Er ekki nauðsynlegt að endurskoða stjórnarsáttmálan og fara að kanna kosti og galla inngöngu í ESB áður en....!

Held að Ísland [örríki með örmynnt] þoli ekki þessar sveiflur í efnahagsmálum til lengdar. Hér hefur síðustu ár verið rekið lúxus samfélag á lánum. Hér hafa allir verið hvattir til að skulda sem mest og greiningardeildir huggað fólk með því að þetta yrði allt í lagi. "Mjúk lending" er eitthvað sem allir sérfræðingar banka hafa talað um. Nú er svo komið að það er nokkuð ljóst að þeir sjá ekki skýrt fram í tíman, nema kannski svipað og veðurfræðingar .

Þetta opna örhagkerfi hér hegðar sér ekki eins og kerfin sem þessir sérfræðingar lásu um í bókum. Enda kannski vegna þess að spákaupmenn sem eru að hösla með krónurnar okkar eru ekki með sömu menntun og sýn og þeir.

Ég held að Samfylking ætti alvarlega að fara að þrýsta á það að alvarleg umræða og kannanir fari af stað til að undirbúa samningaviðræður um inngöngu okkar í ESB. Það er betra að gera þetta núna áður en hér fer allt til andskotans.

Ég held að þjóðin mundi standa með Samfylkingunni ef að hún tæki af skarið. Svona eins og staðan er í dag getur ekki gengið lengur.

Hér er verðbólga að fara af stað upp í tveggja stafa tölu um næstu mánaðarmót, verðlag er að hækka á öllu, innlendum matvælum, innfluttum matvælum, olíu, ferðalögum, bara öllu!

Verðmæti fyrirtækja í Kauphöllinni hefur rýrnað um 40 til 50% á nokkrum mánuðum. Lán í erlendri mynt hefur hækkað um 30% frá áramótum.

Eftir hverju erum við að bíða?

Óraunhæft að vextir lækki í apríl

Athugasemdir

[Hans Haraldsson (IP-tala skráð) 17.3.2008 kl. 23:37]

Innganga í ESB er engin lausn á þeim vandamálum sem við erum að eiga við í dag. Í fyrsta lagi eru markaðir að hrynja úti um allt, líka í ESB ríkjum. Í öðru lagi fengjum við ekki Evru í gegn um ESB fyrr en eftir mörg ár. Evran mun ekki bjarga okkur frá verðbólgunni sem er framundan.

Núna eigum við einfaldlega að bíta á jaxlinn á meðan að gengi krónunnar kemur aftur niður á jörðina. Við getum huggað okkur við það að við erum að taka þetta högg meira út í verðbólgu en atvinnuleysi.

Þegar það mesta er afstaðið getum við farið að hugsa okkur til hreyfings í gjaldeyrismálum. Við getum farið að dæmi margra annarra smáþjóða og tengt gjaldmiðil okkar við aðra mynt.

ESB er óþarfi.

[Magnús Helgi Björgvinsson, 17.3.2008 kl. 23:47]

Ég held nú að t.d. stærri seðlabanki drægi úr svona sveiflum eins og hjá okkur. Hér eru úreltir stjórnmálamenn sem eru að stjórna peningamálum. Halldór Blöndal er formaður stjórnar Seðlabankans, Davíð seðlabankastjóri númer 1 og er Hannes Hólmsteinn ekki í bankastjórn. Mér skilst að Seðlabankinn eigi ekki gjaldeyrisforða til að takast á við t.d. ef öll Krónu eða Jöklabréfin kæmu til innlausnar.

Ég get ekki séð að einhver annar tími sé betri enn núna varðandi ESB.  Það er ekkert sem bendir til þess að við náum tökum á verðbólgu t.d.  Verðbólgan hefur verið yfir markmiðum síðan um árið 2000 eða 2001.

Það er engin ávinningur fyrir okkur að hengja krónuna í aðra mynnt því þá verðum við háð þróun mála í því landi sérstaklega. Við þurfum að komast í umhverfi sem bíður upp á öfluga mynnt og stuðning við hana.

Og þar sem að innganga tekur tíma jafnvel 2 til 3 ár hið minnst er nauðsynlegt að fara af stað strax

[Guðmundur Jónas Kristjánsson, 18.3.2008 kl. 00:33]

Nei Magnús. Merihluti Alþingis er þjóðlega sinnaður og  mun því ALLS
EKKI endurskoða og breyta stjórnarskránni til að framselja hið íslenzka fullveldi til Brussel. Þannig að tæknilega þá festast inngaga
í ESB að öllum líkindum a.m.k um 8 ár varðandi stjórnarskrána.
 

[Magnús Helgi Björgvinsson, 18.3.2008 kl. 00:48]

Ég var nú eiginlega að vitna í að meirihluti þjóðarinnar mundi styðja við að aðildarviðræður hefðust. Ég held að allir sjái að við höfum gjörsamlega misst tökin á þessum efnahagsmálum. M.a. eru fjárfestingar og stærð fyrirtækja vaxin þessu efnahagskerfi yfir höfuð.

Það er ljóst að þegar framsókn og sjálfstæismenn opnuðu hagkerfið upp á gátt og gáfu bestu vinum sínum bankana og flest öll fyriræki sem ríkið átti, þá settu þau af stað skrímsli sem hefur vaxið okkur svo yfir höfuð að þegar það fær magapínu þá smitar það alla. Ef við pælum í því þá eru þetta hva eitthvað um 5 eða 6 bankastórar og kannski 10 fjárfestar sem eiga hér nær alla banka, öll stærstu fyrirtæki. Og það eru þessir menn sem eru með nær öll spil okkar í hendi sér. Koma í veg fyrir samkeppni hægri og vinstri. Og síðan er það seðlabankinn með Davíð sem kóng og svo þessa bankastjórn:

Aðalmenn
Halldór Blöndal, formaður
Jón Sigurðsson, varaformaður
Erna Gísladóttir
Ragnar Arnalds
Hannes Hólmsteinn Gissurarson
Jónas Hallgrímsson
Sigríður Ingibjörg Ingadóttir ( kosin 3. október 2007 í stað Jóns Þórs Sturlusonar)

Ert þú hissa á því að ég hafi trú á stærri og öflugri gjaldeyri en krónu sem við veljum þetta fólk til að stjórna.

[Hans Haraldsson (IP-tala skráð) 18.3.2008 kl. 01:23]

Eins og ástandið er núna fáum við ekki Evru, jafnvel þótt við værum í ESB. Svo einfalt er það og málalengingar breyta engu þar um. Við uppfyllum einfaldlega ekki inngönguskilyrðin í myntbandalagið. Þetta ástand þurfum við að eiga við ein.

Annars skil ég ekki hvaða tal þetta er um að við værum betur stödd með "stóran bakhjarl" eða hvaða mikli stuðningur þetta á að vera sem við fengjum frá "stóra bakhjarlinum". Ekki er seðlabanki Evrópu að lækka stýrivextina til þess að koma Írum úr klípunni.

Það eru líka mörg fordæmi fyrir því að tiltölulega lítil myntsvæði séu með stóra bankageira. Stórir bankar knýja okkur ekki inn í Evrópusambandið. Kannski ættum við að hækka bindiskyldu bankana en ESB aðild er ekki nauðsynleg til þess. Ef til þess kemur mun ríkið hafa bolmagn til þess að bjarga bönkunum en það er kannski ekki alveg komið að því að menn hugleiði þann möguleika.

Ávinningurinn og ókostirnir af því að taka upp t.d svissneskan franka eða aðra mynt eru þeir sömu og fylgja Evru að því frátöldu að við þurfum ekki að  ganga í Evrópusambandið og það er stór plús sé litið til framtíðar.

Þegar þú skammar þetta fólk sem situr í stjórn seðlabankans þá gleymir þú því að undanfarin ár þá hefur margt gengið alveg ágætlega. Verðbólgan hefur að vísu verið þrálát en hér hefur hvorki verið evrópskt atvinnuleysi né evrópskur hagvöxtur.

Hvað varðar "stóran og öflugan gjaldeyri" þá þarf annað ekki endilega að þýða hitt. Gjaldmiðillinn má heldur ekki vera of sterkur (spurðu bara íbúa á Evrusvæðinu ef þú trúir mér ekki). Það sem við þurfum er stöðugur gjaldmiðill og svissneski frankinn er ekki síður stöðugur en evran.

[Jónas Tryggvi Jóhannsson, 18.3.2008 kl. 10:31]

Bara það að segjast ætla að ganga í Evrópusambandið mun breyta ástandinu hérna, því það eyðir óvissunni sem er í kringum krónuna; þá myndu allir vita að hún er að verða að evrum. Við inngöngu í Evrópusambandið munum við fara inn í aðlögunarferlið fyrir að taka upp krónu, svona eins og Danir eru í, sem þýðir að krónan verður nelgd við evru og við munum því vera komin með meirihlutann af því sem við viljum - þeas stöðuga stóra mynt.

.

Einhliða upptaka erlendra mynta er bara vond hugmynd; viðskiptabankarnir hérna eru of stórir til að Seðlabankinn geti verið bakhjarl þeirra án þess að vera með sjálfstæða mynt. Þess vegna þurfum við að vera með stærri seðlabanka, eins og við fáum með Evrópusambandsaðild, sem væri traustur og stór bakhjarl fyrir viðskiptabankana hér.

.

Það fylgja því miklir kostir fyrir Ísland að ganga í ESB. Við erum búin að taka upp 3/4 af reglum Evrópusambandsins, og þau 1/4 sem eftir er er næstum bara landbúnaðarstefnan sem er meira að segja nútímalegri en sú sem er rekin hér. Hinn stóri hlutinn er evran, sem verður stærsti kosturinn við að ganga í ESB miðað við núverandi ástand.

[Jónas Tryggvi Jóhannsson, 18.3.2008 kl. 10:33]

Hans segir; "Núna eigum við einfaldlega að bíta á jaxlinn á meðan að gengi krónunnar kemur aftur niður á jörðina. Við getum huggað okkur við það að við erum að taka þetta högg meira út í verðbólgu en atvinnuleysi."

.

Öll hagfræði segir að atvinnuleysi sé skárri en verðbólga. Verðbólgan þýðir launalækkun fyrir alla, og með verðtryggingu þýðir það auknar skuldir heimilanna. Þetta hljómar eins og röksemdarfærsla Heimssýnar, sem er með formann sem var fjármálaráðherra hér þegar það var 225% verðbólga.