Flott markmið - En fylgir þessum hugmyndum fjármagn?

Það er til fyrirmyndar að ætla að auðvelda starfsfólki að mennta sig þetta er jú liður í að fá stöðugri starfsmannahóp. En ætli þessi starfshópur hafi tryggt að Reykjavíkurborg sé tilbúin að greiða mun hærri laun. Þetta segji ég af því að ég vinn í málaflokki fatlaðra hjá ríkinu og sífellt er verið að hvetja okkur til að auðvelda starfsfólki hjá okkur að sækja launahækkandi nám en það er svo annað mál hvort að fáist þá fjármagn til að mæta auknum launakosnaði.

Þannig að það er oft sá ömurlegi raunveruleiki sem blasir við Forstöðumönnum að til að standast rekstraráætlun er best að ráða inn starfsfólk um eða undi 20 sem er á lægstu laununum.

Því er nauðsynlegt til að svona hugmyndir virki er að um leið sé hugað að því að fjármagn fylgi. Þannig má ætla að 1 leikskólakennaramenntaður starfsmaður kosti á við 1,5 til 2 almenna starfsmenn.

Vilja auðvelda starfsfólki á leikskólum að ljúka fagnámi

Athugasemdir

[Kristín Dýrfjörð, 6.6.2007 kl. 19:58]

Ég vel að trúa því að hugur fylgi máli, fannst það á Jóhönnu Sigurðar þegar hún talaði um þessar stéttir í hádegisviðtali (á stöð 2 held ég). En ég þekki sjálf frá í gamla daga, að hlutir voru ákveðnir í stjórnsýslunni sem juku við rekstrarkostnað og við áttum að töfra peninga upp úr hatti. Dæmi um það var þegar minn R listi ákvað að hafa opið á sumrin - leikskólarnir áttu að framkvæma enn fengu ekki auknar fjárveitingar. En ég trúi að fólk læri af reynslunni - og er alveg viss um að peningar fylgja með. **)

[Magnús Helgi Björgvinsson, 6.6.2007 kl. 20:22]

Jóhanna hefur náttúrulega ekkert með leiksskólamál að gera. En hjá ríkinu í málefnum fatlaðra sem heyra jú undir hana hefur ríkið ákveðið að minnst helmingur starfsmanna t.d. á sambýlum verði fagmenntaður. Ég á eftir að sjá hverning Jóhönnu gengur að fá það í gegn um dýralækninn í fjármálaráðuneytinu. En það er oft með svona yfirlýsingar eins og Reykjavík setur fram núna er sett fram af hópum sem vinna í þessum málum en síðan þurfa málin að fara í gegnum fjárlög borgarinnar og það gengur oft illa. Þetta er eins hjá ríkinu.