Ég á bara ekki orð yfir málflutningi Bjarna Benedikssonar.

Vona fyrir hans hönd og annarra Íslendinga að hann eigi aldrei eftir að komast í þá aðstöðu að stýra málum hér á landi ef hann heldur svona áfram. Hvaða hag hefur hann af því að berjast nú eins og rjúpa við staur fyrir þeirri túlkun að í raun séu samningarnir fallnir. Til hvers í andskotanum var hann þá að semja um að afgreiða málið úr nefnd með þessum fyrirvörum ef hann telur að í raun sé þetta gjörbreyting á samningnum. Og hverskonar trúverðugleika heldur hann að flokkur hans fái bæði hér á landi og erlendis að samþykkja fyrirvarana og koma svo daginn eftir með hinar ýmsu túlkanir á semja þurfi í raun upp á nýtt. Bjarni Ben fer nú að verða sá þingmaður sem skiptir oftast um skoðun frá upphafi Alþingis. Það muna jú allir eftir umsnúningi hans í ESB málinu.

Og hvaða málstað gæti verið að skemma með því að halda því fram að þetta rúmist innan samningsins?

Maður sér fyrir sér að hann hafi fengið skammir frá Davíð eða Birni eða einhverjum úr ættinni og nú er allt breytt á nokkrum dögum.

Hann hlýtur að gera sér grein fyrir að það er viðsemjendana að meta hvort að tilefni sé til að taka þessa samninga upp!

Stórskaðar hagsmuni Íslands

Athugasemdir

[Kolla (IP-tala skráð) 17.8.2009 kl. 22:48]

Bjarni hefur einn möguleika á að vinna þessari þjóð gagn:

LEGGJA SJÁLFSTÆÐISFLOKKINN NIÐUR

[Rekkinn (IP-tala skráð) 18.8.2009 kl. 00:21]

Þú fattar þetta ekki Magnús? Hálfnað verk þá hafið er! Spyrjum að leikslokum! Er það ekki?