Er búið að mynda stjórn núna til að taka við eftir kosningar?

Athyglisverður pisill Egils Helgasonar í dag. Þar sem hann ræðir um þann sið sem hefur viðgengist hér síðustu ár varðandi það að flokkar hafa makkað sig saman fyrir kosningar og verið búnir að leggja drög að nýrri stjórn.

Egill segir m.a.

Það er skrítið lýðræði. Væri ekki nær að flokkarnir gæfu út með skýrum hætti með hverjum þeir hyggjast starfa eftir kosningar - og stæðu svo og féllu með þeirri yfirlýsingu? Það er aðferð sem hefur tíðkast á Norðurlöndunum. Annars erum við með kerfi sem er á þann veginn sem Guðmundur Andri Thorsson lýsti fyrir nokkrum árum - það er sama hvað maður kýs, einhvern veginn er maður alltaf að greiða Finni Ingólfssyni atkvæði.

Stjórnarmyndun á að fara fram fyrir opnum tjöldum - í allra augnsýn. Hún á ekki að vera refskák eða leynimakk.

Í pisli sínum rekur Egill nokkur dæmi og hvet ég fólk til að lesa þetta. Þetta ef reynist satt er möðgun við okkur kjósendur.

Gagnrýndu Sjálfstæðismenn ekki "Línunet" á sínum tíma

Ég man ekki betur en að Sjálfstæðismenn hafi gaggað stöðugt í Alferði Þorsteinssyni fyrir að vera nota penigna Reykvíkinga í fjárfestingar sem snertu ekki beint orkuöflun og vatnsöflun fyrir reykvíkinga. Nú er Orkuveitan að fara að fjárfesta fyrir 2 milljarða erlendis. Lína - net laggði þó ljósleiðara sem nýtast hér á höfuðborgarsvæðinu en þessir penigar fara allir erlendis. Já það er auðsjáanlega ekki sama hver framkvæmir. Minnir að Guðlaugur hafi farið þar fremstur í flokki gagnrýnenda en nú þegar hann stýrir fyrirtækinu þá er bara settir 2 milljarðar í fyrirtæki sem framkvæmir erlendis.

Frétt af mbl.is

  Orkuveitan setur allt að 2 milljarða í Reykjavík Energy Invest
Viðskipti | mbl.is | 27.3.2007 | 8:10
Stjórn Orkuveitu Reykjavíkur hefur ákveðið að leggja allt að tveimur milljörðum króna til nýs útrásarfyrirtækis orkuþekkingar – Reykjavik Energy Invest. Auk nýs hlutafjár verða eignarhlutir Orkuveitu Reykjavíkur í Enex, Enex Kína og öðrum útrásarfyrirtækjum lagðir inn í nýja félagið. Reykjavik Energy Invest er alfarið í eigu Orkuveitunnar.

Orkuveitan setur allt að 2 milljarða í Reykjavík Energy Invest

Nýr aðili að þessu máli - Landeigendur Óttarsstaða

Var að lesa þessa frétt á www.ruv.is

Fyrst birt: 27.03.2007 08:06

Síðast uppfært: 27.03.2007 08:07

Landeigendur í mál við Alcan ríkið og Hafnarfjarðarbæ

Landeigendur Óttarsstaða hafa höfðað mál gegn Alcan, Hafnarfjarðarbæ og íslenska ríkinu. Landið er inni á mengunarsvæðinu álversins og því er ekki hægt að nýta það undir íbúabyggð.

Landeigendur Óttarsstaða höfðu hug á að skipuleggja íbúabyggð í landi sínu. Þeir vonast nú til að ríkið, Hafnarfjarðarbær og Alcan verði dæmt skaðabótaskyld. Málið verður þingfest í Héraðsdómi Reykjavíkur í dag.

Óttarsstaðir er jörð í einkaeign sem er inn á mengunarsvæðum álversins. Landeigendur sendu inn tillögu til Hafnarfjarðarbæjar síðastliðið haust þar sem þeir óskuðu eftir að fá að deiliskipuleggja á sínu landi íbúabyggð en á því landi sem hugmyndin náði til var auðveldlega hægt að skipuleggja 16.000 manna byggð. 

Frétt af mbl.is

  Stefnir í tvísýnar álverskosningar
Innlent | mbl.is | 26.3.2007 | 17:30
Á laugardaginn munu íbúar Hafnarfjarðar greiða atkvæði með eða á móti stækkun álvers Alcans í Straumsvík. Fréttavefur Morgunblaðsins heimsótti kynninga- og upplýsingamiðstöðvar Alcans og Sól í straumi í Hafnarfirði og ræddi jafnframt við vegfarendur um atkvæðagreiðsluna. Viðmælendur mbl.is segja Hafnfirðinga skiptast í tvo hópa í afstöðu sinni til álversstækkunarinnar og því megi búast við tvísýnum kosningum á laugardaginn.

Stefnir í tvísýnar álverskosningar

Ný könnun

Þar sem að menn eru enn að kynna nýja flokka sem ætla að bjóða fram verð ég að endurnýja könnunina um hvað þeir sem hingað líta inn ætla að kjósa. Niðurstöður úr þeirri gömlu var eins og hér segir

Framsókn          11% (221 atkvæði) 
Sjálfstæðisflokk 35% (700 atkvæði) 
Samfylkingu      27% (551 atkvæði) 
Vinstri græna    18% (377 atkvæði) 
Frjálslynda          7% (151 atkvæði)

Samtals 2000 atkvæði.

Hagur í Hafnarfirði kvartar.

Fann þetta bréf eða fréttatilkynningu sem fjallað var um í Íslandi í dag í kvöld. Fannst nú nokkuð hart að heyra hverning farið er með "Hag Hafnarfjarðar" og finnst nú anskoti hart að Framtíðarlandið, Hafnarfjarðarleikhúsið og allir bara séu á móti þeim.  Þeir tala um að Sól í Straumi hafi ótakmarkaðan aðgang að fjölmilum og milljónum sé eitt í auglýsngar. En þeir greyin í Hag Hafnarfjarðar verða að styðja sig við eitthvað smá fyrirtæki sem heiti Alcan til að koma sínum málstað á framfæri. En hér er fréttatilkynning þeirra (skammarbréf)

“Hagur Hafnarfjarðar mótmælir harðlega þeim ítrekuðu rangfærslum sem Sól í Straumi fær að flytja sem sannleika í íslenskum fjölmiðlum. Þannig hafa samtökin komist upp með að rangfæra tölur og staðreyndir og sá tortryggni.

Flestir fjölmiðlar hafa gagnrýnislaust flutt fréttir frá Sól í Straumi þó svo að staðreyndir hafi vísvitandi verið sniðgengnar. Einu fjölmiðlarnir sem hafa sýnt öllum sjónarmiðum sömu virðingu eru Fjarðarpósturinn og Víkurfréttir.

Hagur Hafnarfjarðar vill koma eftirfarandi á framfæri. Sól í Straumi og hagsmunaðilar þeim tengdir eru að reka einhverja stærstu og dýrustu kosningabaráttu sem hagsmunasamtök hafa staðið fyrir á Íslandi. Framtíðarlandið hefur eytt tugum milljónum í gerð auglýsingaefnis, dýra auglýsingaherferð og fundi þar sem skilaboðin er fyrst og fremst gegn stækkun álversins. Hafnarfjarðarleikhúsið er þessa dagana að sýna uppfærslu á áróðursverki Andra Snæs. Fjölmiðlar hafa nú innanborðs yfirlýsta stuðningsmenn Framtíðarlandsins og virðast yfirmenn þeirra stofnana ekki gera athugasemdir við þennan opinbera stuðning starfsmanna sinna. Við spyrjum; Er þess gætt að þessir fréttamenn hafi ekki áhrif á fréttaflutning af íbúakosningunni?

Fulltrúar Sólar í Straumi hafa átt ótakmarkaðan aðgang að fjölmiðlum og fengið að segja sína útgáfu af sannleikanum. Fulltrúm Hags Hafnarfjarðar hefur ekki verði boðið upp á slík viðtöl.

Við teljum það sanngjarna kröfu af okkar hálfu að fá að koma okkar sjónarmiðum að með sama hætti og fulltrúar þeirra sem eru á móti. Hefur eitthvað breyst á Íslandi? Eru okkar skoðanir ekki jafn réttháar og skoðanir þeirra sem flokka sig sem umhverfisverndarfólk?

Hagur Hafnarfjarðar eru samtök fólks sem óttast um vinnu sína verði stækkun hafnað. Við minnum á að fimmta hvert fyrirtæki í Hafnarfirði á afkomu sína að hluta eða öllu leiti undir viðskiptum og þjónustu við álverið. Á annað þúsund hafnfirðinga eiga lífsafkomu sína undir þessum fyrirtækjum. Eigum við í það minnsta ekki skilið sanngirni í umfjöllun fjölmiðla?“

Fengið af http://blogg.visir.is/denni

Samt er eins og mér finnist ég hafa séð svona eina og eina auglýsingu frá þeim.

Til þeirra framboða sem ætla að taka Bandaríkin sér til fyrirmyndar.

Las þetta á www.jonas.is

26.03.2007
Ungbarnadauðinn
Mikill ungbarnadauði einkennir Bandaríkin umfram önnur auðríki heims. Ríkasta land í heimi hefur ekki efni á að tryggja nýfæddum börnum öruggt umhverfi, þegar hættan er mest. Dauðinn stafar af velferðarskorti þjóðar, sem telur hvern vera sjálfum sér næstan. Bandaríkjamenn skora hæst þjóða heims í þjóðartekjum á mann og hafa dýrasta heilbrigðiskerfi heims, en bjóða ekki sama heilsuöryggi og Vestur-Evrópa. Af þessum ástæðum er erfitt að taka alvarlega tillögur um, að Ísland geri Bandaríkin að leiðtoga lífs síns

Þetta er rétt hjá Jónasi

Þannig að vinsamlegast leitið annað eftir fyrirmyndum þetta er ekki að gera sig þarna.

Þetta er kallað "nimbyismi"

Gaman að sjá raungeringu á því sem Egill Helgason var að tala um í pisli sínum í Silfrinu nú á sunnudaginn þá var hann að tala um nimbyisma. Reyndar í öðru sambandi.

það sem kallast nimbyismi. Það er útlegging á hugtakinu not in my back yard - sem þýðir "ég vil ekki hafa svona nálægt mér, það verður að vera annars staðar". Svona eins og maður sem á hús vill ekki láta byggja annað hús nálægt sér. Á íslensku mætti kannski útleggja þetta sem dalurinn minn - ég vil hafa dalinn minn í friði.

Hér fyrir neðan sést hvernig að hann Vilhjálmur sem beitti öllum kröftum sínum í að koma Háspennu út úr Mjóddinni hagar sér gagnvart sama vandamáli annarstaðar. En eins og fólk veit býr Vilhjálmur í Breiðholti.

Af www.ruv.is

Færa má rök fyrir því að svæðið við Hlemm væri fjölskyldusvæði með eina megin strætisvagnaskiptistöð borgarinnar í nokkurra skrefa fjarlægð. Vilhjálmur borgarstjóri er erlendis en sagði í samtali við fréttastofu Sjónvarpsins að hann gæti ekki elst við hvern einasta spilakassa. Vinnuhópur væri að störfum sem ætti að skoða öll mál tengd starfsemi af þessum toga. Nú þegar hafi spilakassar verið fjarlægðir úr húsnæði borgarinnar í Mjódd og á Hlemmi.

Á www.visir.is má lesa þetta:

Vísir, 26. mar. 2007 18:39

Borgarfulltrúi Sjálfstæðisflokks styður ekki aðferð borgarstjóra

Kjartan Magnússon, borgarfulltrúi Sjálfstæðisflokksins, er andvígur þeirri aðferð borgarstjóra að nota tugi ef ekki hundruð milljóna króna af skattfé almennings til að kaupa út spilasali úr íbúðahverfum borgarinnar. Kjartan telur skynsamlegra að vinna gegn slíkri starfsemi með því að setja inn ákvæði í lögreglusamþykkt eða deiliskipulag.

Og síðar í fréttinni segir:

Borgarstjóri hefur sagt samninginn kosta borgina 25 til 30 milljónir króna. Borgarfulltrúi Samfylkingarinnar hefur hins vegar áætlað að samningurinn kosti borgina minnst 120 milljónir króna. Borgin kaupi húsnæðið í Mjódd fyrir 92 milljónir og leggi síðan Háspennu til lóð undir íbúðarhús við Starhaga sem meta megi á minnst 30 millljónir króna.

Borgarfulltrúar Samfylkingar og Vinstri grænna fagna því að tekist hafi að semja við Háspennu en átelja hins vegar þann hluta samningsins sem lýtur að lóðinni. Sú niðurstaða hafi yfir sér yfirbragð geðþóttaákvarðana. Kjartan hefur einnig efasemdir um þann þátt málsins og telur að eðlilegra hefði verið að selja lóðina hæstbjóðanda.

Eru svo ekki allir að tala um hvað Vilhjálmur sé klár stjórnandi.

Háspenna ætlar að stækka spilasal við Hlemm

Utanríksráðherra á nú ekki að tala svona.

Hvernig getur konan sagt aðra eins vitleysu eins og: „Það álver myndi fá raforkuna frá jarðhitavirkjun og bygging slíks orkuvers hefði ekki áhrif á umhverfið þar um slóðir." Ég veit það eru að koma kosningar en mér er alveg sama. Auðvita hefur slík bygging áhrif á náttúruna. Það eru allir sammála um en það er rætt um að að orkuver sem nota jarðvarma valdi minni náttúruspjöllum. Hún hlýtur að gera sér grein fyrir að þessu orkurverum fylgir ýmsar lagnir bæði rör og rafmagnslínur. Það er einmitt það sem fólk er að ræða nú í sambandi við Straumsvík og Hellisheiðavirkjarnir.

Og þegar við erum að tala um utanríkisráðherra þá finnst mér alveg makalaust að hún sé ekki í öllum þessum ferðum sínum erlendis farin að ræða við fyrirtæki sem kannski gætu nýtt þessa orku á vistvænni hátt. Forsetinn ræddi um að tölvufyrirtæki gætu vel séð sér hag í því að reka hér gagnageymslur sem nýta mikla orkur og þarfnast sérfræðinga í löngum bunum til starfa. Þau sjái sér hag í því ef þau geti nýtt umhverfisvænni orku en þau eru að nýta t.d. í Bandaríkjunum.

Eins finnst mér þetta ekki vera merki um ráðherra sem hugsar málin í samhengi. Þannig heyrði ég í dag að greiningardeidl Kaupþings gerir ráðfyrir að bara það að Hafnfirðingar samþykki álverið þar eigi eftir að auka þennslu og verðbólgu í landinu og það þó ekkert verði farið að framkvæma strax. Hvaða áhrif getur svona gaspur þá haft?

Frétt af mbl.is

  Segir álver við Húsavík rúmast innan marka sjálfbærrar þróunar
Innlent | mbl.is | 26.3.2007 | 17:19
Valgerður Sverrisdóttir, utanríkisráðherra, sagði á málþingi á Húsavík í dag að vel hugsanlegt væri að álver rísi í Þingeyjarsýslu. Það álver myndi fá raforkuna frá jarðhitavirkjun og bygging slíks orkuvers hefði ekki áhrif á umhverfið þar um slóðir. Sagðist Valgerður vera þeirrar skoðunar, að um væri að ræða atvinnustarfsemi sem rúmist vel innan marka sjálfbærrar þróunar.

Segir álver við Húsavík rúmast innan marka sjálfbærrar þróunar

Þetta gæti nú orðið áfall fyrir Austfirðinga

Það hlýtur að verða nokkuð áfall fyrir þær byggðir sem þessi útlendingar hafa sótt þjónustu til. Sala í búðum og sjoppum gæti nú hrapað niður. Eins gætu margar íbúðir losnað sem leigðar hafa verið til þessara verktaka.

Frétt af mbl.is

  Á þriðja þúsund verkamanna heldur heim á leið
Innlent | Morgunblaðið | 26.3.2007 | 6:43
Hátt í 2500 erlendir verkamenn, sem nú eru að störfum í tengslum við uppbyggingu virkjunar og álvers á Austurlandi, verða horfnir af landi brott fyrir árslok. Meirihluti þeirra fer á næstu mánuðum.

Á þriðja þúsund verkamanna heldur heim á leið

Síðast vinstristjórn lagði grunninn að lækkun verðubólgu hér á landi

Það er tími kominn til að leiðrétta þann misskilning að síðasta vinstristjón hafi staðið fyrir óðaverðbólgu hér á landi. Staðreyndin er að á því kjörtímabili var loks komið böndum á verðbólgunna eins og má sjá á þessu línurit sem tekið er að vef seðlabankans.

 

Á myndinni má sjá að þegar að stjórn Davíðs Oddsonar tók við árið  1991 var búið að ná verðbólgunni niður í um 10% eftir að vinstristjórn  tók við henni um 1988 í  30%. Vinstri stjórn Alþýðuflokks, Alþýðubandalags og Framsóknar náði miklum árangri á stuttum tíma með því að vinna með verkalýsðshreyfingu og fólkinu í landinu. Við tókum á okkur erfiðleika en náðum árangri og Davíð tók við þróun sem þegar var komin á stað. Auk þess stóð svo Alþýðuflokkurinn fyrir EES samningi sem tryggði okkur þá velsæld sem við höfum lifað við. Annað hvort eru bloggarar sem ræða um þetta tímabil með gullfiska minni eða þeir voru börn og byggja sínar upplýsingar frá áróðursmeisturum Sjálfstæðismanna.