Hvaðan skildi Sturla fá upplýsingar?

Er það ekki staðreynd að Sturla fær sínar upplýsingar frá Flugmálastjórn sem aftur er að verða að Flugstoðum ohf. Hvernig getur hann svarað svona þegar það eru flugstjórar sem eru að vara við ástandinu?  Þeir væntanlega vita þetta betur.

Frétt af mbl.is

  Samgönguráðherra segir að fyllsta flugöryggis verði gætt
Innlent | mbl.is | 31.12.2006 | 16:24
Sturla Böðvarsson samgönguráðherra hefur svarað bréfi frá öryggisnefnd Félags íslenskra atvinnuflugmanna sem honum barst að kvöldi 30. desember en þar lýsir nefndin áhyggjum vegna ,,þeirrar stöðu sem fyrirsjáanleg er í flugumferðarstjórn í íslenska flugstjórnarsvæðinu nú um áramót,” eins og segir í bréfinu. Í svari samgönguráðherra segir að fyllsta flugöryggis sé gætt þrátt fyrir að þjónusta verði takmörkuð í byrjun.

Samgönguráðherra segir að fyllsta flugöryggis verði gætt

Athugasemdir

[AE (IP-tala skráð) 31.12.2006 kl. 17:52]

Góður punktur! Og hvernig geta þessir menn sagst halda uppi flugöryggi og á sama tíma látið flugumferðastjóra sem ekki hafa unnið flugumferð í fjölda ára hafa réttindi eftir 2 daga setu á skólabekk!  Við skulum hafa það í huga að ef menn vinna ekki 3 mánuði flugumferð er skírteinið útrunnið og upprifjun á vinnustað þörf í 3 til 5 daga!!

[Magnús Helgi Björgvinsson, 31.12.2006 kl. 17:56]

Það sem er kannski mest pirrandi að menn hjá flugmálastjorn virðast ekki vera að standa sig. Og samt eiga þeir að stýra þessu fyrirtæki í framtíðinni. Það er fyrirtækið sem á að semja við starfsmenn sína og hefur vitað það í fleiri fleiri mánuði.

[ATC (IP-tala skráð) 1.1.2007 kl. 01:39]

Það er ljóst að yfirmenn Flugmálastjórnar sem verða svo yfirmenn Flugstoða eru algerlega óhæfir til að stjórna.  Það virðist vera ótrúlegt hatur yfirmanna FMS/Flugstoða í garð flugumferðarstjóra og það er það sem er að stjórna verklagi þessara manna.  Þessir yfirmenn eru svo fullir af hroka að þeir sjá ekki að það er almenningur sem þarf að líða fyrir þessa stjórnunahætti.  Það þarf einhver að fjúka og það fyrr en seinna.