Alveg makalaust - Sama dag og Olmert er að ræða við Egypta um sáttarumleitanir.

Annað hvort kunna Ísraelsmenn ekkert í mannlegum samskiptum og samningamálum eða þeir eru vísvitandi að reyna að koma á frekari deilum. Hvernig halda þeir að  Hosni Mubarak líði að vera staddur á fundi með þeim og svo rignir svona fréttum inn?  Af öllu dögum að velja þennan. Ég held að þetta sé markviss ákvörðun hjá þeim..

Frétt af mbl.is

Tíu Palestínumenn féllu í átökum í dag
Erlent | AP | 4.1.2007 | 20:19
Tíu Palestínumenn féllu í átökum í dag, þar af fjórir - allt óbreyttir borgarar - fyrir kúlum ísraelskra hermanna sem réðust inn á grænmetismarkað á Vesturbakkanum og handtóku fjóra flóttamenn. Til harðra átaka kom milli Ísraelanna og vopnaðra Palestínumanna í fyrsta sinn síðan leiðtogar beggja aðila féllust á aðgerðir til að draga úr spennu

[Sex Palestínumenn féllu í átökum vopnaðra manna úr liði Hamas annarsvegar og Fatah hinsvegar á Gazasvæðinu.] Bætt inn þann 5.1 vegna ábendingar

Vísir, 04. jan. 2007 20:07

Olmert biðst afsökunar á drápunum

Forsætisráðherra Ísraels, Ehud Olmert, baðst í kvöld afsökunar á því að fjórir Palestínumenn létust í hernaðaraðgerð Ísraelsmanna í Ramallah á Vesturbakkanum í dag. Hermenn á skriðdrekum og jarðýtum réðust inn í bæinn til þess að handtaka grunaða hryðjuverkamenn. Fjórir létust og 20 slösuðust en hermennirnir handtóku fjóra.

Þessi hernaðaraðgerð er sú stærsta í Ramallah síðan í maí, aðgerðir Ísraelshers eru ekki algengar í bænum, í það minnsta ekki jafnalgengar og á Gaza. Hún hófst skömmu fyrir einkafund Olmerts og Hosnis Mubaraks, forseta Egyptalands, í strandbænum Sharm el-Sheikh í Egyptalandi. Fundurinn átti að snúast um sáttaumleitanir og lausnir í deilunni milli Ísraelsmanna og araba en hófst á því í staðinn að Egyptinn snupraði Olmert fyrir árásirnar.

Tíu Palestínumenn féllu í átökum í dag

Ég veit ekki með ykkur - en virðist ekki allt vera að benda okkur á að athuga aðild að ESB?

Fréttir dagsins í dag og í gær hafa margar hverjar verið bein skilaboð til okkar um að aðild að ESB er hlutur sem við getum ekki frestað að ræða.

Fyrirtæki farin að snúa sér að Evrum og auknar líkur á að hér á landi komi upp sú staða að við almenningur verðum í auknu mæli látin standa undir kosnaði við að halda krónunni uppi.

Og nú þetta með samninga um inngöngu Rúmeníu og Búlgaríu í ESB sem þýðir væntanlega að við og Noregur verðum að borga mun meira til ESB. Og það án þess að hafa þar nokkur áhrif.

Frétt af mbl.is

  Segir EES-samninginn kunna að vera í hættu
Innlent | mbl.is | 4.1.2007 | 18:02
Valgerður Sverrisdóttir, utanríkisráðherra, segir að náist ekki samningar um aðild Rúmeníu og Búlgaríu að Evrópska efnahagssvæðinu gæti EES-samningurinn verið í hættu. Valgerður sagði við fréttastofu Ríkisútvarpsins, að Íslendingar vilji ekki missa af EES-samningnum og ef ekki náist samningar um stækkun í kjölfar fjölgunar aðildarríkja ESB, sé hætta á ferðum. ESB hefur hins vegar ákveðið að reka samninginn áfram óbreyttan fyrst um sinn.

Segir EES-samninginn kunna að vera í hættu

Hlýtur að vera hughreystandi fyrir París að sofa hjá náskyldum

Segir ekki einhverstaðar að "líkur sæki líkan heim". Gott að vita að hún er ekki alveg ein greyið. Annars finnst mér alveg makalaust hvað við fáum að vita um þetta fólk þarna í Bandaríkjunum. Og enn meira skrítið að maður skuli lesa þetta. Alveg makalaust.

Frétt af mbl.is

  París Hilton deilir rúmi með apa
Veröld/Fólk | mbl.is | 4.1.2007 | 17:00
París Hilton er hætt að sofa hjá mönnum en deilir nú rúminu sínu með apa. Í fyrra strengdi hún skírlífisheit og hefur nú greint frá því að hún hafi gæluapann sinn í rúminu hjá sér á nóttunni til að þurfa ekki að sofa þar ein. „Ég sef ekki hjá nema ég sé í föstu sambandi. Ég er gamaldags hvað þetta varðar. Í alvöru!“

París Hilton deilir rúmi með apa

Nú vill ég að Evrópusambandsaðild fari að verða kosningamál

Það er augljóst að sífellt fleiri eru að verða á þeirri skoðun að okkar hagi yrðir betur borgið í ESB. Því fer ég fram á að fulltrúar flokkana fari í alvöru að setja upp áætlanir um hvernig hagað verði könnunarviðræðum við ESB við fyrsta tækifæri.

Rökin fyrir aðild eru að verða æpandi:

Af visir.is

• Umsókn um aðild að ESB gæti skapað aga í efnahagsmálum

  Framkvæmdastjóri Alþýðusambandsins telur að það geti komið nauðsynlegum aga á efnahagsmál þjóðarinnar, að fara í umsóknarferli að Evrópusambandinu
• Gylfi Arnbjörnsson, framkvæmdastjóri Alþýðusambandins, segir að það geti hjálpað til við að koma jafnvægi á efnahagsmálin, ef Íslendingar hefja umsóknarferli um aðild að Evrópusambandinu, að því gefnu að menn löguðu efnahagsstefnuna að skilyrðum Evrópusambandsins fyrir aðild.

• Frétt af mbl.is

    Halldór segir að norræna samstarfið muni eflast ef öll ríkin væru í ESB
  Innlent | mbl.is | 4.1.2007 | 13:11
  Halldór Ásgrímsson, sem tók við starfi framkvæmdastjóra Norrænu ráðherranefndarinnar um áramótin, segir í viðtali við fréttavef Norðurlandaráðs í dag, að norræna samstarfið myndi örugglega eflast ef öll Norðurlöndin væru aðilar að Evrópusambandinu.
  

Halldór segir að norræna samstarfið muni eflast ef öll ríkin væru í ESB

Trúarbrögð eru orðin eitt af stærstu vandamálum mannkyns.

Sammála þessu hjá Jónasi Kristjánssyni:

04.01.2007
Trúin er skæð
Stríðið milli Eþiópíu og Sómalíu er stríð milli kristinna og múslima. Flest stríð í heiminum hafa runnið í þann farveg síðasta hálfan annan áratug. Balkanstríðin fyrir áratug voru stríð orþódoksa, kaþólikka og múslima. Borgarastríðin í Líbanon hafa verið milli kristinna og múslima. Stríðið gegn Írak og Afganistan eru krossferðir kristins Bandaríkjaforseta gegn múslimum. Um leið og deilur heimsins komast í klær hinna trúuðu, er voðinn vís. Trúarbrögð eru orðin eitt af stærstu vandamálum mannkyns. Undir skikkju þeirra eru mestu voðaverkin framin.

Merkilegt að sumar rannsóknir sem hljóta að leiða til augljósra niðurstaðna komast í fjölmiðla

Ég hefið nú haldið að þetta væri búið að kanna áður. Sbr. Morgunstund gefur gull í mund" Vona að þessi rannsókn hafi hekk kostað margar milljónir. Og til að koma í veg fyrir að fara "vitlausu megin framúr rúmi" þá setur maður rúmið upp við vegg.  

Frétt af mbl.is

  Morgungremja hefur slæm áhrif á starfsárangur
Tækni & vísindi | mbl.is | 4.1.2007 | 9:50
Það að fara öfugu megin fram úr rúminu getur haft áhrif fram eftir degi og hefur áhrif á árangur fólks í vinnu. Þetta kemur fram í nýrri rannsókn sem gerð var við Wharton háskólann í Pennsylvaníu í Bandaríkjunum. Þá getur góð morgunstund aftur á móti haft góð áhrif á frammistöðu fólks í vinnu.

Morgungremja hefur slæm áhrif á starfsárangur

Niðurstöður úr könnunum á stöðu flokkanna

 

Nú fara skoðanakannanir að verða vikulegt brauð fljótlega. Nú síðustu viku hefur verið talað um 2 kannanir sem sína báðar ákveðnar tilhneigingar.

• Frjálslyndir eru að fá um 11%
• Framsókn um 11% eða minna
• Samfylking er með um 24 til 25%
• Vinstrigrænir eru með um 21%
• Og svo Sjálfstæðismenn með þetta frá 33 upp í 38%

Þetta sínir að "Kaffibandalagið mundi í dag ná að mynda stjórn saman. Og að stjórnin er fallin skv. þessu.

En ég er ekki ánægður. Ég sem fylgismaður Samfylkingarinnar finnst að flokkurinn minn sé ekki að standa sig.

Nokkur atriði sem ég tel að þurfi að bæta stórlega ef að flokkurinn ætlar að bæta stöðu sína fyrir kosningar.

1. Náttúra og umhverfi: Ef að fólk kýs að bjóða sig fram fyrir Samfylkinguna þarf það að standa að baki þeirrar stefnu sem flokkurinn hefur sett fram. Það með öllu ófært að fulltrúar flokksins tali út og suður um þessi mál. Dæmi um þetta eru fulltrúar Samfylkingarinnar í Skagafirði sem bara sí svona settu virkjanir inn á skipulag gjörsamlega án þess að málið hafi verið unnið nokkuð að ráði. Annað dæmi er frambjóðandi í "Kraganum" sem er ákafur stuðningsmaður álversstækkunar í Straumsvík áður en íbúar í Hafnarfirði hafa kosið um það. Fulltrúar flokksins þurfa að vera vel að sér í stefnu flokksins sem sett var fram og heitir "Fagra Ísland" Minnir mig.
2. Flokkurinn þarf að koma skýrt fram um stefnu flokksins á næstu árum komist þeir til valda varðandi tengsl okkar við Evrópu og Evruna.
3. Flokkurinn þarf að koma fram með skýra stefnu í málefnum aldraða. Raunhæfa áætlun um hvernig leysa megi úr brýnustu vandamálum með leiðum og hvað það kostar.
4. Flokkurinn þarf að koma með raunhæfar lausnir fyrir öryrkja. Leiðir sem miða að því að þeir geti lifað með reisn.
5. Flokkurinn þarf að sýna það í verki nú á Alþingi í vor og í sveitarstjórnum að flokkurinn er jafnaðarmannaflokkur. Allir þeir sem eru í starfi á báðum stjórnsýslustigum þurfa að berjast fyrir hugsjónum sínum og láta fólk í landinu vita hvað þeir eru að gera.
6. Flokkurinn þarf fyrir kosningar að koma með markmið sín á öllum sviðum og forgangsraða þeim.
7. Allir fulltrúar flokksins verða að koma fram sem einn maður. Áherslumun verður að jafna þannig að allir sem verða í framboði tali um markmið flokksins af innrisanfæringu.
8. Flokkurinn þarf að vera vandur að virðingu sinni og setja það inn í áherslur sínar að hann sé ekki "Atvinnumiðlun" eins og Framsókn. Það á að vera tryggt að í hverja stöðu hvort sem er í Ríkisstjórn eða störf á vegum ríkisins séu hæfustu aðilar valdir.
9. Markmið og stefnur flokksins verða að vera skýrar og augljósar þannig að almenningur skiljai það. Eins þurfa þau að vera aðgengileg.

En fyrst og fremst þarfa flokkurinn að fara að koma fram úr vinnuherbergjum og fara að kynna sig fyrir fólki. Fólki þarf að sýna að þarna fari raunhæfur valkostur fyrir þá sem vilja að farið verði að huga að manneskjulegra Íslandi. Landi þar sem ekki allt snýst um að gera vel við auðmenn, fyrirtæki og góðvini/ættingja  stjórnvalda, heldur hugað að því að þjóðin er fólkið í landinu ekki bara útvalinn hópur.

Er það nú ekki full langsótt að fara út í "Skattarannsókn á ummælum Jóns Baldvins"

Las eftirfarandi á visir.is í kvöld

03. jan. 2007 19:07

Skattarannsókn á ummælum Jóns Baldvins

Hæstiréttur hefur heimilað opinbera rannsókn á ummælum Jóns Baldvins Hannibalssonar um Sigurjón heitin Sigurðsson, fyrrverandi lögreglustjóra. Vildi Jón Baldvin að börn Sigurjóns rækju einkamál gegn sér, ættu þau eitthvað sökótt við sig en Jón Baldvin kallaði Sigurjón "alræmdan" í Kastljósviðtali.

Og þarna eru sjálfskipaðir verðir mannréttinda og lýðræðis í heiminum að verki.

Ég fer ekki ofan af því að líkindin milli vinnubragða Sovétríkjana sálugu og Bandaríkjana eru sífellt að verða meiri og meiri.

Frétt af mbl.is

  Skjöl um slæma meðferð fanga í Guantánamo fangabúðunum birt
Erlent | AFP | 3.1.2007 | 9:52
Bandarísk yfirvöld birtu í morgun skjöl þar sem fram koma vitnisburðir um slæma meðferð fanga í Guantánamo fangabúðunum og harðneskjulegar aðferðir bandarísku leyniþjónustunnar við yfirheyrslur. Í skjölunum kemur m.a. fram að andlit fanga hafi verið vafið í límband eftir að hann fór með vers úr Kóraninum og að annar hafi getað rifið hárið af höfði sér eftir að hafa verið lokaður inni í brennheitu herbergi klukkustunum saman.

Skjöl um slæma meðferð fanga í Guantánamo fangabúðunum birt

Þetta er glæsilegt hjá Kópavogsbæ

Mig minnir að Reykjavík sé að draga úr stuðningi við Alþjóðahúsið en þarna er Kópavogur að standa sig.

Frétt af mbl.is

  Samið um þjónustu Alþjóðahúss
Innlent | Morgunblaðið | 3.1.2007 | 5:30
Kópavogur | Kópavogsbær hefur endurnýjað samning um þjónustu við Alþjóðahúsið ehf. til eins árs. Bærinn var einn af stofnaðilum hússins árið 2001 og hefur verið með þjónustusamning frá upphafi. Alþjóðahúsið er nú í eigu Kosmos ses.

Samið um þjónustu Alþjóðahúss