Ætli margir tala um þetta?

Svona að velta fyrir mér í framhaldi af þessari frétt um að Icesave sé mikið rætt á facebook hvort að eftirfarandi komi þar fram.

• Ef að sagt verður NEI við icesave ábyrgðinni gerir fólk sér grein fyrir því að ef að málið fer fyrir dóm og það ferli allt saman taki 3 til 5 ár eins og sagt er og síðan töpum við því. þ.e. að við verðum dæmd til að greiða þá skellur á okkur kannski 5 til 7 ára uppsafnaðir vextir. Nú í dag er talið að vextir frá 2009 til dagisns í dag séu hvað um 26 milljarðar. Það er fyrir 2 ár með 3% vöxtum. Ef við erum að tala um 5 til 7 ár þá myndu gjaldfalla á þjóðinna árið 2016 til 2018 bara um 100 til 150 milljarðar. Því að höfustóll Icesave verður þá óhreyfður og ber vexti allan þann tíma. Þ.e. óheimilt verður að taka úr þrotabúinu á meðan þetta mál stendur yfir. Þetta er miðað við vaxtakjör sem okkur bjóðast í dag í þessum samning sem eru 3%. En gæti náttúrulega verið enn meiri því að Bretar og Hollendingar geta heldur ekki tekið úr þrotabúi upp í það sem var greitt yfir lágmarksinnistæðurtryggingu. Þannig að við gætum verið að tala um að þegar dómsmáli lýkur gætum við verið með vexti gjaldfallana upp á kannski 300 til 400 milljarða vegna þess tíma sem dómsmálið stendur yfir sem og 2008 til 2011. Þett myndi þá þurfa að greiðast strax eða bætast við höfuðstólinn þannig að þá værum við að tala um skuld okkar upp á 1000 milljarða kannski auk þess sem að Bretar og Hollendingar fengju sína upphæð úr þrotabúinu þ.e. um 660 milljarða.
• Eins hvað það myndi kosta okkur í minni hagvexti og atvinnuleysi. Því erlendir fjárfestar láta náttúrulega kanna fyrir sig líklega útkomum úr þessum dómsmálum og kæmu ekki með fjármagn nema gegn einhverjum vildar samningum, því að við værum land sem væri ótryggt að fjárfesta í. Hvað heldur fólk að það ástand kosti okkur í minni hagvexti og atvinnuleysi. Tugi milljarða? Hunduruð milljarða? Ég mundi áætla að það kostaði okkur nokkur hundruð milljarða.

Margir ræða um Icesave á Facebook

Athugasemdir

[Óskar Helgi Helgason (IP-tala skráð) 5.4.2011 kl. 15:19]

Sæll; Magnús Helgi !

Ég hygg; að þú getir alveg sparað þér Dómsdags þuluna, um kröfur Breta og Hollendinga, á hendur Íslendingum, Kópavogsbúi góður.

Virtu fyrir þér; veraldar líkanið - og sjá; hversu margar fyrrum nýlendur Breta og Hollendinga eiga ENN,, óuppgert tjón fyrri tíðar, sem þessir Evrópsku rummungar voru valdir að, á þeim slóðum.

Ætli stæði ekki í; þessum gerfi- Konungdæmum Evrópsku, að gera upp við : Indverja / Indónesa / Nígeríumenn, auk fjölmargra annarra, ef út í væri farið ?

Og; hví í ósköpunum, hafa þessar hetjur þínar, ekki ENN hafið dómsmál á hendur Íslendingum - þ.e., Bretar og Hollendingar, Magnús minn ?

Burt séð; frá öllu öðru, vel að merkja !?!

Með ágætum kveðjum, í norðanverða Gullbringusýsluna /

Óskar Helgi Helgason

 

[Halldór (IP-tala skráð) 5.4.2011 kl. 15:44]

Það er merkilegt að fylgjast með því að öll rök og útreikningar eru já-megin, það eina sem nei-liðar setja fram eru dylgjur, þjóðrembingur og útúrsnúningur, enda er ekki í nokkur einustu rök að grípa hjá þessu ágæta fólki.

[Númi (IP-tala skráð) 5.4.2011 kl. 18:13]

Magnús málefnanlegi,hvaða bullumeistari matar þig á svona þvælu.?

Bullumeistari.? ert það þú sjálfur sem ert að ljúga svona að sjálfum þér.

[Magnús Helgi Björgvinsson, 5.4.2011 kl. 20:31]

Númi svona tala menn sem ekki hafa nein rök. Bara skítkast og leiðindi.

Ætli ég hafi ekki lesið nokkur þúsund blaðsíður um Icesave. Ég hef kynnt mér álit allar sérfræðinga sem unnu að þessu máli og gáfu álit til fjárlaganefnda.

Ég aftur kaupi ekki rök nokkra leikmanna og lögfræðinga sem engin er sérfræðngur í þessum málum.

Ég er ekki sérfræðingur, langt í frá en ég tel að Alþingismenn séu búnir að kynna sér málið vel, 70% þeirra samþykktu Icesave og það gerðu þeir ekki að gamni sínu heldur var þaðkalt hagmunamat á því hvað kæmi sér best fyrir þjóðinna. Þeirri niðurstöðu kýs ég að fylgja eftir að hafa kynnt mér málið eins vel og ég get.

[BR (IP-tala skráð) 5.4.2011 kl. 21:09]

Gæti orðið skondið að sjá framan í þá sem vilja ekki "skuldbinda barnabörnin" sín (alveg fram til ársins 2016!) útskýra það fyrir sömu barnabörnum hvernig þau eiga að borga fleiri hundruð milljarða fyrir nei-atkvæði afa og ömmu!

Ef það væri ekki sorglegt.

[Viðar Friðgeirsson, 6.4.2011 kl. 09:13]

Magnús Helgi.

Hvað segir þú um þetta?

Landsbanki Íslands var með fulla tryggingu hjá breska tryggingasjóðnum."skýrteini FSA No.207250"  

Full trygging þýðir að viðskipavinir Landsbankans í London nutu algjörar verndar breska tryggingasjóðsins.

"Consumers in the United Kingdom could (thus) be sure of the level of protection they had. We would confirm that the FSCS will pay compensation to the maximum limits, irrespective of the size of the levy paid to them".

Þessi klausa  er tekin úr bréfi frá FSA, sem er breska fjármálaeftirlitið ef þér skyldi ekki vera kunnugt um það. 

Bendi þér og öðrum Já-mönnum t.d. Halldóri nr 2 hér á síðunni þinni, á að lesa málefnalega umfjöllun Ómars Geirssonar að undanförnu, en þessi klausa er einmitt tekin beint úr einu slíku, þar sem þið stærið ykkur af því að kynna ykkur þetta málefni vel og vandlega.

Þetta segir okkur að breski tryggingasjóðurinn greiddi út allar Icesave innistæðurnar samkvæmt skilmálum en ekki breska ríkið sem nú vill að við greiðum þeim þær líka án þess að þeir hafi nokkurn tíma lagt út fyrir þeim.

Frábær flétta hjá bretum, finnst þér ekki?