Voru menn ekki að tala um erlendan fjárfesti í þessu sambandi.

Minnir að það hafi nú verið hér fyrr í vikunni verið að tala um að það væri fengur fyrir Straum Burðarás að fá erlendan sterkan fjárfesti í hluthafahópinn. Meira að segja forstjóri Straums - Burðaráss sagði þetta þegar gengið var eftir því af hverju fjárfestirinn væri ekki gefinn upp. Svo kemur í ljós að þetta er bara útibú frá Landsbankanum. Og á einum degi græddu þeir um 500 milljónir. Finnst engum þetta furðulegt.

Þegar nýr hluthafalisti í Straumi-Burðarási fjárfestingarbanka er borinn saman við lista frá 21. ágúst sl. kemur berlega í ljós að Landsbankinn í Lúxemborg er skráður fyrir þeim 5,31% hlut í bankanum sem mikið hefur verið fjallað um að undanförnu. Hinn 21. ágúst var hlutur Landsbankans í Lúxemborg í Straumi-Burðarási 19,11% en samkvæmt lista frá því í fyrradag er hluturinn orðinn 24,42%. Mismunurinn er einmitt 5,31.   www.mbl.is

Landsbankinn skráður fyrir hlutnum í Straumi

Athugasemdir

[Nemandi (IP-tala skráð) 27.8.2007 kl. 09:30]

Hvað meinar þú með, að þeir hafi grætt ?

Þeir hafa ekki selt bréfin, og til að innleysa þennan hagnað, þarf að vera kaupandi að bréfunum.

Það þarf því einhver að kaupa af bankanum bréfin, til að bankinn hafi grætt.

Svo er landsbankinn lúxemborg ekki beinlínis útibú, heldur í raun dótturfyrirtæki, það þarf því alls ekki að vera að landsbankinn hér heima hafi vitað af þessum aðgerðum.

[Magnús Helgi Björgvinsson, 27.8.2007 kl. 13:42]

Er þetta ekki útúrsnúningur. Bréfin eru keypt á genginu 18,6 og hækka svo bara á næstu klukkutímum og eru í dag tæpt 21. Ég kaupi þetta ekki með að dótturfélag Landsbankans geti fjárfest fyrir tugi milljarða án þess að móðurfélagið sé með í ráðum.

Þeir gætu væntanlega innleyst hagnaðinn þegar þeir vilja þar sem verðið er vaxandi. Og ef þetta er ekki gróði eru víst fá fyrirtæki í þessum geira að græða. Því þetta eru væntanlega aukning á eignum Landsbankans.