Á að halda Kristni frá 1 sæti

Í fréttini hér fyrir neðan kemur fram að kjörstjórn hafi bætt 2 við þá 6 sem höfðu boðið sig fram í prófkjörinu.

Það vakti upp tækifæri til að koma með samsæriskenningar:

• Þessi 2 sem kjörstjórn bætti við eru bæði frá Vestfjörðum eins og Kristinn. Aðrir á listanum eru frá Skagströnd eða einhversstaðar á Norðurlandi  held ég, svo Akranesi og Borgarfirði.
• Eiga þessi 2 að má nægum atkvæðum af Kristni til að hann ógni ekki Magnúsi í fyrsta sæti.
• Það er minnstakosti gaman að velta þessu fyrir sér

Átta í prófkjöri framsóknar í NV-kjördæmi

Allt er nú til!!!!!!!

Lögreglumenn geta lent í ótrúlegustu aðstæðum og verða ávallt að vera við öllu búnir. Samkvæmt upplýsingum frá lögreglunni í Reykjavík barst tilkynning um umferðaróhapp í austurbænum um helgina þar sem bíll hafði farið út af veginum og hafnað á vegg.

Ökumaðurinn var með beltið spennt en loftpúði í stýri bílsins hafði sprungið út. Ekki var að sjá neina áverka á ökumanninum en hann virtist meðvitundarlaus þegar að var komið. Hann var því fluttur á slysadeild til frekari rannsóknar en bifreið hans var fjarlægð af vettvangi.

Á slysadeild kom hins vegar í ljós að maðurinn var alls ekki meðvitundarlaus. Hann hafði verið með leikaraskap allan tímann og reynt að villa um fyrir lögreglunni. Ekki er fyllilega ljóst hvað vakti fyrir manninum en þegar hugað var að sárum hans fannst áfengisþefur, samkvæmt upplýsingum frá lögreglu. Því var brugðið á það ráð að taka úr honum tvö blóðsýni í þágu rannsóknar.

Ég á ekki orð!!!!

Þóttist vera meðvitundarlaus eftir umferðaróhapp

Bíddu var ekki verið að segja að það væri þegar búið að selja kjötið?

Sendiherra Japans á Íslandi segir ólíklegt að Japanir muni kaupa hvalkjöt af Íslendingum, þar sem nóg væri til af slíku kjöti í Japan eftir vísindaveiðar þar. Illa gengi að selja það kjöt.

Kristján Loftsson, eigandi Hvals hf, sagði að kanna yrði hvort kjötið væri mengað úr langreyðinni sem veiddist í gær og því gætu margir mánuðir liðið þar til hægt verður að selja kjötið.

Hverning væri nú að blöð og fréttastofur könnuðu málin betur en væru ekki að hlaupa eftir einhverju sem fulltrúar hagsmunaaðila segðu.

Japanar eiga of mikið af hvalkjöti að sögn sendiherra

Þessi jarðgöng eru sjálfsagt hið mesta þarfa þing - EN þau þurfa að bíða!!!

Nú er kominn tími til að við sem búum á SV horni landsins berjum í borðið og neitum að það séu hafnar frekar framkvæmdir við stör verk eins og jarðgöng á meðan að við 70% þjóðarinar búum við þau umferðarskilyrði sem við búum við í dag. Það á ekki að ráðast í frekari jarðgöng fyrr en Sundabraut er kominn. Eins þá vantar að laga Miklubraut/Hringbraut og gatnamót við Kringlumyrarbraut. 2 földun Vesturlandsvegar og Suðulrandsvegar til Selfoss.Það á að huga að jarðgöngum í gegn um Hellsiheiði, Undir Öskjuhlíð. Og fullt af þannig framkvæmdum. Það er með öllu óþolandi að við þurfum alltaf að bíða í áratugi eftir þessu.

Síðan má fara að skoða þannig framkvæmdir eins og jarðgöng milli Dýrafjarðar og Arnarfjarðar

Bæjarstjóri Ísafjarðar segir jarðgöng mikilvæga samgöngubót

Furðuleg stefna Ísraelsmanna

Þett er nú nógu alvarleg frétt en ég verð að viðurkenna að ég skil ekki seinnipart hennar.

Ísraelar skjóta sjö Palestínumenn til bana á Gaza-svæðinu
Ísraelskir skutu til bana sjö Palestínumenn á Gaza-svæðinu í dag, þ.á m. þrjá bræður og tvo frændur þeirra. Er dagurinn orðinn einn sá blóðugasti í aðgerðum Ísraela á Gaza, er staðið hafa í fjóra mánuði. Fjórtán til viðbótar særðust í skotbardaga. Ísraelar segja hermenn sína hafa verið að verjast árás.

Ísraelsku hermennirnir hafi verið í aðgerðum gegn Palestínumönnum er hafi skotið eldflaugum frá Gaza inn í Ísrael. Haft er eftir sjónarvottum að Palestínumennirnir sem féllu hafi byrjað að skjóta vegna þess að þeir hafi haldið sig sæta skotárás frá keppinautum. Að minnsta kosti sex þeirra er féllu hafi verið vopnaðir.

Hvað er átt við „keppinautum" skil það ekki.

Svo er önnur frétt:

Ísraelskt dagblað fullyrti í gær að Íraelsstjórn hefði í fyrsta sinn viðurkennt að hafa beitt svokölluðum hvítum fosfór-sprengjum gegn hernaðarlegum skotmörkum í átökunum í Suður-Líbanon í sumar. Slíkar sprengjur eru afar umdeildar en þær valda fórnarlömbum sínum alvarlegum bruna og mjög kvalafullum dauðdaga.

"Ísraelskar hersveitir notuðu fosfór-sprengjur í stríðinu gegn Hizbollah í árásum sem beindust gegn hernaðarlegum skotmörkum á opnu svæði," hafði dagblaðið Haaretz eftir Yakov Edery, ráðherra í Ísraelsstjórn, sem fer með samskipti við þingheim.

Alþjóða Rauði krossinn og önnur mannréttindasamtök hafa lengi barist fyrir því, að vopn sem innihaldi fosfór verði bönnuð með öllu í stríðsátökum og skilgreind sem ólögleg efnavopn.

Og ein en frétt

NFS, 23. Október 2006 10:15

Ísraelar halda áfram eftirlitsflugi um líbanska lofthelgi

Varnarmálaráðherra Ísraels, Amir Peretz, sagði í gær að Ísraelar myndu halda áfram daglegu eftirlitsflugi sínu yfir líbanska lofthelgi svo lengi sem líbanska ríkisstjórnin sinnti ekki sínum hluta vopnahléssamkomulagsins um að hindra vopnasmygl til Hisbollah. Líbanir hafa gagnrýnt yfirflug Ísraela sem skýlaust brot á vopnahléssamkomulagi öryggisráðsins.

Utanríkisráðherra Líbanons, Fawsi Shalloukh, segir Líbani standa við vopnahléssamkomulagið, þeir einu sem brjóti það séu Ísraelar. Alþjóðasamfélagið hefur einnig í auknum mæli gagnrýnt yfirflug Ísraela.

Reyndar skil ég ekki þetta stríð, ég skil ekki að nokkuð land skuli þurfa að búa við svona ömurleg skilyrði eins og Palestína og ég skil ekki að Ísrael skuli halda að aðgerðir þeirra verði nokkurn tíma til þess að þeir upplifi frið. Það eina sem ég skil nokkurnvegin er að auðvita tengjast Bandaríkinn þessu ástandi mikið eins og á flestum stöðum í heiminum þar sem eru átök milli þjóða. Hvort sem það er í Afganistan, Írak, Palestínu o.s.frv.

Ísraelar hljóta að gera sér grein fyrir því að fyrr en síðar verða þær þjóðir sem þeir ögra nú í aðstöðu til að svara fyrir sig miklum krafti. Þegar myndast meiri samstaða þeirra á milli. Og þá gæti komið upp sú staða að það verði erfitt að bjarga Ísrael.

 

Ísraelar skjóta sjö Palestínumenn til bana á Gaza-svæðinu

Ekki styrkir þetta trú mína á að þessi maður segi satt og rétt frá.

Fann þetta á síðu Jóhanns Haukssonar www.morgunhaninn.is  :

Þess má geta að Róbert Trausti Árnason er nú í sérverkefnum á vegum Björns Bjarnasonar dómsmálaráðherra, meðal annars við að undirbúa alþjóðlega ráðstefnu um öryggi á norðurslóðum, sem haldin verður á vegum dómsmálaráðuneytisins 2. nóvember næstkomandi.

Og þetta er maðurinn sem segir að Jón Baldvin hafi látið rannsaka tengsl Svavars við Stasi. Þetta er maður sem er eins og þarna kemur fram í starfi hjá Dómsmálaráðuneyti + að hann rífur held ég reglur um þagnarskyldu opinberra starfsmanna sem og trúnað sem ríkir í Utanríkisþjónustu. Þá fer hann skv. Jóni með rangt mál. Því þarf að víkja honum a.m.k. tímbundið frá störfum hjá Birni (ráðuneytinu) á meðan málið er kannað.

En á ný um dóma hér á landi

Eru þetta ekki boð til þeirra sem eiga það til að sýna ofbeldi að það sé bara allt í lagi:

Fréttablaðið, 23. Október 2006 00:01

Sex mánaða fangavist:

Barði dyravörð með glasi

Maður hefur verið dæmdur í Héraðsdómi Reykjavíkur í sex mánaða fangelsi, skilorðsbundið til þriggja ára, fyrir sérstaklega hættulega líkamsárás. Hann sló dyravörð á Dubliners með glasi í hnakkann 2. október. Höggið var það þungt að glasið brotnaði.

Dyravörðurinn hlaut stóran skurð ofan við hægra eyra og fékk heilahristing. Hann kvað tilefni árásarinnar hafa verið það að hann hefði fengið ábendingu um að árásarmaðurinn væri að káfa á brjóstum erlendrar konu inni á skemmtistaðnum. Hann hefði því vísað gestinum út með ofangreindum afleiðingum.

Skilorðsbundið fangelsi fyrir þessa árás. Hann hefði getað höfuðkúpubrotið dyravörðinn. Og hvað ef hann hefði haft hníf við hendina hefði hann notað hann í staðinn. Mér finnst að allar svona árásir eigi að meðhöndla sem tilraun til að valda viðkomandi fórnarlambi varanlegum skaða eða dauða. Og dæma eftir því.

80 Bandaríkjamenn látnir í Írak nú í október

Hversu marga menn hefur Bush leyfi til að láta deyja fyrir málstað sem löngu er búið að sanna að gengur ekki upp. Það voru ekki tengsl við hriðjuverkamennina sem flugu á turnana, það hefur ekki orðið friðsælla í heiminum, Írakar villja ekki sjá Bandaríkjamenn. Enda hvaða rétt hafa þeir til að hernema og skipta sér að ríkjum í mörg þúsund kílómetra frá landamærum þeirra.

Þessi síðustu ár eru dæmi um hverning nokkrir menn gjörsamlega úr tengslum við raunveruleikan geta náð völdum í öflugasta ríki veraldar og komið heiminum á heljarþröm.

Áttatíu bandarískir hermenn hafa fallið í mánuðinum í Írak

Erfitt val fyrir Samfylkingarfólk í SV kjördæmi.

Hef verið að fara yfir lista yfir frambjóðendur í Prófkjöri Samfylkingarinnar í SV kjördæmi. Og ég verð að segja að valið verður erfitt hjá mér þann 4 þegar prófkjörið verður. Ég vildi í raun að flest fengju sæti á listanum.

Hér eru svona fyrstu pælingar hjá mér

Anna Sigríður Guðnadóttir 
bókasafns- og upplýsingafræðingur
Vefsíða: www.123.is/annasigga

Hef heyrt vel af henni látið og set hana því á lista minn

Árni Páll Árnason
lögfræðingur
Vefsíða: arnipall.is

Hann hefur reynslu úr stjónkerfinu og hefur verið hleraður

Bjarni Gaukur Þórmundsson
íþróttakennari
Vefsíða: bjarnigaukur.net
Ungur ofurhugi en óreyndur.

Guðmundur Steingrímsson
Vefsíða: http://www.gummisteingrims.blog.is/
Það væri gaman að velja hann á lista m.a. bara til að upplifa það að barna barn Hermanns og sonur Steingríms færi á þing fyrir Samfylkingu. Slíta á framsóknartengsl þessarar ættar.

Gunnar Axel Axelsson
Viðskiptafræðingur
Vefsíða: www.gunnaraxel.is/
Þekki mömmu hans og ef hann hefur brot af réttlætiskend og baráttuanda hennar er hann góður kostur

Gunnar Svavarsson
forseti bæjarstjórnar
Netfang: [e-mail]
Hefur unnið víst vel í Hafnarfirði en ég þekki hann ekki.

Jens Sigurðsson
framkv.stjóri
Hann starfar af krafti með ungum jafnaðarmönnum. EN mér finnst að hann þurfi að kynna sig betur til að vera raunhæfur valkostur


Katrín Júlíusdóttir
alþingismaður
Vefsíða: katrinjul.blogspot.com
Ég hef trú á Katríun og hún verður ofarlega á mínum lista.

Kristín Á Guðmundsdóttir

Formaður sjúkraliðafélagsins. Hef ekkert um hana að segja.

Sandra Franks
www.123.is/sandrafranks

Þekki hana ekki

Jakob Frímann Magnússon 
Tónlistarmaður
Vefsíða: jakobfrimann.is/

Hann gæti hugsanlega verið góður á þing en ég er ekki viss

Sonja B. Jónsdóttir
Myndlistarkennari og kvikmyndagerðarmaður
Vefsíða: www.123.is/sonjab/

Þekki hana ekki

Kristján Sveinbjörnsson
Bæjarfulltrúi á Álftanesi
Þekki hann ekki

Magnús M. Norðdahl 
lögfræðingur
Vefsíða: www.mn.is

Hef heyrt vel af honum látið og kem til með að setja hann ofarlega á minn lista.

Tryggvi Harðarson 
Stóð sig vel sem bæjarstjóri og einnig vel í bæjarmálum í Hafnarfirði

Valdimar Leó Friðriksson 
alþingimaður
Vefsíða: www.althingi.is/valdimarlf

Hefur unnið með fötluðum og þekkir málaflokkinn. Ekki heyrt hann tala mikið þeirra máli nú á þingi

Þórunn Sveinbjarnardóttir 
alþingismaður
Vefsíða: www.althingi.is/tsv
Hef trú á Þórunni og fylgst með henni. Kem til með að setja hana mjög ofarlega á lista minn

Brátt segir Þór Whitehead að þetta hafi bara verið misskilningur hjá sér.

„Engin efni eru hins vegar til þess að kenna þessa veikburða sjálfsvörn ríkisins við einn stjórnmálaflokk öðrum fremur og engar heimildir hafa verið dregnar fram því til sönnunar að öryggisþjónustumenn hafi beitt sér í þágu nokkurs stjórnmálaflokks,“

Segir Þór Whitehead í grein sem birtist í sunnudagsmogganum. Þar er hann að fjalla um þann vísi að leyniþjónustu sem hefur víst verið hér síðan fyrir miðja síðustu öld. Í þessari grein er hann að bera af Sjálfstæðisflokknum ábyrgð af þessari leyniþjónustu. Mér finnst það skrítið að hann skuli vera kominn í svona varnarbaráttu fyrir Sjálfstæðisflokkinn. Með þessum skrifum sínum er hann í raun að draga úr gildi þesara merkilegu uppgötvana sem hann gerði. Hann er farinn að tala um að þetta hafi verið léttvægt og lítið. Hann hefur sagt að það hafi verið fullþörf á þessu þar sem að kommúnistar á Íslandi hafi verið búnir að koma sér upp vísi að her og svo framvegis. Af hverju er hann tilbúinn að sverta alla þá sem aðhyltust sósialískar skoðanir og segja þá vopnaða og þessháttar en reyndir nú að draga mjög úr áhrifum Sjálfstæðisflokks á þessa leyniþjónustu þó að það hafi verið ráðherrar þess flokks sem settu þessa leyniþjónustu á fót og virðast hafa verið einu mennirnir sem vissu af þessu.

Engar heimildir um starfsemi í þágu stjórnmálaflokks