Fyrstu fréttir af málefnaskrá nýrrar stjórnar lofa góðu

Eins og sjá má í Fréttablaðinu i dag hefur margt lekið út um málefnaskrá nýrrar stjórnar í gærkvöldi. Þar eru nokkur atrið sem maður getur glaðst yfir eins og

• Lögð er áhersla á velferð í stjórnarsáttmála nýrrar ríkisstjórnar.Um það ber stofnun sérstaks velferðarráðuneytis vitni.
• Breytingar á almannatryggingakerfinu eru boðaðar og færist meðferð og umsýsla lífeyristrygginga frá heilbrigðis- og tryggingaráðuneyti til hins nýja ráðuneytis.
• Skattamál lág- og millitekjufólks á að skoða sérstaklega á kjörtímabilinu og verður persónuafsláttur hækkaður og stimpilgjöld afnumin þegar og ef aðstæður leyfa.

Þá á að taka upp opna umræðu um tengsl Íslands við ESB

Ég get alveg sætt mið við að það verði horft í fleiri rekstrarform í heilbrigðismálaflokknum ef tryggt er að kosnaður lendi ekki meira á notendurm þjónustu þar.

Þá verða  ýmsar náttúruperlur eins og Langisjór verndaðar og friðland Þjórsárvera stækkað..

Þá verður stóriðjustopp á meðan að gerð verður heildaráætlun um verndun og nýtingu náttúruauðlinda hér á landi.

Ásandið í Írak verður harmað. Þar þurfti Samfylking að slá af auðsjáanlega

En það sem komið er lítur bara ekkert illa út.

 

Ný ríkisstjórn kynnt fyrir forseta Íslands innan skamms

Blogghetjan Ásta Lovísa orðin fárveik

Nú síðustu mánuði hafa flestir heyrt af henni Ástu Lovísu og baráttu hennar við krabbamein. Hún aðeins um 30 og á 3 börn. Hún kom í fjölmiðlum þar sem hún ræddi opinskátt um veikindi sín og baráttu sinni fyrir bata. Nú síðustu vikur hefur sjúkdómurinn hert á sér og von um sértæka meðferð í Bandaríkjunum brást þar sem að þeir töldu krabbamein hennar komið á það stig að það væri ekki hægt að meðhöndla það. Og nú liggur hún orðin fárveik á sjúkrahúsi. Það þyrmir yfir mann þegar svona hendir svona unga baráttukonu. Fjölskylda hennar hefur mátt þola ýmislegt þar sem að vestfirska heilablæðingagenið er í henni og margir í ættinni deyja á besta aldri.

Vegna þess hve dugleg hún hefur verið að blogga finnst manni að maður þekki hana en það er samt bara bloggið og viðtölin sem valda því að ég veit að hún er til. Það sem hún hefur sagt og skrifað hefur vakið mann til umhugsunar um hve dagleg vandamál manns eru ómerkileg í þessu samhengi.

Þrátt fyrir að vera fársjúk þá sér hún en um að aðrir setji fréttir af sér inn á bloggið. Það má sjá hér á http://www.123.is/crazyfroggy

Hef heyrt að það það verði ýmsar nýjar áherslur í stefnuyfirlýsingu nýrrar stjórnar

Bíð spenntur eftir kynningu á málefnasamning/stefnuyfirlýsingu nýrrar stjórnar hef heyrt að þar sé ýmislegt markvert og nýtt. (Segi ekki meir )

Björgvin: Stefnuyfirlýsing felst í skiptingu iðnaðar- og viðskiptamála

Velferðarráðuneyti - Kominn tími til

Lýst vel á þessa nýju uppstillingu. Það er náttúrulega mun eðlilegra að tryggingarráðuneytið flytji yfir til félagsmálaráðuneytis og þar fer manneskja sem hefur áður sýnt kraft og dug í að vinna að hag þeirra sem minna mega sín. Það er athyglisvert að sjá að Þórunn Sveinbjarnardóttir verður umhverfisráðherra. Össur með reynslu sem ráðherra verður Iðnaðarráðherra en skrítið að Björgvin verður viðskiptaráðherra hann hefur jú mest látið sig menntamál varða. Ágúst hefði kannski verið sá sem maður hefði horft til.  Kristjáni var varla hægt að ganga framhjá þar sem hann fékk ágætt fylgi í NA kjördæmi og hefur látið sig samgöngumál mikið varða. Í heild er þetta flott val og skipan í ráðuneyti.

Svo er bara fyrir Samfylkingar ráðherra að standa sig og sýna að þeir ætli sér að standa við það sem var lofað í kosningabaráttunni. Gera átak í samgöngum, húsnæði fyrir aldraða og bæta stöðu þeirra sem lægst eru settir í þjóðfélaginu.

Þrjár konur og þrír karlar ráðherrar fyrir Samfylkingu

Samfylking sýnir þarna jafnrétti í raun

Það er náttúrulega spurning um að velja hæfasta fólk í hvert embætti. Og þar sem að fáir fulltrúar Samfylkingar (aðeins Jóhanna og Össur) hafa verið ráðherrar þá er þetta náttúrulega kjörinn vettvangur til að sína jafnrétti í raun. Því má segja að Ingibjörg fari strax að uppfylla það sem hún og Samfylkingin lofuðu fyrir kosningar. Þar sem var vísað til þess hvernig staðið var að þessum málum í Reykjavík.

Þó finnst mér þegar ég hef lesið yfir nokkur blogg um þessa frétt að fólk sé að hengja sig of mikið í þetta (þ.e. sumir á móti þessu þar sem að þeir halda að þar með sé gegnið framhjá hæfari aðilum og svo hinir sem eru hrifnir af þessu) að flokkar leggi allt of mikla áherslu á völd og hverjir fari með þau. Finnst að stjórnmálaflokkar eigi að vera lýðræðislegar stofnanir þar sem að ráðherrar starfi bæði í tengslum við baklandið sitt sem og að fylgja málefnaskrá stjórnarinnar sem flokksfélögin hafa samþykkt. Mér líkar illa að ráðherrar séu bara í tengslum við flokkinn sinn á 4 ára fresti fyrir kosningar.

En til að koma á jafnrétti hér á landi er nauðsynlegt að æðsta stjórn landsins fari á undan með góðu fordæmi. Þessum kynjamun verður að eyða hið fyrsta.

Ingibjörg Sólrún: Skipting kynja í ráðherraembættum jöfn

Ný stjórn kynnt í kvöld?

Nú virðist allt stefna í að ný stjórn Sjálfstæðisflokks og Samfylkingar verð kynnt í kvöld. Nú er hafið þetta vanalega ferli þegar þingmenn eru kallaðir einn og einn til formanns og staða þeirra kynnt. En miðað við að það er fundur hjá flokksráði Samfylkingar er klukkan 20:00 þá gæti verið að þeir biðu morguns með formlega kynningu:

Af www.textavarp.is

Ný ríkisstjórn trúlega kynnt í kvöld  
Geir H. Haarde hefur í morgun verið í 
Ráðherrabústaðnum við Tjarnargötu og  
rætt þar við þingmenn Sjálfstæðis-    
flokksins einn af öðrum. Þetta þykir  
til marks um það að stjórnarmyndunar- 
viðræðum sé í raun lokið, verið sé að 
kynna þingmönnum niðurstöðurnar.      
                                       
Fundur í flokksráði Sjálfstæðisflokks-
ins hefur verið boðaður kl. 19 í kvöld
og fundur í flokksstjórn Samfylkingar-
innar kl. 20. Þessar stofnanir þurfa að
samþykkja stjórnarþátttöku flokkanna  
formlega. Líklegast þykir að ný stjórn
verði kynnt í kvöld.                  
                                       
Formenn flokkanna hafa ekkert viljað  
segja um skiptingu ráðuneyta eða skipan
í ráðherrastóla.

Tekur þá Guðni við?

Maðurinn sem hefur forðast þessa stöður eins og pestina. Aldrei þorað að láta reyna á stuðning við sig til formanns. Átti að minnstakosti tök á því síðast. Það verður gaman að sjá hvað hann gerir og hvernig Framsókn bregst við

Frétt af mbl.is

  Fullyrt að Jón Sigurðsson ætli að segja af sér
Innlent | mbl.is | 21.5.2007 | 20:59
Jón Sigurðsson er sagður hafa greint nánum samstarfsmönnum sínum frá því að hann ætli að segja af sér formennsku í Framsóknarflokknum, að því er Stöð 2 greindi frá í kvöld. Var fullyrt í þættinum Íslandi í dag, að tilkynningar frá Jóni sé að vænta á næstu dögum.
Lesa meira

Fullyrt að Jón Sigurðsson ætli að segja af sér

Aumingja stúlkan

Að þetta skuli vera í annað skipti sem að faðir hennar er dæmdur fyrir þetta er alveg ömurlegt. Reyndar alveg ömurlegt að ekki skuli hafa verið fylgst með samskiptum þeirra vegna fyrri brota. Eins þá er manni alveg gjörsamlega fyrirmunað að skilja hverning nokkur maður getur komið svona fram við dóttur sína og þá sérstaklega þegar maðurinn hefur áður viðurkennt ítrekuð brot gagnvart henni.

Nú er ég almennt á móti fangelsi fyrir brotamenn en kysi þessi stað að menn fái betrunarvist þaðan sem þeir koma betri menn út. Hvort sem það er eftir geð-/sálfræðilega meðferð. Eða að þeir sem brjóta á öðrum séu vistaðir á stöðum þar sem að vinnulaun þeirra geta runnið til þeirra sem þeir valda skaða.

En í þessu máli má hann dúsa inni fyrir mér í 3 ár bara til að tryggja að dóttir hans fái að lifa þann tíma örugg.

Frétt af mbl.is

  Dæmdur í 3 ára fangelsi fyrir kynferðisbrot gegn dóttur sinni
Innlent | mbl.is | 21.5.2007 | 17:29
Héraðsdómur Norðurlands eystra hefur dæmt karlmann í 3 ára fangelsi fyrir að hafa tvívegis haft samræði við þroskahefta dóttur sína í janúar á þessu ári. Þá var maðurinn dæmdur til að greiða dóttur sinni 800 þúsund krónur í bætur. Maðurinn játaði sök. Hann var árið 1991 dæmdur í 15 mánaða fangelsi fyrir brot gegn sömu stúlkunni fyrir að hafa margsinnis haft við hana samræði.

Dæmdur í 3 ára fangelsi fyrir kynferðisbrot gegn dóttur sinni

Held að heimurinn hlusti nú frekar á Carter en Bush

Það er nú sama hvað þeir pípa þarna í Hvíta húsinu þjóðir heims taka nú frekar mark á Carter en Bush. Bush sem hefur látið menn sem eru gjörsamlega raunveruleikafirtir ráðskast með bandaríska herinn til að reyna þá kenningu sína um að allar þjóðir vilji fá bandarískt lýðræði og fyrirkomulag. Og hafa nú í kjölfarið valdið milljónum manna erfiðleikum og þjáningum. Og ekki sér fyrir endan á þessu. "Haukarnir" hafa sýnt heiminum að öfgahægristefna gagnast engum og þegar þeir notast við forseta sem trúir því að hann sé sendur út af Guði til að boða stefnu Bandaríkjana þá er ekki við góðu að búast.

Og það er allt í lagi að benda Blair á það að hann lét plata sig og Bretlandi inn í þessi ósköp.

Hvíta Húsið: Carter skiptir ekki lengur máli

Alveg ótrúlegt hatur Styrmis á Sólrúnu

Í framahaldi af Silfri Egils í dag þá settist ég yfir Reykjavíkurbréf Styrmis Gunnarssonar í Morgunblaðinu í dag. Og af lestri bréfsins má vera ljóst að hann ber alveg svakalegt hatur til Ingibjargar Sólrúnu og óskar þessari hugsanlegu stjórn allt hins versta. Hann talar um :

• að Ingibjörg muni slíta samstarfinu á miðju tímabili
• að þetta sé sko alls ekki "Viðeyjarstjórn". Því að alls ekki sé um gamla Alþýðuflokkinn að ræða heldur að Samfylkingunni sé stjórnað af fólki sem upprunalega sé komið úr Alþýðubandalaginu og Kvennalista.
• að ef að Ingibjörg hefði ekki fengið þetta tækifæri til stjórnarmyndunar hefði Samfylkingin sparkað henni
• að þetta geti skapað miklar deilur og klofning innan Sjálfstæðisflokks
• að það sé tímabært fyrir sátt milli frjálslyndra og sjálfstæðismanna væntanleg með sameiningu í huga.

Ég held bara að Styrmir verði að sætta sig við að pólitíkin hefur þroskast frá Morgunblaðinu og þar með að völd hans (Styrmis) eru sem betur fer dvínandi. Þetta er alveg ótrúlegt hatur manns sem sem kennir ákveðinni manneskju um vaxandi áhrifaleysi sitt

Stjórnarmyndunarviðræður halda áfram á Þingvöllum