Þetta fer nú að vera brandari.

Ég held að það verði aldrei sátt um þennan veg héðan í frá. En þessi fundarhöld og hver sé velkominn á hann og ekki og hver hafi verið boðaður og ekki er nú orðinn að brandara.

Frétt af mbl.is

  Mosfellsbær boðar opinn kynningarfund um Helgafellsveg
Innlent | mbl.is | 10.2.2007 | 17:15
Mosfellsbær boðar til opins kynningarfundar um Helgafellsveg, sem mikill styr hefur staðið um undanfarið, á þriðjudaginn klukkan 17, og eru allir boðnir hjartanlega velkomnir á fundinn, að því er segir í yfirlýsingu frá bæjarfulltrúum Sjálfstæðisflokks og VG í Mosfellsbæ nú síðdegis.

Yfirlýsingin er svohljóðandi:

„Vegna fundar Varmársamtakanna um Helgafellsveg inn í Helgafellshverfi.

Í vikunnu boðuðu Varmársamtökin til „almenns borgarafundar“ um málefni Helgafellsvegar inn í Helgafellshverfið. Fundurinn átti að eiga sér stað í dag, laugardaginn 10. febrúar kl. 14:00. Bæjarfulltrúar Sjálfstæðisflokks og Vinstri grænna í bæjarstjórn Mosfellsbæjar fengu hvorki tilkynningu né boð um að mæta á fundinn og sitja í pallborði, fyrr en að morgni fundardagsins. Vegna annars fundar og þessa skamma fyrirvara sáu þeir sér því ekki fært að mæta.

Í vikunni var fólki meinað á fund á vegum bæjarinns og svona heldur þetta áfram.

Mosfellsbær boðar opinn kynningarfund um Helgafellsveg

Athugasemdir

[Guðmundur H. Bragason, 10.2.2007 kl. 18:51]

Enda ekkert athugavert við þennan veg drengir Bráðnauðsynleg framkvæmd á svæðinu ykkur að segja sem fer framhjá Álafosskvosinni en ekki í gegnum hana eins og haldið er fram. Þið sjáið þetta mjög vel á yfirlitsmyndinni. Þarna er nú vegur fyrir og s vo beygir nýji vegurinn af honum og upp í Helgafellshverfið. Mjög vel hannað mannvirki ykkur að segja

[Magnús Helgi Björgvinsson, 10.2.2007 kl. 19:02]

Þetta í sjálfusér kemur mér ekki við. En hefði haldið að hægt væri að semja um svona framkvæmd við fólkið sem býr þarna sem og fólkið í Mosfellsbæ þyrfti að vera sammála þessu. Mér skilst að það sé ekki nema svona 20 til 50 metrar frá því sem vegurinn er næst húsunum. Hefði ekki verið hægt að hnika þessum vegi til og fá þá um leið frið um þessa framkvæmd? Eða taka þennan veg inn í þetta nýja hverfi annarstaðar frá?

[Grétar Amazeen (IP-tala skráð) 10.2.2007 kl. 22:54]

Það er ekki til siðs að taka mark á skoðunum fólksins þegar ákvarðanir eru teknar.