Sigmundur talaði sennilega ekki við fjármálaráðherra Noregs

En hún sagði í ræðu á Stórþinginu í morgun:

„Við leggjum mikla áherslu á að Norðurlöndin styðji Ísland með þessum hætti. Bæði Noregi og Íslandi er akkur í að norrænt samstarf styrkist og að stuðningurinn við Íslendinga fari fram í krafti alþjóðlegs samstarfs," segir Halvorsen.

 

Í ræðunni gat Halvorsen þess einnig að Jens Stoltenberg forsætisráðherra Noregs hafi í síðustu viku sent bréf til Jóhönnu Sigurðardóttur forsætisráðherra þar sem hann staðfesti norska lánið innan hins norræna ramma.

 

„Mér er eins og forsætisráðherranum umhugað um að önnur Norðurlönd styðji viðleitni íslenskra stjórnvalda til þess að endurreisa efnahagslíf sitt og stuðla að því að koma á eðlilegum tengslum við umheiminn. Við munum halda áfram að fylgjast náið með þróuninni á Íslandi," segir Halvorsen.

Og svona til upprifjunar fyrir Sigmund þá sagði hún Halvorsen í Ágúst sl.

14. ágú. 2009 - 18:11

Fjármálaráðherra Noregs: Gangið frá Icesave-málinu eða þið fáið ekki krónu

Fjármálaráðherra Noregs segir að Alþingi verði að ganga frá Icesave-málinu áður en gengið verður frá láni Noregs til Íslands. Hún vill ekki að norskir skattgreiðendur hlaupi undir bagga með hægri tilraunir Íslendinga

Þetta kom fram í kvöldfréttum Ríkisútvarpsins.

Talsmaður norska Miðjuflokksins í fjármálum lagði það til að Norðmenn útbúi tvíhliða lánapakka sem ekki yrði bundið Alþjóðagjaldeyrissjóðnum.  Halvorsen segir það af og frá og segir að það myndi hvorki þjóna hagsmunum Íslands og Noregs.

Halvorsen segist hafa fullan skilning á þeirri erfiðu stöðu sem Íslendingar séu í en að þeir yrðu litlu bættari þó Norðmenn hlypu undir bagga, einir þjóða í heiminum. Hún segist heldur ekki geta boðið norskum skattgreiðendum upp á það að þeir greiði reikninginn fyrir það sem hún kallar hægri tilraunir Íslendinga.

http://www.pressan.is/Vidskipti/Lesavidskiptafrettir/fjarmalaradherra-noregs-gangid-fra-icesave-malinu-eda-thid-faid-ekki-kronu

Svo ég skil ekki málfutning hans að við höfum aldrei kannað málið.

Fullviss að Norðmenn vilji lána

Athugasemdir

[Axel Jóhann Hallgrímsson, 13.10.2009 kl. 13:11]

Lýðskrum getur skilað árangri í stuttan tíma. Framagosar Framsóknar hafa lesið það út úr skoðanakönnunum að þetta sé málið. En þetta á eftir að springa í andlitið á þeim blessuðum.

[Ingimundur Bergmann, 13.10.2009 kl. 19:52]

Sigmundur segir að ferðin hafi gengið vonum framar (visir.is) svo líkast til hafur aldrei staðið til að gera eitt eða neitt. Hver átti svo sem von á því? Vonir Sigmundar stóðu sem sagt ekki til að ferðin skilaði nokkrum árangri og allt gekk ,,vonum framar"!!