug og það sem flug sem ég þarf í sambandi við mína kvikmyndagerð," segir Ómar Ragnarsson. Vefurinn AMX segir að Ómar fljúgi í leyfisleysi með ferðamenn vegna þess að hann hafi ekki réttindi sem atvinnuflugmaður. Ómar segir það alrangt.

„Ég væri ekki að fara í læknisskoðanir tvisvar á ári ef það væri ekki vegna einhvers. Ég flýg 95% bara fyrir sjálfan mig og svo leita erlendir sjónvarpsmenn til mín og taka við mig viðtöl og vilja fá að fylgjast með," segir Ómar. „Ég er ekki að brjóta nein lög og er að hafa mikið fyrir því að viðhalda þeim réttindum sem ég hef."

„Þeir eru bara að ljúga og það er ekkert haft fyrir því að hringja í mann og spyrja, hvaða réttindi hefur þú?"

Þannig að við vitum að Ómar getur varið sig sjálfur. En þessi ömurlegi hugsunarháttur að þegar þjóðin er að hylla Ómar sem verður sjötugur í haust þá skuli þessi öfund og illmælgi brjótast út gagnvart honum akkúrat núna sýnir að þessir menn eru hrein illmenni.

 Og því væri kannski við hæfi að einhver lögfræðingur myndi bjóðai Ómari þá þjónustu að láta dæma þennan vef fyrir meiðyrði og atvinnuróg. Og láta þá blæða nokkrum milljónum í skaðabætur til Ómars.

„Orðlaus, hrærður og þakklátur“

Athugasemdir

[Grefill (IP-tala skráð) 18.7.2010 kl. 22:09]

Já, maður er alltaf að heyra og sjá meira og meira af því að þessi AMX-vefur gengur ekki heill til skógar.

[Margrét Sigurðardóttir, 18.7.2010 kl. 22:29]

AMX er vefur Sjálfstæðisflokksmanna. Þeir ljúga þarna upp á Ómar Ragnarsson. Sjálfstæðisflokksmenn eru vanir því að terrorísera fólk. Þeir þögguðu í mörgum með ógnunum. Í hartnær 30 ár.  Fólk er hrætt um vinnuna sína eða styrki.

Ætli  þeir séu ennþá svona valdamiklir að fólk þori ekki að tjá sig?

[Skúli (IP-tala skráð) 18.7.2010 kl. 22:32]

Þetta er bara ógeðslegt.  Hvers vegna í ósköpunum eru þeir hjá AMX að ljúga upp á manninn?  Hvað hefur hann gert þeim?

[Sigurður Þorsteinsson, 18.7.2010 kl. 23:21]

Nú veit ég ekki hvað fjölmiðlamönnum AMX gengur  til, en þessi athugasemd þeirra finnast mér algjör óþarfi. Það sama á við um athugasemdir þínar og þeirra sem hafa fjallað um innlegg þitt hér að ofan. Í sumum málum má gjarnan  satt kjurt liggja og líka ósatt.

[Jón Logi (IP-tala skráð) 18.7.2010 kl. 23:32]

Þekki málið Magnús, og næ ekki upp í nefið á mér yfir svona nafnlausum og aumingjalegum áróðri.

Kallinn er með atvinnuflugmannsréttindi, og mér skilst að jafnvel einkaflugmenn megi fljúga fyrir kostnaði.

Hann tekur oft í loftið hjá mér, og ég hef farið með sem túlkur (þýska). Þetta eru yfirleitt jarðvísindamenn o.s.frv., og ég veit að síðasta flug var með BBC.

Oftast fer hann einn, því hann situr um jökulinn eins og leyniskytta, - og þess vegna höfum við líka notið ljósmynda, sjónvarpsmynda og jarðvísindalegra upplýsinga sem eiga sér vart hliðstæðu.

Túlkurinn tekur ekkert gjald, en kannski vita smáfuglarnir betur.

Ég hallast að því að smáfuglarnir séu hræfuglar.

[Helgi Armannsson (IP-tala skráð) 19.7.2010 kl. 00:16]

got hja ter Magnus