Svo mælir Seðalbankastjóri sem boðar óbreytta tæplega 14% stýrivexti

Það er fyndið  að Davíð sem hefur nærri allan sinn tíma sem seðlabankastjóri hækkað vexti og samt ekki tekist að ná markmiðum bankans varðandi verðbólgu, leyfir sér samt að gera lítið úr öðrum. Hann segir:

“Ég segi hins vegar persónulega frá mér,” sagði Davíð, “að það að kalla hér einhverja spekinga - sem segja að lönd sem ekki hafa ráðið sínum eigin fjárhag og hafa hengt sig aftan í til að mynda dollara vegna vandræðagangs síns, að bjóða upp á það að horfa á slíka spekinga eins og naut á nývirki að bjóða upp á það sé einhverja lausn fyrir Íslendinga, mér finnst það sprenghlægilegt, satt að segja,” sagði Davíð Oddsson og bætti við: “Þetta er ekki ályktun bankastjórnarinnar, ég svona lýsi þessu fyrst að þu spyrð, mér finnst það sprenghlægilegt satt að segja.”

Samt er hann að boða að verðbólga hér verði yfirmarkmiðum a.m.k. fram á mitt næsta ár. Og hann gerir líka litið úr því að Straumur Burðarás er búinn að færa hlutbréf sín yfir í Evrur. Samt ætti hann að vita að þetta boðar væntanlega að fleiri fyrirtæki geri það líka. Og þá verður hér tvöfalt gjaldmiðlakerfi og kostnaður af krónunni færist í meira mæli yfir á okkur.

Gleymir líka að hann er bara engin sérfræðingur um þessi mál. Hann er held ég menntaður lögfræðingur.

Held að það væri hollt fyrir verkalýðsfélög hér á landi að athuga það í næstu samningum að opna á að laun verði greidd í evrum. Þannig mundi fólk tryggja sig gegn væntanlegum gengisfellingum. Því að það spá því nær allir að krónan eigi eftir að falla verulega. Síðan gæti fólk tekið erlend lán til að komast hjá þessari hrikalegu verðtryggingu. Og með þessari þróun þá værum við búin að taka í raun ákvörðun fyrir Ísland. Þá ættu stjórnmálamenn og fyrrum stjórnmálamenn í Seðlabankanum ekki möguleika á að koma í veg fyrir upptöku evru.

Fáránlegar hugmyndir að taka upp evru án þátttöku í ESB

Athugasemdir

[Johnny Bravo, 6.9.2007 kl. 15:14]

Skemmtileg grein hjá þér, en það er einmitt málið, það er forsætisráðherra sem ber ábyrgð á verðbólgunni hann getur tekið til sín eftirspurnina sem skapar verðbólguna með sköttum og ef hann notar skattana til að greiða niður skuldir ríkisins þá slær hann á verðbólgu og þá er hægt að lækka vexti sem búa til eftirspurn.

Kostnaður við krónunna, tjahh það er geggjað tap við að miss hana sem stjórntæki, við erum að gera betri hluti en evru-svæðið, mælt með vexti mínus verðbólgu.

Davíð er lögfræðingur.

Held að atvinnurekendur munu ekki samþykja laun í evrum, þegar spáð er veikingu krónur. Og ólíklegt að það náist samstaða um það hjá ASÍ.

Verðbólga án húsnæðis er neikvæð á íslandi síðustu 12mánuði.

þannig að þessar aðgerðir seðlabanka eru í raun bara til að slá á húsnæðisverð, veit ekki afhverju þú vilt betri lán en hærra húsnæðisverð. Kemur svo lítið út á eitt.

Við getum þetta alveg með fjármálinn, hafa smá trú á kerfinu sem er að aðlagast sölu banka, gengið frjálst og innflutningi á fjármagni. Allt annað eru bara patentlausnir,

hinsvegar ættu allir að vera með breytilega vexti eins og í öðrum löndum og þá myndi 0,5% hærri vextir kosta hvern og einn 5000kall og eftirspurninn og verðbólgan bara hverfa um leið. En háir vextir bitna nú bara á þeim sem eru að kaupa sér fasteign eða taka lán að öðrum ástæðum.

[Magnús Helgi Björgvinsson, 6.9.2007 kl. 21:20]

Ég veit að aðal áhrifavaldurinn í verðbólgu hér er húsnæðisverð. En fyrir 3 árum var rætt um að þetta væri svo flott hjá okkur að taka upp þessa tegund neysluvísitölu. Og önnur ríki horfðu til okkar um að taka slíkt upp líka. Vísitala neysluverðs kemur samt til með að rjúka upp núna skv. mínu heimildum þar sem að nú eru ýmsar hækkanir í pípunum. Þá má nefna að við höfum haldið vísitölu neysluverðs niðri m.a. með því að lækka virðisaukaskatt á matvælum. En það er ekki hægt að gera það nema einu sinni. En það þýðir ekki alltaf að vera að tala um að vísitalan sé svona og svona ef við tökum þetta og þetta úr. Við höfum þetta viðmið og fólk sem er að kaupa sína fyrstu íbúð finnur fyrir þessum hækkunum og þeir sem eru með verðtryggð lán finna fyrir því að lánin eru bundin þessari neysluvísitölu

Flest fyrirtæki á Íslandi eiga í viðskiptum við útlönd. Það er annað hvort hráefni sem þau kaupa eða afurðir sem þau selja nema hvort tveggja sé. Held því að þau séu mörg tilbúinn að semja við starfsfólk sitt um laun í evrum gegn því að hækkanir verði hóflegar.