Það verður ekki annað sagt en að sumir Íslendingar eiga orðið slatta af peningum.

Flest sveitarfélög eiga erfitt með að byggja 17 metra laug og þannig eru varla 10 sundlaugar  25 metra langar hér á landi. Svon koma 2 manneskjur og gefa bara eitt stykki. Ég óska íbúum Hofsóss til hamingju með að eiga svona gjafmilda einstaklinga í sinni sveit.

Frétt af mbl.is

  Færa íbúum Hofsóss og nágrennis sundlaug
Innlent | mbl.is | 29.3.2007 | 11:52
Skrifað var undir viljayfirlýsingu í gær á milli sveitarfélagsins Skagafjarðar, Lilju Pálmadóttur, Hofi á Höfðaströnd, og Steinunnar Jónsdóttur, Bæ á Höfðaströnd, um að þær Lilja og Steinunn færi íbúum Hofsóss og nágrennis 25 metra sundlaug að gjöf með tilheyrandi aðstöðu. Ekki er sundlaug fyrir á Hofsósi.

Færa íbúum Hofsóss og nágrennis sundlaug

Netþjónabú - Ný búgrein fyrir okkur hér á Íslandi?

Rakst á þetta á visir.is. Kannski ekki svo fjarlæg framtíð eftir allt saman.

 www.visir.is

Fréttablaðið, 29. mar. 2007 06:30

Netþjónabú er í undirbúningi

Hugmynd um íslenskt netþjónabú stórfyrirtækisins Microsoft gæti orðið að veruleika og er á viðræðustigi, segir framkvæmdastjóri Microsoft á Íslandi, Halldór Jörgensson.

Hugmyndin um netþjónabú (e. server farm) kom upphaflega fram í viðræðum forseta Íslands við Bill Gates, eiganda Micro-soft, í janúar síðastliðnum. Síðan þá hefur Halldór fengið skriflegt umboð frá Gates til að kanna aðstæður og ræða við fagaðila.

„Viðræður eru í gangi og við höfum lagt töluverða vinnu í þetta. Við höfum fengið ágætis svör og ekkert hefur unnnið á móti okkur hingað til," segir hann.

Netþjónabú eru afar orkufrek en Halldór neitar því að viðræður hafi átt sér stað um orkuverð við innlend fyrirtæki. Hér á landi sé enda næg orka, ólíkt því sem gerist erlendis. „Það vinnur með okkur."

Halldór mun að öllum líkindum fjalla um framgang málsins á fundi í næstu viku í höfuðstöðvum Microsoft. Ákvörðun verði þó ekki tekin fyrr en í fyrsta lagi í maí, þegar háttsettir menn frá Micro-soft koma til landsins.

Hvað segir þetta okkur um raforkuverðið?

Það að fyrirtækið er tilbúið að kosta lagningu rafstrengi í jörð á sinn kosnað vekur hjá mér spurningar um raforkuveðrið sem það er búið að semja um við Landsvirkjunþ Það að vera tilbúið að bæta um 800 milljónum við verðið segir mér að þau séu að fá hagstætt orkuverð. Og þó það dugi til að borga upp virkjanir á nokkrum áratugum þá er spurning hversu mikill hagnaður er umfram þau lán sem tekin eru til að byggja virkjanir.

Eins þá skilst mér á fréttum gærdagsins að eftir að þessar línur verða settar í jörðu þá verði nú eftir sem áður jafn mikið eða meira af loftlínum að álverinu ef það stækkar  en það verði bara aðeins lengra frá byggðinni. Það verða um 17 km af línum sem teknar verða í burtu en það koma 21 km í staðinn ef að álverið stækkar.

Frétt af mbl.is

  Kostnaður við raflínur í jörðu í Vallarhverfi nemur 800 milljónum
Innlent | Morgunblaðið | 29.3.2007 | 5:30
Samkomulagi milli Landsnets og Alcan felur í sér að raflínur við Vallarhverfið í Hafnarfirði verða fjarlægðar ásamt stórum hluta spennustöðvarinnar við Hamranes. Aðrar loftlínur sem nú standa ofan við byggðina verða settar í jörð við Kaldárselsveg að spennustöðinni en stöðin mun að loknum breytingum eingöngu þjónusta íbúðarbyggð á svæðinu.

Kostnaður við raflínur í jörðu í Vallarhverfi nemur 800 milljónum

Ómar er náttúrulega vanur að syngja um allt sem hann hefur áhuga á

Það er náttúrulega dæmigert fyrir Ómar að honum verður allt að söng  Ef eitthvað kemur upp hjá honum þá er sungið um það. Þessu höfum við jú kynnst.

EN þetta með smábátana, ég er ekki viss. 

Gargandi fugl og iðandi mannlíf við hafnir landsins

Í sjávarútvegsmálum eru einföld loforð. Efla á smábátaútgerð á ný. Gefa skal smábátum tækifæri til frjálsra veiða sem sé vel mögulegt að gera. Þá muni stemningin breytast við hafnir sjávarbyggða, gargandi fugl og iðandi mannlíf, það er það sem hreyfingin vill. Lögð er áhersla á vistvæn veiðarfæri. Hráefni sjávarins á að nýta þannig að sem mest verðmæti fáist fyrir þau, ekki nýta þau í bræðslu eða beitu.

 Eru þau ekki að tala um smábáta eins og þeir voru. Nú eru orðin hér við land útgerarfyrirtæki sem gera út svona litla báta. Þeir eru búnir fullkomnustu tækjum sem völ er á og eru fljótir á miðin þar sem þeir eru með stórar vélar. Þá eru þeir sjálfsagt búnir að kaupa á þessi skip rándýrann kvóta. Því held ég að það sé aðeins möguleiki á að breyta þessu kerfi ef það er tekið upp í heild án tillit til stærðar skipana.

Íslandshreyfingin vill gera lífið skemmtilegra

Svo er verið að tala um að Samfylkingunna og virkjanamál

Heyrði í 22 fréttum Sjónvarpsins sagt frá fundi Framtíðarlandsins um afstöðu flokkanna til umhverfismála.

Guðjón Ólafur Jónsson er á því að það eigi að leyfa virkjanir sem þegar hafa verið leyfðiar m.a. Neðri Þjórsá. En hann gleymir að Landsvirkjun hefur fleirir leyfi eins og Norðlingaölduvirkjun t.d.

Illugi Gunnarsson taldi enga ástæðu til að stoppa neitt því að þetta tæki hvort eð er nokkur ár að komast til framkvæmda. Hélt að hann væri Hægri Grænn!

Um Samfylkingunna vitum við Ingibjörg Sólrún og aðrir flokksmenn hafa lagt til að öllum virkjanaframkvæmdum verði frestað þar til að búið verði að setja heildaráætlun um náttúruvernd og umhverfisstefnu. Og eins þar til að þennsla í þjóðfélaginu hefur kólnað niður. Og eins til að kanna árangur af verkefnum tengdum djúpborunum. Og síðan á þeim forsendum ákveða með nýtingu í framtíðinni. Þetta má lesa út úr Fagra Íslandi.

Vinstri Grænir vilja jú algört virkjana stopp.

Um Íslandshreyfinguna vitum við jú þau vilja hætta þessum virkjunm

Ég veit nú lítið um stefnu Frjálslynda en veit að þeir eru fylgjandi hófsamri nýtingu þó að það sé nú teygjalegt hvað það þýðir.

Nú er það kjósenda að meta hvaða flokkur boðar skynsamlegasta stefnu í þessum málum. Mér finnst það nokkuð ljóst að Framsókn og Sjálfstæðismenn eru Stóriðju og virkjanaflokkarnir.

Frétt af mbl.is

  Fulltrúar flokkanna gera grein fyrir afstöðu til umhverfismála
Innlent | mbl.is | 28.3.2007 | 21:23
Opinn umræðufundur stendur nú yfir í Hafnarfjarðarleikhúsinu á vegum samtakanna Framtíðarlandsins sem hafa verið nokkuð áberandi í þjóðfélagsumræðunni á síðustu mánuðum. Á myndinni má sjá Guðjón Ólaf Jónsson, Illuga Gunnarsson, Ingibjörgu Sólrúnu Gísladóttur, Kolbrúnu Halldórsdóttur, Kristinn H. Gunnarsson og Ómar Ragnarsson sem á fundinum lýstu m.a. afstöðu flokka sinna til stóriðju og umhverfismála almennt.

Fulltrúar flokkanna gera grein fyrir afstöðu til umhverfismála

Alvarleg fátækt til á Íslandi

Heyrði í dag frétt um yfirlýsingu frá Félagi félagsráðgjafa þar sem þeir segja að það sé til alvarleg fátækt hér á Íslandi. Eins þá sögðu þeir að fátækt gengi oft yfir til næstu kynslóða í viðkomandi fjölskyldum.

www.ruv.is

Málefni fátækra í ólestri

Vilborg Oddsdóttir, félagsráðgjafi hjá Hjálparstarfi kirkjunnar, segir úrræðaleysi ríkja í málefnum fátækra hér á landi. Stjórnvöld þurfi að hækka skattleysismörk, leysa húsnæðisvanda og hækka lágmarkslaun.

Félagsráðgjafafélag Íslands hefur sent frá sér ályktun þar sem kemur fram að hér á landi sé að finna alvarlega fátækt. Fátækt ali á félagslegri einangrun barna og fullorðinna og berist oft frá einni kynslóð til annarrar.

Og hér má heyra frekari umfjöllun um þetta mál sem var í síðdegisútvarpi rásar 2

Jónína Ben ekki par hrifin af Jakobi Frímann sem stjórnmálamanni eða Íslandshreyfinguni

Var að lesa bloggið hennar Jónínu Ben. Hún er ekki að skafa af hlutunum eins og venjulega og lætur Íslandshreyfinguna fá það óþvegið. Og þá sérstaklega Jakob Frímann. EN um hann segir hún:

Kobbi Magg, sem vinnur sem PR radgjafi og er a launum hja storfyrirtaeki eins og augljost hefur verid i fjolmidlum, hefur tekid afgerandi afstodu i alvarlegum domsmalum med sakborgningum, tekur ser i hinu nyja frambodi saeti thett vid hlid Margretar og Omars.

Vill folk slikann einstakling inn a thing?  Mann sem er a spena audmanna? Velvild theirra og peningum  hadur? Jakob hefur ausid yfir folk og um folk dylgjum og osannindum i hverjum sjonvarps og utvarpsthaettinum eftir odrum? Fjolmidlamenn rifjid upp ord mannsins undanfarin ar. Latid hann standa vid thau!

Jakob Frimann Magnusson hefur itrekad og idulega varid storlaxa vidskiptalifsins an thess ad hafa nokkud annad i hondunum en milljonatugi sem hann thadi ur vasa hinna somu.

Manna sem itrekad reyna ad na valdi a stjornmalamonnum. Folk tharf ad varast slika stjornmalamenn og slikir menn eiga ad fa ser vinnu i storfyrirtaekjum en ekki bidja um atkvaedi almennings!

Rétt að taka það fram að hún er að skrifa frá Póllandi og hefur auðsjáanlega ekki möguleika á að setja Íslenskastafi í færslunna. En mann finnst hálft i hvoru að það sé hægt að lesa í þetta að hún telji að Jakob fari þarna inn sem fulltrúi Baugs inn í Íslandshreyfinguna. Hún segir líka eitthvað á þá leið að þá sé Jón Magnússon og liðið á Útvarpi Sögu skárra

Helvítis spákaupmennska

Svona hlutir fara alveg svakalega í taugarnar á mér. Verð á olíu ríkur upp vegna kjaftasögu. Verð ríkur upp vegan orðróms um slæma birgðastöðu. Verð ríkur upp vegna hugsanlegs þetta og hugsanlegs hins. Síðan reynist aldrei fótur fyrir þessu sögum eða orðrómi. Fer að halda að þetta sé tæki sem spákaupmenn nota til að leika sér með verðið. Eða þá að þeir sem stunda þessi viðskipti eru taugveiklaðir aumingjar.

www.mbl.is

Viðskipti | mbl.is | 28.3.2007 | 08:03

Olíuverð hækkaði um allt að 5 dali vegna orðróms um stríð

Verð á hráolíu hækkaði num allt að 5 dali í gærkvöldi þegar orðrómur barst um að Íranar hefðu skotið eldflaugum á bandarísk herskip. Um klukkan 22 í gærkvöldi hækkaði verðið á Brent Norðursjávarolíu úr 64,60 dölum fatið í 69 dali á nokkrum mínútum í rafrænum viðskiptum.

Bandaríska varnarmálaráðuneytið bar fréttirnar strax til baka og olíuverðið á eftirmarkaði lækkaði fljótt í kjölfarið.

„En þetta sýnir að markaðurinn er á nálum vegna ástandsins í Persaflóa," hefur fréttavefur CNN eftir olíumiðlara í New York.

Í morgun hækkaði olíuverð bæði í Lundúnum og New York um rúmlega dal. Er þetta sjötti dagurinn í röð sem olíuverðið hækkar og er verðhækkunin rakin til þess að Íranar handtóku breska hermenn á Persaflóa um helgina. Verð á Brent Norðursjávarolíu er nú um 65,77 dalir og á markaði í New York er verðið 63,95 dalir.

Olíuverð hækkaði um allt að 5 dali vegna orðróms um stríð

Merkilegt hvað mikið fjármagn finnst alltaf rétt fyrir kosningar.

Ég fagna þessum styrkjum sem Vesturfarasetrið er að hljóta. Þarna hefur þessi frumkvöðull verði að vinna frábært starf. En það sem undrar mig er afhverju ríkisstjórnir gera þetta alltaf rétt fyrir kosningar. Nú er fólk orðið það vakandi að það finnur kosningalykt af þessu langar leiðir. Og það skemmir fyrir stemmingunni yfir þessu.

En þessu fjárframlagi held ég að sé vel varið. Þv´þarna er verið að halda til haga merkilegum kafla í sögu okkar og tengslum við fólk af íslenskum uppruna sem er stór hópur í Kanda og Bandaríkjunum. Skilst að þetta geti verið jafnvel hundruð þúsunda hópur þarna fyrir Westan.

Frétt af mbl.is

  Samið um fjárveitingar til Vesturfarasetursins
Innlent | mbl.is | 27.3.2007 | 17:22
Skrifað var í dag undir samning, sem tryggir Vesturfarasetrinu á Hofsósi ákveðið fjárframlag úr ríkissjóði á næstu árum. Samningurinn gildir fyrir árin 2007 til 2011. Í ár fær setrið 25 milljónir en 28 milljónir á ári eftir það.

Samið um fjárveitingar til Vesturfarasetursins

Afhverju er auglýsingabann á tannlæknum og þjónustu þeirra?

Þetta var sláandi upplýsingar sem birtast í þessari frétt. Og dæmið hér af www.visir.is sýnir þetta vel:

Þessi munur sést ef dæmi er tekið af barni sem þarf skoðun, tvær röntgenmyndir og flúorlökkun. Gjaldskrá Tryggingaastofnunar metur þetta verk á rúmelga 7500 krónur, og borgar 75% af þeirri upphæð - tæplega 6300. En meðaltal tannlæknanna er hátt í ellefu þúsund krónur. - Mismuninn borga foreldrar. Munurinn á hæsta verði þessara flokka er gríðarlegur. Ef miðað er við hæstu reikninga fyrir þessi viðvik myndi reikningurinn hljóða uppá yfir 31 þúsund. Samantekt á lægsta verði fyrir þessi þrjú verk myndi enda í innan við 3000 króna reikningi.

Það getur því hugsanlega munað um 27 þúsundum á þessari þjónustu milli tannlækna.

Þetta vekur upp nokkrar spurningar.

1. Afhverju hefur ekki verið samið við tannlækna um nýja gjaldskrá vegna endurgreiðslur?
2. Afhverju er tannlæknum ekki heimilt að auglýsa gjaldskrár sínar. Það er auðsjáanlega hagur fólks að vita að það getur munað mörg hundruð prósent á því hvað þeir rukka fyrir þjónustu sína?
3. Afhverju er hér takmarkanir á því hve margir fá að fara í tannlæknanám?

Frétt af mbl.is

  Mikill verðmunur á þjónustu tannlækna
Innlent | mbl.is | 27.3.2007 | 15:47
Munur á því verði sem tannlæknar innheimta að jafnaði fyrir þjónustu sína og þeirri gjaldskrá sem Tryggingastofnun ber að miða greiðsluþátttöku sína við hefur vaxið umtalsvert. Fram kemur á heimasíðu stofnunarinnar, að gjaldskrá almennra tannlækna sé að meðaltali ríflega 34% yfir gjaldskrá ráðherra. Verðmunur á þjónustu tannlækna er hins vegar mikill eða frá 130% yfir gjaldskrá ráðherra til rúmlega 6% undir gjaldskránni.

Mikill verðmunur á þjónustu tannlækna