Þarna getur Öryrkjabandalagið komið sterkt inn i að leysa málin

Öryrkajabandalagið á nokkuð mikið af húsnæði sem fatlaðir búa í og ríkið borgar þeim leigu. Held að ÖBÍ get nú komið sterkt inn í að leysa vandamál með því að gæta hófs í hvað þeir rukka Ríkið um í leigu. Það eru engar smá upphæðir sem rukkaðar eru í leigu á þetta húsnæði. Ég vill síður nefna neinar tölur en það langt uppfyrir það sem manni mundi finnast eðlilegt á markaði. Og það hjálpar ekki til í Reykjavík nú þega á að spara þar á annað hundrað milljónir á næsta ári.

Hættu við eftir mótmæli

Athugasemdir

[Ingibjörg Guðrún Magnúsdóttir, 9.10.2010 kl. 08:11]

Öryrkjabandalagið á nokkuð mikið af húsnæði sem fatlaðir búa í... OG RÍKIÐ BORGAR LEIGU.... Magnús ertu viss um að þú sért að fara með rétt mál... Ég veit ekki betur en að allar bætur sem þetta fólk er að fá fari í húsaleigu...

[Magnús Helgi Björgvinsson, 9.10.2010 kl. 08:23]

Ég veit þetta ágætlega. Fatlað fólk m.a. í Reykavík býr á sambýlum m.a. sem Húsfélag ÖBÍ á. Það rekur fasteignarfélag sem heitir Brynjuhús og kaupir og byggir upp húsnæði sem ríkði leigir síðan. Fólk á sambýlum borgar síðan leigu fyri sitt einkarými sem er ekki há leiga. Enda hafa þau takmörkuð fjárráð.

 En ríkið borgar leigu á húsnæðinu sjálfu. Þ.e. að þó nokkuð af húsnæði sem Svæðisskrifstofan rekur er leigt af Brynjuhúsum á að mér finnst mjög hárri leigu. Þannig hefur verið hægt að leysa úr vanda margra því að ríkið hefur ekki haft getu til að byggja þessi hús en í staðin leigt af ÖBI sem notar m.a. lottópeninga í þetta og tekur lán.. Leigan af húsnæðinu er fer út sem kostnaður í rekstri viðkomandi heimilis og skiptir verulegu máli þegar verið er að skera niður.

Leiguupphæð fyrir fólk á sambýlum er ákveðin í reglugerð og fer eftir stærð og er í raun ekki mjög há. 

Það er svo annað með fólk sem býr í sjálfstæðum Íbúðum það leigir beint af Brynjuhúsum.

[AFB (IP-tala skráð) 9.10.2010 kl. 08:23]

Held Maggi, að þú sért ekki alveg að fara með rétt mál þarna.

[Magnús Helgi Björgvinsson, 9.10.2010 kl. 08:54]

Heyrðu ég vinn við þetta! Ég veiti forstöðu sambýli sem er í húsnæði sem ÖBI á. Það á fullt af sambýlum bæði hér í Reykjavík og á fleiri stöðum. Enda væru mun fleiri fatlaðir í vandræðum ef ÖBI hefði ekki komið til. En þau rukka mjög háa leigu fyrir þetta.  Ég veit það þar sem ég áætla rekstur og þarf að spara. Einstaklingarnir sem hér búa borga leigu skv. reglugerð og fá húsaleigubætur en það er aðeins brot sem þau borga. Rikið borgar legununa.

[Magnús Helgi Björgvinsson, 9.10.2010 kl. 09:18]

Svona bara til upplýsingar þá er þetta tekið af heimsíðu www.brynjuhus.is

"Samstarf við félags – og tryggingamálaráðuneytið

Samstarf við ráðuneyti félags- og tryggingamála hefur verið í góðum farvegi undafarin ár.  Unnið hefur verið með svæðisskrifstofum um allt land varðandi úthlutun íbúða.  Einnig hefur Brynja Hússjóður komið að byggingu sambýla sem svæðisskrifstofur hafa síðan tekið á leigu til lengri tíma.

Íbúar sjá svo um daglegan rekstur húsnæðis. Þ.e. rafmagn, hita, minniháttar viðhald, síma og þrif. Þetta greiða þau af bótum sínum. Síðan borga þau leigu fyrir sitt einkarými sem er oftast í formi lítilla studeóíbðuða eða herbergi með snyrtingu. Þau fá svo húsaleigu á móti. Þannig virka þessi sambýli. Þetta er form sé er smátt og smátt að breytast. Sem betur fer og nú í dag eru aðallega byggðar/keyptar íbúðir t.d. í einum stigagangi fólk býr alveg út af fyrir sig.

[Sigurður Haraldsson, 9.10.2010 kl. 10:48]

Sæll legg til að sendiráðum verði lokað og fulltrúi fái aðstöðu hjá einhverju sendiráði sem norðurlandaþjóðirnar eru með, þar mætti spara umtalsverðar upphæðir og setja þær í velferðarkerfið.

[Hamarinn, 9.10.2010 kl. 17:18]

Engar hálfkveðnar vísur.

Hvað borgar ríkið fyrir 50 fermetra íbúð til dæmis?

Það er ekkert leyndarmál.

[Magnús Helgi Björgvinsson, 9.10.2010 kl. 19:55]

Við erum yfirleitt að tala um heilu húsin. Og ríkð er að borga ÖBI t.d. yfir 500 þúsund fyfir 240 fm hús. Þar búa svo kannski 4 til 5 einstaklingar.

[Magnús Helgi Björgvinsson, 9.10.2010 kl. 20:05]

En það má ekki misskilja mig. Þessi hússjóður ÖBI hefur gert rosalega mikð í að að skaffa fötluðum húsnæði og átti t.d. stóran þátt í að hægt var að loka flestum deildum á Kópavogshæli á sínum tíma. Manni svíður bara í þessum niðurskurði þessi gríðarlegi leigukostnaður.

[Hamarinn, 9.10.2010 kl. 20:37]

Fylgir eitthvað meira með í þessari leigu, en bara leigan á húsnæðinu?

[Magnús Helgi Björgvinsson, 9.10.2010 kl. 20:46]

Viðhald eins og hjá örðum leigusölum. Þ.e. bilaðar innréttingar og svoleiðis. Fólkið sem býr þarna borgar rafmagn, síma  og hita og þannig. Og ríkið og þau þurfa að kaupa og endurnýja öll tæki. Sjá um garðinn og þesshátta. Þetta borga þau að mestu sjálf með peningum sem þau leggja til sameiginlegs heimilishalds eða í hússjóð.

Veit að þessi leiga er ekki illa nýtt hjá ÖBÍ en væri hægt að leiga þetta á almennum markaði miklu ódýrara. En þegar þessi hús voru keypt af ÖBÍ þá var alltaf orkað á ríkinu þegar það keypt og byggði þessi hús. Svo þetta var góð lausn á sínum tíma en finnst þetta ver dálítið okur í dag. Þannig getur leiga verið kannski 6 til 7 milljónir á ári af einu húsi/sambýli. Og það munar um það fyrir Svæðisskrifstofu sem er gert að spara á annað hundrað milljónir.

Þessvegna datt mér í hug að ÖBÍ gæti komið á móts við Svæðisskrifstofu með því að hafa leigun hófllega næstu árin

[Hamarinn, 9.10.2010 kl. 21:16]

Er ekki viðhaldskostnaður, ásamt stofnkostnaði á þessu húsnæði miklu hærri en á öðru húsnæði?

[Magnús Helgi Björgvinsson, 9.10.2010 kl. 21:31]

Hann er náttúrulega einhver. Og það kostar að innrétta húsin. En flest þeirra eru nú keypt fyrir húsnæðisbóluna. Er nærri því viss um að ef að bygging og leiga þessara húsa væri boðin út í dag þá væri hægt að fá þau byggð innréttuð og leigð á kannski helming þessarar upphæðar. Auk þess sem að ÖBI hlýtur að fá hagstæð lán hjá Íbúðalánasjóði til byggingar leiguhúsnæðis. En ég held að viðhaldskostnaður sé mismunandi. Auk þess á ríkð fjölda sambýla og annarra búsetuúrræða  sem það hefur byggt eða keypt. Þá á Þroskahjálp þjónustuíbúðir/íbúðasambýli og eins hafa einhver hús verið leigð af öðrum.

Ég er ekkert að setja út á ÖBI en finnst að nú þegar kreppir að gætu þeir aðstoðað við að leysa úr tímabundnum vandamálum. Veit að þau þurfa að láta þetta bera sig en held kannski að sum húsin séu það dýr að þau standi undir viðhaldi annarra.

[Magnús Helgi Björgvinsson, 9.10.2010 kl. 21:32]

Og ég held að leiga upp á 5 til 8 milljónir á ári sé frekar há.

[Hamarinn, 9.10.2010 kl. 23:00]

Ef þetta er satt sem þú segir um leiguna, þá mætti nú alveg skoða málin nánar.

[Magnús Helgi Björgvinsson, 9.10.2010 kl. 23:15]

Ég er ekki ljúga neinu. Ég veit að viðkomandi sambýli sem um er rætt í þessari frétt er akkúrat núna orðið um 10 ára. Og leigusamningur við ÖBI er runnin út og ÖBÍ vildi hækka hann verulega. Það ásamt sparnaðarkröfum nú vegna niðurskurðar var það sem varð til þess að ákveðið var að loka þessu sambýli. Þetta er ömurleg staða. Því hef ég leyfti mér hér í fyrri færslum að gera athugsemdir við fólk sem er að býsnast yfir niðurskurði á heilbrigðisstofnunum út á landi. Því hér á höfuðborgarsvæðinu er líka verið í blóðugum niðurskurði. Og við höfum þurft að beita miklu aðhaldi síðustu ár. Þannig er þjónustan löngu komin niður fyrir það sem þyrfti. Og því leyfði ég mér að skoða annan kostnað sem hugsanlega væri hægt að spara í. Og það sem verst er að þjónustan er nú að flytja til sveitarfélaga í svona ástandi þannig að sveitarfélög mörg eiga eftir að lenda í vandræðum með að fjármagna þessa þjónustu ef að leitast á við að veita eins góða þjónustu eins og t.d. annarstaðar á Norðurlöndum