Er ekki rétt að bíða úrslita kosninga áður en menn fara fram á umboð til stjórnarmyndunar?

Finnst þetta hálf hrokafullt hjá honum Geir. Það gæt bara vel komið upp sú staða að þjóðin kysi þannig að hægt væri að gefa honum smá frí frá erlinum í forsetisráðuneytinu.

Eins á ég eftir að sjá það að Sjálfstæðismenn eigi eftir að láta af skítkasti því sem þeir hafa verið með t.d. út í Ingibjörgu Sólrúnu og gerast málefnalegir. En það verður gaman að fylgjast með því.

ps. Ekki byrjar það nú vel þetta með málefnalega kosningabaráttu var að lesa pistil í Fréttablaðinu eftir Einar K Guðfinnsson þar sem hann segir m.a.

Í eldhúsdagsumræðunni við þinglok mætti þingmaður flokksins til leiks með langan, digran og rándýran loforðalista. Sjálfur varaformaður flokksins eru svo heppinn að á sömu dagblaðsopnu og greint er frá hinni nýju aðhaldsstefnu flokksins í efnahagsmálum, kynnir hann milljarða loforðalista í átta tölusettum liðum, sem er augljóslega gjörsamlega á skjön við hina nýju efnahagssgtefnu flokksins.

Hér hefur það því gerst, sem er mikið nýmæli í stjórnmálum, að flokkur hefur sett fram stefnu, sem augljóslega er ætlað að tyfta málflutning frambjóðendanna.

Einar er jú ráðherra í ríkisstjórn þar sem Samgönguráðherra lofaði vega og samgönguframkvæmdum fyrir um 390 milljarða. Einar sjálfur búinn að standa í ævintýrum með hvalveiðar að gjörsamlega vanhugsuðu mál. Ég held að hann ætti að hlusta á formann flokksins og gera meira af því þegja þegar hann hefur ekkert vitrænt að segja.

Frétt af mbl.is

  Geir: Fer fram á endurnýjað umboð til að stýra næstu ríkisstjórn
Innlent | mbl.is | 15.4.2007 | 15:07
Geir H. Haarde, formaður Sjálfstæðisflokksins, sagði þegar hann sleit landsfundi flokksins í dag, að hann færi fram á það, að fá endurnýjað traust og endurnýjað umboð til að stýra næstu ríkisstjórn Íslands. Þá sagði Geir að kosningabaráttan, sem fer í hönd fyrir alþingiskosningarnar, yrði málefnaleg af hálfu flokksins vegna þess að þau málefni, sem flokkurinn setti fram, væru góð.

Geir: Fer fram á endurnýjað umboð til að stýra næstu ríkisstjórn

Jæja nú er stefnt að því að einkavæða orkufyrirtækin

Það er orðið fátt eftir til a færa einkavinum Sjálfstæðisflokksins nema orkufyrirtækin og heilbrigðiskerfið og nú á að opna á það. Þetta var reyndar vitað að stæði til. Öll löggjöf og gjörðir síðustu ára hafa verið að undirbúa jarðveginn fyrir þetta. Og þjóðin lætur þetta væntanlega yfir sig ganga og borga svo brúsan þegar fram í sækir þar sem hún getur ekki keypt orku annarstaðar.

Þessvegna var unnið að þvi í vetur að sameina orkufyrirtæki í eigu ríkisins en sem beturfer tókst það ekki.Eins var um auðlindalögin, vatnalögin og þjóðlendur sem stóð til að færa Landsvirkjun.

 Nú er hver síðastur til að stoppa þetta.

Frétt af mbl.is

  Skoðað verði að færa eignarhald á ríkis á orkufyrirtækjum til einkaaðila
Innlent | mbl.is | 15.4.2007 | 13:57
Landsfundur Sjálfstæðisflokksins leggur í ályktun um umhverfis og auðlindanýtingu til, að skoðaðir verði kostir þess að færa eignarhald ríkisins á orkufyrirtækjum yfir til einkaaðila, sérstaklega með tilliti til samkeppnis- og jafnræðissjónarmiða.

Skoðað verði að færa eignarhald á ríkis á orkufyrirtækjum til einkaaðila

Jæja samfylkingin á leið upp en Vg niður - Hvað er að?

Samfylkingin mælist með 22,3% í nýrri könnun Fréttablaðsins. Sem er þó skref upp á við. Vinstri græn hrapa niður skv. þessari könnun og Sjálfstæðisflokkurinn ríkur upp í 43% fylgi. Þið afsakið þó ég velti fyrir mér: Hver anskotinn er að fólki? Heldur fólk að það sé það besta fyrir Íslenskt samfélag að koma Sjálfstæðisflokknum í þá stöðu að verða hér einráður. Er fólk að sækjast eftir því að við verðum "Litlu Bandaríkin"? Þar sem þeir sem eiga peninga fá fyrirmyndartjónustu en þeir sem minna mega sín verða að sætta sig við lákmarksþjónustu?  Þar sem börn þeirra efnuðu fá fyrirmyndar skóla en hinir verða að sætta sig við lámarkskennslu. Því að markmið Sjálfstæðismanna um að draga úr ríkisafskiptum og lækka skatta (reyndar aðalega á þá ríku og fyrirtæki) hljóta að leiða til þess að þeir sem nota þjónustunna þurfa að greiða fyrir hana.

Nú vilja Sjálfstæðismenn fá Heilbrigðis og tryggingarmálaráðuneytið - Afhverju haldið þið að það sé?

Ég bið nú fólk að athuga sinn gang

 

Fylgi VG minnkar samkvæmt nýrri könnun

Sjálfstæðisflokkurinn sýnir sitt rétta eðli.

Hef verið að glugga í samþykktir landsfundar Sjálfstæðismanna og þar má sjá margt skrýtið eins og þessi atriði valin af handahófi.

Stjórnvöld gegna mikilvægu hlutverki við mótun almennrar stefnu í umhverfismálum en ekkert er þó jafn mikilvægt og ábyrgð einstaklingsins. Sjálfstæðisflokkurinn leggur áherslu á að umhverfismál séu skoðuð í samhengi, þ.e. að tekið sé tillit til sjónarmiða um efnahagsvöxt, félagslega velferð og jöfnuð og vernd náttúrunnar. Málaflokkurinn er í eðli sínu langtímamál en ekki dægurmál. Mikilvægt er að skiptar skoðanir á undanförnum árum í tengslum við stórframkvæmdir leiði af sér ábyrga og málefnalega umræðu um umhverfismál. Þar skipta efnistök fjölmiðla miklu máli.

Þarna má sjá að einstaklingurinn eigi nú sem mest að ráða hverning farið er með náttúrunna. Þar er efnahagsvöxtur og félagslegvelferð sett sætinu ofar en náttúruan sjálf. Þ.e. öllu má fórna fyrir efnahagsvöxt. Og að fjölmiðlar eigi að vara sig að vera ekki að ræða málin frá öðru sjónarhorni en flokkurinn vill

 Þar á meðal að skýrar verði kveðið á um inntak þingræðis, stöðu forseta lýðveldisins og myndun, eðli og valdheimildir ríkisstjórnar. Í því sambandi telur landsfundur óhjákvæmilegt að ákvæði 26. gr. um synjunarvald forseta verði fellt úr gildi.

Þar með á hefna sín á forsetaembættinu fyrir fjölmiðlamálið. Og um leið er sjálfstæðisflokkurinn að segja að fólk sé fífl sem eigi ekki að fá að kjósa um neitt þó að miklar deilur séu um þetta. Þetta birtist nú í viðbrögðum flokksins við kosningum í Hafnarfirði um daginn.

Eftirfarandi las ég síðan hjá Pétri Gunnarssyni.

Ég fæ ekki almennilega botn í þetta ákvæði í ályktunum sjálfstæðismanna um að hafna "hvers kyns stuðningi við ríkisstjórnir sem hryðjuverkahópar eiga aðild að, eða sem fjármagna hryðjuverkasamtök" nema ég líti svo á að þetta sé það sem flokkurinn vill segja um málefni Palestínu. Hvar annars staðar í heiminum getur þetta átt við?

Að sjálfstæðismenn séu þarna að taka undir með Bandaríkjastjórn. Það sé útilokað að styðja sjálfstætt ríki Palestínumanna af því að allir skipulagðir pólitískir hópar í því landi sem njóta einhvers almenns stuðnings eru samkvæmt skilgreiningu Bush-stjórnarinnar hryðjuverkasamtök. Eða hvað?

Aðeins um heilbrigðismál og menntamál

Mikilvægt er að kostir viðskiptalífsins og almennrar markaðsstarfsemi verði nýttir betur á fleiri sviðum. Þetta er ekki síst brýnt á sviði menntamála og heilbrigðismála þar sem mikið liggur við að framfarir verði örar, góður árangur náist og fjármunir nýtist sem best. Líta ber á þá sem sækja sér þjónustu á sviði mennta- og heilbrigðismála sem neytendur til að tryggt sé að þjónustan við þá verði sem allra best. Hið opinbera þarf áfram að tryggja að allir hljóti góða þjónustu á þessum sviðum

Þarna er talað um að færia einkaaðilum verkefni á þessu svið en orðalagið að tryggja öllum góða þjóunustu sker í augum eru þeir þá að opna á að fólk getir keypt sér bestu þjónustunna.

Um húsnæðiskerfið: Þeir nefndu sem dæmi um velheppnaða einkavæðingu bankana og innkomu þeirra á húsnæðislánakerfið. Ekki viss um að þeir sem eru að kaupa íbúð í fyrsta skipt séu sammála því að fylgifiskur þess var nú að íbúðir hafa hækkað um helming og því er fólk að skulda a.m.k. helmingi meira.

Fyrirtæki í einkageiranum eru farin að færa sig inn á fleiri svið en áður með jákvæðum ávinningi fyrir neytendur. Húsnæðislánamarkaðurinn er dæmi um þær framfarir sem orðið hafa í íslensku viðskipta- og atvinnulífi á síðustu árum.

Skynsamleg nýting náttúruauðlinda best tryggð með afnotarétti einstaklinga

Fólk gleymir því oft að Samfylkingin er ekki nema 8 ára flokkur

Fólk er fjótt að gleyma hér á landi. Það er búið að gleyma því að síðustu kosningar voru númer 2 sem Samfylkingin tók þátt í sem flokkur. Það hefur eðlilega orðið gerjun í flokknum og á síðasta landsfundi var skipt um formann. Þá hefur þurft að berja saman hóp sem upprunalega kom úr 4 flokkum. Síðan lætur fólk eins og fylgið sem hefur vissulega lækkað síðan í síðustu kosningum sé eitthvað sem flokkurinn hafi haft um áratugaskeið. En það gleymir því að þegar Samfylkingin var stofnuð þá var ákveðið brot úr sömu röðum sem ákvað að stofna flokk vinstramegin við Samfylkingu sem auk vinstristefnu er með umhefismál sem aðalstefnu sína. Og hefur vissulega tekið fylgi frá Samfylkingu. Þá er hópur fyrrum Samfylkingarfélag komin með framboð sem nefnist Íslandshreyfingin.

Og við þetta bætist að Ingibjörg hefur setið undir látlausum árásum frá Sjálfstæðismönnum og að því var látið allt of lengi ósvarað. EN ég held nú þegar að fólk fer að skoða stefnuskrá flokkanna þá fari fólk nú að átta sig að stefnuskrá Samfylkingar er sú eina sem virkilega tekur á þeim málum sem brenna á fólki.

Frétt af mbl.is

  Ingibjörg Sólrún: Erum orðin fullmótaður flokkur jafnaðarmanna
Innlent | mbl.is | 14.4.2007 | 18:03
Ingibjörg Sólrún Gísladóttir, formaður Samfylkingarinnar, sagði í lokaræðu sinni á landsfundi Samfylkingarinnar í dag að fundurinn hafa sýnt það hvað það sé mikill karakter og taktur í flokknum þrátt fyrir þann mótbyr sem hann hefði verið í á undanförnum vikum og mánuðum. Sagði hún það sýna mikinn styrk og vera til marks um það að hann sé nú orðinn fullmótaður flokkur jafnaðarmanna.

Ingibjörg Sólrún: Erum orðin fullmótaður flokkur jafnaðarmanna

Ágæta Samfylkingarfólk þarna úti

Svna í tilefni þess að landsfundur Samfylkingarina stendur yfir þá ætla ég að setja hér inn færslu sem ég hef birt áður og kannski að ég geri það reglulega fram að kosningum.

Miðvikudagur, 11. apríl 2007

Ágæta Samfylkingarfólk þarna úti.

Nú er stundin komin! Að okkar flokki er sótt og staða hans óviðunandi. Tími baráttunnar er runninn upp.

Nú er kominn tími til að við grípum til okkar ráða. Við höfum nú nokkrar vikur til að koma okkar málstað á framfæri. Nú er komið að því að við sýnum andstæðingum okkar hvað í okkur býr. Hver og einn að nota þær baráttuaðferðir sem honum hentar best.

Við skulum berjast á blogginu,  við skulum berjast í blöðunum, við skulum berjast á fundum, við skulum berjast á kaffistofum, við skulum berjast allstaðar þar sem við getum hugsanlega sannfært fólk um að til að skapa hér manneskjulegt, réttlátt samfélag er nauðsynlegt að Samfylkingin og jafnaðarhugsjónin verði leiðandi afl í stjórn landsins.

Og við gefumst aldrei upp!

Djöfull getur fólk verið ógeðslegt og kjaftasögur rætnar.

Var að lesa bloggið hennar Ástur Lovísu Vilhjálmsdóttur www.123.is/crazyfroggysem hefur nú um skeið barist við illvígt krabbamein í lifur. Nú virðist vera hennar eina von að komast út til NY til lækna sem hafa fundið aðferð til að koma krabbameinslyfi beint í lifrina þannig að hægt er að nota sterkari lyf í stærri skömmtum. Hún hefur bloggað um veikindir og komið fram í fjölmiðlum. Fólk hefur dáðst að því hve hún berst af miklum móð fyrir lífi sínu og geta þar með fylgst með börnum sínum vaxa upp.

EN viti menn kjaftasögurnar láta ekki að sér hæða. Ég ætla að leyfa mér að birta eftirfarandi færslu frá henni í heild.

Kjaftasögur ... Því miður :(
Því miður eru komnar í gang virkilega ljótar kjaftasögur um mig og vini mína... Ég er hreint út sagt orðlaus og ég er virkilega sár og reið því þetta er virkilega gripið úr lausu lofti !!!!! Sögurnar eru þær að ég sé að misnota góðvild þjóðarinnar og að ég sé óheiðarleg. Það ganga þær sögur um mig að ég sé með fólk á bakvið mig sem að borgi allt sem við kemur NY fyrir mig og ég sé með því að misnota góðvild ykkar. Þetta er ekki rétt ... Því  þeir peningar sem hafa safnast  á styrktarreikninginn fara í veikindin mín en ekki peningar vina minna.

Það er greinilegt að hér á Íslandi megi maður ekki eiga vini sem eru þekkt andlit án þess að kjaftasögurnar fari á kreik. Ég vil fá að þakka ykkur öllum sem hafa sýnt mér stuðning á hvaða háttinn sem er.
Þið sem að efist um mig og talið um mig á ljótan hátt ... Verið ekki að styðja mig og hættið að dæma fólk sem þið þekkið ekki.
Ég er virkilega sár og reið núna. Þetta hefur haft það mikil áhrif á mig andlega að ég þarf að íhuga hvort að ég treysti mér að halda þessu bloggi áfram.

Ein af athugasemdunum sem ég hef fengið ... Komið frá sama aðilanum sem að vinnur á þekktum vinnustað í tölvugeiranum:

Sæl Ásta, þú þekkir mig ekki og mér finnst ekki skipta máli hver ég er... Ég vinn á mjög stórum vinnustað og það hefur mikið verið rætt um þig og þín veikindi, en núna er kominn annar tónn í umræðuna. Eins og þú veist er Ísland ekki stórt land svo margir þekkja marga, og núna er heistasta umræðan þessa dagana að þú sért að notfæra þér afstöðu þína og þessa söfnun, þar sem heyrst hefur að þegar séu komnir fram aðilar sem ætla að borga flug og allan kostnað sem til fellur í NY og fólki finnst réttlátt að þú látir vita af þessu, Mér finnst rétt að láta þig vita af þessu, þannig að þú sjálf getir komið með þetta fram og sért heyðarleg,.. það er nóg fyrir þig að eiga í þessum veikindum þó ekki komi líka til leiðindar umtal um þig sem hægt er að stoppa strax áður en þetta verður verra.

Kveðja, með ósk um góðan bata

Frá:Ókunnug, , ´

(www.123.is/crazyfroggy )

Ég á ekki orð. Hvurn djöful kemur fólki við hvaða styrki hún hugsanlega hefur fengiö. Ásta hefur verið heiðarleg í öllum sínum færslum og hún reglulega tekið út þennan söfunarreikning þegar hún hefur ekki þörf á. Ég þekki hana ekki neitt en eftir svona skrif þá þekkir maður þessa rætnu manneskju sem skrifar henni betur . Svona manneskjur eru kallaðar "Nöðrur" og finna sér allt til þess að hatast við aðrar manneskjur.

 

Var að benda á þetta í síðustu færslu.

Guðbjörg Andrea Jónsdóttir rannsóknarstjóri Capacent Gallup segir að sveiflur á fylgi Vg og Sjálfstæðisflokks séu innan skekkjumarka og því er fylgi allra stærstu flokkanna innan skekkjumarka.

Því er ljóst að þessi könnun er ekki að segja okkur neitt nema kannski að Samfylkingin er enþá að róla sér í og undir 20% sem er algörlega óviðunandi.

Frétt af mbl.is

  Sveiflur á fylgi D og V innan skekkjumarka
Innlent | mbl.is | 13.4.2007 | 19:15
Miklar sveiflur hafa verið á fylgi Sjálfstæðisflokks og Vinstri grænna í vikulegum fylgiskönnunum sem Capacent Gallup hefur gert fyrir Morgunblaðið og Ríkisútvarpið á undanförnum vikum. Guðbjörg Andrea Jónsdóttir, rannsóknarstjóri Capacent Gallup, segir sveiflurnar óvenjumiklar en þó innan vikmarka. Þá segir hún sérstakt hvernig fylgi þessara flokks speglast, samkvæmt könnununum, þannig að þegar aukið fylgi mælist við Sjálfstæðisflokkinn minnki fylgi við Vinstri græna og öfugt.

Sveiflur á fylgi D og V innan skekkjumarka

Er ekki í lagi með fjömiðla í dag?

Sjálfstæðisflokkurinn lækkar um 3,7% en aðalfyrirsögn er að Samfylkingin lækkar enn. Og það um heil 1,6% sem er vel innan skekkjumarka þar sem að það voru aðeins um 500 sem svöruðu þessari könnun. Fer nú að verða þreytandi. Finnst að það séu nú fréttir dagsins að skv. þessari könnun eru Vg með um 24,9% fylgi og hækka frá síðustu könnun en hjá Blaðinu hröpuðu þau niður í 15%. Eins að Sjálfstæðismenn mælast í þessari könnun með 37,1% en voru með um 45% í könnuninni hjá Blaðinu. Þetta eiga að vera kannanir að mæla fylgið á sama tíma en það er eitthvað alvarlegt að hjá einhverjum af þeim. Eins þá er alveg ótrúlega fáir sem svara þannig að vikmörk eru væntanlega +/- 3 eða 4%.

Frétt af mbl.is 

  Fylgi Samfylkingar minnkar enn
Innlent | mbl.is | 13.4.2007 | 18:05
Sjálfstæðisflokkurinn fær 37,1% atkvæða samkvæmt símakönnun sem Capacent Gallup gerði fyrir Morgunblaðið og Ríkisútvarpið dagana 3. til 9. apríl. Vinstrihreyfingin – grænt framboð fær 24,9% atkvæða, Samfylkingin 18,1% atkvæða og Framsóknarflokkurinn 9,9% atkvæða. Frjálslyndi flokkurinn fær 6,1% atkvæða, Íslandshreyfingin - lifandi land fær 2,9% atkvæða og Baráttusamtökin fá 0,9% atkvæða.

Fylgi Samfylkingar minnkar enn

Auðvita þarf konu hér! Því að Ingibjörg er eini formaður jafnaðarmanna á Íslandi

Gat verið að það yrði snúið út úr þessum ummælum. En það er nokkuð ljóst að til þess að hér eða á hinum tveimur norðulöndum sem áttu fulltrúa hér á landsþingi Samfylkingarina verða ekki skipaðar jafnaðarstjórnir nema að konur komi við sögu.

Eins ef við horfum til jöfnuðar á milli kynja þá hefur körlum gegnið anskoti seint að koma á launajöfnuði hér. Hefur ekki breyst nema um 1% síðustu 15 ár. Enda verið mjög karllægur flokkur hér við völd mest af þeim tíma sem sífellt hefur verið að gera lítið úr baráttu kvenna fyrir jöfnum launum og réttindum og borðið því við að meta eigi einstaklinga af getur þeirra og færni og það að ráða laununum. Þeir í Sjálfstæðisflokknum eru sem sagt að segja að konur séu um 15% lakari starfskraftar en karlar.

Einnig má benda á að konur hafa um aldaraðir borðið meiri ábyrgð af börnum og barnauppeldi og ef á að koma hér á jöfnuði eru málefni barna og fjölskyldna stór partur þar á.

Það er t.d. með afbrigðum að ríkisstjórn Sjálfstæðis- og framsóknarmanna hefur ekkert gert í málefnum barna með geðsjúkdóma. Það hefur verið talað um þetta í áratugi sem ófremdar ástand en ekki en eru búið að byggja við barna og unglingageðdeild og biðlistar eftir greiningu og meðferð eru mældir í árum. Þetta hafa karlar í ríkisstjórn ekki talið forgangsverkefni.

 

„Það þarf konu til að koma jafnaðarmannastjórn að völdum"