Fann þetta inn á www.mannlif.is

Matarskattsvik hjá Skattinum?

2 mar. 2007

Almenningur fylgist náið með því að lækkun matarskatts, sem tók gildi í gær, skili sér í lægri heimilisrekstrarreikningi. Mötuneyti hjá fyrirtækjum og stofnunum virðast ætla að verða helstu skúrkarnir í þessum efnum en margt bendir til þess að á þeim bæjum hafi rekstraraðilar ætlað sér að hafa ávinning lækkunarinnar af viðskiptavinum sínum og þannig þráast til dæmis mötuneytið sem fóðrar starfsfólk embætta Toll- og skattstjóra við að lækka matarverð.

Sögur eru farnar að berast af því að mötuneyti víðs vegar hafi ætlað að láta lækkun matarskatts sem vind um eyru þjóta og halda verðskrám sínum óbreyttum. Þannig ríkir til dæmis nokkur ólga hjá starfsfólki hjá Tollinum og Skattinum en þar þráast eigendur mötuneytisins sem sinnir þeim við og vilja ekki lækka.

 Skattalækkunin ætti hins vegar ekki síst að hafa sýnileg áhrif í mötuneytum þar sem þau hafa almennt selt kostinn með 24,5% álögun þannig að lækkun niður í 7% er eitthvað sem munar verulega um ...

Samráð hér, samráð þar, samráð er sennilega allsstaðar.

Ég held að það yrði til mikilla hagsbóta fyrir okkur neytendur ef að samkeppnislög yrðu gerð skilvirkari og samkeppnisstofnun gerð að öflugu eftirliti. Þetta kostar kannski eitthvað í upphafi en kemur okkur til góða í framtíðinni. Hér á landi virðist vera meint ólöglegt samráð á flestum sviðum viðskipta og verslunar. Það þarf að kenna þessum fyrirtækjum að fara að lögum og að þau komist ekki upp með þetta.

Vísir, 02. mar. 2007 13:55

Húsleit hjá öllum ferðaskrifstofum innan SAF

 

Samkeppniseftirlitð gerði í morgun húsleit hjá öllum ferðaskrifstofum sem sem eru innan Samtaka ferðaþjónustunnar, en það eru allar helstu ferðaskrifstofur landsins. Starfsmenn eftirlitsins eru enn á skrifstofunum og hafa starfsmenn ferðaskrifstofunna aðstoðað þá við öflun gagna.

Leitað hefur verið á skrifstofum Ferðaskrifstofu Íslands en undir hana heyra meðal annars Úrval Útsýn og Plúsferðir. Þar fengust þær upplýsingar að starfsmenn eftirlitsins hefðu komið klukkan níu í morgun þegar skrifstofan var opnuð en ekki væri hægt að ná í forsvarsmenn fyrirtækisins.

Þá var einnig leitað á skrifstofum Heimsferða og Terra Nova í Skógarhlíð. Eftir því sem fram kemur í tilkynningu frá Terra Nova og Heimsferðum höfðu starfsmenn Samkeppniseftirlitsins með sér úrskurð þar sem kemur fram að rannsakað sé hvort samráð hafi átt sér stað milli ferðaskrifstofa innan Samtaka ferðaþjónustunnar sem hafi hamlandi áhrif á samkeppni. Hafa þeir skoðað gögn stjórnenda og starfsmanna fyrirtækisins.

Heimsferðir og Terra Nova vísa því alfarið á bug að hafa átt þátt í ólögmætri háttsemi og segjast hafa aðstoðað Samkeppniseftirlitið eftir megni við rannsóknina.

Samkeppniseftirlitið rannsakar Heimsferðir og Terra Nova

Auðvita var Kópavogur ekki til í þetta. Miklu betra að láta vagnana keyra hálf tóma hér um göturnar.

Fréttablaðið, 02. mar. 2007 01:00

Ekki ókeypis í Kópavogsstrætó

Tillaga Vinstri græns um gjaldfrjálsan strætó til reynslu í upphafi næsta árs var felld á bæjarstjórnarfundi í Kópavogi á mánudag. Fulltrúar Sjálfstæðisflokksins og Framsóknarflokksins greiddu atkvæði gegn tillögunni, en Samfylkingarfulltrúar studdu tillögu vinstri grænna.

Samkvæmt tillögunni átti bæjarstjórnin að beina því til stjórnar Strætó bs. að gerð yrði tilraun til að hafa ókeypis í strætó fyrstu þrjá mánuði næsta árs, og metið hvaða áhrif sú breyting hefði á notkun vagnanna.

Þegar stórt er spurt þá hverfur Steingrímur Sævarr á braut.

Verð að segja það að ég kem til með að sakna bloggsins hans Steingríms Sævarrs hér á mbl.is. En það er huggun harmi gegn að maður getur vitjað hans á visir.is blogginu http://blogg.visir.is/denni  . En er þetta ekki fullseint sem visir.is svarar með almennilegu bloggi. Nú eru það margir farnir að glogga hér á blog.is og finnst ótrúlegt að fólk vilji aftur og aftur vera að auglýsa upp nýtt veffang á bloginu hjá sér. Það er ekki nema að visir.is bjóði okkur upp á einhverjar geðveikar nýjungar. En gaman ef það kemst á einhver skemmtileg samkeppni.

En ég verð að segja að útlitið á þessum síðum sem ég hef skoðað á www.blogg.visir.is hefur skánað mikið frá blogcentral og hvað þetta heitir allt saman. 

Dýr þessi frekja og yfirgangur Gunnars

Það er eitt sem fólk ætti að spyrja Gunnar um. Hann hefur ítrekað komið fram  fjölmiðlum og sagt að Kópavogur eigi 5 aðrar vatnsholur sem þeir getir leitað í. Afhverju var það þá ekki gert í stað þessaara spjalla sem hann og fyrirtækið er búið að vinna?

 Hann segir alltaf að þetta mál tefji ekki vatnssölu til Gaðrabæjar þar að það verði bara sótt vatn í hinar holurnar sem Kópavogur á. En ég held að þetta sé ekki rétt hjá honum eða að gæði þess vatns sé ekki í lagi.

Síðan spyr engin hvort að Kópavogsbúar fái vatn á sömu kjörum og Garðbæingar koma til með að fá. Það hefur nefnilega verið reifað við mig að við Kópavogsbúar komum til með að greiða hærra verð frá Vatnsveitu Kópavogs heldur en Garðabær því að Kópavogur hafi verið kominn í svo mikil vandræði vegna þess að hesthúsabyggð kemur til með að fara inn á vatnsverndarsvæði Vatnsveitu Garðabæjar, og því þurft að bjóða Garðabæ ofurkjör á vatni til að koma á samningi.

Frétt af mbl.is

  Bótakrafan 38 milljónir króna
Innlent | Morgunblaðið | 1.3.2007 | 5:30
Stjórn Skógræktarfélags Reykjavíkur hefur beðið lögmann félagsins að leggja fram kæru á hendur Kópavogsbæ vegna umhverfisspjalla í Heiðmörk og er bótakrafan 38 milljónir króna.

Bótakrafan 38 milljónir króna

Þarna rataðist Vilhjálmi satt orð af vörum.

Aldrei þessu vant er ég sammála Vilhjálmi Egilssyni. Alveg með afbrigðum hvað tímasetning þessara breytinga er slæm. Alveg eins og síðast þegar Framsóknarloforðin koma til framkvæmda. Bendi á fyrri færslu mína um þetta:

Jæja þá fer fasteignamarkaðurinn aftur í sama tryllinginn.

 

Frétt af mbl.is

  Framkvæmdastjóri SA segir hækkun íbúðalána afleik
Viðskipti | mbl.is | 1.3.2007 | 14:17
„Félagsmálaráðherra lék mikinn afleik með því að hækka á ný lánshlutfall og fjárhæðamörk hjá Íbúðalánasjóði. Við gerð kjarasamninga þann 22. júní sl. lögðu Samtök atvinnulífsins mikla áherslu á lækkun lánshlutfallsins til þess að stemma stigu við síhækkandi íbúðaverði og tryggja lækkun verðbólgunnar," segir Vilhjálmur Egilsson, framkvæmdastjóri Samtaka atvinnulífsins.

Framkvæmdastjóri SA segir hækkun íbúðalána afleik

Ágæt grein um bankanna og efnahagsmál

Var að lesa grein í Fréttablaðinu eftir hagfræðinga ASÍ og Samtaka Iðnaðarins. Bjarna Má Gylfason og Ólaf  Darra Andrason Greinin heitir:

Íslensk heimili og fyrirtæki draga vagninn fyrir bankana

En þar eru þeir að fjalla um bankanna og efnahagslífið

Þeir segja m.a.

Góður en umdeildur árangur bankanna

Um það verður ekki deilt að árangur íslensku bankanna er ákaflega góður enda hagnaður þeirra á síðasta ári fordæmalaus. Þetta gerist þrátt fyrir mikla verðbólgu og gengissveiflur. Hins vegar er ýmislegt í starfsskilyrðum og umhverfi bankanna sem auðveldar þeim mjög að ná svo glæstum árangri.

• Í fyrsta lagi skapar íslenska krónan, sem er minnsta sjálfstæða mynt heimi, vernd fyrir bankakerfið gegn erlendri samkeppni. Hvaða erlendur banki tæki þá áhættu að lána peninga í þessari óstöðugu mynt sem notuð er hér á landi?
• Í öðru lagi veldur víðtæk verðtrygging því að tekjumyndun bankanna er ákaflega örugg á heimamarkaði.
• Í þriðja lagi geta bankarnir, m.a. í krafti fákeppni, krafist ákaflega hárra lántökugjalda í alþjóðlegum samanburði. Varla er meiri kostnaður fólginn í því að gefa út skuldabréf á Íslandi en annars staðar?
• Í fjórða lagi krefjast bankarnir hárra uppgreiðslugjalda.
• Í fimmta lagi má nefna stimpilgjaldið sem hamlar verulega gegn samkeppni á þessum markaði.

Síðar í greininni segja þeir

 

Stimpilgjaldið hjálpar bönkunum

Stimpilgjaldið rennur ekki í sjóði bankanna heldur er það lögbundinn skattur sem greiddur er til ríkissjóðs. Hins vegar lána bankarnir lántakendum fyrir stimpil-gjaldinu. Árið 2005 jukust verðtryggð lán heimila í landinu um 209,2 milljarða. Gera má ráð fyrir að heimilin hafi tekið 3,2 milljörðum meira af lánum en ella, aðeins til að standa straum af stimpilgjaldinu. Af því lánsfé þarf að greiða vexti og verðbætur út lánstímann. Það versta við stimpilgjaldið er hins vegar að það kemur í veg fyrir að viðskiptavinir bankanna færi sig milli banka með eðlilegum hætti.

Og þeir ljúka henni á:

Vextir og tekjumyndun

Frá Íslandi koma 46% af hreinum rekstrartekjum Kaupþings og nokkru meira hjá hinum viðskiptabönkunum og nærri 100% hjá sparisjóðunum. Þrátt fyrir alla útrásina er hinn einangraði heimamarkaður stærsta uppspretta tekna bankana. Þegar við dáumst að góðum árangri bankanna ættum við að hafa í huga að tekjur þeirra eru útgjöld íslenskra heimila og fyrirtækja.

Flestum, sem skulda, svíður hið ógnarháa vaxtastig sem hér ríkir. Háir vextir hérlendis eru afleiðing þess að hagkerfi okkar vex hraðar en víða annars staðar og ekki er beinlínis við bankana að sakast í þeim efnum. Að mestu má rekja hátt vaxtastig til mistaka í hagstjórn síðustu misserin. Sumir bankamenn hafa þó sagt að það sé gott að hafa háa vexti því að þá sé ávöxtun sparifjár svo góð. Það er svipað að segja að það sé gott að hafa hátt matarverð því þá séu tekjur matvælaframleiðenda háar. Þau rök ganga augljóslega ekki upp.

Íslensku bönkunum hefur gengið ákaflega vel að fóta sig í því umhverfi sem hér ríkir og þeim starfsskilyrðum sem þeim eru búin. Þeim virðist vera vel stjórnað og eðlilega reyna þeir að hámarka hagnað sinn eins og önnur fyrirtæki. Góð ávöxtun eigenda bankanna ber þess skýr merki. Vandinn er hins vegar að skilyrði banka til að hámarka hagnað eru önnur og betri en margra annarra. Aukin samkeppni skiptir því sköpum fyrir lántakendur. Afnám stimpilgjalds væri fyrsta og einfaldasta skrefið í átt til að auka samkeppni og lækka kostnað fyrirtækja og heimila í landinu. Einnig er nauðsynlegt að bankarnir stigi það skref að lækka lántöku- og uppgreiðslugjöld. Augljóslega eru forsendur til þess.

Góð og upplýsandi grein sem má lesa í heild hér

Flott ský í kvöld í Kópavogi.