Alveg er þetta dæmigert fyrir Kópavogsbæ

Kópavogur mitt sveitarfélag er nú að verða frægt af afbrigðum fyrir framgang bæjarfélagsins gagnvart náttúrunni. Það er ráðist í gegnum skóg í heiðmörk og á fleiri stöðum og helst á allstaðar að byggja og steypa. Þannig að þessar fréttir um að yfirborðsvatni frá iðnaðarhverfi sé hleypt óbeislað beint í Elliðaárnar kemur mér ekkert á óvart. Flestir aðrir hefðu nú gert þessa settjörn fyrst en ekki Kópavogur. Hann reynir að komast upp með það að hleypa menguðu vatni í Elliðaárnar eins lengi og enginn fattar það.

Frétt af www.mbl.is

„Ef þessar fréttir reynast réttar er þetta kjaftshögg fyrir okkur," segir Örn Sigurðsson, settur sviðsstjóri mengunarvarna hjá Reykjavíkurborg, sem síðdegis í gær barst ábending um mengun í Elliðaánum. Vart hefur orðið mengunar í Elliðaánum að undanförnu, sem m.a. birtist í grunsamlegum vatnslit á ánum og telja sumir sig geta greint olíubrákir niður eftir þeim.

Að sögn Arnar verður það hans fyrsta verk að kanna málið í dag og bregðast við eftir atvikum. Segir hann óviðunandi ef rétt reynist að mengun berist í árnar úr öðru sveitarfélagi, ekki síst í ljósi þess að Reykjavíkurborg hafi á umliðnum árum eytt ómældum tíma og fjármunum í að halda Elliðaánum hreinum, t.d. með því að koma upp settjörnum sem taka við yfirborðsvatni svo það mengi ekki árnar. „Ég óttast að svona mengun geti haft áhrif á dýralífið í ánum."

Að sögn Magnúsar Sigurðssonar, sem starfar að umsýslu fasteigna hjá OR, er annars vegar um að ræða rör frá iðnaðarhverfi í Kópavogsbæ sem liggur út í ána skammt frá Breiðholtsbrú, en með því berist sjóðandi heitt vatn og "önnur óþekkt efni", eins og hann orðar það. Hins vegar sé um að ræða rör sem liggi frá bílaþvottastöð skammt frá Sprengisandi, en við ákveðin skilyrði berist sápa þaðan út í árnar. Aðspurður segir hann ástandið hafa verið svona í tæpt ár og hann hafi ítrekað sett sig í samband við Kópavogsbæ til að benda mönnum á málið en án viðbragða.

Settjörn væntanleg

Stefán L. Stefánsson, deildarstjóri framkvæmdadeildar Kópavogsbæjar, staðfesti að yfirborðsvatn úr neðsta hluta iðnaðarhverfisins í Urðarhvarfi rynni út í Elliðaárnar, en tók fram að ekki væri um skólp að ræða. Sagði hann fyrirhugað að koma upp settjörn síðar á þessi ári til þess að taka við þessu yfirborðsvatni. Sagði hann af og frá að heitt vatn flæddi út í árnar frá Kópavogsbæ, enda væri tvöfalt kerfi í hitaveitunni í Vatnsenda, sem tryggði það að allt heitt vatn rynni til baka til hitaveitunnar. Aðspurður sagðist hann þess fullviss að dýralíf Elliðaánna hefði ekki hlotið skaða af yfirborðsvatninu sem flætt hefði í árnar, enda hefði það verið í svo litlu magni, og að það hefði verið ástæða þess að ekki hefði þótt ástæða til að koma upp settjörn fyrr.

Mengun í Elliðaánum

Verður meirihlutanum í Reykjavík slitið?

Var að lesa eftirfarandi inn á www.mannlif.is

Þó Björn Ingi haldi ró sinni ætti sjálfstæðisfólk að hafa það í huga að þessa dagana er lemstraður Framsóknarflokkurinn að reyna að átta sig á hvern hann hatar mest; Vinstri græn, Ingibjörgu Sólrúnu eða fláráðan Sjálfstæðisflokkinn og til eru þeir sem vilja að Björn Ingi launi fyrrum samstarfsflokknum í ríkisstjórn lambið gráa með því að gera minnihlutanum í borgarstjórn tilboð um nýtt meirihlutasamstarf gegn því að hann verði borgarstjóri. Með þessu gætu framsóknarmenn sýnt að þeir kunna enn að leika pólitíska hráskinnaleiki og myndu skilja Vilhjálm Þ. Vilhjálmsson, borgarstjora, eftir í minnihluta ...   www.mannilif.is

Trúi því ekki að ekki sé hægt að finna lausn á þessu

Mávar hafa eyðilagt þá skemmtun sem ég hafði að fara með dóttur mína niður á Tjörn og svo held ég að sé um marga. Þessir Mávar eiga náttúrulega sinn tilverurétt en þetta er full mikið af því góða. Væri ekki hægt að finna helstu varpsvæði þeirra og steypa undan þeim þannig að þessi stofn sem heldur til í nágreni Höfuðborgarinnar deyi hreinlega út eða minnki umtalsvert.

Frétt af mbl.is

  „Það er ekki allt í lagi“
Innlent | mbl.is | 25.5.2007 | 15:45
Undanfarin tvö ár hefur mikið borið á mávum í Reykjavík og nærliggjandi sveitarfélögum og hafa margir kvartað undan átroðningi fuglsins inn í mannabyggðir. Fuglafræðingar benda á að ástandið sé mjög óvenjulegt og að það tengist atferlisbreytingum hjá fuglategundinni. Fæðuskortur rekur máva frá varpstöðvum inn í þéttbýlið

„Það er ekki allt í lagi“

Þjónusta VÍS og gildi þessara trygginga sem maður er að borga fyrir

Ein smá reynslusaga af samskiptum við tryggingarfélag!

Nú um daginn lenti ég í því að dóttir mín var í heimsókn hjá ömmu sinni sem væri ekki í frásögu færandi nema fyrir það að henni og vinkonu hennar sem var hjá henni tókst að hella gosi yfir fartölvu ömmu hennar. Og í framhaldi af því þá kviknar ekki á skjánum á tölvunni. Það var hringt í mig og ég sagði ömmu hennar að vera róleg þar sem að ég sé búinn að vera með heimilis og fjölskyldutryggingu heil lengi og nú sé meira segja búið að uppfæra hana í F+ Kaskó. Og ég hringi bara í þá og þessu verði kippt í liðinn.

Jú svo hringi ég í VÍS daginn eftir og þá er mér bent á að ég þurfi að sækja eyðublað á netinu og fylla út sem er allt í lagi og koma með til þeirra sem ég geri. Og við það að skila þessu inn er mér sagt að ég geti kannað afgreiðsluna strax daginn eftir, sem ég geri. Þá er engin svör að hafa. Daginn eftir er ekki búið að úrskurða um þetta. Daginn eftir það ekki heldur. Næsta dag er mér vísað á einhverja skrifstofu manns varðandi ábyrgðartrygggingar. Hann getur ekki tekið síma og mér boðið að skilja eftir skilaboð og hann hringi. En ég heyri ekkert frá honum.

Loks þá hringi ég daginn eftir í þjónustuverið og þá bendir sú sem þá svarar að VÍS borgi þetta ekki ef að amman sé með heimilistryggingu. Það sé allaf kannað hvort að aðili sem verður fyrir tjóni sé með tryggingu sem gæti hugsanlega dekkað þetta. Ég spurði hvort að það væri virkilega að tjónþoli ætti að fórna hugsanlegum bónusum og jafnvel þurfa að taka á sig sjálfsábyrgð vegna tjóns sem dóttir mín ylli. Og jú viti menn svo er. Þá spurði ég af hverju  enginn hefði haft fyrir að segja mér frá þessu í öllum þeim símtölum sem ég hafði hringt til þeirra. Hún vissi það ekki.

Eins þá fór ég að velta fyrir mér af hverju sölumenn trygginga segðu manni ekki frá þessu þegar þeir væru að selja manni viðbætur við tryggingar sem manni skilst að eigi bara að bæta allt.

En í framhaldi af þessu þá mundi ég eftir máli sem ég  leitaði til þeirra með fyrir nokkrum árum þar sem að stolið var út bíl hjá mér. En bílnum var stolið og þegar hann fannst var horfið úr honum m.a. Íþróttadót og fleira. Ég tilkynnti þetta til þeirra og þeir vildu fá skýrslu frá lögreglu sem ég lét senda. Eftir það reiknaði ég með að haft yrði samband við mig og beið rólegur, svo rólegur að ég gleymdi þessu og ekkert var haft samband og hefur ekki verið gert enn. Konan benti mér á að svona mál þyrfti ég sjálfur að ýta á eftir og sækja því að þau réðu bara ekkert við að sinna þessu öllu að eigin frumkvæði.

Svo er restin af samtali mínu við VÍS ekki eftir hafandi nema að ég sagði að svona trygging hefði bara ekkert upp á sig! Þó ég hafi orðað það ekki svona pent.

Allur þessi kosnaður öll þessi fyrirhöfn fyrir óétandi kjöt

Fyrir utan það hvað almenningsálit í heiminum er á móti þessum veiðum þá finnst mér rétt að nefna það að hvalkjöt er með afbrigðum vont kjöt að mínu mati. Það þarf að beita ýmsum kúnstum við að eyða lýsisbragði af því. Þá ber þess að geta að hvalir eins og hrefna eru efst í vistkeðjunni á sínum svæðum og safna því í sig mengun frá tegundum sem þær éta. Þá eru sára fáir íslendingar sem hafa einhvern hag af þessum veiðum lengur. Því held ég að þeim sé sjálf hætt í bili.

Frétt af mbl.is

  750 milljónum varið í verkefni tengd hvalveiðum
Innlent | mbl.is | 24.5.2007 | 11:51
Þorsteinn Siglaugsson, hagfræðingur, áætlar að íslensk stjórnvöld hafi á tímabilinu 1990 til 2006 varið 750 milljónum króna í verkefni tengd hvalveiðum og kynningu á málstað Íslendinga í hvalamálinu. Segir Þorkell, að þetta sé mikill kostnaður í ljósi þess hve tekjur af sölu hvalkjöts á Íslandi séu litlar.

750 milljónum varið í verkefni tengd hvalveiðum

Sorglegar myndir í fréttum RUV í kvöld

Fannst þetta ekki skemmtilegar myndir af gæsunum upp við Hálsalón sem voru að reyna að bjarga eggjunum sínum. En þær höfðu náttúrulega verpt á gömlu stöðunum sínum en þeir voru um það bil að hverfa í vatnið.

Sjá fréttina: http://dagskra.ruv.is/streaming/sjonvarpid/?file=4338312/9

Ýmsar breytingar á Þingvallarstjórninni á þessu kjörtímabili skv. www.mannlif.is

Var að lesa eftirfarandi á www.mannlif.is :

Samfylking fær þingforseta

23 maí 2007

Meðal þess sem samið hefur verið um milli ríkisstjórnarflokkanna er að Samfylking fær forseta Alþingis um mitt kjörtímabil. Við þá breytingu fer af stað mikill kapall. Reiknað er með, án þess að það sé staðfest, að Jóhanna Sigurðardóttir velferðarráðherra fá embætti þingforseta en Katrín Júlíusdóttir verði ráðherra hennar í stað en gróflega var gengið framhjá Katrínu með skipan Þórunnar Sveinbjörnsdóttur í embætti umhverfisráðherra. Þá er reiknað með að Sturla Böðvarsson víki af þingi og verði hugsanlega vegamálastjóri. Áður en að þessu kemur mun Björn Bjarnason hætta ráðherradómi og frændi hans, Bjarni Benediktsson taka við. Það gæti orðið innan árs og er einn fjölmargra baksamninga sem gerðir hafa við myndum Þingvallastjórnarinnar ...                               (www.mannlif.is  )

„Vonast til að ný stjórn leiði erfið deilumál til lykta"

Gunnar varla orðinn þingmaður ennþá!

Þetta er nú það sem skeður þegar valið er í ráðuneyti. Ef að Ingibjörg hefði valið Gunnar hefði verið erfitt að uppfylla það markmið að hafa jafna tölu karla og kvenna. En það má líka benda á að margir aðrir sem bæði eru valdir og og ekki nú eru með mun meiri reynslu en Gunnar. Finnst reyndar að Katrín hefði kannski átt rétt á ráðherrrastól þar sem hún lenti í 2 sæti en þá er til þess að horfa að Þórunn sóttist eftir 1 sæti í prófkjöri og Gunnar hafði betur en við það lent i Þórunn í því 3. Hún hefur hinsvegar reynslu af umhverfismálum og hefur sinnt þeim á síðusta kjörtímabili. Mörgum hefði þótt gengið framhjá reynslu hennar þar ef Gunnar eða Katrín hefður verið valin í þetta embætti. Gunnar hefur náttúrulega ekki setið á Aþingi áður. Því verður bara að segja að Ingibjörg átti erfitt val en horft til reynslu Þórunnar af þessum málaflokki. Gunnars tími mun sjálfsagt koma en ekki ef hann er að hinta svona um að hann sé ekki sammála flokksforingjanum eins og lesa má út úr þessum orðum:

„Hann segist ekki vilja gefa upp um afstöðu sína til þessarar niðurröðunar."

Ekki skemmtilegt að byrja þingferilinn á því að gefa færi á sér sem einhver sem lítur mjög stórt á sig og eigi því forgang að embættum á vegum flokksins.

Frétt af mbl.is

  Gunnar sóttist eftir ráðherraembætti
Innlent | mbl.is | 23.5.2007 | 17:10
Gunnar Svavarsson, oddviti Samfylkingarinnar í Suðvesturkjördæmi í alþingiskosingunum, segist í samtali við Fjarðarpóstinn hafa sóst eftir ráðuneyti í nýrri ríkisstjórn Sjálfstæðisflokks og Samfylkingar en hann hafi samþykkt tillögu formanns flokksins um ráðherraefni.

Gunnar sóttist eftir ráðherraembætti

Landsvirkjun ekki seld!

Það sem ég hjó eftir á blaðamannafundinum þar sem Geir og Ingibjörg skrifuðu undir málefnasamning Þingvallastjórnarinnar var að þar var sagt að þó að opnað væri á innkomu einkaaðila á orkumarkað þá verður Landsvirkjun ekki seld. Og eins að koma ætti húsnæðismarkaði í þá stöðu að hægt væri að fella niður stimpilgjöld. Það finnst mér benda til að ekki verði neitt af því að Íbúðalánasjóður verði seldur sem slíkur enda eru einkabankarnir alls ekki ginkeyptir fyrir því að lána til húsakaupa á ákveðnum svæðum út á landi. Og þangað til er ekki grundvöllur fyrir að selja sjóðinn.

Finnst áberandi áður en að stjórnin tekur formlega við eru framsóknarmenn farnir að hallmæla henni. Það væri nú kannski ráð fyrir framsóknarmenn að bíða aðeins ef þeir ætla að vera trúverðugir í sinni stjórnarandstöðu.

Stefnuyfirlýsing nýrrar ríkisstjórnar undirrituð á Þingvöllum

Framsókn boðar til blaðamannafundar klukkan 09:00

Það er nú spurning um þessa tímasetningu svona rétt áður en Geir mætir hjá forseta á Bessastöðum. Ef að Jón er að segja af sér finnst mér að það sé vanhugsað þar sem að flokknum veitir ekki af einhverri festu og það að nú byrji en nýr formaður á innan við 3 árum er nú ekki til þess fallið að þjappa hópnum saman hjá Framsókn

Framsóknarflokkur boðar blaðamannafund