Burt með þessar bankastjórnir

Ef að byrja á með þetta leynimakk starx í nýju bönkunum er það gjörsamlega óásættanlegt. Við erum að taka á okkur þungar birgðar vegna þeirra og það er ekki að koma á sátt um þessar stofnanir ef að þær ætla að greiða einhver ofurlaun og gefa þau ekki upp.

Svo burt með þessar bankastjórnir sem gera sér ekki grein fyrir ástandinu. Við viljum fólk þarna inn sem er að starfa fyrir okkur og við getum treyst. 

Finnur launahæstur

Athugasemdir

[Gáfnaljósið (IP-tala skráð) 24.10.2008 kl. 08:37]

Sammála

[Fannar frá Rifi, 24.10.2008 kl. 11:19]

hver er bankamálaráðherra og hver er yfirmaður FME? samfylkingarmenn?

[Magnús Helgi Björgvinsson, 24.10.2008 kl. 11:53]

Mér er bara alveg sama hvort það er Björgvin eða aðrir. FME er reyndar sjáflstætt.

Ég krefst þess að Björgvin leysi úr þessu strax. 

[Fannar frá Rifi, 24.10.2008 kl. 18:26]

Það gagnast lítið að ákveða að ráðamenn á ákveðnum launum og ætla síðan að hætta við allt saman um leið og á móti blæs. hann er jú bankamálaráðherra og því hefur hann haft yfir umsjón og stjórn á ráðningu bankastjóra nýju ríkisbankanna.

En er þetta ekki skrítið. kallinn fær mun hærri laun en konunar fyrir samastarf í ríkisfyrirtæki. hvar er janfréttisstefna samfylkingunar? eða hefur Björgvin hent henni út um gluggan?

[Fannar (IP-tala skráð) 24.10.2008 kl. 19:58]

Ég er sammála því.  Ef það á ekki að vera gegnsæi hvað þetta varðar, þá geta þessar stjórnir tekið pokann sinn.

Þessi laun eru engin ofurlaun, þetta eru rúm 100.000 pund á ári sem þykir ekki mikið t.d. í UK.

Hinsvegar þurfum við að gera okkur grein fyrir því að við erum núna eitt fátækasta ríki Evrópu.  Þessvegna ættum við líta til landa eins og t.d. Albaníu hvað laun varðar.  Sanngjörn laun þessara ríkisstarfsmanna ættu að vera á bilinu 600-800 þús. kr. á mánuði.

Hvað erum við svo að gera með greiningardeildir í þessum ríkisbönkum??

Seðlabankinn sjér um efnahagsspár og það er nóg.  Þurfum ekki að borga stórfé fyrir eihverja froðusnakka í Glitni sem hafa árum saman bullað út í eitt.  

Þetta eru núna orðnir ríkisbankar og koma til með að fá hlutafé frá okkur, við erum hluthafar.  Það þarf að sýna aðhald í rekstri hjá þessum ríkisstofnunum eins og öðrum. 

Þessir banka koma til með að vera reknir með miklu tapi næstu árin.  Mikið verður um afskriftir útlána.  Það þýðir ekki að vera með einhverja óráðsíu í gjaldaliðum eins og launum.  Lækka þarf launin og fækka starfsfóki töluvert til þess að það verði  heil brú í þessum rekstri.  Það þarf að reyna með öllum mögulegum ráðum að lágmarka tapið.  

Það verður líklega ekki tekið á því fyrr en eftir 1 ár í fyrsta lagi þegar stjórnmálamenn verða yfir sig undrandi og koma alveg af fjöllum yfir því hve afkoma bankanna sé slæm og þeir séu miður sín yfir því hvað hafi tapast mikið af því hlutafé fé sem við skattborgarirnir komum til með að setja í þessa banka á næstunni, það eru um 400 milljarðar. 

[Magnús Helgi Björgvinsson, 24.10.2008 kl. 21:22]

Fannar frá Rifi. Það var ekki Björgvin sem réð bankastjóra. Það voru bankaráð bankana. Og þær voru valdar af skilanefndum sem voru valdar af fjármálaeftirliti.