Ég veit ekki með ykkur - en virðist ekki allt vera að benda okkur á að athuga aðild að ESB?

Fréttir dagsins í dag og í gær hafa margar hverjar verið bein skilaboð til okkar um að aðild að ESB er hlutur sem við getum ekki frestað að ræða.

Fyrirtæki farin að snúa sér að Evrum og auknar líkur á að hér á landi komi upp sú staða að við almenningur verðum í auknu mæli látin standa undir kosnaði við að halda krónunni uppi.

Og nú þetta með samninga um inngöngu Rúmeníu og Búlgaríu í ESB sem þýðir væntanlega að við og Noregur verðum að borga mun meira til ESB. Og það án þess að hafa þar nokkur áhrif.

Frétt af mbl.is

  Segir EES-samninginn kunna að vera í hættu
Innlent | mbl.is | 4.1.2007 | 18:02
Valgerður Sverrisdóttir, utanríkisráðherra, segir að náist ekki samningar um aðild Rúmeníu og Búlgaríu að Evrópska efnahagssvæðinu gæti EES-samningurinn verið í hættu. Valgerður sagði við fréttastofu Ríkisútvarpsins, að Íslendingar vilji ekki missa af EES-samningnum og ef ekki náist samningar um stækkun í kjölfar fjölgunar aðildarríkja ESB, sé hætta á ferðum. ESB hefur hins vegar ákveðið að reka samninginn áfram óbreyttan fyrst um sinn.

Segir EES-samninginn kunna að vera í hættu

Athugasemdir

[Fararstjórinn, 4.1.2007 kl. 23:09]

Auðvitað verðum við að fara að skoða aðild fyrir alvöru! Enginn veit í raun hvers konar samning við munum fá fyrr en við hefjum aðildarviðræður. Allt annað eru getgátur. Evrópusambandsaðild ætti að verða oddamál í kosningunum og vonandi tekst þeim ekki að fela það í dægurþrasi!

[Jón Valur Jensson, 7.1.2007 kl. 02:54]

Kíktu á comment mitt hér, Magnús!

[Magnús Helgi Björgvinsson, 7.1.2007 kl. 08:29]

Skoðaði commentið þitt Jón Valur. En það sem ég er hugsa er eftirfarandi:

• Nú er kominn upp sú staða að við erum komin á kaf í alþjóðlega fjárfestingarstarfsemi sem er að leiða til þess að stærstu fyrirtæki okkar eru að flytja uppgjör sín og öll viðskipti yfir í evrur. Eins þá eru þau farin sum hver að borga starfsfólki sínu í evrum bæði hér heima og sérstaklega þeim sem vinna erlendis.
• Þetta hér að ofan kemur til með að leiða til þess að hér á landi skapast tvöfallt hagkerfi. Við almenningur verðum áfram að kosta krónunna sem leiðir til þess að við blæðum bæði með falli hennar og verðbólgu þar sem að stórhluti viðskipta hérlendis fer fram í öðrum gjaldmiðli.
• Nú þegar erum við búinn að taka upp í lög hér á landi um það bil 60 til 70% af lögum ESB. Það var innifalið í samninginum um EES.
• Sjávarútvegur hér á landi er nú ekki lengur sá stóri þáttur sem hann var og vægi hans fer minnkandi. Sbr. fréttir síðustu daga um sölu skipa til dótturfélaga erlendis.  Nær eingöngu útlendingar sem vinna við að verka fisk t.d.
• Það eru fordæmi fyrir því að þjóðir hafa fengið undanþágur frá sameiginlegri stefnu ESB í ákveðnum málum og við vitum ekki hvort að við gætum fengið tilhliðrun varðandi okkar landhelgi.
• Nú í dag erum við að semja við ESB varðandi stækkun þess við inngöngu Bulgaríu og Rúmeníu og er víst verið að fara fram á að greiðslur okkar  og Norðmann til ESB stór hækki.
• Nú í dag ber okkur að taka upp nær allar þær tilskipanir og samþykktir sem ESB setur án þess að hafa nokkuð um þær að segja.

Um þessar siðferðilegu spurningar sem komu fram í commentinu hef ég lítið að segja en held að hverri þjóð inn ESB sé frjáls að setja lög er snerta fóstureyðingar og þess háttar. Enda margar þeirra KaÞólikar

Ég skil ekki heldur að allar þessar þjóðir kjósi að vera í ESB ef að þær eru sviptar fullveldi sínu. Ég hef ekki séð að Bretar, Frakkar, Þjóðverjar , Svíar og öll þau lönd séu í einu og öllu samstíga. Þær virðast hafa leyfi til að setja sér sínar stefnur í flestu og standa á því. T.d. utanríkismál.

Ég er líka á því að betra sé að fara í viðræður um hverning samning við fáum heldur en að vera neydd til þess framtíðinni t.d. ef að Norðmenn ganga þangað inn.