Mikil er viska Sigmundar Davíðs!

Alveg er makalaust að hlusta á Sigmund Davíð og reyndar fleiri eins og Þór Saari í kvöld. Þeir vita allt svo miklu betur en þetta fólk sem var að reikna út þessa möguleika. Sigumundur segir ekkert á þessu að byggja og þeir sem reiknuð eigi að taka þetta og hitt inn og þá komi allt önnur mynd út. Eins með Þór Saari. En þetta voru nú óvart menn sem vinna við þetta. Þeir byggðu á bestu fáanlegu heimildum en bæði Sigumundur Davíð og Þór Saari geta bara fullyrt að þetta sé bara vitleysa svona án þess að rýna í þessar tölur. Alveg að fá upp í háls af svona vinnubrögðum.

Þessi hópur sem var að skila af sér var ekki að leggja til eina eða neina leið heldur er það stjórnmálamanna að finna réttu blönduna. En skv. niðurstöðu nefndarinnar hefði leið framsóknar með 20% lækkun lána kostað okkur minnst 220 milljarða og hjálpað um 30% heimila í vanda. Hvað hefði átt að gera fyrir hina? Og hvernig? Engir peningar eftir.

Síðan má alveg nefna það að það er kannski óþarfi að meta vaxtalækkunarleiðina svona dýra því að ef við göngum í ESB þá eru líkur á að við kæmust strax í myntsamstarf þar sem krónan er bundin evru og þar með er verðtrygging úti sem og að við fengjum sambærilega vexti og aðrir með evru. Skv. fréttum í dag reiknar ESB með að við myndum taka upp evru eftir inngöngu mjög fljótt. Sbr. frétt af pressan.is

Stækkunarstjóri Evrópusambandsins býst við að Íslendingar hefji undirbúning að upptöku evru fljótlega eftir að landið fær aðild að sambandinu.

Samkvæmt frétt frá Bloomberg fréttastofunni þyrftu Íslendingar, sem leita hjálpar til að ná efnahagslegu jafnvægi í kjölfar bankahrunsins,  að tengja krónuna við evru í að minnsta kosti tvö ár áður en þeir gætu fengið aðild að sameiginlegu myntkerfi.

Útreikningar sem ekkert segja

Athugasemdir

[Páll Gíslason (IP-tala skráð) 11.11.2010 kl. 00:13]

En gæti hann ekki haft rétt fyrir sér? Það er ekki verið að gefa neinum peninga og auðvitað á ekki allur kostnaðurinn að lenda á skattgreiðendum eins og reiknað er með þarna.

Það er verið að leiðrétta lánin. Þetta er eina leiðin sem mun hjálpa fólki í raun, það er ekki þeim að kenna að lánin hækki um helming. Ef þú ferð og verslar í bónus ódýrt þá er það ekki þér að kenna ef Bónus fer á hausinn þó þú verslir við hana þegar hún bíður svona ódýrt?

Eins og Sigmundur bendir á þá eru bankarnir núþegar búnir að afskrifa töluvert mikið af skuldunum, ekki er tekið tillit til jákvæðra áhrifa og fleira. Það er fáránlegt ef allir skattgreiðendur eiga að borga skuldir sínar í topp þegar skuldirnar hafa margfaldast, bankarnir bera mestu ábyrgðina og verða að taka hana

[Gissur Jónsson, 11.11.2010 kl. 00:41]

Já þú hittir naglann svo sannarlega á höfuðið í fyrirsögninni. Og það sem meira er að líklega er Sigmundur Davíð jafnframt einn best menntaði Alþingismaður sem við eigum. Þar sem að saman fer viska og góð menntun ætti fólk að hlusta.

Það bera vel unnar efnahagstillögur Framsóknar með sér og eins tillögur að þjóðarsátt sem ég efast ekki um að þú hafir kynnt þér Magnús Helgi.

[Helga Kristjánsdóttir, 11.11.2010 kl. 00:55]

   Það skákar engínn Sigmundi í reikniskúnstum. Hefði ríkisstjórn Jóhönnu farið eftir hans tillögum í upphafi stjórnartíðar sinnar,varðandi bankana                 væri staðan allt önnur og betri.