Ekki í fyrsta skipti sem að Gunnar lofar einhverju sem hann getur ekki staðið við

Nú er staðan sú að hundruð hestaeigenda eru í fullkominni óvissu í Kópavogi. Samt var Gunnar fyrir síðustu kosningar búinn að lofa þessu og auglýsa um allt hversu góð lausn þetta væri. Gleymdi smáatriðunum.

Nú er hann líka búinn að selja landið undan þeim hesthúsum sem þessir hestamenn eru í. Og þvi gæti þetta kostað Kópavog dágóðan skilding að standa við samninga.

En Kópavogsbúar geta ekki sagt að þetta komi þeim á óvart því svona hefur hann alltaf verið og þetta kusu Kópavogsbúar yfir sig þrátt fyrir varnaðar orð

Forsvarsmenn Gusts saka Kópavogsbæ um seinagang
Innlent | mbl.is | 13.4.2007 | 13:38
Á félagsfundi í hestamannafélaginu Gusti í gær var fjallað um væntanlegan flutning hesthúsahverfisins á Kjóavelli. Í tilkynningu frá félaginu segir, að fulltrúar stjórnar og framtíðarnefndar hafi á fundinum greint frá samningaviðræðum við bæjaryfirvöld í Kópavogi og sagt að erfiðlega hafi gengið að fá bæjaryfirvöld til að standa við gerða samninga og tímaáætlanir varðandi flutningana.

Forsvarsmenn Gusts saka Kópavogsbæ um seinagang

Athugasemdir

[gunnar (IP-tala skráð) 13.4.2007 kl. 15:25]

það eina sem er að er að þessar truntur fara ekki lengra en uppá Kjóavelli. Það hefði verið nær að koma þessum tindabykkjum út úr bæjarfélaginu. Leiðinda fnykur af þessum skepnum og engin þörf á að hafa þess jálka inní miðju íbúahverfi með tilheyrandi óþrifnaði og skítalykt.

[Björn Ólafsson (IP-tala skráð) 13.4.2007 kl. 15:26]

 Á félagsfundi í hestamannfélaginu Gusti sagði Gunnar Birgisson, bæjarstjóri Kópavogs, að hestamannafélagið færi hvergi og yrði á sínum stað svo lengi sem hann væri bæjarstjóri. Yfir 100 félagsmenn í Gusti klöppuðu og hylltu Gunnar fyrir. Innan 2ja vikna frá fundinum, og bæjarstjórnarkostingar yfirstaðnar, tilkynnti Gunnar Gusturum að félagsvæði þeirra yrði tekið af þeim.  Í stuttu máli, þá laug Gunnar þessu að Gustsfélögum til að forðast hugsanlegt atkvæðatap í kosningum. En hann hættir ekki þar. Undir hans stjórn er búið að gera félagsmönnum þessa fjölmenna íþróttafélags ókleift að stunda íþrótt sína. Hvað segðu þeir hjá Breiðablik eða HK ef íþróttamannvirki þeirra og keppnisvellir væru sundurtættir og jarðsprengjum komið fyrir á ólíklegustu stöðum? Við þetta þurfa félagsmenn Gusts að búa.  Það ætti að setja hlunkinn hann Gunnar á bak hesti og fara með hann í reiðtúr um reiðvegi Gustsfélaga. Það væri gaman að sjá hann mæta búkollum, gröfum, mönnum með hjólbörur, ríða með fram opnum skurðum og svo mætti lengi telja.  Ætli hrokinn færi ekki fyrir lítið hjá kappanum. Ætli hann vildi vita af barni sínu eða barnabarni ríðandi innan um þungavinnuvélar og jafn vel spreningar.

Gunnar “verktaki” Birgisson og hans tindátar ættu að skammst sín fyrir framkomu sína gagnvart einu merkasta hestamannafélagi landsins. Allt sem frá honum og bæjarstjórn hans hafa verið tóm svik og lygar.  Kannski hans líkir vilji frekar sjá ungdóm landsins ráfandi í miðbænum heldur í hesthúsum og stunda þar mannbætandi íþrótt. 

Björn Ólafs

[Björn Benedikt Guðnason, 13.4.2007 kl. 20:11]

ja hérna hér..... Gunnar..... rosalega hefuru mikið á móti hestum.... úff... ekki það að ég sé hestamaður..... en fordómar þínir sjást í mílnafjarlægð