Við ættum að skammast okkar.

Hef verið að fylgjast með umfjöllun um málefni heyrnarlausra nú síðustu daga. Og þann hörmulega veruleika að um þriðjungur þeirra hefur orðið fyrir kynferðislegri misnotkun. Þetta hefur aðalega gerst í þessum alræmdu heimavistarskólum sem börn voru send á frá 4 ára aldri til 18 ára. Þetta er náttúrulega alveg ömurlegt. Að blessuð börnin fengu þá mynd að svona hegðun væri bara hluti af lífinu.  Bendi á bloggið hennar Sigurlínar Margrétar Sigurðardóttur /nokkrar færslur /þar sem hún fjallar um þetta mál. Þar segir hún m.a.

Þetta þreifst í skjóli þess að táknmál var bannað og talmálsstefna við líði.  Foreldrum ungra barna sem greinst höfuð heyrnarlaus var bannað að læra táknmál á forsendum þess að það væri börnunum ekkert til góðs, þá lærðu þau síður að tala, en hvernig læra börn að tala annars ef þau heyra ekki hvernig orðin hljóma?  Þessu var haldið fram fyrir mörgum árum síðan og í 100 ár var táknmál bannað, það var ákveðið á svokölluðum Mílanófundi árið 1880 þegar kennarar heyrnarlausra hittust og ákváðu að vera samstíga í því að kenna heyrnarlausum að tala og því yrði ekkert táknmál viðhaft við kennslu heyrnarlausra framar.  Þann dag sem þetta var ákveðið upphófst svokallað einangrunartímabil og talmálsstefnan hafði yfirhöndina í allri kennslu heyrnarlausra um gjörvalla Evrópu og íslendingar aðhylltust henni líka. Og afleiðingarnar blasa við nú.  Ég ætla nú varla að fara að rekja upp söguna hérna, en sem betur fer vita menn betur í dag og táknmál er  fullgilt mál..

En í dag eru líka fréttir af þeim hörmungum sem Sigurlín sjálf lenti í gagnvart heilbrigðisþjónustunni. Þar sem að hún fékk ekki blóðprufu til að mæla blóðsykur. Og svo hélt þessi saga áfram á mörgum stöðum . m.a. heilsugæslunni, læknavaktinni og á fleiri stöðum.

Sbr: mbl.is

LANDLÆKNIR hefur skrifað Landspítala – háskólasjúkrahúsi (LSH) bréf þar sem óskað er eftir upplýsingum um mál Sigurlínar Margrétar Sigurðardóttur, varaþingmanns Frjálslynda flokksins og táknmálsþulu. Í viðtali við Morgunblaðið í vikunni sagði Sigurlín, sem hefur greinst sykursjúk, að hún hefði ekki fengið að vita niðurstöðu blóðprufu sem hún fór í á bráðamóttöku LSH. Niðurstaðan sýndi mjög há blóðsykursgildi eins og Sigurlín komst síðar að.

"Sé rétt eftir haft, sem ég dreg ekki í efa að óreyndu, hefur eitthvað brugðist," segir Matthías Halldórsson landlæknir. "Ég hef sérstaklega óskað eftir að þeir [LSH] geri grein fyrir verkferlinu þegar fram kemur afbrigðilegt prófsvar þótt skoðun kunni að vera eðlileg og sé ákveðið verkferli til, hvað þá hafi farið úrskeiðis."

Yfirlæknir ætlar að kalla Sigurlín á sinn fund

Sigurlín hafði áður verið neitað um blóðsykursmælingu á Heilsugæslustöðinni í Garðabæ á þeirri forsendu að læknir yrði að fyrirskipa slíka mælingu. Þurfti hún að bíða í 12 daga eftir tíma hjá lækni. Matthías segir yfirlækni heilsugæslunnar hafa tilkynnt landlæknisembættinu nýverið að lokað yrði fyrir nýskráningar á stöðina tímabundið vegna mikils álags en ekki hafi verið annars getið en að þeim sem þegar væru skráðir yrði sinnt.

 

"Í kjölfar fréttar um mál Sigurlínar ræddi ég við yfirlækninn," segir Matthías. "Hann sagði að þegar skráður sjúklingur hringdi og teldi sig þurfa tíma fljótlega og ekki væru lausir tímar hjá lækni, þá fengi viðkomandi símtal við hjúkrunarfræðing sem mæti þörfina. Þar kynni því að hafa komið upp misskilningur varðandi Sigurlín og talið að einungis væri spurning um blóðprufu, sem þá væri ekki sérstaklega aðkallandi. Þeir ætla hins vegar að fara ofan í málið, kalla Sigurlín á sinn fund með túlki og sjá hvort rétt sé að þetta sé skýringin. Þeir munu síðan senda mér skýrslu um sína niðurstöðu og ég mun kanna hvort hún telji þetta rétt eftir haft."

Við þurfum hið snarasta að gera bragarbót og tryggja heyrnarlausum þá þjónustu sem þeir þurfa þegar þeir þurfa.

Tillögur um aukna ráðgjöf fyrir heyrnarlausa

Ef hann er að auglýsa eftir tillögum þá eru hér nokkrar

 Bush er að auglýsa eftir tillögum um aðrar aðgerðir heldur en að fjölga Bandarískum hermönnum í Írak.

• Að Bandaríkin feli Sameinuðuþjóðunum yfirumsjón með aðgerðum þarna.
• Að Bandaríkjaher láti Írökum eftir að sjá um sín mál sjálfir.  Margir Írakar bent á að spennan í landinu sé að stórumhluta til vegna veru erlendra herja þar.
• Að Bandaríkin stuðli að því að Írakar sjálfir stofni Olíufélög þannig að tryggt sé að tekju af olíu renni óskiptar til Íraks
• Að Bandaríkin hætti að skamma og ögra araabaríkjum og stuðla að hatri þeirra gagnvart Bandaríkjunum og Vestrænum þjóðum.
• Að Bush sjálfur og þeir úr hans harðkjarna sem héldu af stað í þessa Helför feli öðrum t.d. Bandaríska þinginu að taka við málum þarna.
• Að peningar sem varið er til að auka hernaðarmát Bandaríkjana og Breta séu fremur notaðir til að skapa jákvæð samskipti við ríki heims og draga úr því hatri og tortryggni sem ríkir nú milli heimshluta.
• Að Bandaríkin fari nú frekar að skoða innanríkismál hjá sér í stað þess að reyna að móta heiminn í sinni mynd.

Frétt af mbl.is

  Bush svarar gagnrýnendum stefnunnar í Írak
Erlent | AFP | 13.1.2007 | 16:00
George W. Bush Bandaríkjaforseti varaði í dag demókrata við því að draga úr fjárveitingum til hernaðarins í Írak og sagði að þeir sem gagnrýni nýja stefnu hans í Írak verði að leggja eitthvað annað til í staðinn, vilji þeir að málflutningur þeirra sé ábyrgur.

Bush svarar gagnrýnendum stefnunnar í Írak

Ætli 3 sætið hafi verið selt fyrir 2 milljónir

Ef að svo færi að Hallgrímur lenti þar væri framsókn endalega búin að kúka á sig. Og svo væri þess virði að skoða ef hann fengi ekki sætið, hvort hann fengi þá sæti í feitri nefnd.

 Í framhaldi af því er þess virði að minna á orðróminn um að Kristinn H Gunnarsson fái forstjórastól í Tryggingarstofnun. Ég vona ekki. Kristinn á heima í stjórnmálum. Einn af þeim fáu sem alltaf er tilbúinn að rugga bátnum ef að hann hefur aðra skoðun á málum.

Raðað á lista Framsóknarflokksins í NA-kjördæmi í dag

Fæðingarorlofssjóður á Hvammstanga

 

Var að lesa um að Fæðingarorlofssjóður var að flytja til Vinnumálastofnunar og þá um leið til Hvammstanga. Um leið var sagt að þetta yrði ekki neinn munur fyrir fólk þar sem að Þjónustuskrifstofur Vinnumálastofnunar tækju að sér að þjónusta þá sem þurfa þjónustu frá skrifstofu sjóðsins. Þetta í sjálfu sér hjómar ágætlega nema nokkur atriði:

• 1. Umsóknir um fæðingarorlof og öll gögn þarf maður að senda til Hvammstanga. (Nema skattkort). Þetta tel ég að sé nú alveg út í hött. Þarf að fara að treysta póstinum fyrir ýmsum persónulegum gögnum .sbr. úr frétt á http://www.raduneyti.is/
  "Allir umsækjendur skila umsóknum sínum á Hvammstanga auk þess sem umsækjendur af landsbyggðinni skulu senda skattkort sín þangað kjósi þeir að nýta sér þau hjá Fæðingarorlofssjóði. Umsækjendur af höfuðborgarsvæðinu skila skattkortum sínum til Vinnumálastofnunnar, Engjateigi 11, 105 Reykjavík, en öll önnur gögn skal senda á Hvammstanga".
• 2. Hvað með er vantar gögn og þessháttar. Þá verður þetta en meira mál að vera í samskiptum við sjóðinn. Ef að fólk vill ræða við þá sem taka ákvarðanir og þessháttar. Það verður að minnstakosti varla nema í síma. Og því erfitt að sýna gögn máli sínu til stuðnings. Nema að senda það í pósti áður en maður hringir.
• 3. Nú eru þessar þjónustuskrifstofu Vinnumálastofnunar aðalega að sinna þeim sem eru atvinnulausir hélt ég. Og víst oft nóg að gera þar.
• 4. Mér finnst lágmark að fólk átti sig á að um 80% þeirra sem nýta sér þennan sjóð eiga heima á SV horni landsins. Hefði ekki verið hægt að flytja einhverja aðra starfsemi þangað.

Ekki það að ég er á því að ýmislegt má flytja út á land. Samt finnst mér vafasamt að flytja þjónustustofnun svona langt frá meirihluta þeirra sem nýta hana.

Afhverju þú ættir ekki að kjósa Framsókn

Bendi á ágætan pistil Össurar um framgöngu Framsóknar í stjórnarsamstarfi við Sjálfstæðisflokkinn og hvernig það birtist í málefnum RÚV og fleiru. Í pisli sínum sem heitir "Hugsjónir Framsóknar á útsölu" segir Össur m.a

.Þegar Sjálfstæðisflokkurinn kynnti fyrir nokkrum árum áform um að gera Ríkisútvarpið að hlutafélagi vafðist ekki fyrir nokkrum manni, að í því fólst fyrsta skrefið til að einkavæða og selja það að lokum. Framsókn skildi það upp á sína tíu fingur og tók hraustlega á móti.

Flokksþing Framsóknar gerði skelegga ályktun gegn því að gera hlutafélag úr RÚV. Þingmenn flokksins gáfu kjarnyrtar yfirlýsingar um að fyrr skildu þeir dauðir liggja en taka þátt í að einkavæða RÚV. Síðan hafa orðið alger umskipti hjá Framsókn. Á Alþingi finnast nú ekki harðari stuðningsmenn þess að RÚV verði gert að hlutafélagi en þingmenn Framsóknarflokksins.Síðar í pistlinum segir hann:Undirgefnin gagnvart Sjálfstæðisflokknum birtist með sárustum hætti í stuðningi Framsóknar við innrásina í Írak. Framsókn, sem í áranna rás hafði aflað sér virðingar fyrir einlæga friðarstefnu, var í upphafi alfarið á móti því að Ísland styddi innrásina. Á einni nóttu lét forysta flokksins Davíð Oddsson og þrengstu klíku Sjálfstæðisflokksins beygja sig til að styðja atlöguna gegn írösku þjóðinni.

Þó ákvörðunin um að setja Ísland á lista hinna 30 sjálfviljugu, vígfúsu þjóða hafi verið löglaus, og hvorki borin undir ríkisstjórn né þingflokka, hvað þá Alþingi sjálft, steig enginn þingmanna Framsóknar fram til að mótmæla. Hvar voru þeir þá?

Undirlægjuháttur Framsóknar í Íraksmálinu stekkur nú fram einsog uppvakningur í RÚV-málinu. Fullkomin uppgjöf flokksins gagnvart Sjálfstæðismönnum birtist í að þingmenn flokksins ganga gegn samþykktum eigin flokks, hverfa frá grundvallargildum félagshyggju flokksins - og ganga lengra en ungu frjálshyggjumennirnir í þingflokki Sjálfstæðismanna í að krefjast þess að RÚV verði gert að hlutafélagi.

Eins þá er það þetta sem allir nema framsókn gera sér grein fyrir:

Dapurlegast við umsskiptin í RÚV-málinu er þó, að þingmenn Framsóknar vita vel, að Sjálfstæðisflokkurinn lítur á hlutafélagavæðingu Ríkisútvarpsins sem fyrsta áfanga í einkavæðingu og sölu. Skæurliðar SUS hafa árum saman barist fyrir því að Ríkisútvarpið verði selt. Hópur ungra þingmanna hefur ár eftir ár með leyfi þingflokks Sjálfstæðismanna lagt fram frumvarp um að ríkisstjórnin selji stofnunina. Það má rifja upp, að árið 1995 rak Sjálfstæðisflokkurinn heila kosningabaráttu sem snérist að mestu leyti um að selja Rás 2. Þeirri stefnu hefur aldrei verið breytt.

Í því ljósi er merkilegt að í frumvarpi menntamálaráðherra sem nú liggur fyrir Alþingi er beinlínis gert ráð fyrir þeim möguleika að Rás 2 verði seld, því þar segir svart á hvítu að hlutafélagið þurfi ekki að reka nema eina útvarpsrás! Væri þetta sérstaklega tekið fram, ef ekki væri áformað að selja Rás 2?

Það er dapurlegt, þegar flokkur með rismikla sögu Framsóknar lætur Sjálfstæðisflokkinn spenna sig einsog asna fyrir vagn frjálshyggjunnar einsog í RÚV-málinu. Sannast nú enn hversu glöggskyggn prófessor Hannes Hólmsteinn Gissurarson var þegar hann skrifaði í sumar, að Framsókn ætti að sækja um inngöngu sem sérstök deild í Sjálfstæðisflokknum - því hún væri hvort eð er orðin einsog hann!

Já ég held að öllum sé ljóst að RÚV á að selja og þetta er fyrra stigið af tveimur. Þetta er sama og gert var við símann. Muna ekki allir hvernig það gerðist. Átti einkavæðing Símans ekki að valda því að við fengjum betri þjónustu á lægra verði. Hef nú ekki séð það gerast. Ef ekki kæmi til fyrirtæki eins 0g Hive þá værum við að að borga mun meira í dag. Og ekki hefur þjónusta Símans batnað. En aftur að Framsókn. Það virðist vera stefna hans að til að halda stöðu sinni í meirihlutanum sé öllu fórnandi. Stefnu flokksins og vilja almennra Framsóknarmanna. Þegar flokkur er farinn að huga meira að halda stöðum fyrir sína útvöldu heldur en hag þjóðarinar þá er tími til að gefa honum frí.Sbr. www.jonas.is

12.01.2007
Keypt von í sæti
Við hæfi er, að vinnumiðlun sé fyrsti flokkurinn, þar sem menn reyna að múta sig inn á framboðslista. Hjörleifur Hallgríms á Akureyri býðst til að greiða tvær milljónir króna fyrir þriðja sætið á framboðslista Framsóknar á Norðausturlandi í vor. Hann er að reyna að kaupa sér von í þingsæti, því að vinnumiðlunin hefur fjóra þingmenn í kjördæminu. Svo hjartahrein er þessi spilling, að hún gerist ekki undir borði, heldur fyrir opnum tjöldum. Málsaðilar hafa ekki hugmynd um, hvað er spilling. Og fjölmiðlarnir vita það ekki heldur, því að þar hefur ekki kviknað ljós. 

 

Nei nú segjum við stopp. Hann fær þetta ekki !

Erlent | mbl.is | 12.1.2007 | 15:30
Joseph Biden, formaður utanríkismálanefndar öldungadeildar Bandaríkjaþings, hefur varað Condoleezzu Rice, utanríkisráðherra Bandaríkjanna, við því að George W. Bush Bandaríkjaforseti hafi ekki heimild til að senda bandaríska hermenn sem staðsettir eru í Írak í leiðangra yfir landamærin til Írans. „Ég tel ekki að sú heimild sem forsetanum hefur verið veitt til hernaðar í Írak nái til slíks

Hann vonandi hlustar nú á fólk sem hefur meira vit á þessu en hann. Hendi hér inn tilvitnun í pistil Egils Helgasonar um Bush og stöðu hans og Condoleezzu Rice. Þessi pistill segir allt sem segja þarf:

12. jan. 2007 19:56

Hvaða kenndir vekja myndir af Bush grátandi? Samúð? Varla? Ekki þegar maður hugsar um afleiðingarnar af gerðum hans, ónýtt land þar sem áður ríkti einræði en þó einhvers konar stöðugleiki, fjölda látinna þar, heilan heimshluta sem er í uppnámi, skammsýnina, heimskuna, hrokann. Það er eiginlega enginn sem talar af virðingu lengur um þennan mann - og þess vegna er kannski ekki nema von að hann gráti.

Kannski er hann aumkunarverður, nei annars, svo valdamikill maður er það ekki. Í raun skynjar maður ekki annað en reiði í hans garð; að vera kosinn í slíkt embætti og fara svo hrikalega illa með það. Bush er ef til vill misheppnaðasti Bandaríkjaforseti fyrr og síðar - þeir sem voru viðlíka slæmir ríktu áður en Bandaríkin urðu stórveldi og gátu því ekki unnið svo mikinn skaða. Enn á að bæta gráu ofan á svart með því að senda 20 þúsund dáta í viðbót til Íraks

Það eru fleiri sem hafa glatað mannorðinu. Taka menn eftir því að enginn minnist lengur á Dr. Condolezzu Rice sem kandídat í embætti Bandaríkjaforseta. Ekki bötnuðu horfurnar hjá henni þegar hún var grilluð fyrir utanríkismálanefnd bandaríska senatsins í gæ

Bush varaður við að fara út í hernaðarátök við Írana

Brjóstastækkandi Bjór

Karlmenn í Evrópu streyma nú til Búlagríu til að kaupa "Brjósta stækkandi bjór" eftir að tollar á honum féllu niður vegna inngöngu Búlgaríu í ESB.

Bjórinn er framleiddur úr gerjuðu hveiti selst eins og heitar lumur til veitingastaða og til verslana um alla Evrópu.

Bjórinn nefnist Boza

Menn eru að kaupa þetta fyrir konunar sínar vegna þess að Boza á að virka brjóststækkandi.

Á ananova.com er vitnað í viðtöl við karlmenn sem lögðu á sig langar ferðir til þessa litla landamærabæjar í Bulgaríu til að kaupa kassa fyrir konur sínar. Þeir vonast til að sjá einhverjar breytingar til batnaðar.

Og eins þá eru einhverjir gestgjafar í Austurísku Ölpunum farnir að bjóða upp á þennan úrvalsbjór.

Þannig að ef ske kynni að þú viljir konunni þinn allt hið besta og ert þar á ferðinni. Mundu eftir Boza.

Ef þú ert kona á ferðalagi með manninum þínum og hann færir þér Boza.  þá er kannski rétt að spyrja hann hvað sé verið að gefa í skyn?

Alveg er þetta dæmigert fyrir vini okkar í Vestri

Ekki að segja að menn eigi að vera kyssa alla út og suður en viðbrögðin við þessu eru kannski dæmigerð fyrir dóms og réttarkerfið þarna.

Þetta fannst mér sérsaklega skemmtilegt:

Segir Crozier að lögregla sem rannsaki málið hafi tjáð honum að þar sem réttargæslumaðurinn hafi ekki gefið heimild fyrir kossinum fyrirfram þá sé um glæpsamlegt athæfi að ræða. Að sögn Crozier mun upptaka úr öryggismyndavél sýna að hann hafi ekki haft neitt kynferðislegt í huga þegar hann smellti kossi á réttargæslumanninn. Crozier situr ekki í gæsluvarðhaldi fyrir athæfið þar sem hann er laus gegn tryggingu.

 

Frétt af mbl.is

  Glæpsamlegur koss
Veröld/Fólk | AP | 12.1.2007 | 13:46
Karlkyns verjandi í sakamáli hefur verið kærður fyrir að kyssa kvenkyns réttargæslumann þann 22. desember sl. Segir verjandinn að hann hafi kysst réttargæslumanninn í tilefni jólanna. Hinn meinti glæpur átti sér stað í Héraðsdómi í Waterbury í Connecticut í Bandaríkjunum.

Glæpsamlegur koss

Heimskustu kjósendur heims - Íslendingar.

Ég er oft skammaður fyrir að vitna í Jónas Kristjánsson en ég hef gaman af honum. Og oft ratast honum orð á síðu sem ég er alveg sammála. Og í dag er þetta eins og talað úr mínu hjarta:

Af www.jonas.is  

12.01.2007
Margfalt heimsmet
Heimskustu kjósendur heims vinna lengsta vinnudag heims til að hafa ráð á dýrasta mat heims. Þeir borga hæstu vexti heims, lifa við mestu landeyðingu heims, velja ráðherra frá pólitískustu vinnumiðlun heims. Þeir bjóða ódýrasta rafmagn heims til að fremja heimsins mestu umhverfisslys á ósnortnum víðernum, sem þær telja bara vera grjót. Þegar þessir heimskustu kjósedur heims koma á kjörstað í vor, munu þeir tryggja völd heimskustu landsfeðra heims til næstu fjögurra ára. Þeir munu þrábiðja landsfeðurna um að halda áfram að misþyrma landi og þjóð.

Vantar þig klósett sem gæti komið þér í Innlit /Útlit.? Þá ættir þú að skoða þetta!

Ert þú búinn að setja marmarann á allt inn á klósetti hjá þér?  Nudd og gufu í sturtuna? Hornbaðkar og krana hannaða af fremstu hönnuðum og ekkert getað breytt síðustu ár?. Þá er nú kjörið að fara á netið og panta sér það allra nýjasta en það er Fiskaklósett. eða "Fish'n flush"
Og þetta er í alvöru hef séð þetta á erlendri fréttastöð. Tankurinn á WC inu er tvöfaldur þannig að fiskarnir fara ekki með þó sturtað sé niður.

Heimasíðan þeirra er hér: http://www.fishnflush.com/about.html