Furðuleg þjóð sem fylgir mönnum í blindni!

Er alvarlega að hugsa um það að þessa þjóð er hægt að spila með eins og ég veit ekki hvað. Þarna fer 20 manna áhugamannahópur. Honum hefur tekist að telja fólk trú um að þjóðin þurfi ekki að borga icesave þó þeir sjálfir hafi viðurkennt að þeir telji að lögin frá því í Ágúst eigi að gilda. Og þau leiða sennilega til þess að við borgum Icesave að fullu 2024.

Þannig að við borgum Icesave hvort sem þessi lög verða feld eða ekki. Reyndar líkur á miklum deilum við Breta og Hollendinga þangað til að við viðurkennum það. En þeir aftur þurfa bara að tilkynna að þeir sætti sig við fyrirvarana og þá taka lögin frá því í Ágúst gildi. En í ágúst sögðu þeir:

""InDefence hópurinn hefur ítrekað bent á galla svokallaðrar fyrirvaraleiðar Alþingis í þessu máli, en hún felur í sér samþykkt ríkisábyrgðar á greiðslum skv. lánasamningunum. Það er álit InDefence að fyrirvaraleiðin sé ekki rétt leið. Hópurinn hefur fram á síðasta dag notað öll tækifæri, fyrir fjárlaganefnd og víðar, til að benda á að þetta sé ekki rétta leiðin til að afgreiða einhliða skuldabréf. Niðurstaða þingmanna var hins vegar fyrirvaraleiðin. Hópurinn taldi í ljósi þess ábyrga afstöðu að reyna að beita sér fyrir því að slíkir fyrirvarar væru sem sterkastir, þannig að með þeim væri samningunum í raun hafnað. Því miður er það ekki raunin."

+Eg hef verið að skoða nokrar af þessum einstaklingum sem eru í Indefence á google. Þarna eru a.m.k. 2 sem eru erfðafræðingar eða frumlífræðingar. Nokkrir kennarar. Talsmaðurinn er menntaður tónlistarmaður. Jú og hinir talsmennirnir eru grunnskólakennari og lögfræðingur. Þetta eru flest fólk sem hefur útskrifast úr skólum fyrir 10 árum eða skemur. 

Og enginn þeirra er með neina reynslu af deilum milli landa eða samningum milli landa. Þeir fara mjög frjálslega með útreikninga og fá allt aðrar niðurstöður en sérfræðingar innlendir og erlendir sem hafa ára og áratuga reynslu af þessum málum. Þeir túlka lög og reglur mjög frjálslega.

Þeir ræddu digurbarkalega um að við ættum ekki að greiða neitt af Icesave fram á sumar en eftir það skiptu þeir hljóðlega um stefnu og segja nú að við eigum að borga skv. fyrirvaraleiðinni sem þeir voru áður búnir að fordæma.

Og þjóðin eltir þessa menn blindandi. Trúir fagurgala þeirra og gerir engar athugsemdir. Einn þeirra sem unnu að þvi að stofna Indefence segir nú.

" Ég hef því nokkrar áhyggjur af málflutningi Indefence hópsins nýlega (er sjálfur dálítið úr tengslum við hópinn þar sem ég er aðalega í Bretlandi). Maður fær það á tilfinninguna að hópurinn sé útibú úr Framsóknarflokknum, sem hann vissulega er (var) ekki. Við megum aldrei gleyma því að bæði íslenskur og breskur almenningur
eru fórnarlömb íslenskra fjárglæframanna. .
”

Kæmi mér ekki á óvart þó margir indefence liðar komi til með að sjást á listum framsóknarflokksins í kosningum sem verða væntanlega í vor ef að Icesave viðaukar verða feldir í þjóðaratkvæðagreiðslu. Því þá verða hér kosningar í vor. Nema að framsókn, Sjálfstæðismenn og Hreyrfingin ásamt hluta Vg taki hér við.

Segir stjórnarþingmennina vera þrjá

Athugasemdir

[Einhver Ágúst, 2.1.2010 kl. 18:15]

Vel mælt Magnús, þessi hópur hefur lyktað af Jack MAgnet frá byrjun.

Afar óábyrgur og lélegur málaflutningur.

Fólk sem styður þetta telur að við séum að fara að sleppa, það er heimskan í þessu öllu.

Okkur langar svo að sleppa.

[Esther Anna Jóhannsdóttir, 2.1.2010 kl. 21:21]

Furðuleg þjóð segir þú, sem fylgir mönnum í blindni (sem ég tel nú reyndar ekki vera málið, kannski er þetta fólk bara vel upplýst og hefur kynnt sér staðreyndir málsins!). Furðuleg ríkisstjórn segi ég! Ríkisstjórn sem fékk kosningu út á þær yfirlýsingar að ætla að vera rödd fólksins, færa valdið meira til fólksins, hafa allt uppi á borðinu og leggja áherslu á þjóðaratkvæðagreiðslur um hin ýmsu málefni. Lagði þessi ríkisstjórn síðan allt á borðið, þurfti ekki pressu frá fjölmiðlum til að fá fram ýmis gögn í þessu máli? Hvernig greiddi síðan þessi ríkisstjórn atkvæði við tillögu um að þett mál yrði sett í þjóðaratkvæði? NEI var þeirra svar. Afar skrítið, svo ég taki nú bara vægt til orða og í engu samhengi við þeirra fyrri yfirlýsingar!! Málflutningur þinn hér ber mikinn vott um fáfræði á bæði málefninu og mönnum. Tilvitnanir eru að auki slitnar úr öllu samhengi. Ég hef þá stefnu sjálf að bera virðingu fyrir skoðunum annarra og get rætt mismunandi skoðanir málefnalega og hlustað á rök. Um leið leyfi ég mér að fyrirlíta þegar fólk leyfir sér að nota tilvitnanir á þennan hátt og fjalla svona ranglega um málefni og einstaklinga með að því er virðist þann eina tilgang að koma inn ranghugmyndum hjá fólki.

[Magnús Helgi Björgvinsson, 2.1.2010 kl. 22:16]

Og Ester hvað gerði þessir ríkisstjórn fyrir kosningar þegar hún var minnihlutastjórn. Hún barðist fyrir því að breyta stjórnarskránni. M.a. að auðlindir yrðu í eigu þjóðarinnar, bindandi þjóðarakvæðagreiðslu og hverjir stoppuðu það. Jú Sjálfstæðismenn sem væntanlega taka þá við eftir að þjóðin hefur fellt viðaukasamninginn. Helgi Áss Grétarsson sem var einn af talsmönnum Indefence vann að þessum samningu við Breta og telur að hann sé það skásta sem var hægt að fá úr úr þessu.

Nú í dag telja um helmingur þeirra sem er að fara fram á að Forsetinn hafin þessu að þar með þurfum við ekkert að greiða af Icesave. Allir búnir að gleyma því að lög voru samþykkt 28 ágúst um fyrirvara. Sem Bretar og Hollendingar þurfa bara að senda okkur samþykkt á til að taki gildi. Og þar þurfum við að greiða jafn mikið af þessum skuldum og við mundum gera skv. þessu nýju lögum nema að við gætum lent í deilum aftur 2024 vegna hugsanlegra eftirstöðva sem þó fáir halda að verð nokkrar.

Síðan sé ég ekki hvað þú átt við með tilvitnanir sem slitnar eru úr samhengi.  Þessar tilvitnanir eru úr skjali sem Indefence sendi Alþingi 27. ágúst þegar þeir töldu fyrrvaraleiðiinni allt til foráttu og hin tilvinuni er úr bréfi Guðmundar Auðunssona sem hann birti á síðu Egils Helgasonar.

Og síðan bendi ég þér á að svona breytingar á fólknum samningi er svo lagatæknilegs eðlis að gögn sem fólk þarf að kynna sér nema þúsundum bls. til að geta mynað sér upplýsta skoðun.

En eins og oft áður þá finnst Íslendingum bara best að rjúka á þá sem boða auðveldu lausninar sem koma okkur svo í vanda.

Heldur þú að Steingrímur og Jóhanna hafi talað fyrir þessum samningum af gamni sínu? Heldur þú að þau hafi eytt hundruðum milljóna í þjónust stærstu lögræðisofa Breta til að bara gera einhvern lásý samning? Ríkið hefur aðallega stuðst við 2 af tíu stærstu löfræðistofum Bretlands, allar lögfræðinga og hagfræðing Seðalbankans, fjármálará - utanríkisráðuneytis og miklu fleiri. Samningamenn okkra voru allra reyndustu menn okkar í milliríkjasamningum. VIð notuðum öll okkar tengsl í alþjóðasamfélaginu til að semja við Breta og Hollendinga. Þetta eru kjörin sem náðurst. Heldur þú að ef að við gætum unnið þetta stríð að Bæði Steingrímur og Jóhanna hefðu ekki vilja klára sinn feril á því að sigar það? Það er óvart að okkar túlkun á málunum á ekki hljómgrunn neinstaðar. Skjalið inn á wikileaks sýndi það að Evrópuþjóðir voru undrandi á afstöðu okkar og þeirra lagasérfræðingar voru okkur bara ósammála.

Halda menn að stjórnarflokkarnir vilji verða óvinnsælir og ganga gegn skoðanakönnum? Nei gott fólk þetta er afstaða sem er tekin af vel ígrunduðu máli. Hef t.d. heyrt að samkomlag við Hollendinga sem gert var 8 okt 2008 hafi gert það að verkum að allur okkar málstaður var mótaður þá. Og síðan þó að sett væru Brusselviðmið þá sögðu þau ekkert um að málið væri núllstillt heldur aðeins að greiðslukjör ættu að miðast við að við réðum við þau.

[Einar Guðjónsson, 3.1.2010 kl. 12:21]

Það eru nú varla nema 20 manna hópur sem á meirihluta í Samfylkingu og VG.

Hinir s.k. flokksmenn fylgja eigendunum í blindni. Sé t.d. þessa flokka aldrei boða til nokkurra funda meðal flokksmanna um nokkurt mál sem flokkseigendurnir standa fyrir í það og það sinnið ?