Hvað á þetta þýða?

Alþjóðagjaldeyrissjóðurinn viðrist ekki hafa kynnt sér málið

www,visir.is

Enn sem komið er, hefur ekkert formlegt erindi borist stjórn sjóðsins," segir Thomas Moser, fulltrúi Sviss í stjórn Alþjóðagjaldeyrissjóðsins.
Hann segir einnig að Svisslendingar séu almennt jákvæðir í garð aðstoðar til Íslendinga, í tölvuskeyti í svari við fyrirspurn Fréttablaðsins.

Og svo segja Finnar

Ilkka Kajaste, aðstoðarráðuneytisstjóri í finnska fjármálaráðuneytinu, segir nákvæmar áætlanir um hvernig reisa eigi efnahagslífið á Íslandi við vanta áður en norrænu þjóðirnar kvitti undir. Kajaste hitti íslenska embættismenn í síðustu viku, að sögn WSJ.

 

Á ég að trúa að það séu ekki til nákæmar áætlanir um hvernig að við ætlum að komast út úr þessu og að þjóðum sem við ætlum að byðja um aðstoð sé ekki kynnt hvernig nákvæmlega við ætlum að nýta aðstoðina.

 

Nýja menn að verkinu takk!

Finnar vilja meiri upplýsingar

Athugasemdir

[Jón Gunnar Bjarkan, 12.11.2008 kl. 08:37]

Maður hefur heyrt alveg ævintýrlegar sögur frá bloggurum út af t.d þessu finnamáli. Að Finnar segji þetta því að lána íslendingum ekki peninga sé dagskipun frá ESB. Sumt fólk skilur bara einfaldlega ekki að aðrar þjóðir sem taka peningamálastefnur og efnahagsstjórnun alvarlega séu yfir sig hneyksluð á hvernig þessum málum er stjórnað í þessu landi. Öllu sem hægt var að klúðra, er búið að klúðra, og sama fólkið situr enn við völd. Eina sem við fáum að heyra er að við eigum að vera góð við hvert annað og ekki persónugera vandann.

[Magnús Helgi Björgvinsson, 12.11.2008 kl. 11:39]

Og núna heyrði ég á Útvarpi Sögu að Davíð hafi sent bréf til Seðlabanka Þýskalands í maí sem hefði verið svo fullt af frekju og bara móðgandi. Þar var hann að biðja um lán upp á 500 milljarða og var neitað. EN bréfið þannig að það hafi gengið milli Seðlabanka í Evrópu þar sem menn furði sig á bréfinu.

[Jón Gunnar Bjarkan, 12.11.2008 kl. 14:25]

Já ætla hér sé þá ekki kominn ástæðan fyrir því að Evrópskir seðlabankar neituðu að veita Íslenska seðlabankanum gjaldmiðlaskiptasamning. Hvernig væri nú að fá svona upplýsingar upp á borðið. Fréttamiðlar hafa varla undan þessa dagana að ljóstra upp öllum klúðrum Davíðs undanfarna mánuði, nú seinast hafði hann víst í hótunum við Sigurð Einarsson að fella Kaupþing, okkar stærsta fyrirtæki. Ekkert svar hefur borist frá honum vegna þessa máls þótt fjölmiðlar hafa leitað eftir viðbrögðum hans og verður maður því bara að gera ráð fyrir að þetta rifrildi þeirra hafi átt sér stað.

Hvar er nú "vinur" Davíðs, George Bush. Man ég að þegar hann lét af forsætisráðherra embætti að kom í kastljós og rifnaði næstum því af stolti eins og 10 ára krakki þegar George Bush átti að hafa sagt að þeir væru vinir. Hvernig væri nú að senda Davíð á hnjánum til George Bush á hnjánum og heimta af honum vinargreiða, svona eins og kannski 500 milljarða. Nú er aldeilis lag, transition period, fyrir Bush, Repúblikanar eru hvort eð er búnir að klúðra sínum málum, kosningarnar eru búnar og Bush leikur lausum hala núna.