Ég bara neita að trúa því að þetta verði útkoman

• Ég bara trúi því ekki að þjóðin kjósi óvissu næstu árin. 
• Ég bara trúi því ekki að fólk sé tilbúið að fórna því að koma þessu máli í fastan farveg með vörnum þannig að ekki þrengi um of að okkur vegna greiðslan ef að illa fer. Þ.e. framlengin á greiðslum í allt að 30 ár.
• Ég bara trúi því ekki að fólk taki frekar mark á fullyrðingum NEI sinna þegar allir sérfræðingar sem komið að þessu máli hvetja okkur til að samþykkja það. En þeir sem standa fyrir Nei áróðri hafa ekki einu sinni rætt við fulltrúa Breta og Hollendinga. Né eru sérfræðingar í evrópskum lögum.

Nú er ástæða til þess að minna allt hugsandi fólk að þyrpast á kjörstað og segja já til að leggja fram sitt til að koma þessu Icesave frá þannig að hægt verði að halda hér áfram.

Verð reyndar að segja að niðurstaða þessarar sömu könnunar um fylgi flokkana veldur því að ég vildi gjarnan vita hvernig valið var í það úrtak sem spurt var. Finnst ótrúleg sveifla í fylgi flokkana miðað við fyrri kannanir sem gerðar voru fyrir 2 vikum.

Í sömu könnun kom fram að ef gengið yrði til alþingiskosninga nú fengi Sjálfstæðisflokkurinn um 40 prósent atkvæða, Framsóknarflokkurinn um 16 prósent, Samfylkingin um 17 prósent, Vinstri grænir tæp 13 og Hreyfingin tæp 5.

Því finnst mér líklegt að þetta sé úrtak úr viðhorfshóp þar sem er fólk á aldrinum 18 til 67 ára. Minnir að það sé yfirleitt hjá MMR. Og því séu há skekkjumörk.

57% ætla að segja nei

Athugasemdir

[Guðmundur Ásgeirsson, 6.4.2011 kl. 19:15]

allir sérfræðingar sem komið að þessu máli hvetja okkur til að samþykkja það

Ekki satt. Fjöldi sérfræðinga sem hafa kynnt sér málið hafa líka ráðlagt okkur að hafna samningnum. Þetta er alls ekki einhlítt.

En þeir sem standa fyrir Nei áróðri hafa ekki einu sinni rætt við fulltrúa Breta og Hollendinga.

Þetta er alls ekki rétt. Við sendum meðal annars bréf til yfirstjórnar ESB þar sem lagðar eru fram spurningar og óskað skýringa þeirra á málinu. Afrit af bréfinu fóru til hollenskra og breskra ráðuneyta, þingmanna og fjölmiðla.

Ennþá er beðið eftir svari.

Né eru sérfræðingar í evrópskum lögum.

Við höfum einmitt gætt þess að ráðfæra okkur við sérfræðinga í evrópskum lögum, þar á meðal háskólaprófessora. Eins og aðrir sérfræðingar eru þeir heldur ekki allir sammála. Einn sem við töluðum við var ekki búinn að gera upp hug sinn, aðrir segja nei og sumir segja já.

Það sem þessi "ráðgjöf" hefur sýnt okkur er að óvissan um hvað sé réttast minnkar ekki við að ráðfæra sig við sérfræðinga. Það sem hver og einn verður að gera er að kynna sér málið og beita eigin dómgreind.

[Óðinn Þórisson, 6.4.2011 kl. 19:18]

Að segja nei er besta ástæðan til að þjappa ríkisstjórninni saman um að halda áfram að gera ekki neitt enda hefur hún notað það sem sem sína helstu skýringu að gera ekki neitt að ekki sé búið að ljúka icesave

[Þórður (IP-tala skráð) 6.4.2011 kl. 19:26]

Þú þarft ekki að trúa þessu Magnús, niðurstaðan verður enn verri fyrir þig en niðurstaða MMR. Þetta fer svona 65% nei á móti 25% já. Því er niðurstaða könnunarinnar hóflega metin.

[Sveinn R. Pálsson, 6.4.2011 kl. 19:28]

Það er ekki búandi hérna, það er svo mikið af vitleysingum.

[Gunnlaugur Ingvarsson (IP-tala skráð) 6.4.2011 kl. 19:51]

Þú mátt alveg neita að trúa þessu svona Magnús. Þú getur líka alveg hætt að trúa á lýðræðið ef og þegar að það passar ekki stöðluðum skoðunum þínum og Samfylkingarinnar.

Það breytir engu því að meirihluti þjóðarinnar mun taka upplýsta ákvörðun um að kolfella ICESAVE III þrælasamninginn og fljótlega mun líka enn stærri meirihluti þessarar sömu þjóðar vísa ESB ruglinu útí hafshauga líka það verður meira að segja líka fyrr en seinna !

Þú mátt alveg neita að trúa því líka Magnús og þér væri alveg trúandi til þesws.

En lýðræðið mun samt að lokum líka sjá svo um að það mun samt gerast hver sem trúarbrögð þín annars eru eða verða!

[Baldur (IP-tala skráð) 6.4.2011 kl. 20:03]

40% tóku ekki afstöðu. Það er ansi hátt hlutfall óákveðinna. Sjáum bara til hvað úr kjörkössunum kemur.

[Hrafn Arnarson (IP-tala skráð) 6.4.2011 kl. 20:07]

Auðvitað er þetta möguleiki, Magnús. Það er fjölmargt sem hefur áhrif á hvað fólk  kýs. Það er ofsafengin reiði í þjóðfélaginu og hún birtist m.a. í andstöðu við Icesave-samninginn. Fólk vill greiða skuldir glæpamanna sem tókst næstum að setja landið á hausinn. þessir glæpamenn ganga enn lausir og lifa við mun betri kjör en þorri landsmanna. Það er einnig mikil reiði gegn bretum. þeir beittu Ísland mikilli hörku og hafa leynt og ljóst beitt sér gegn íslenska ríkinu. Ef meirihluti segir nei mun flókin atburðarás fara af stað. Það er ljóst að hagvöxturinn sem Hagstofan hefur spáð mun ekki eiga sér stað. Óvissa verður á vinnumarkaði. Líklega verður boðað til kosninga. 70% þingmanna eru í andstöðu við þjóð sína í miklu deilumáli. Formaður Sjálfstæðisflokksins og stór hluti þingmanna flokksins hlýtur að segja af sér. í nýrri stjórnarskrá verður að skilgreina hlutverk forseta lýðveldisins. Við taka mörg ár deilna fyrir dómstólum hér og erlendis. (Lögmannsstofur græða milljarða!!) 

[Rekkinn (IP-tala skráð) 6.4.2011 kl. 20:56]

"Sjáið og þér munuð trúa" Sérðu nokkuð að viti Maggi minn svona í gegn um krúsarfjandann. Þetta er alveg orðið geirnelgt síðan þið yes menn skiptuð Villa og Gylfa inná. Svipað og bjóða barnaðerra velkominn á róló.

[Tryggvi Marteinsson (IP-tala skráð) 6.4.2011 kl. 21:13]

Því miður gæti þetta gerst. Sjálfur þekki ég fólk sem er svo reitt vegna aðgerðaleysis lögreglu, dómstóla og saksóknara gagnvart þeim glæpamönnum sem komu okkur í þessa stöðu og á ég þar við Davíð Oddsons og Björgúlfana ásamt fleirum, að þeir segja nei við öllu. Við fáum sennilega að sitja hér með tólgarkertin í framtíðinni.

[Jón Flón (IP-tala skráð) 6.4.2011 kl. 22:07]

Voðalega eruð þið vitlaus að halda að það að fella þennan samning þýði böl til framtíðar. Þessir peningar sem Bretar og Hollendingar telja okkur skulda sér eru í raun smáaurar í þeirra hagkerfi og það er enginn að fara markvisst að legga heila þjóð í rúst yfir þessu. Ísland er ekki að fara að breytast í Kúbu og við erum ekki að fara að borða gras næstu áratugina. Heimskulegar samsæriskenningar.

[Jón Steinar Ragnarsson, 6.4.2011 kl. 22:18]

Magnús, ætlarðu að lofa mér því að ef samningnum verður hafnað að loka blogginu þínu, halda kjafti og helst flytja til fyrirheitna landsins í ESB í stað þess að heimta að allir fylgi þér rænulausum?

Það væri mikið mannúðarverk ef þú gerðir það.

[Jón Steinar Ragnarsson, 6.4.2011 kl. 22:55]

Já og ef ég má, þá vil ég stinga upp á landi fyrir þig.  Ég er ekki svo illkvittinn að mæla með Grikklandi, því þar er allt farið fjandans til, nú eða Írlandi þar sem allt er á leiðinni fjandans til.  Nei, ég mæli með Portúgal. Að vísu er bjórinn orðinn dýrari þar en hér en þeir fá að borga eins og þeim lystir í bankahítina. Skuldatryggingarálagið þeirra er ekki nema þrisvar sinnum hærra en hér enda borga þeir ekki nema um 10% vexti af "björgunarlánum" ESB og AGS. Það' erjú ekki nema um 5 sinnum hærra en Svíar þurfa að borga, en þeir eru jú bara með einhverja ömurlega krónu.

Ef slaveríið í Portúgal er ekki nógu mikið, þá horfir til enn hentugri aðstæðna fyrir þig á Spáni, verandi svona marsúkisti, sem þú ert, en svo má vænta þess að Ítalía verði enn stærri smellur og paradis fyrir menn eins og þig. 

Hvað segirðu? Á ekki að skella sér?

[Skúli (IP-tala skráð) 6.4.2011 kl. 23:44]

Voðalega getur fólk verið dónalegt og ofsafengið hér á blogginu (ekki í fyrsta sinn, en það er mjög áberandi núna).  Það virðast allir svo innilega vissir um hvað sé best að gera og hvernig þetta muni fara og að allar aðrar skoðanir séu beinlínis rangar.  Fólk er rakkað niður fyrir að hafa sínar skoðanir í þessu máli sérstaklega.  Reynið kæru bloggarar að bera virðingu fyrir hver öðrum!  Það er enginn vitlaus fyrir að hafa sína skoðun, það er algjörlega óvitað hvernig kosningin fer og hvað gerist í framhaldinu.  Það er eru heldur engar flokkslínur í þessu máli, flokkar eru allir klofnir.  Og Gunnlaugur Ingvarsson, það er gott að þú getir nú talað máli meirihluta þjóðarinnar þrátt fyrir að ekki er búið að kjósa um neitt ennþá!  Ert þú kannski þjóðin?  Eru aðrar skoðanir ómerkilegri en þínar?  Hvurslags umræða er þetta eiginlega?

[Friðrik Hansen Guðmundsson, 7.4.2011 kl. 00:52]

Sæll Magnús

Þetta er skoðanakönnun, ekki úrslit. Það veit enginn enn hvernig þetta fer.

Hvernig svo sem þessar kosningar fara þá þurfum við öll að halda áfram á sunnudaginn þannig að öll þurfum við að gæta hófs í orðavali.

[Magnús Helgi Björgvinsson, 7.4.2011 kl. 01:12]

@ Skúli ég er sammála þér varðandi hvernig fólk talar. Ég þarf stundum að gæta að því sem ég segi þó ég reyni að gæta mín ávalt hér á blogginu og í athugsemdum. Það er nefnilega reynsla mín að þeir sem eru einna verstir í skrifum sínum og orðbragði hafa lítið fyrir að kynna sér málin.  Svona eins og menn hér að ofan sem segja:

 Þetta fer svona 65% nei á móti 25% já. Því er niðurstaða könnunarinnar hóflega metin

Ef að þetta væri niðurstaða þá væru kosningarnar væntanlega ógildar þar sem að það vantaði 10% upp á að öll atkvæði hefðu verið talin.  

Og ég skil ekki Gunnlaugur Ingvarsson þegar hann er að segja að ég trúi ekki á lýðræðið. Ég var að segja að neitað að trúa að úrslitin yrðu svona ég var ekkert að tala um lýðræði. Auðvita verður það meirihlutin sem ræður.

En svona bítur ekkert á mig þó menn hreiti í mig ónotum. En góðar rökræður við fólk sem hefur andstæðar skoðanir eru skemmtilegar þó þær geti orðið harðar á köflum

Og ég veit að þessi skoðanakönnun eru ekki úrslit. Einmitt þessvegna sagði ég að ég neitaði að trúa að þetta verði úrslit á laugardaginn.

[Kristinn M (IP-tala skráð) 7.4.2011 kl. 08:35]

Þeir er hófværir sem segja 65% Nei. Það ver a.m.k. 70% Nei við Iceslave 3 eftir hótunar útspil ASI og SA

Skál á laugardaginn  og leysum Island úr rústum án þess að auka lántökur, förum svo að handsama BJÖGGAANNA og koma þeim bak við lás og slá.. sem og aðra hrun-glæpamenn

[Baldur (IP-tala skráð) 7.4.2011 kl. 09:53]

http://www.makepovertyhistory.org

Þetta mál snýst um óendanlega miklu stærri hluti en Ísland og Íslendinga. Sem andlega sinnaður og ekki illa greindur maður, ættir þú að sjá það þorir þú að taka niður flokksgleraugun og heilaþvottinn, sem allir verða fyrir barðinu á, því áhrifagirni er hluti af mannlegu eðli, og horfa í staðinn með þeim augum berum sem Guð gaf þér. Þá muntu sjá um hvað málið snýst í raun og veru. Ég mun kjósa nei við Icesave þrátt fyrir að búa ekki einu sinni á Íslandi, hafa lifibrauð mitt annars staðar, og vera ekki á förum heim af ákveðnum ástæðum. Íslensk flokkapólítík kemur mér heldur ekkert við og ég er milljón prósent vinstrisinni og það nánast eldrauður, þó ekki kommúnisti. En ástæðan að ég kýs nei er sú að annars gæti ég hvorki litið í spegil né sofnað á nóttunni, og sá sem gengur fram af sér og svíkur samvisku sína borgar fyrir það með tjóni á geðheislu sinni, og ég efast um að ég gæti lifað við þá ákvörðun lengi. Ég hef nefnilega komið til Afríku og horft í augun á fólkinu þar. Og ég veit nóg um alþjóðlega lögfræði til að vita og skilja hvaða fordæmisgildi okkar mál mun hafa í málaferlum Afríkuríkja gegn kúgurum sínum í þessari herferð um afnám skulda þeirra. Ég vil geta lifað með sjálfum mér og kýs því nei takk.

[Baldur (IP-tala skráð) 7.4.2011 kl. 09:56]

Afsakið, þessi orð voru ekki ætluð þér. Ég copy/pasteaði þau víst óvart hingað en þau voru fyrir annan bloggara.

Þér er held ég því miður ekki viðbjargandi á næstunni. Þú ert of langt leiddur frá sjálfum þér og því sem kallast siðferði. Enda færðu borgað með einu eða öðru móti fyrir þennan áróður þinn frá vinnuveitendum þínum, sem allir geta komist að hverjir eru með að skoða bloggið þitt, því þú hefur ekki vit á að fela það.  Þú hefur allt þitt lifibrauð frá þessum mönnum og þorir ekki að missa vinnuna á erfiðum tímum sem þessum og gerir hvað sem er til að halda henni. Það er vonandi þú fáir ríflegan bónus, því það eru aumir silfurpeningar fyrir að hunsa þitt eigið hyggjuvit og þína eigin sál.