Guð er góður?!!!!

Það er við lestur þessarar skýrslu ljóst að Guð gerir vel við sína menn. Mér er spurn hvort að önnur trúarsamfélög sem stunda fjársafnanir og almennt snap frá borurunum þurfi ekki að skila inn almennilegur bókhaldi. T.d. er allaf verið að segja á Omega að þeir þurfi milljónir hér og milljónir þar fyrir tækjum til að breyða út orð Guðs en síðan virðist veltan þar vera svo mikil að þeir voru að kaupa heilann skóla og jörð ásamt fullt af húsum fyrir nokkrum mánuðum.

EN aftur að þessari skýrslu: Laun virðast hafa takk fyrir verið bara ágæt. Þ.e.

 

Athygli vekur að launagreiðslur Byrgisins á árinu 2005 námu einungis 5,5 m.kr. samkvæmt ársreikningi, eða rúmlega 460 þús.kr. á mánuði. Alls þáðu fimm einstaklingar greiðslur frá Byrginu á árinu 2005. Við nánari eftirgrennslan kom í ljós að greiðslur til einstaklinga voru í raun mun hærri en samtals höfðu 28,4 m.kr. verið bókaðar á launareikninga. Yfir árið var ýmiss konar útlagður kostnaður, samtals að fjárhæð 15,7 m.kr., færður til lækkunar á greiðslum, oft án fullnægjandi skýringa og bókhaldsgagna. Í árslok 2005 voru síðan um 7,2 m.kr. fluttar á aðra lykla með ýmsum millifærslum, m.a. bókaðar 3,1 m.kr. sem afskrifuðvistgjöld, fyrrgreindar 2,2 m.kr. sem framlag til KFM og rúmlega 1 m.kr. til eignarhaldsfélags Byrgisins vegna eignaleigu bifreiða.

Þannig að mér sýnist að þetta hefi verið um 28,4 milljónir. Sem gera takk fyrir á sjöttumilljón á stöðugildi og kannski meira á suma sem voru nær Guði.

Síðan er þetta hér fyrir neðan sniðugt því að Guðmundur virðist hafa stofnað bílaleigu til að reka bifreiðakost Byrgisins og það eru engir slorbílar. Bara LandRover Discovery af árgerð 2006 undir hann og fleiri.

Bifreiðar

Byrgið leigir þrjár bifreiðar af eignarhaldsfélagi Byrgisins, sem er í eigu forstöðumanns Byrgisins, og hefur félagið bifreiðarnar á rekstrarleigu. Um er að ræða tvo LandRover Discovery af árgerð 2006 sem forstöðumaður og aðstoðarforstöðumaður Byrgisins hafa til umráða og eina Renault Master sendibifreið af árgerð 2005 sem notuð er til að sækja vistir fyrir Byrgið. Öll útgjöld eignarhaldsfélagsins vegna þessara bifreiða eru gjaldfærð yfir á Byrgið auk þess sem Byrgið greiðir kostnað við rekstur þeirra. Vert er að geta þess að bifreið forstöðumanns Byrgisins hefur verið endurnýjuð árlega.

Eignarhaldsfélagið er að auki með tvær bifreiðar á sínum vegum sem eru leigðar einstaklingum; annars vegar LandRover Discovery sem einn starfsmanna Byrgisins hefur til afnota og greiðir sjálfur af og hins vegar Renault Mégane sem dóttir forstöðumanns Byrgisins hafði til afnota á árinu 2006. Að sögn forstöðumanns var bifreiðin m.a. notuð til skólaaksturs. Ætlast er til þess að afborganir af þeirri bifreið séu dregnar af launum forstöðumannsins samkvæmt munnlegum samningi, en þess sjást þó engin merki í bókhaldi Byrgisins. Ríkisendurskoðun hefur ekki undir höndum nauðsynleg gögn til að staðfesta kostnað Byrgisins vegna viðkomandi bifreiðar. Þó er ljóst að kostnaðurinnnemur a.m.k. 500 þús.kr. árið 2006.

 

Samkvæmt ársreikningi 2005 nam leiga vegna bifreiða af eignarhaldsfélaginu alls um 8 m.kr. á árinu 2005 og á fyrstu tíu mánuðum ársins 2006 er sambærileg gjaldfærð tala um 5,7 m.kr. Heildarrekstrarkostnaður bifreiða Byrgisins og greiddur akstur til starfsmanna Byrgisins nam samtals um 13,3 m.kr. á árinu 2005, eða um 28% af bókfærðum heildarrekstrarkostnaði ársins

Ég er að vinna að því að reyna að ná sambandi við Guð (gengur illa) og semja við hann um réttinn til að stofna söfnuð sem á að heita: "Gerum Magga ríkann segir Guð" Og þegar ég hef náð samningum þá ætla ég að stofna til söfnunar á peningum og fólki til að vinna fyrir mig.

 

Frétt af mbl.is

  Innlegg úr söfnun fóru jafnóðum inn á persónulegan bankareikning forstöðumanns
Innlent | mbl.is | 15.1.2007 | 15:41
Í skýrslu Ríkisendurskoðunar um fjármál meðferðarheimilisins Byrgisins er m.a. fjallað um fjársafnanir, sem skipulagðar voru fyrir Byrgið. Fram kemur m.a. að í einni söfnun, sem einstaklingar höfðu frumkvæði að og stóðu fyrir, voru innlegg á söfnunarreikning jafnóðum millifærð af forstöðumanni Byrgisins inn á hans persónulega bankareikning.

Innlegg úr söfnun fóru jafnóðum inn á persónulegan bankareikning forstöðumanns

Þetta er dálitið annað sjónarhorn á það sem Bush sagði í 60 mínútum því að á visir.is segir:

Vísir, 15. jan. 2007 11:56

Bush játar að hafa gert ástandið verra

George W. Bush, forseti Bandaríkjanna, viðurkenndi í viðtali við fréttamann 60 mínútna í gær að ákvarðanir hans hefðu gert ástandið í Írak óstöðugara en það var áður. Í því sagði Bush að ofbeldið á milli trúarhópa í Írak gæti leitt til hryðjuverkaárása í Bandaríkjunum. Því væri nauðsynlegt að ná stjórn á ástandinu þar í landi.

Þegar fréttamaður 60 mínútna spurði Bush hvort að stjórn hans hefði ekki skapað óstöðugleikann í Írak svaraði Bush „Stjórn okkar upprætti óstöðuglega í Írak. Sjáðu fyrir þér heim þar sem Saddam væri að keppast við Írani um að koma sér upp kjarnavopnum. Hann var augljóstlega uppspretta óstöðugleika."

En þegar fréttamaðurinn sagði að ástandið væri verra í dag en það var fyrir innrásina svaraði Bush „Já, það er ekki spurning, ákvarðanir hafa gert ástandið óstöðugra. Ég held að þegar litið verður til baka á stríðið sjáist að margt hefði mátt gera á annan hátt. Engin spurning." Bush sagði enn fremur að Írakar hefðu farið rangt að þegar þeir tóku Saddam af lífi.

Bush verður ekki hvikað frá Íraksáætlun sinni

Þjóðlendumálin komin yfir hálfan milljarð.

Það er makalaust hvað allir hlutir þurfa að kosta. Eins og þetta með þjóðlendumálin. Þau eru sennilega búinn að kosta okkur hátt í 600 milljónir (þá bæti ég árinu 2006 við upplýsingar í fréttini hér fyrir neðan) og nú fyrst er verið að huga að því að breyta aðferðum til að málin fari að ganga í einhverri sátt.

 

Fréttablaðið, 15. jan. 2007 06:30
Kostnaður ríkisins tæpar 450 milljónir

Kostnaður ríkisins af þjóðlendumálum hefur verið rúmar 447 milljónir frá árinu 1998 til ársins 2005. Þessi tala fæst þegar heildarkostnaðurinn, rúmar 384,5 milljónir, er uppreiknaður til verðlags ársins 2006.

Þessar upplýsingar koma fram í svari Árna Mathiesen fjármálaráðherra við fyrirspurn sem Jón Gunnarsson, þingmaður Samfylkingarinnar, lagði fram á Alþingi í október. Jón fór einnig fram á að sjá kostnað sveitarfélaga af þjóðlendumálum. Í svari fjármálaráðherra kemur fram að ráðuneytið hafi ekki upplýsingar um kostnað þeirra.

Tölur um kostnað af þjóðlendumálum fyrir árið 2006 lágu ekki fyrir í gær þegar Fréttablaðið hafði samband við Böðvar Jónsson, aðstoðarmann fjármálaráðherra.

Kostnaður ríkisins af þjóðlendumálum er þrískiptur: kostnaður ráðuneytisins vegna undirbúnings mála, almennur kostnaður óbyggðanefndar og kostnaður við úrskurði.

Í kostnaðinum felst meðal annars vinna lögmanna við gagnaöflun, laun til starfsmanna óbyggðanefndar, laun til lögmanna vegna málflutnings lögmanna fyrir óbyggðanefnd og einnig þóknun til lögmanna sem gæta hagsmuna málsaðila annarra en ríkisins.

Þolinmótt fjármagn

Það er kannski til marks um hversu mikið er um peninga í þjóðfélaginu um þessar mundir að nú er fjárfestar út um allar jarðir að kaupa upp heilu hverfin. Þeir sjá sér hag í því að kaupa eignir og lóðaréttin með því að þar má hugsanlega byggja einhver ný hús sem svo aftur fyrirtæki og nýríkir Íslendingar slást um að kaupa. Reyndar finnst mér með ólíkindum hversu margir stórir fjárfestar eru orðnir í þessu litla landi.

Það sem ég er aftur að velta fyrir mér er hversu þolinmóðir þessi fjármunir eru sem fara í þetta. Það að það virðist vera auðvelt fyrir þessa menn að labba bara í næsta banka og reyfa þessa hugmynd og bingó bankinn ábyrgist fjármögnun. Þó er oftast engin leyfi komin fyrir niðurrifi og breytingum. Því oft að það virðist rent blint í sjóinn með þetta. Eða eru kannski leyfin komin bak við tjöldin? Hér fyrir nokkrum árum hefðu menn ekki verið tilbúnir að festa penginga í lengri tíma án þess að tryggt væri að þeir bæru arð.

Nú síðast las ég þetta:

ruv.is

Fyrst birt: 14.01.2007 19:01

Síðast uppfært: 14.01.2007 20:06

• Vinsælt að kaupa fasteignir í Örfirisey

  Fjárfestar kaupa nú upp fjölda fasteigna í Örfirisey fyrir milljarða króna. Svæðið er að verða eftirsóttasta byggingarland höfuðborgarinnar, segir formaður borgarráðs.

  Fjárfestingafélagið Lindberg ehf. hefur undanfarnar vikur keypt fasteignir í Örfirisey fyrir vel á þriðja milljarð króna. Á föstudag gekk félagið frá kaupum á 10 eignum á svæðinu fyrir um 850 milljónir. Miklar vonir eru bundnar við svæðið segir formaður borgarráðs.

  Þarma skilst mér að Sparisjóðabanki sjái um fjármögnun

Síðan má lesa þetta á bloggi oddvita Samfylkingarinnar í Kópavogi.

Nú hefur stór hluti Glaðheimalandsins svo verið seldur félagi sem enginn í raun veit hver á.
Á Kársnesi er svipað uppi á teningnum.  Félög í eigu fjársterkra aðila hafa verið að kaupa upp svæði á nesinu og skipuleggja nýja byggð, þétta og háreista með það að markmiði að selja og græða.  Fyrir einu félaginu fer fulltrúi Sjálfstæðisflokksins í byggingarnefnd - reyndar formaður byggingarnefndar.  Í mikilli andstöðu við íbúa á Kársnesi og andstöðu minnihlutans í bæjarstjórn Kópavogs ákvað meirihlutinn  að heimila að auglýsa breytt skipulag á þessum tiltekna reit á meðan aðrar tillögur hafa verið settar í bið.

Þetta finnst mér alveg með ólíkindum. Það er að menn séu tilbúnir að binda milljarða í gömlum byggingum og lóðum. Það er líka með ólíkindum að allt þetta nýja húsnæði eigi eftir að seljast. Farið að byggja 20 hæða skrifstofuturn í Kópavogi og nokkrir fleiri á leiðinni.

En þetta er kannski til marks um nýja og betri tíma. En það sem er að böglast fyrir mér er áræðið hjá bönkum að lána út á hugmynd sem ekki hefur en fengið samþykki hjá borgar- bæjaryfirvöldum.

Björn Bjarnason opinberar sig sem langrækin, rætinn og hefnigjarnan mann!

Alveg getur mér blöskrað hvernig Björn Bjarnason getur talað um annað fólk. Í pistli sínum í dag er hann að vega að Ingibjörgu Sólrúnu. Maður les út úr þessari grein hans að hann fyrirgefur henni aldrei að  hafa tapað fyrir henni í slagnum um borginna fyrir tæpum 5 árum. Þar sem hann vonarstjarna sjálfstæðismanna tók persónulega að sér að ná borginni aftur til flokksins en misheppnaðist svo hrapalega. Í bloggi sínu segir hann m.a.

Augljóst er af viðtalinu við Ingibjörgu Sólrúnu, að málefni verða henni ekki til trafala, ef hún gengur til samninga um stjórnarmyndun eftir 12. maí. Allt, sem hún segir um einstök mál, er svo losaralegt og almennt, að þann leir er unnt að hnoða að vild.

Gaman væri að heyra hvað Björn hefði um umæli Geirs að segja ef hann væri spurður sömu spurninga. Er Björn virkilega svo tregur að hann geri sér ekki grein fyrir að flokkar hér á landi forðast að útiloka samstarf við nokkurn flokk á kosningaári? Er Björn orðinn svo týndur í völdum og valdaleikjum að hann sé búinn að gleyma því að formenn standa fyrir flokka og flokkarnir eru hópur fólks með líkar lífsskoðanir. Sem móta sér stefnu og kjósa sér síðan formann til að tala máli flokksins en ekki sjálfra sín.

Síðar í bloggi sínu segir Björn og þá varð mér nóg boðið:

Reynsla þeirra, sem störfuðu með Ingibjörgu Sólrúnu í R-listanum, var á þann veg, að þeir settu henni að lokum afarkosti, af því að þeir treystu henni ekki. Sé litið yfir feril Ingibjargar Sólrúnar og framgöngu hennar, virðist ekki auðvelt að eiga við hana samstarf, grunnt sé á sérhagsmunagæslu, sem leiði til flokkadrátta. Nýjasta dæmið er auðvitað talið um  stjórnarandstöðuflokkana sem augljósan kost í stað ríkisstjórnarinnar, en í Morgunblaðsviðtalinu segir Ingibjörg Sólrún þetta samstarf í raun ekki annað en kaffispjall - líklega minnkaði áhugi hennar eftir að Steingrímur J. krafðist þess að verða forsætisráðherra.

Þarna lýgur Dómsmálaráðherra Íslands blá kalt. Það er með ólíkindum að segja að að kona sem hélt ásamt öðrum samstarfi 4 og síðan 3 flokka gangandi í 12 ár við stjórn borgarinnar sé manneskja sem flokkarnir treystu ekki. Það er með ólíkindum að maðurinn láti þetta á blað. Hann veit vel eins og aðrir að  eftir 9 ára farsæla stjórn ákvað Ingibjörg Sólrún að taka sæti á lista Samfylkingar í Alþingiskosningum og það gat Framsókn ekki sætt sig við. Allir fulltrúar R listans sem sem hafa tjáð sig um stjórn Ingibjargar gefa henni góða umsögn og það var ekki þessvegna sem hún hætti sem borgarstjóri.

Síðan þegar hann talar um Kaffibandalagið þá hafa allir formenn stjórnarandstöðunnar sagt það sama. Þeir ætla að vinna saman í vetur og ef þeir komast í þá stöðu að fella núverandi stjórn þá ætla þeir fyrst að ræða sína á milli um stjórnarmyndun.

Björn er hér að opinbera sig sem langrækinn, rætinn mann sem aldrei getur fyrirgefið að hafa tapað fyrir Ingibjörgu í kosningum sem var í raun upphafið að endalokum vona hans um frekari frama sem stjórnmálamanns.

Kristinn "Sleggja" H Gunnarsson tjáir sig um samning HÍ og menntamálaráðuneytis

Kristinn bendir á það á pisli sínum sem er alveg rétt að menntamálaráðherra er nýbúinn að skrifa undir samning sem að ekki var gert ráðfyrir í fjárlögum þessa árs. Og skv. lögum hafa ráðherrar ekki leyfi til að skrifa undir samninga um umtalsverð fjárútlát án þess að leita samþykki Alþingis. Í pisli sínum segir hann m.a.

En ekki er allt sem sýnist. Samningurinn hefur ekki verið kynntur á Alþingi og þar liggur fjárveitingarvaldið. Einhverra hluta vegna varð viðbótarframlagið í fjálögunum fyrir 2007 aðeins 300 milljónir króna en ekki 640 milljónir króna. Hvers vegna var það? Einhver ástæða hlýtur að vera fyrir því. Þá er það spurningin hvernig efndir verði með þær 7600 milljónir sem lofaðar eru í samningnum næstu fjögur árin einmitt í ljósi afgreiðslu fjárlaga 2007.

Þegar samningurinn er skoðaður kemur nefnilega í ljós, það sem gleymdist alveg að segja frá í fréttatilkynningu og umfjöllum fjölmiðla, að hann er undirritaður með fyrirvara um samþykki Alþingis um fjárveitingar á ári hverju. Það er lóðið. Ráðherra getur ekki samið fjárlög íslenska ríkisins næstu fjögur árin með einni undirskrift, fjárveitingarvaldið liggur hjá Alþingi. Samningurinn er þegar allt kemur til alls aðeins viljayfirlýsing. Pólitísk yfirlýsing ráðherrans og eftir atvikum ríkisstjórnarinnar um aðgerðir eftir að umboði þeirra lýkur.

Slíkar yfirlýsingar eiga frekar heima í kosningastefnuskrá flokkanna og mér finnst það gagnrýnivert þegar ráðherrar leika þennan leik og blanda saman stöðu sinni sem ráðherrar og frambjóðendur. Umræddur samningur hefur hvorki verið kynntur né samþykktur í stjórnarflokkunum, svo mér sé kunnugt um. Vilji ráðherrann hrinda ákvæðum samningsins í framkvæmd á hann að snúa sér til Alþingis og leggja fram frumvarp. Geri hann það ekki er ekkert fast í hendi. Næsta ríkisstjórn er ekki skuldbundin.

Þær eru margar viljayfirlýsingarnar sem reynast lítils virði þegar á reynir, svo sem dæmin sanna. Jafnvel viljayfirlýsingar Alþingis sjálfs í formi vegaáætlunar voru þunnar í roðinu þegar til efndanna kom og nægir að minna á hina metnaðarfullu vegaáætlun sem samþykkt var fyrir síðustu Alþingiskosningar en var svo skorin sundur og saman eftir

Þetta er náttúrulega alveg rétt hjá honum

Eru menn að tala um að Ingibjörg Sólrún og Samfylkingin tali óskýrt?

Ég verð nú að segja að þetta finnst mér skýrara heldur enn að aðrir (nema VG sem er á móti skv. venju) sem hafa talað um evruna.

Framsókn þar eru hver höndin upp á móti annarri. Sjálfstæðismenn þar eru að verða kynslóðaskipti og hallarbylting. En við vitum að þegar að flokkseigendur (fyrirtækin) skipa þeim þá hlaupa þeir til og skipta um skoðun í ESB. Frjálslyndir vilja hafa allann varan á með útlendinga og samskipti við þá. En Ingibjörg tekur af allan vafa um vilja Samfylkingar um leið og hún viðurkennir að þetta geti tekið tíma:

Fréttablaðið, 14. jan. 2007 09:00

Segir hagstjórnina hafa verið óábyrga

Ingibjörg Sólrún Gísladóttir, formaður Samfylkingarinnar, segir að hagstjórn ríkisstjórnarinnar hafi verið óábyrg á kjörtímabilinu. Hún vísar gagnrýni Geirs H. Haarde forsætisráðherra til föðurhúsanna.

Í kvöldfréttum Sjónvarpsins á föstudag sagði Geir að tal þingmanna Samfylkingarinnar um upptöku evrunnar grafi undan krónunni.
„Ríkisstjórn Geirs ber ábyrgð á því ójafnvægi sem er hér á landi á mörgum sviðum. Íslenskur almenningur þarf að greiða hæstu vexti af lánum á vesturhveli jarðar, býr við hæsta matarverð sem þekkist á byggðu bóli. Hér eru verðtryggð lán á verðbólgutímum og krónan er afar óstöðug," segir Ingibjörg.

Helstu mistökin í hagstjórninni að mati Ingibjargar var tímasetningin á skattalækkunum og þær breytingar sem gerðar voru á Íbúðalánasjóði sem hún segir að hafi verið afar þensluhvetjandi.

Að hennar mati reyna íslensk fyrirtæki að leita sér skjóls í erlendum gjaldmiðlum til að losna undan afleiðingum hagstjórnar ríkisstjórnarinnar. „Íslenskur almenningur og smáfyrirtæki koma litlum vörnum við og þurfa að búa við þetta ástand. Geir H. Haarde á að líta sér nær og axla ábyrgð í stað þess að gagnrýna þá sem benda á hversu slæm hagstjórnin hefur verið. Hann getur ekki komið sér undan ábyrgð með því að nota Samfylkinguna sem blóraböggul," segir Ingibjörg.

Hún segir að til þess að viðhalda jafnvægi á Íslandi í framtíðinni þurfi Íslendingar að ganga í Evrópusambandið (ESB) sem er skilyrði fyrir því að evran verði tekin upp. Ingibjörg bendir hins vegar á að til þess þurfi hagstjórnin að batna. „Eins og er þá getur Ísland ekki orðið aðili að Myntbandalagi Evrópusambandsins því við uppfyllum ekki þau skilyrði sem gerð eru til aðildarþjóðanna vegna þeirrar stöðu sem er hér í efnahagsmálum.

Við þurfum að ná niður verðbólgunni, draga úr gengissveiflum og náum vöxtunum niður til þess að uppfylla þessar kröfur. Þess vegna þurfum við að byrja á að undirbúa inngöngu í ESB núna því það mun taka tíma að breyta þessum þáttum," segir Ingbjörg, og bætir því við ef farið verði út í allar þær stórframkvæmdir sem fyrirhugaðar eru hér á landi, til dæmis byggingu álvers í Helguvík og stækkun álversins í Straumsvík muni þetta jafnvægi ekki nást því framkvæmdirnar muni auka þenslu.
Ingibjörg segir að ef Íslendingar setji sér það skýra stefnumið að verða aðili að Myntbandalaginu þá muni það aga hagstjórnina og veita stjórnvöldum aðhald.

Formaðurinn talar um að skapa þurfi víðtæka sátt um það í samfélaginu að ná jafnvægi í hagstjórnina og uppfylla skilyrði Myntbandalagsins. „Það þurfa allir að leggjast á árárnar til þetta markmið náist: stjórnvöld, atvinnurekendur, verkalýðshreyfingin, bændasamtök og öflug almannasamtök. Þetta var gert með þjóðarsáttinni í lok níunda áratugarins sem kvað niður verðbólguna sem var hér á landi. Hún stuðlaði að jafnvægi í samfélaginu og það er hægt að endurtaka leikinn." 

Leiðinlegt þegar að menn eru að reyna að svindla í skoðunarkönnunum

Ég hef haft hérna á síðunni kannanir til gamans. Þar sem ég hef verið að spyrja fólk um hvað það ætlar að kjósa. Nú í nótt byrjaði einn snillingurinn að dæla inn atkvæðum. Þetta var auðsjáanlega sjálfstæðismaður og á móti ESB. Ég er með teljara á síðunni þar sem ég sé ip tölunna hans. Þannig að ég veit svona aðeins um þetta. En ég fann ráð við þessu og tók kannanirnar bara út. Það er ekki eins og þetta sé vísindalegt en samt sem áður sætti ég mig ekki við að menn séu að skemma fyrir mér. Því svona svindl dregur úr öllu raunsæi.

[setti kannanirnar í gang aftur en þar sem að sjálfstæðisflokkurinn var ekki kominn langt út fyrir eðlileg mörk þá lét ég þá könnun halda sér. Get svo dregið þessi 13 atkvæði frá sem greidd voru í belg og biðu áðan. Evrópukönnuninni varð ekki bjargað svon ég byrja upp á nýtt]

Hvað vilja kjósendur fá að vita um stefnu flokkanna í vor?

Nú þegar kosningar nálgast óðfluga þá er ekki úr vegi að velta fyrir sér hvað það er sem við almennir kjósendur viljum fá að heyra um frá flokkunum áður en við tökum ákvarðanir um hvern við kjósum.

Hér á eftir eru spurningar sem ég vill fá svör við:

Efnahagsmál:

1. Hvernig ætlar flokkurinn að ná tökum á verðbólgunni og koma henni niður fyrir viðmiðunarmörk Seðlabankans?
2. Hvernig er stefna flokksins varðandi krónu vs. evru?
3. Telur flokkurinn tímabært að fara í vinnu við að undirbúa viðræður við ESB um inngöngu okkar þar? Setja okkur markmið í slíkum viðræðum og hefja þær síðan?
4. Hvaða stefnu hefur flokkurinn til að tryggja áfram og auka kaupmátt launa?
5. Hefur flokkurinn mótað sér stefnu sem tryggt getur fleiri stoðir undir efnahagslíf okkar en álver, fisk og fjármálastarfssemi?
6. Hvað hefur flokkurinn sett á oddinn fyrir kosningar varðandi efnahagsmál.?
7. Hvað stefnu hefur flokkurinn varðandi skatta og skattkerfið?
8. Hvaða stefnu hefur flokkurinn varðandi innflutning og tollahöft á matvælum?
9. Vill flokkurinn auka samkeppniseftirlit og setja því strangari reglur?

Velferðarmál:

1. Hvað stefnu hefur flokkurinn varðandi þá sem minnst mega sín?
2. Hefur flokkurinn mótað leið til að útrýma að mestu fátækt hér?
3. Hefur flokkurinn mótað sér stefnu varðandi öryrkja og ellilífeyrisþega?
4. Getur flokkurinn bent á leiðir til að gera öryrkja að virkari þjóðfélagsþegnum
5. Getur flokkurinn bent á leiðir til að eldriborgarar get búið lengur í eiginhúsnæði?
6. Getur flokkurinn bent á leiðir til að draga úr eða eyða biðlistum eftir hjúkrunar og þjónustu úrræðum fyrir aldraða?

Heilbrigðismál:

1. Ætlar flokkurinn að auka eða draga úr  þátttöku sjúklinga í kosnaði við lækniskosnað?
2. Hefur flokkurinn stefnu sem tekur á að útrýma eða að minnstakosti draga úr  biðlistum á sjúkrahúsum?
3. Hvernig á að leysa úr húsnæðisvanda sjúkrahúsanna fram að því að nýji spítalinn verður tilbúinn?

Samgöngumál:

Hefur flokkurinn mótað sér skoðun um hvaða verk verði í forgangi í samgöngumálum næstu 4 árinn? Verður loks farið að huga að samgöngumálum Suðvesturlands og Höfuðborgarinnar?

Utanríkismál:

1. Hefur flokkurinn mótað sér utanríkisstefnu? Ef svo er hver eru megin þættir hennar á almannamáli?
2. Verðum við áfram viðhengi Bandaríkjamanna í alþjóðamálum?
3. Höllum við okkur að Evrópu eða norðurlöndum?
4. Á að halda áfram að vinna að kjöri okkar í Öryggisráð SÞ?
5. Verðum við formlega tekin að lista hina viljugu?

Annað:

Hvaða stefnu hefur flokkurinn varðandi þjóðaratkvæðagreiðslur?

Fleiri spurningar síðar.

 

Þá er búið að taka þennan möguleika frá manni

OK þá er þetta ekki möguleiki í átakinu sem átti að byrja í Janúar.

www.ruv.is

Fyrst birt: 13.01.2007 18:59

Síðast uppfært: 13.01.2007 20:12

Tengsl Herbalife og lifrarbólgu skoðuð

Sex hafa greinst með svæsna lifrarbólgu og verið lagðir inn á Landspítalann eftir að hafa tekið inn vörur frá Herbalife. Verið er að rannsaka þessi tilvik en talið er að eitraðar jurtir hafi verið í þeim efnum sem veikindunum ollu. Svo gæti farið að Lyfjastofnun varaði við vörum frá Herbalife. Tíu slík tilvik hafa komið upp í Bandaríkjunum, segir læknir og prófessor við Háskóla Íslands.

Herbalife-vörur eru öruggar og óhætt að neyta þeirra, segir í yfirlýsingu frá Herbalife. Sérfræðingar fyrirtækisins hafi ekki fundið nein tengsl milli Herbalife-varnings og lifrarsjúkdóma.

Fjórir læknar sem fréttastofa Sjónvarps hefur rætt við staðfesta að fólk hafi verið lagt inn á Landspítalann síðustu 7 ár sem nær örugglega megi rekja til neyslu Herbalife. Lyfjastofnun rannsakar nú þessi sex tilfelli og segir Magnús Jóhannsson, læknir og prófessor við Háskóla Íslands, að niðurstöður ættu að liggja fyrir fljótlega. Hann segir að árið 2001 hafi könnun nemenda í Háskóla íslands fyrst vakið upp spurningar um gæði vörunnar en þeir hafi fengið upplýsingar um aukaverkanir af náttúruefnum hjá öllum læknum á Íslandi.

Magnús segir að fundist hafi þrjár tegundir af eitruðum jurtum í vörum frá Herbalife; það séu jurtir sem vitanlega geti valdið lifrarskemmdum. Þær vörutegundir séu hins vegar bannaðar á Íslandi. Íslensku læknarnir ráðgera að kynna þessi sex tilfelli sem vart hefur orðið hér á landi á evrópsku læknaþingi í vor.

Sex lifrarbólgutilfelli eftir neyslu á Herbalife