Ábending til "grasrótarhreyfinga"

Held að þið þurfið að athuga vel þær fréttatilkynningar sem þið setjið frá ykkur. Eins og hún er núna er hún alveg svakalega uppskrúfuð og illskiljanleg.

Ályktun fundar ýmissa grasrótarhreyfinga í dag:

Á glæsilegum fundi talsmanna fjölmargra grasrótarhreyfinga um  lýðræðisumbætur var samþykkt að tengja saman grasrótina og mynda  samstöðu breiðfylkingar með það meginmarkmið að koma á nauðsynlegum  breytingum og umbótum á íslensku samfélagi. Breytingum sem ekki verður  undan vikist að gera í kjölfar efnahagshruns þjóðarinnar, allt frá  bráðaaðgerðum til varnar heimilum og atvinnulífi til endurreisnar lýðræðis á Íslandi. Fundurinn samþykkti að vinna að framboði  grasrótarhreyfinga við næstu kosningar

Þetta er hið mesta torf hjá ykkur og kannski í stíl við allt þetta tal um grasrót. Ef þið viljið fá velvild og skilning er nauðsynlegt að tala máli almennings ekki eitthvað uppskrúfað mál.

Veit að þið hljótið að laga þetta

Unnið að framboði grasrótarhreyfinga

Athugasemdir

[Hólmfríður Bjarnadóttir, 26.1.2009 kl. 01:51]

Er þér fyllilega sammála. Þessi tilkynning er torskilin og villandi. Það eru örugglega margir hópar að verða til núna sem vilja koma að umbótum í samfélaginu og það er vel. Þegar svona frétt/ ályktun/yfirlýsing er sett í fjölmiðla, verður að koma fram hvaða hópa er um að ræða og hver sé tilgangur þeirra.

Fréttamenn höfðu í kjölfarið samband við Ólínu Þorvarðardóttir á Ísafirði sem er ein af forsvarsmönnum vefsíðunar www.nyttlydveldi.is og töldu að sá hópur sem þar er að baki, væri með í þessum framboðsundirbúningi.

Svo er hins vegar ekki og slíkt hefur aldrei verið tilgangurinn. Á síðunni er verið að safna undirskriftum undir áskorun um Stjórnlagaþing þar sem samin verði ný stjórnars. Vil benda á  þessa færslu til frekari útskýrningar.