Já miklu betra að þegja um vandamálin

Finnst nú að ríkisstjórn og framkvæmdarstjóri Íbúðalánastjóðs ættu nú kannski að átta sig á að það er einmitt þessi ömurlega leyndarhyggja sem hér er allt að drepa. Ef það það er ekki rætt um þennan vanda þá verður aldrei neitt gert. Og Íbúðalánastjóður getur ekki endalaust verið rekin með tapi í ríkisábyrgð.

Tölum um hlutina og leysum þá. Ekki reyna að þegja málin í hel. 

Óheppileg ummæli Sigríðar

Athugasemdir

[Gunnlaugur I., 27.11.2012 kl. 21:03]

Það er enginn að tala um að Íbúðalánasjóður eigi ekki við einhverja erfiðleika að stríða. Sama má segja um gjaldmiðil okkar krónuna.

Það bætir þó ekki úr þegar þjóðin á óhæfa og ábyrgðarlausa stjórnmálamenn eins og forystumenn Samfylkingarinnar sem apa og gapa eitthvað út í loftið við erlenda fjölmiðla um "ónýtan gjaldmiðil" og "ónýtna Íbúðalánasjóð"

Þetta er algerlega óábyrgt og ábyrgðarlaust gjammm af þeim sem heita eiga forystumenn þjóðarinnar.

Það er alveg ljóst að Samfylkingin sjálf, ein og sér og óhæfir forystumenn hennar, eru út af fyrir sig stærsta og versta efnahagsvandamál þessarar þjóðar.

Þjóðin þarf að kjósa þessa þjóðhættulegu óværu af sér í næstu kosningum !

[Eggert Guðmundsson, 27.11.2012 kl. 23:16]

Þessi þingmaður er líkleg til að bjóða sig fram til formanns SF. Það er greinilegt að mannvalið er ekki mikið hjá þeim, ef Sigríður leggur í þann slag. En  það má segja að það þurfi ekki að vera fela stöðuna hjá Íbúðalánasjóði. Jóhannna S. hefur verið með þennan málaflokk lengi og var með hann í síðustu Ríkisstjórn þannig að það kemur ekki á óvart þessi staða.

Heiðarlegast er að lýsa sjóðinn gjaldþrota og stofna nýjan sjóð. Ef verðtrygging tapast í málaferlum er sjóðurinn gjaldþrota margsinnis og ríkið hefur ekkert efni á að greiða kröfur sem munu verða gerðar og á ekki að gera það.

Sigríður hefði átt að minnast á dómsmál gegn ríkinu og verðtryggingu og tala þannig umstöðu sjóðsins.  Hún hefði átt að ræða um verðtryggingu og baráttumál forsætisráðherra  hennar til margra ára sem hefur gleymst í stjórnartíð hennar.

[Grímur (IP-tala skráð) 28.11.2012 kl. 04:54]

Spurningin er hver ber ábyrgð á því að sjóðurinn stendur ekki undir sér. Hver lánaði fyrir yfir 110% af virði fasteignar einsog staðan er fyrir minst 300 miljarða af lánum íbúðarlánsjóðs.

Afhverju þarf eiginfé að vera 5% - þessir 13 miljarðar eru bara byrjunin og allt er verður það borgað af almenningi - stjórnmálmen tala um að "þeir" séu að bjarga sjóðnum og stjórnin segir í mesta lagi af sér til að "axla ábyrgð"

[Gauti (IP-tala skráð) 28.11.2012 kl. 09:34]

Eigendur bréfanna og aðrir markaðsaðilar gerðu sér fyllilega grein fyrir stöðu Íbúðalánasjóðs í dag og hafa raunar fylgst með þröngri stöðu hans í að verða 4 ár. Það sem Sigríður sagði var annað og meira. Hún talaði um að t.a.m. afnema ríkisábyrgð af bréfunum og heimila uppgreiðslu þeirra og annað sem rýrir verðgildi slíkra bréfa. Og raunin varð sú að þegar verst var í gær höfðu bréfin tapað u.þ.b. 8-10% af verðmæti sínu sem gera ca. 55 Ma. af eignum lífeyrissjóðanna okkar. Það er gjörsamlega óþolandi og ólíðandi ef stjórnmálamaður sem er í þeirri stöðu að taka ákvarðanir um Íbúðalánasjóð geti ekki talað af varfærni um málefni hans.

[Sigrún Guðmundsdóttir (IP-tala skráð) 28.11.2012 kl. 15:32]

Tja, fyrr má nú rota en dauðrota...

Fyrir utan að það við hefðu líklega heyrt Magnús Helga og félaga syngja annan söng hefði þetta verið manneskja úr öðrum stjórnmálaflokki en samfylkingunni.