Eðlilegt að Samfylking vilji ekki bera ábyrgð á Seðlabankanum

Finnst þetta (ef rétt er) algjörlega eðlilegt. Ef að Samfylkingin getur ekki sætt sig við störf ákveðins embættismanns og hann er ekki látinn fara, þá er eðlilegt að neita því að hann starfi í þeirra umboði.

Nú er það Geir sem ber ábyrgð á Seðlabanka og hann neitar að gera þar breytingar og hann ber því ábyrgð ásamt Sjálfstæðismönnum á verkum Davíðs.

Nú er Seðlabanki rúin trausti og allir kalla eftir því að þar verði skipaður maður með mikla þekkingu til að takast á við vandamálin sem steðja að peningakerfi. Jafn vel útlendan. En öll svör Geirs eru að ekki sé tímabundið að ræða þau mál. Eins og með ESB og samskipi við Breta.

Samfylking afneitar Davíð

Athugasemdir

[Maynard (IP-tala skráð) 2.11.2008 kl. 13:51]

Ef að þetta er svona mikið hjartans mál fyrir Samfylkinguna og Sjálfstæðisflokkurinn neitar að haggast í þessu máli, af hverju slítur Samfylkingin þá ekki stjórnarsamstarfi við flokkinn?

Af því að báðir þessir flokkar eru alveg jafn spilltir, Sjálfstæðisflokkurinn er bara ekkert að fela það.

Svo er þetta svo augljóst pólitískt bragð hjá ISG eftir að Davíð uppljóstraði því að hún hefur ítrekað logið um stýrivaxtahækkun Seðlabankans. ISG vildi meina að þetta hefði alfarið verið á ábyrgð Seðlabankans, svo vildi hún meina að ríkisstjórnin hefði tekið þessi ákvörðun alveg ein. Núna höfum við aftur á móti fengið að vita að þetta var eitt af skilyrðum IMF, þvert á það sem að ISG hefur verið að ljúga um í fjölmiðlum.

Svo var þessi siðlausi framapotari að gagnrýna smjörklípur Davíðs á árum áður, hvað er þetta annað en smjörklípa?

Svo megum við ekki heldur gleyma því að ríkisstjórnin (líka Samfylkingin) hélt því fram að skilyrð IMF væru "leyndarmál", að IMF krefðist þess að ekkert væri gefið út um málið fyrr en samningar væru í höfn. Stuttu seinna lýsir IMF því yfir að það sé alfarið ákvörðun ríkisstjórnarinnar hvort að hún láti alþjóð vita af skilyrðunum!

Fólk þarf að vera svo krossþroskaheft til þess að kjósa þessa flokka (hvað þá að styðja þá enn þann dag í dag) að það ber alveg jafn mikla ábyrgð á núverandi ástandi og ríkisstjórnin.

Sannleikurinn er sá að pólitíkusum er alveg sama um okkur, það eina sem þessir siðlausu framapotara hugsa um er sitt eigið rassgat og sitt eigið pólitíska líf (þessir hlutir liggja oft saman).

kv. Maynard - með von um að fólk fari að vakna af þessum Þyrnirósarsvefni sem að það hefur verið í.

[Magnús Helgi Björgvinsson, 2.11.2008 kl. 14:07]

Það hefur komið í ljós að það var ríkisstjórnin í tillögum til IMF sem stakk upp á að hækka stýrivexti til að hleypa lífi í krónuna sem þú kannski veist að nánast verðlaus í dag.

Skv. öllum sem komu að þessu samningum var kveðið á um að þeir yrðu ekki gefnir upp fyrr en að stjórn IMF hefði fjallað um þá. Og það væri náttúrulega líka út í hött að tala um ákvæði í samningsdrögum sem orðinn hlut ef að Stjórn IMF skildi síðan hafna því.

Björn Bjarnason segir m.a.

„Eins og kunnugt er hefur verið litið svo á að samningsgerð (Letter of Intent) á milli ríkisstjórnar Íslands og sendinefndar Alþjóðagjaldeyrissjóðsins sé enn trúnaðarmál. 19. tl. samningssgerðarinnar er þó eðli málsins samkvæmt ekki lengur trúnaðarmál.

Það gefur augaleið að 19 gr er komin ljós en samt furðulegt að ríkið skildi lofa í samningsdrögum að stýrivextir yrðu 18%.

Það er líka annað mál að þegar menn gagnrýna stjónvöld þá væri ágætt að menn nefndu hvað eigi að gera eða koma í staðinn. Eins og staðan er í dag og það yrðu stjórnarslit. Þá yrði Sjálfstæðismönnum falið að mynda stjórn og næsta víst að Framsókn mundi stökkva á vagninn. Og jafnvel frjálslyndir. Og hvaða ráðherra fengjum við þá?