Hvað ætla menn að bíða lengi eftir því að hefja feril til að taka upp nýja mynnt.

Var að skoða gegni krónunar gegn evru og dollar síðustu ár. Sést þar að frá 2001 til 2007 sveiflaðist hún lítið enda heldið uppi með stöðuguflæði af gjaldeyrir hingað til lands í formi fjárfestinga og lána.

 En hrapið nú síðustu misseri er svakalegt. Þannig hefur krónan fallið sem nemur 70 krónum miðað vð evru í dag. Held að menn veriði strax að hefja undirbúning að því að taka upp nýjan gjaldmiðil. Nú er verið að tala um að IMF líti jákvætt á að þjóðir innan ESB í Austur evrópu taki upp evru einhliða. Af hverju gerum við það ekki líka og lýsum því yfir í leiðinni að við komum starx í sumar við upptöku evrunar til með að sækja um inngöngu í ESB í framhaldinu?

Eða að við tökum upp dollar þar til að við höfum gengi í ESB og náð skilmálum til að taka upp evru?

Gengi krónunnar veiktist um 2,15%

Athugasemdir

[Jón (IP-tala skráð) 6.4.2009 kl. 17:08]

Það þarf að hækka vexti aftur og halda þeim háum. Því miður.

Á meðan gengisvísitalan heldur áfram að rjúka upp og þar með ýta undir verðbólgu þá er einfaldlega ekki grundvöllur fyrir lækkun vaxta.

Það er sorglegt að sjá hvernig styrking krónunnar á þessu ári er gengin til baka.

Er einhver vakandi í seðlabankanum/ríkisstjórninni?

Þurfum við að fá Davíð/Geir aftur til starfa?

[Finnur Bárðarson, 6.4.2009 kl. 17:12]

Það stappar nærri guðlasti tala um annan gjaldmiðil en krónuna. Misskilin þjóðremba verður okkur dýrkeypt.

[Gunnr (IP-tala skráð) 6.4.2009 kl. 18:07]

Hver á að lána okkur fyrir því?  Sérstaklega þegar fólk er farið um að tala að hlunnfara lánadrottna og sleppa því að borga erlendar skuldir.
Nýju bankarnir eru spilahús sem reist er á sandi og það myndi ríða Nýja Kaupþing að fullu ef stór hluti viðskiptamanna gamla SPRON tæki út sitt fé. 

Það eru 500+ miljarðar bundnir í Jöklabréfum og erlendir eigendur eru með lið sérfræðinga til reyna að ná út úr hagkerfinu.

Við áttum að fá hluta 2 af 8 greiðslum frá IMF til að halda uppi gjaldeyrisvarasjóðnum og fengum ekki vegna þess að við áttum að vera búin að endurreisa fjármálakerið.  Mér líst ekker á þetta þetta er bara forleikurinn á ósköpnum er ég hræddur um.  

[Magnús Helgi Björgvinsson, 6.4.2009 kl. 19:37]

Gunnr ég er reyndar sammála þér varðndi þessar tilhneigingar að fólk haldi að við getum bara sleppt því að borga. Mér skildist á spekingum að það kosti um 100 milljarða að skipta um gjaldmiðil. En helst vildi ég að strax yrði farið í samninga við ESB um inngöngu og upptöku evru en það virðist ekki ætla að verða grundvöllur fyrir því strax. Hef reyndar heyrt þá spá að eftir 1 til 2 ár verði ástandið hér orðið þannig í gjaldmiðli að við eigum engra kosta völ og verðum að skipta. En þá verðum við búin að eyða mestu af þeim lánum sem við fengum frá IMF í að halda krónunni á lífi. En 3 af 4 flokkum vilja helst ekkert tala um þetta.

[Guðmundur Ásgeirsson, 6.4.2009 kl. 23:23]

Það skiptir ekki máli hvort það eru krónur eða evrur, ef við eigum engan pening þá eigum við engan pening. Þú getur auk þess ekki tekið upp annan gjaldmiðil nema laga fyrst það vandamál, að bankarnir eru galtómir. Kaupþing fékk innstæður SPRON á silfurfati og hvað, getur nú ekki skilað þeim af ótta við að fara á hliðina, aftur. Stendur Kaupþing svo tæpt að þurfa að éta fleiri banka til að lifa, nýbúið að melta það sem það át innan úr Seðlabankanum?

Og við getum víst sleppt því að borga. Hvað gerir þú annars ef þú færð sendan reikning og átt ekki fyrir honum? Borgarðu hann þá? Hvernig ferðu að því Magnús Helgi? Ef þú kannt aðferð til þess máttu endilega deila henni með okkur hinum dauðlegum sálum, sem borgum ekki reikninga ef við getum það ekki.

[Halldór Björgvin Jóhannsson, 7.4.2009 kl. 11:55]

Nú er verið að tala um að IMF líti jákvætt á að þjóðir innan ESB í Austur evrópu taki upp evru einhliða.

Ef mér skjátlast ekki þá eru þessar þjóðir nú þegar í ESB og eru með 2 gjaldmiðla í gangi bæði sinn eigin og evruna, það sem IMF var að mæla með var að sleppa sínu gjaldmiðli og taka einhliða upp evruna.

Af hverju gerum við það ekki líka og lýsum því yfir í leiðinni að við komum starx í sumar við upptöku evrunar til með að sækja um inngöngu í ESB í framhaldinu?

Við þurfum að vera komin í ESB og þurfum að hafa stöðugan eigin gjaldmiðil í mörg ár áður en við getum tekið upp evruna samkvæmt þeirra reglum.

Mér skildist á spekingum að það kosti um 100 milljarða að skipta um gjaldmiðil.

Mér skildist á öðrum spekingi að það þarf að "kaupa"(semsagt fá lánað) erlenda gjaldmiðilinn fyrir hverri krónu sem til er bæði á pappír sem og í tölu, mig grunar að þetta sé töluvert meira en 100 milljarðar.

Hef reyndar heyrt þá spá að eftir 1 til 2 ár verði ástandið hér orðið þannig í gjaldmiðli að við eigum engra kosta völ og verðum að skipta. En þá verðum við búin að eyða mestu af þeim lánum sem við fengum frá IMF í að halda krónunni á lífi.

Þessi fullyrðing miðar nátturulega við að gengið á krónunni lagast ekki, ef núverandi stjórn gæti farið að takast á við vandann í staðin fyrir að eyða öllum sínum tíma í gæluverkefni sín þá kannski gæti krónan farið að styrkjast.