Svona virkar krónan Kafli 6

Af eyjan.is

Laugardagur 26.01.2013 - 20:06 - Ummæli (9)

Kristján Þór vill skoða alla möguleika í gjaldmiðilsmálum – Vandamál fylgja krónunni

Kristján Þór Júlíusson, þingmaður Sjálfstæðisflokksins. Eyjan/Gunnar

„Ef ekki finnst raunhæf lausn til að leysa þessi vandamál með krónunni ber okkur skylda til að skoða alla möguleika með opnum huga þ.á.m. upptöku nýs gjaldmiðils,“ segir Kristján Þór Júlíusson, þingmaður Sjálfstæðisflokksins.

Kristján Þór og Tryggvi Þór Herbertsson berjast um efsta sætið á lista Sjálfstæðisflokksins í Norðausturkjördæmi. Það kemur í ljós á morgun hvor þeirra hefur sigur úr býtum, en fyrstu tölur liggja fyrir upp úr hádegi.

Í tilefni prófkjörsins eru frambjóðendurnir spurður út í afstöðu sína til hinna ýmsu mála á vefriti fulltrúaráðs sjálfstæðisfélaganna á Akureyri, meðal annars gjaldmiðilsmálin. Kristján Þór sér ýmis vandkvæði við krónuna og vill skoða alla möguleika.

Ég hef lengi haldið því fram að verðtrygging á neytendalánum sé eitt mesta böl sem fjölskyldur í landinu þurfa að glíma við. Á sama hátt er fyrirtækjum landsins haldið í spennitreyju gjaldeyrishafta sem koma í veg fyrir fjárfestingar, vöxt og eðlilega viðskiptahætti. Ef ekki finnst raunhæf lausn til að leysa þessi vandamál með krónunni ber okkur skylda til að skoða alla möguleika með opnum huga þ.á.m. upptöku nýs gjaldmiðils.

Möguleikarnir eru þó misaðlaðandi í augum Kristjáns. Í það minnsta virðist hann ekki opinn fyrir upptöku evru með aðild að ESB, því hann telur hagsmunum Íslands betur borgið utan ESB. Vill hann að boðað verði til þjóðaratkvæðagreiðslu um áframhald aðildarviðræðna.

Tryggvi er aftur á móti eindreginn krónusinni, en telur að laga þurfi hagstjórnina.

 

Niðurstaða birt á morgun

Athugasemdir

[Ólafur Björn Ólafsson, 27.1.2013 kl. 00:47]

Hin einfalda útskýring á hlutum er svona "Árinni kennir illur ræðarinn".

Í aðeins lengra máli þá getum við sagt sem...

Ef Ísland er bátur og krónan er árin, þá fer það eftir ræðaranum hvernig báturinn gengur. En svo margir kenna alltaf árinni (krónunni) um af því hún gerir ekki eins og ræðarinn vill.

Þú mátt skilja þetta eins og þú vilt en meiningin er rétt.

Með kveðju og von um áframhaldandi frjálst fullvalda ríki utan ESB...

Kaldi