Gríðarlegur munur á kostnaði eftir leiðum.

Alveg eins maður hefur sagt þá eru þessi flata lækkun skulda um 15,5% og jafnvel 20% okkur ofviða. Aðrar leiðir sem mest hafa verið í umræðunni kosta okkur gríðarlega. Sértæk skuldaaðlögun kostar um 25 til 30 milljarða og nær til þeirra sem mest þurfa. Og  með því að mæta hækkunum á lánagreiðslum með hækkun vaxtabóta kostar ríkið aðeins um 2 milljarða ári. Við það yrði greiðslubirgði fólks því svipuð og fyrir hrun og fólk hefði því meira fé milli handa í neyslu.  Held að fólk verði líka að horfa til ömurlegrar stöðu ríkisssjóðs þegar það metur þessar tillögur.

•  15,5% flöt niðurfærsla m kostata 185 milljarða króna
•  Niðurfærsla skulda miðað við upphaflega lánsfjárhæ myndi kosta 155 milljarða króna
•  Niðurfærsla skulda að 110% af verðmæti fasteigna myndi kosta 89 milljarða
•  Lækkun vaxta myndi kosta 24 milljarða
•  Hækkun vaxtabóta myndi kosta 2 milljarða

Eins kemur fram í þessu fréttum að um 5% heimila verður ekki hægt að bjarga með viðkomandi húsnæði og þau verða að fá aðstoð við að komast í viðráðanlegt húsnæði frá sveitarfélögum eða ríkinu.

Athygli vekur að færri eru í vanskilum við Íbúðalánasjóð en voru árið 1997. Jafnframt eru vanskil í hópi 20% tekjulægstu lántakenda hjá sjóðnum færri en þau voru árið 2004.

Hins vegar eru um 5% lántakenda, alls 3651 manns, í þeirri stöðu að eiga ekki fyrir grunnneyslu. Það er mat sérfræðingahópsins að það sé fjármálastofnana, ríkis eða sveitarfélaga að bjóða þessum hóp upp á húsnæðisúrræði. Þeim verði ekki bjargað með skuldaaðgerðum. www.mbl.is

Þar erum við að tala um kaupleigukerfi, leiguhúsnæði og félagslegar íbúðir.

		Fækkun heimila í vanda eftir aðgerð	Fækkun heimila í vanda eftir aðgerð
	Kostnaður milljarðar kr.	Neysluviðmið UMS +50%	Neysluviðmið UMS +100%	Fjöldi sem úrræði nýtist
Sértæk skuldaaðlögun	18-26	2.100 (29,5%)	2.100 (19,6%)	2.605
Flöt lækkun skulda um 15,5%	185	1.500 (21,0%)	2.100 (19,6%)	72.762
Niðurfærsla skulda m.v. upphaflega lánsfjárhæð	155	1.250 (17,6%)	1.750 (16,4%)	72.762
Lækkun skulda að 110% verðm.eigna	89	900  (12,6%)	1.050  (9,8%)	15.203
Lækkun skulda að 100% verðm.eigna	125	1.250 (17,6%)	1.470 (13,8%)	20.348
Stiglækkandi niðurfærsla skulda að 90% af verðm.eigna	150	1.450 (20,5%)	1.800 (16,7%)	36.081
Hækkun vaxtabóta	2 á ári,	1.450 (20,5%)	1.070 (10,0%)	36.524
	40 ef
	varanlegt
Lækkun vaxta í 3%	24 ári	2.600 (36,3%)	3.770 (35,3%)	72.762
	240, ef
	varanlegt

 

Vaxtabótahækkun árangursríkust

Athugasemdir

[Ómar Bjarki Kristjánsson, 10.11.2010 kl. 18:00]

,,Athygli vekur að færri eru í vanskilum við Íbúðalánasjóð en voru árið 1997"

Það er ekki bara 1997.  Heldur færri en 1992-1998  (sýnist mér á stöplariti í skýrslu)

Eg hefði búist við miklu mun meira en nokkurntíman hefur þekkst.

[Ómar Bjarki Kristjánsson, 10.11.2010 kl. 18:03]

Ps. og 1999-2003 eru aðeins lítillega minni vanskil en nú er.  (það er aðallega 2006-2007 sem sker sig úr með lítil vanskil á þessu tímabili þ.e. 1992-2009)

[Árni Gunnarsson, 10.11.2010 kl. 18:10]

"Okkur" hverjum er þetta ofviða? Settu íbúðaeigendur þjóðina á hausinn? Fengu ekki bankarnir innheimtu íbúðalánanna fyrir ca 50% af nafnverði? Hafa bankarnir ekki verið að skila milljarða hagnaði ? Eiga íslenskir íbúðaeigendur að styrkja bankana eins og einhverjar líknarstofnanira' Hvað kostar það íslenska ríkið ef þúsundir heimila fara á vonarvöl umfram þau sem nú eru komin þangað?

Norræn velferðarstjórn eða hvað sem þetta móverk í stjórnarráðshúsinu kallar sig - verður að skilja að hún fékk umboð frá fólki en ekki fésýslustofnunum.

Kannski getur þú upplýst mig um einhverja endurreisn samfélagsins sem komin er í gang á vegum- eða með aðstoð þessara banka.

Og ég hef enga samúð með þessum lífeyrissjóðum. Hversu miklum fjármunum tapa þeir á tímum atvinnuleysis?

Þessir lífeyrissjóðir eiga að gera svo vel og koma hressilega til skjalanna þegar sjóðsfélagar standa frammi fyrir neyðarástandi.

[Karma (IP-tala skráð) 10.11.2010 kl. 18:15]

Það kostar líka 0 kr. að gera ekkert = besta leiðin?

[Hvumpinn, 10.11.2010 kl. 18:29]

Það er búið að taka vaxtabætur af flestum í landinum, nema rétt þeim lægstlaunuðu og þeim sem keyptu húsnæði og skuldsettu sig uppí rjáfur á árunum 2006-2008.  Hinir hafa engar og munu engar fá, það verður stungið dúsu uppí þá sem fá vaxtabætur núna.  Aðrir éti það sem úti frýs.

[Ómar Bjarki Kristjánsson, 10.11.2010 kl. 18:34]

Auðvitað er best og skynsamlegast að framkvæma svona aðgerðir í gegnum skattakerfið.  Þessi flata vitleysa var alltaf bara það.  þ.e. vitleysa.  Það sá hver maður með smá hugsun.

Það sem er í raun umhugsunarvert er, afhverju það varð slík hystería í kringum áróðurinn.    

[Sigurður Sigurðsson, 10.11.2010 kl. 22:50]

Á maður síðan að hlaupa upp til handa og fóta og samþykkja þetta möglunarlaust. Sérstaklega i ljósi þess hverjir sitja í þessari nefnd. Allir á vegum hagsmunaaðila sem sem auðvitað eru að passa sína hagsmuni. Enda skilar fulltrúi hagsmunasamtaka heimilina séráliti.