Ekkert að marka Framsókn!

Ef að framsókn ætlar að fara eftir því sem Oddviti flokksins í suðurlandi segir þá er bara ekkert að marka þennan flokk. Það sögðu fjöldi frambjóðenda og sér í lagi formaður flokksins að það ætti að sækja um ESB en nú kemur einhver oddviti og dýralæknir á Suðurlandi og talar þvert gegn þessu á stofnfundi félags um andstöðu gegn ESB.

„Munum fylgja stefnu flokksins"

Athugasemdir

[Hjörtur J. Guðmundsson, 21.5.2009 kl. 17:25]

Framsóknarflokkurinn getur ekki stutt umsókn um inngöngu í Evrópusambandið nema þau skilyrði sem flokksþing flokksins setti vegna inngöngu í sambandið verði lögð til grundvallar í viðræðum við ráðamenn í Brussel. Fyrir þessu þarf forysta flokksins að fá einhverja tryggingu sem hún í raun getur ekki fengið nema að vera aðili að ríkisstjórninni. Það er hins vegar ekki í boði og framsóknarmenn hafa ekki beinlínis góða reynslu af því að veita vinstriflokkunum umboð til þess að halda utan um mál án tryggingar um að það verði farið að kröfum þeirra.

[Magnús Helgi Björgvinsson, 21.5.2009 kl. 17:40]

Finnst þetta nú eðlileg skilyrði eins og samþykkt voru á Landsfundi þeirra: 

"Skilyrði

• Skýr og einhliða úrsagnarréttur, sem er þegar viðurkenndur í aðalsáttmála ESB, verði hlutiaðildarsamnings.

• Staðfest verði að Íslendingar einir hafa veiðirétt innan íslenskrar fiskveiðilögsögu og að fiskveiðistjórnun verði áfram innanríkismál Íslendinga, enda styðjist hún við reglur ESB um stöðug hlutföll, nálægðarreglu og Lúxemborgar-samkomulagið. Ísland verðisjálfstæður aðili að samningum um flökkustofna.

• Fæðuöryggi þjóðarinnar verði tryggt og viðurkennd nauðsyn á sérstökum ákvæðumvegna fámennis þjóðarinnar.

• Viðurkennt verði að íslenskur landbúnaður sé heimskautalandbúnaður.

• Framleiðsla og úrvinnsla íslenskra búfjárstofna verði tryggð ásamt sérstöðu og hreinleika íslenskra búfjárstofna.

• Staðfest verði að vegna aðstæðna á Íslandi og fámennis þjóðarinnar hafi Íslendingar varanlegan rétt til að setja lög um forgangsrétt manna með lögheimili og fasta búsetu áÍslandi til að eiga ráðandi hlut í jarðeignum, lóðum, fasteignum og atvinnufyrirtækjum,enda styðjast slík ákvæði við núgildandi reglur á Álandseyjum, Möltu, Azoreyjum ogvíðar innan ESB.

• Í upphafi viðræðna verði gerður stöðugleikasamningur við Evrópska seðlabankann semtryggi stöðugt gengi íslensku krónunnar þar til Íslendingar taka upp evru.

• Tekið verði tillit til stöðu íslensks efnahagslífs við umbreytingu peninga- og gjaldeyrismálaá Íslandi.

• Ákvæði verði um varðstöðu um íslenska þjóðmenningu, þjóðtungu og þjóðhætti á Íslandi. Íslenska verði viðurkennt sem eitt hinnopinberu tungumála ESB.

Fyrstu skref

Þessi helstu samningsmarkmið, sem og önnur sem skilgreind verða í samvinnu hagsmunaaðilog stjórnvalda, með sem víðtækastri samstöðu, verði lögð til grundvallar því umboði semsamninganefnd Íslendinga fari með í samningaviðræður við Evrópusambandið."

 Sé ekki að þetta ætti að valda vandamálum. Þetta er í grundvallaratriðum sama og Samfylking hefur sagt um þau atrið sem lögð verður áhersla á í samningum við ESB.

[Finnur Bárðarson, 21.5.2009 kl. 17:56]

Þetta er Framsókn í hnotskurn. Hentistefna

[Hans Haraldsson (IP-tala skráð) 21.5.2009 kl. 18:08]

Magnús: Landfundur Framsóknar studdi umsókn með skilyrðunum sem þú telur upp - þ.e að farið yrði í umsóknarferli en ekki heimilt að klára það án þess að skilyrðunum yrði fullnægt.

Þingsályktunartillagan sem Össur lagði fram felur hinsvegar í sér ótakmarkað samningsumboð fyrir ríkisstjórnina þótt að sum af skilyrðunum komi fram í útþynntri mynd sem markmið.

Hvernig þér tekst að fá það út að Sigurður Ingi sé að ganga gegn þeirri landfundarsamþykkt sem Framsókn fór með inn í kosningabaráttuna er óskiljanlegt. 

[Magnús Helgi Björgvinsson, 21.5.2009 kl. 19:34]

Hans Össur er ekki búin að leggja þingályktunartillöguna fram nema til kynningar og umsagnar. Við eigum eftir að sjá hana og eins á þingið eftir að fjalla um hana og hugsanlega breyta henni.

Og hvernig á maður að skilja þegar maður segir á fundi Heimssýnar:

"Sigurður Ingi var á meðal frummælenda á fundinum. Þar sagði hann að nýleg þingsályktunartillaga um aðildarviðræður við ESB gangi gegn flokkssamþykkt Framsóknar. Því muni þingmenn hans ekki styðja tillöguna. "

Hvað á maðurinn við. Er ekki Alþingis að laga tillöguna að samkomulagi sem flestra. Framsókn sagði fyrir kosningar að það ætti að sækja um ESB og því eru þeir að svíkja kjósendur ef þeir nú bera fyrir sig einhverju smá atriði.

Og eins og segir í stefnunni þeirra þá :

"Þessi helstu samningsmarkmið, sem og önnur sem skilgreind verða í samvinnu hagsmunaaðilog stjórnvalda, með sem víðtækastri samstöðu, verði lögð til grundvallar því umboði semsamninganefnd Íslendinga fari með í samningaviðræður við Evrópusambandið"

Sem þýðir að þeir gerðu ráð fyrir að aðrir kæmu með hugmyndir að frekari útfærslu

[Guðbjörn Guðbjörnsson, 21.5.2009 kl. 20:37]

Algjörlega sammála Magnúsi Helga!