Þessu hafa þeir stolið af okkur eins og hin olíufélögin!

Ekki nema von að N1 græði eins og þeir og önnur olíufélög eru dugleg við hækka eldsneyti þegar heimsmarkaðsverð hækkar en gleyma síðan öll að lækka það þega verð á heims-markaði lækkar eða krónan styrkist. Og við látum þá komast upp með að taka okkur í .......................

 

Hagnaður af rekstri N1

Athugasemdir

[Geiri (IP-tala skráð) 30.8.2007 kl. 21:52]

Neyðir einhver þig til þess að versla við þá?

Sem betur fer búum við í frjálsu þjóðfélagi þar sem fyrirtæki fá að ráða eigin verðlagningu. Viltu frekar að þetta verði eins og í Íran þar sem eldsneyti er skammtað? 

[Magnús Helgi Björgvinsson, 30.8.2007 kl. 22:00]

Afsakaðu við hvern á ég að versla. Það er svipuð verðlagning hjá öllum félögunum. Maður getur sparað um 60 til 100 krónum á hvern tank með því að leita uppi ódýrustu stöðinna. Þannig að ég er á því að þarna sé óbeint samráð í gangi enn. Og það er nú kannski anskoti langsótt hjá þér að miða við Írak. Ég gæti t.d. bent þér á að fullur tankur mundi kosta mig um 1000 kr í Bandaríkjunum sem er m.a. að selja olíu frá Írak. Og fyrirtæki ráða verðlagningu en meiga ekki sameinast um verð því þá er engin samkeppni.

Og ef að samkeppni væri hér virk þá ættu fyrirtæki ekki að ráða verðlagning. Það ættu að vera neytendur.

[Geiri (IP-tala skráð) 31.8.2007 kl. 04:15]

Þetta er lítill markaður á miðju Atlantshafinu, álagning olíufélagana er skiljanleg. Auðvitað er alltaf hægt að bæta samkeppni en það verður að gerast með eðlilegum hætti í samræmi við markaðslögmálin (eitthvað sem fasistarnir hjá samkeppnisstofnun skilja ekki). Nú er það bara þannig að það eru háar álagningar hjá ríkinu á allt sem tengist bílum eða eldsneyti, seinustu árin hefur 2/3 verið að fara í gróða á meðan 1/3 fer í vegakerfið.

Að mínu mati ætti ríkið að auðvelda fólki bílarekstur (því miður er það tabú í dag af því það er ekki nógu grænt) og lækka álagningar um helming. Er orðinn þreyttur á því að það sé hent milljörðum í almannasamgöngur á meðan bílaeigendur eru skattpíndir. Vegakerfið er gríðarlega mikilvægt allri þjóðinni, ekki bara þeim sem eiga einkabíla.

[Magnús Helgi Björgvinsson, 31.8.2007 kl. 07:22]

Ja álagning ríkisins er náttúrulega mjög há hér á landi það er rétt. En samt finnst mér furðulegt að vilja sætta sig við að 4 fyrirtæki á markaði flaggi öll sama háa verðinu. Minni á að þegar að Atlandsolía kom á markað gátu öll fyrirtækin lækkað verðið. Síðan þá hefur samkeppnin smátt og smátt dáið út. Ef að markaðurinn er svona lítlill hér á landi þá skilur maður ekki hverning 4 fyrirtæki geta komið sér fyrir á markaðnum. Leyfi mér að fullyrða að þetta standist ekki. Minni á að hér áðurfyrr þá voru bensín dælu menn á öllum bensínstöðvum en nú eru það almennt bíleigendur sjálfir sem dæla og greiða samt nærri fullt verð.

Ég leyfi mér að fagna því að Samkeppnisstofnun sé í gangi og vildi að hún væri öflugri. Frjáls markaður er ekki að virka í þessu tilfelli.

[Geiri (IP-tala skráð) 31.8.2007 kl. 08:36]

Það fór nú bara illa í mig fyrirsögnin hjá þér, Þó að þú sért ósáttur við verðlagið þá er enginn að stela frá þér.

Annars furðulegt að þú segir að frjáls markaður sé búinn að bregðast, í raun höfum við nefnilega aldrei látið á það reyna. Ég get lofað þér því að þessi sýndarmennska olíufélaganna er einmitt vegna þess hversu lítið svigrúm þau hafa, að það sé fyrirbæri starfandi hér í landi sem heitir samkeppnisstofnun. Ef hér væri algjörlega frjáls markaður þá væru olíufélögin örugglega löngu búin að sameinast í færri fyrirtæki, sem á endanum yrði meira hvetjandi fyrir aðra til þess að koma inn á markaðinn. En þar sem fasistastofnunin bannar slíkt þá fara fyrirtækin aðrar leið, eða það að hafa leynileg samráð.