Bankarnir fljótir að finna leiðir framhjá þessu

Las eftirfarandi á www.ruv.is

Guðjón Rúnarsson, framkvæmdastjóri samtaka fjármálafyrirtækja, segir að ekki hafi verið tekið saman hver kostnaður bankanna vegna breytinganna geti orðið og segist sjálfur ekki í aðstöðu til að meta nákvæmlega hver áhrifin verða.

Bankar munu áfram rukka seðilgjöld, en á öðru formi. Framvegis munu þeir væntanlega rukka þau fyrirtæki sem nýta sér innheimtuþjónustu banka og annarra fjármálafyrirtækja.

Í framhaldinu geta fyrirtækin annað hvort tekið kostnað við slíka innheimtuþjónustu á sig, jafnvel samið við bankana um magnafslátt, eða hækkað gjaldskrár sem nemur seðilgjöldum. Þá yrði ávinningur neytenda enginn.

Einnig heyrði ég hann tala um að fit kostnaður yrði áfram en nú yrði það bara skýrt í samningi sem fólk undirritar þegar það opnar reikning í banka. Það er því ljóst að ef þetta á að bíta eitthvað á bankana þarf að lögfesta þessar breytingar. Og þær þurfa að vera svo skýrar að ekki verði neinar holur til að detta í.

Að lokum get ég ekki stillt mig um að geta þess að Guðni Rúnarsson hefur þannig framkomu/nærveru að hann fer í taugarnar á mér og mér finnst hann alltaf koma þannig fram að hann sé að lýsa frati í neytendur og hagsmunir banka og fjármálafyrirtækja séu öllu æðri. Ég veit að hann er starfsmaður þeirra en samt ekki maður sem ég get trúað til neins nema að vera féfletta mig.

Seðilgjöld heyri sögunni til

Athugasemdir

[Georg P Sveinbjörnsson, 10.1.2008 kl. 23:30]

Bankarnir passa alltaf sitt og síðan ef þeir lenda í vandræðum koma skattgreiðendur til bjargar....og skiptir þá engu hversu ævintýralega feita bónusa og arðgreiðslur topparnir og hluthafar eru búnir að vera að hirða fyrir sig, bankanum verður að bjarga. Hvað fékk Landsbankinn nú aftur að gjöf frá skattgreiðendum hérna um árið, nokkrum árum fyrir einkavæðingu...man ekki bhetur en að það hafi verið einhverjir tugar milljarða í hítina.