Og þó fyrr hefði verið

Þessu Icesave fer nú að ljúka! Og hefði mátt ljúka fyrr. Með samþykkt ríkisábyrgðar þá lýkur þessu máli í bili. Er alveg viss um að ef mál þróast á verri veg en nú er útlit fyrir varðandi eignir Landsbankans og hagvöxt á Íslandi þá verða mun betri aðstæður til þess síðar að taka þessa samninga upp og semja um breytingar á honum. 

EN þessu hangsi verður að ljúka! Enda eru ekki nema nokkrir lögfræðingar sem hafa staðið fyrir þeim málflutningi að við þurfum ekkert að borga. En síðan einhver bloggkór sem hefur myndast og vitna allir í söm lögfræðingana. En efast ekki um að ráðuneyti hafa látið kanna það ofan í kjölinn hvaða möguleika við eigum. Því annars hefði m.a. Steingrímur ekki staðið að því leggja þetta frumvarp fyrir þingið þvert á það sem hann hafði áður sagt um Icesave.

Sáttur við lyktir Icesave

Athugasemdir

[Finnur Bárðarson, 16.11.2009 kl. 17:10]

Ég verð nú samt að fá að sjá eina syrpu með Birgi Ármannssyni áður en þessu lýkur.

[Magnús Helgi Björgvinsson, 16.11.2009 kl. 17:15]

Æji vorum að tala um það í vinnunni hjá mér að þessi maður virðist sem unglngur eða barn farið að leika fullorðinn mann og er enn að því. Maðurinn útskrifaðist úr háskóla beint inn í starf hjá samtökum atvinnurekenda og hefur held ég aldrei gert neitt annað. Hann lætur eins og Alþingi sé ræðukeppni Morfís.