Afhverju segja menn að ímynd sjálfstæðisflokksins hafi mýkst?

Var að lesa á ruv.is:

www.ruv.is

Fyrst birt: 29.10.2006 18:03

Síðast uppfært: 29.10.2006 20:45

Ímynd Sjálfstæðisflokksins mýkist

Stjórnmálafræðingur segir að ímynd sjálfstæðisflokksins í Reykjavík hafi mýkst verulega eftir prófkjör flokksins í borginni. Hann segir að formaður Sjálfstæðisflokksins hafi styrkt sig í sessi.
Birgir Guðmundsson stjórnmálafræðingur við Háskólann á Akureyri segir að veruleg endurnýjun hafi orðið á lista sjálfstæðismanna. Nýtt fólk hafi komið inn á listann og það mýki ásýnd yfirbragði listans. Hann segir að það hljóti að hafa orðið mikil vonbrigði fyrir Björn Bjarnason að tapa öðru sætinu fyrir Guðlaugi Þór Þórðarsyni.

Birgir telur að formaður Sjálfstæðisflokksins komi mjög sterkur út úr prófkjörinu og styrkt stöðu sína sem formaður flokksins.

 

Ég er ekki alveg að skilja þetta. Það sem hefur í raun breyst er að Sólveig Péturs og Guðmundur Hallvarðs eru að hætta, Davíð er hættur, aðrir eru áfram. En í staðinn fyrir þau sem hætta kemur Illugi sem var nú aðstoðamaður Davíðs, Guðfinna sem hefur verið Rektor HR sem er dæmigert hægra vígi í háskólaflóru Íslands. Og svo er komin í 10 sæti hún Sigríður sem má segja um að fólk gerist varla meira til hægri en hún. Hvernig er hægt að segja að þessi listi sé eitthvað mýkri en fyrri listi.

Nýtt framboð: "Framtíðarlandið"

Þetta gæti orðið spennandi kostur:

Af ruv.is

Fyrst birt: 29.10.2006 19:21

Síðast uppfært: 29.10.2006 20:26

Framtíðarlandið íhugar framboð

Húsfyllir var á Haustþingi samtakanna Framtíðarlandsins á hótel Nordica í Reykjavík í dag, þar sem hugmyndir um framtíð landsins voru kynntar og ræddar. María Ellingsen, sem stýrði þinginu, segir að Framtíðarlandið ætli að bjóða fram til Alþingis í vor, komi stjórnvöld sér ekki upp úr hjólförum stóriðjustefnunnar.

Um 3.000 manns eru í samtökunum Framtíðarlandið. Þau voru stofnuð í sumar og hafa að markmiði að vera þrýstiafl og hugmyndaveita, sem styðji stjórnvöld til góðra verka. Samtökin héldu ráðstefnu á Nordica hóteli í Reykjavík í dag, þar sem Framtíðarlandinu var stillt upp. Húsfyllir var þar, um 400 manns.

María Ellingsen, var ráðstefnustjóri. Hún segir ýmsar hugmyndir hafa verið kannaðar. Rætt hafi verið um frumkvöðlalandið, lista- og menningalandið, menntalandið, heilsulandið, fjármálalandið , matvælalandið, ferðamannalandið og náttúrulandið.

María segir að Framtíðarlandið ætli í vinnuhópum að gera allt sem í þess valdi stendur til að reyna að benda stjórnmálamönnum og stjórnvöldum á þessar hugmyndir með virkri umfjöllun í vetur.

Ég verð að vera sammála Önnu K Gunnarsdóttur

Ef þetta verða niðurstöður prófkjörsins í NV hjá Samfylkingu þá er þetta afleytt hvað varðar hlut kvenna. Samkvæmt nýjustu tölum er hún í 3 sæti og hin sætin skipa karlar. Ekki í anda jafnaðarmanna sem vilja náttúrulega að hlutur kynja sé sem jafnastur.

Af mbl.is

Yrði niðurstaðan hins vegar í samræmi við það sem þá lá fyrir væri ljóst að staða kvenna á listanum myndi versna frá síðustu kosningum. “Það er alveg ljóst að staða kvenna í þessu kjördæmi er mjög veik en af tíu þingmönnum er ég eina konan,”

Anna Kristín óttast um stöðu kvenna í kjördæminu

Við vissum nú þetta fyrir. Íslenskir fjárfestar eru upp til hópa svindlarar!

Þetta eru náttúrulega engar fréttir fyrir okkur Íslendinga við vissum þetta. Hér svindla allir eins og þeir mögulega geta.  

Frétt af mbl.is

  Ekstra Bladet segir viðskipti Íslendinga erlendis líkjast skattaundandrætti
Viðskipti | mbl.is | 29.10.2006 | 6:43
Danska blaðið Ekstra Bladet hóf í dag boðaða umfjöllun sína um íslenska kaupsýslumenn og íslenskt viðskiptalíf. Blaðið segist m.a. hafa það eftir sérfræðingum, að kaup Íslendinga á fyrirtækjum í Danmörku, Svíþjóð og á Englandi líkist skattaundandrætti og peningaþvætti. Þá segir Ekstra Bladet, að Kaupþing banki hafi komið sér upp flóknu alþjóðlegu og leynilegu kerfi sem að hluta sé notað að tryggja að bankinn og viðskiptavinir hans þurfi ekki að greiða skatta.

Af visir.is

Blaðið ræddi einnig við Lars Bo Lagsted, prófessor í fyrirtækjarétti, en hann er sérfræðingur í efnahagsbrotum. Hann segir ýmsar skýringar geta verið á flóknu fyrirtækjaneti Íslendinga. Þeir geti verið að reyna að ná fram eins miklu skattahagræði og þeir geti án þess að gripið sé til ólöglegra aðferða. Svo geti verið að þeir vilji fela hvaðan féð komi og nota til þess fyrirtækjakeðjur til að hvítþvo peninga.

Þetta er náttúrulega með ólíkindum hversu mörg fyrirtæki er sett á fót.

Þeir verða að koma með eitthvað bitastæðara.

Ekstra Bladet segir viðskipti Íslendinga erlendis líkjast skattaundandrætti

Bíddu er ekki allt í lagi með Ástu Möller?

Hún hlýtur að vera orðin yfirkeyrð af stressi og þreytu. Að minnstakosti hefur hún ekki mikinn metnað fyrir hönd kvenna eða ekki skoðað raunverluleg úrslit:

Fréttablaðið, 29. Október 2006 00:30

Staða kvenna sterk

Það var hörð barátta í öðru og þriðja sætinu og ég er að ná nokkuð góðri niðurstöðu, segir Ásta og bendir á að átta hafi sóst eftir efstu þremur sætunum.

Ásta segir stöðu kvenna á listanum sterka nú þegar þrjár konur eru meðal tíu efstu.

En konur eru í 4,7 og 10 sæti. Svo að þetta telur sjálfstæðisflokkurinn sterka stöðu fyrir konur í flokknum. 30% af þeim sem raðast í 10 efstu sætin.

Dramb er falli næst (er þetta ekki máltæki?)

Ekki er ég viss um að allir séu sammála því sem Sigríður Á. Andersen  segir hér að neðan. Hún er nú ekki það sem hin almenni kjósandi kýs. Að mínu mati nærri öfgamaður til hægri.

Af vísir.is

Fréttablaðið, 29. Október 2006 01:00

Öruggt þingsæti

Ég er mjög ánægð með þennan árangur, að sjálfstæðismenn skuli treysta mér, ungri konu í framboði, fyrir þessu sæti sem við lítum á sem öruggt þingsæti í vor.

Sigríður segist ánægð með að vera þriðji nýliðinn inn af öllum þeim nýju frambjóðendum sem tóku þátt. Árangur Guðfinnu er glæsilegur og sýnir að menn hafa miklar væntingar til hennar.

 

Björn í 3. sæti breytir það einhverju?

Ég hef verið að velta þessu fyrir mér kvöld. Jú flokkurinn hans er að segja honum að kannski hafi hann ekki fullkomlega staðið undir væntingum. Hann tapaði jú slagnum um borgina. EN hann er samt í 3 sæti sem þýðir að hann verður í 2 sæti á lista í öðru kjördæminu í Reykjavík. Og því verður hann sennilega áfram ráðherraefni ef Sjálfstæðisflokkur kemst í ríkisstjórn aftur eftir kosningar.

Þannig að enn eigum við á hættu að aðferðir og áherslur frá Bandaríkjunum verði teknar hér upp. Þá á ég við hluti eins og:

• Að reyna að koma í veg fyrir ofbeldi með því að beyta fólk og þjóðir ofbeldi.
• Eins að þrengja að réttindum og einkalífi fólks með leyniþjónustu og njósnum.
• AÐ gera Íslendinga virka í hernaðraðgerðum hér og þar um heimin á stöðum sem við höfum engin tengsl við  og hafa ekkert gert á okkar hlut.
• Að láta Bandaríkjamenn segja okkur hvað beri að gera og fylgja þeim í blindni. Sbr. að trúa þeim varðandi gerðeyðingavopn í Írak o.s.frv.

Þannig að eitt sæti niður hefur lítil áhrif held ég.

Blix: Sadam var skömminni skárri

Þetta er umhugsunarvert:

Af ruv.is:

Erlendar fréttir | 28.10.2006 07:14

Fyrst birt: 28.10.2006 07:12

Blix: Sadam var skömminni skárri

Hans Blix, fyrrverandi yfirmaður vopnaeftirlits Sameinuðu þjóðanna í Írak, segir hernám landsins gjörsamlega misheppnað, hlutskipti þjóðarinnar sé enn ömurlegra um þessar mundir en undir einræðisstjórn Saddams Husseins, fyrrverandi forseta. Í nýlegu viðtali við Politiken segir Blix Bandaríkjastjórn í mikum vanda. Hún þurfi að velja milli tveggja kosta, báðir séu afleitir. Yfirgefi Bandaríkjaher Írak tafarlaust brjótist út blóðugt borgarastríð. Fari Bandaríkjamenn hinsvegar hvergi verði þeir áfram skotmark ýmissa andspyrnu-og hryðjuverkahópa án þess að koma á stöðugleika. Blix segir að snöggtum skárra hefði verið að hernema ekki Írak.

Vissulega væri Saddam þá enn við völd, sem væri vont, en Írakar byggju þó ekki við algjöra vargöld. Bandaríkjamenn, og fylgiþjóðir þeirra, virtu Blix að vettugi þegar hann óskaði eftir því að vopnaeftirlitssveitir hans fengju að ljúka störfum í Írak vorið 2003. Hernám væri ekki nauðsynlegt til að hafa uppi á ætluðum gjöreyðingarvopnum Íraka. Bandaríkjastjórn staðhæfði hins vegar að brýna nauðsyn bæri til að tortíma þessum vopnum strax, áður en þau kæmust í hendur hryðjuverkamanna. Engin gjöreyðingarvopn hafa enn fundist í Írak.

Er þetta rétt orðað hjá manninum

Ég veit ekki hvort Afgana telja þetta gilda réttlætingu. Þetta er svona svipað og segja til að losna við Talíbana þá verðum við að drepa alla Afgana:

Frétt af mbl.is

  Yfirmaður NATO í Afganistan segir mannfall meðal óbreyttra borgara harmleik
Erlent | AP | 27.10.2006 | 17:01
Jaap de Hoop Scheffer, yfirmaður Atlantshafsbandalagsins í Afganistan sagði í dag fall óbreyttra borgara í Afganistan í árásum NATO í fyrradag vera harmleik. Sagði Scheffer þó aðgerðir NATO nauðsynlegar og til þess gerðar að verja lýðræði í landinu.

 

Yfirmaður NATO í Afganistan segir mannfall meðal óbreyttra borgara harmleik

Rússneska mafían að þvo peninga hér?

Spennandi sunnudagur í vændum:

• » www.ruv.is

Fyrst birt: 27.10.2006 18:27

Síðast uppfært: 27.10.2006 20:09

Íslenskir fjárfestar sagðir bófar

Íslenska krónan féll um 2% í dag vegna orðróms um að danska Extra bladet birti afar neikvæða frétt um íslenskt efnahagslíf á sunnudag. Þessu er haldið fram í fréttaskeyti Reuters í dag.

Í greininni sem danska götublaðið birtir á sunnudag, samkvæmt tilkynningu þess, er því haldið fram að hægt sé að rekja illa fengið fé frá Rússlandi inn í íslenskt efnahagslíf. Samkvæmt mbl.is, hafa dönsku blaðamennirnir, rakið peninga íslenskra fjárfesta til Rússlands, þaðan til Lúxemborgar og Karíbahafsins, Íslands og svo til Danmerkur. Einnig sé íslenskum athafnamönnum og fjárfestum líkt við bófa og stjórnmálamenn sagðir eiga þátt í spilltu viðskiptalíkani. Ekki kemur fram hverrar þjóðar þeir stjórnmálamenn séu. Blaðamennirnir sem þetta skrifa hafa verið verðlaunaðir fyrir störf sín.