Sigmundur Davíð á Alþingi fyrir tæpu ári

"forsætisráðherra (Sigmundur Davíð Gunnlaugsson) (F):

Virðulegur forseti. Hv. þingmaður rakti ágætlega sögu þess máls er varðar siðareglur Stjórnarráðsins. Það er rétt sem hv. þingmaður sagði, að siðareglur sem samþykktar voru 2011 og birtust í Stjórnartíðindum það ár hafa verið hafðar til viðmiðunar fyrir þá ríkisstjórn sem nú situr. Þannig fengu ráðherrar kynningu á þeim siðareglum þegar ríkisstjórnin tók við og voru þær hluti af upplýsingamöppu ráðherra sem tíðkast að afhenda nýjum ráðherrum. Menn hafa því haft þær reglur til hliðsjónar áfram.

Það er líka rétt sem hv. þingmaður nefndi að fyrir liggur nýtt frumvarp til laga um Stjórnarráð Íslands þar sem meðal annars er fjallað um siðareglur og hlutverk þeirra og mikilvægi þess að skerpa þar á. Fyrir liggur að vinna hefur átt sér stað í forsætisráðuneytinu við undirbúning nýrra siðareglna, það hefur raunar komið fram áður, en jafnframt fylgir sögunni að eðli málsins samkvæmt verði beðið með setningu nýrra siðareglna þar til frumvarpið um Stjórnarráð Íslands hefur verið samþykkt. Í millitíðinni hafa menn þessar siðareglur frá 2011 til viðmiðunar.

En auðvita er best að segja hafa fyrri siðareglur til viðmiðunar, viðurkenna þörfina á siðareglum en gera svo ekkert í því því þá þurfi viðkomandi ráðherra kannski að gefa upp viðkvæma hagsmuni

Reyndar bætir Sigmundur Davíð um betur því 2014 segir hann í svari til umboðsmanns Alþingis að siðareglur fyrri ríkisstjórnar séu í gildi: Sbr þessa klausu úr frétt á eyjan.is

Sigmundur Davíð Gunnlaugsson forsætisráðherra segir að ríkisstjórn hans vinni eftir þeim siðareglum sem samþykktar voru á síðasta kjörtímabili og að ráðherrar í ríkisstjórn hans hafi fengið kynningu á þeim þegar ný ríkisstjórn tók við í fyrravor. Siðareglurnar séu jafnframt hluti af handbók ráðherra. Sjá hér

Bar ekki skylda að segja frá

Athugasemdir

[Anna Sigríður Guðmundsdóttir, 24.3.2016 kl. 08:54]

Ekki það að ég sé að mæla með leyndarvinnubrögðum af neinu tagi, síður en svo. En það er ekki bent á í hverju vandinn liggur? Hverju hefði það breytt ef þessar upplýsingar um séreign eiginkonunnar hefðu legið nákvæmlega og sundurliðaðar fyrir frá upphafi?

Það var ekkert leyndarmál að eiginkona hans var stórefnuð, og það vissu víst flest allir frá upphafi.

Þetta er víst séreign eiginkonunnar, sem er greiddur skattur af á Íslandi. Hvernig getur það talist til skattaskjólseigna, sem greiddur er skattur af hér á Íslandi? Eru það ekki einhverjir aðrir sem ættu að vera til umræðu vegna skattaundanskota?

Eru það ekki bara skattaskjólseignir sem ekki er greiddur skattur af?

Ég er svo skilningslaus að ég fatta ekki hvað er raunverulega vandamálið með þessa peninga frúarinnar. Sem mér skilst eftir nánari útskýringar, að myndu ekki einu sinni skiptast til jafns þótt þau myndu skilja út af kaupmála um séreignir?

Snýst þetta kannski meir um að ná höggstað á Sigmundi, vegna þess að hann hlýðir ekki gömlum frekjuköllum í embættismanna og forstjórastólum? Þeir gömlu eru vanir að geta hótað öllu og öllum úr þessum siðspilltu forstjóraembættum og svikastofnunum landsins. Með aðstoð mafíustýrðra fjölmiðla.

M.b.kv.

[Ómar Ragnarsson, 24.3.2016 kl. 09:22]

Það ætluðu allir að rifna af vandlætingu yfir því þegar í ljós kom í Hruninu, að einhverjir hefðu komið fyrir peningum sínum í því, sem þá voru kölluð skattaskjól, t. d. Tortóla.

Varla hefðu þeir verið að því þá, nema af hagkvæmmnisástæðum?

[Örn Ingólfsson, 24.3.2016 kl. 09:38]

En Sigmundur er alls ekki á flæðiskeri staddur fjárhagslega því einhversstaðar urðu peningar til í hans ætt sem að mjög margir Íslendingar klóra sér í kollinum yfir hvaðan þeir komu? Kannski eitthvað frá Samvinnutryggingum eða gömlu gærunni? Nú gömul flokksforysta Simma litla lét einhverja peninga hverfa í einhver gæluverkefni eða óráðssíufjárfestingu þannig að sá almenningur sem var með tryggingar hjá Samvinnutryggingum í den til fjölda ára fengu ekki neitt endurgreitt samkvæmt blöðum heldur hurfu allir peningarnir með gæruFinni ofl, en hvert kannski til Tortóla eins og allir hinir hafa gert með sínar hundruðir milljóna, sumir með stór hús úti á Spáni með fullt af þjónustufólki?

Örninn

[Þorsteinn Jónsson (IP-tala skráð) 24.3.2016 kl. 14:33]

Ómar er með þetta eins og svo oft áður. Ég hef það haft eftir manni sem gjörþekki til þessara mála að það sé aðeins ein ástæða til þessa að fara með félag til Jómfrúareyja eða Tortóla og það séu skattsvik! Það sé engin önnur ástæða fyrir því.

Félög eru stofnuð á Tosrtóla í þeim eina tilgangi og engum öðrum en að stunda skattsvik.

Sumir vilja kalla þetta skattasniðgöngu en það er aðeins fínt fólk og fáfróðir sem vita ekki að það er nákvæmlega sama orðið og skattsvik.