Össur með magnaða lýsingu á viðtali við Guðna Ágústsson

Var að ð lesa þessa færstu hjá Össuri um viðtal sem hann horfði á við Guðna Ágústsson. EN þar segir Össur m.a.

Í dag sá íslenska þjóðin í raunalegri mynd hvernig valdið og fríðindi þess fara með jafnvel bestu menn. Í beinni útsendingu Stöðvar 2 reif sonurinn frá Brúnastöðum, Guðni Ágústsson, af sér síðustu leifar pólitískrar sjálfsvirðingar, féll á hnén og nánast grátbað Sjálfstæðisflokkinn um að reka sig ekki á dyr.

Með tárin í augunum bauð landbúnaðarráðherrann allt, sem hægt er að bjóða. Hugsjónir, sjálfsvirðingu, eigin orð. Guðni bauð að Sjálfstæðisflokkurinn fengi frá Framsókn nokkra ráðherrastóla - bara ef hann fengi áfram að vera í ríkisstjórninni

Hvet fólk til að lesa þessa færslu hans Össurar í heild hér

Einnig hægt að benda á þessa færslu hjá Guðríði Arnardóttur En þar segir hún m.a.

En tíðindi dagsins eru vissulega þau að nú tala þeir saman Jón og Geir og miðað við þær fréttir sem leka út virðist eina vandamál þeirra félaga vera hvernig á að dekka ráð og nefndir með þetta litlum styrk Framsóknarmanna.  Já ég heyrði ekki betur í útvarpinu í dag en menn hugsi sér 3 ráðuneyti til handa framsóknarmönnum og þannig ætli þeir sér að kalla inn 3 varaþingmenn fyrir þá framsóknamenn sem fá ráðherrastóla.  Já og fjölga þannig í þingflokknum!

Bendi á skrif Egils Helgasonar um þessar fréttir um stjórnarsetu Framsóknar og Sjálfstæðismanna

Góð grein eftir Egil Helgason í kvöld á Silfri Egils þar sem hann fer aðeins yfir hvernig mál eru að þróast í í hugsanlegu áframhaldandi  stjórnarsamstarfi Framsóknar og Sjálfstæðismanna:

Hann segir m.a.

Hvernig lítur þetta þá út? Plottið er einhvern veginn svona: Framsókn fer í stjórn, það er óvíst hvað hún tekur marga ráðherrastóla. Fyrir Jón Sigurðsson er þetta lífsnauðsyn. Annars er stuttum tíma hans í pólitík lokið.

Það er líka annað í myndinni - Siv Friðleifsdóttir. Hún styrkti stöðu sína með því að verða eini þingmaður flokksins á höfuðborgarsvæðinu. En flokkseigendafélag Framsóknar vill ekki að Siv fái meiri metorð. Ef Jón þarf að taka pokann sinn er eins líklegt að hún geri aftur tilkall til þess að verða formaður. Með því að fara í ríkisstjórn er hægt að gera Siv óskaðlega. 

Þingmenn Framsóknar eru ekki nema sjö. Það gæti verið praktískt erfitt fyrir flokkinn að starfa í ríkisstjórn. En á því er lausn. Ráðherrar flokksins munu ekki sitja á þingi, heldur verður kallað á varamenn. Þá geta fleiri framsóknarmenn komist að þótt þeir hafi ekki fengist kosningu - og þá hefur flokkurinn mannskap til að manna helstu þingnefndir.

Eins þá segir Egill:

Fyrir Framsóknarflokkinn er þetta algjört hættuspil. Þetta gæti hreint út sagt orðið banabiti flokksins. Kjósendur líta almennt svo á að flokkurinn hafi takmarkað umboð til að sitja áfram í ríkisstjórn - og þá alls ekki Jón Sigurðsson sem féll harkalega í kosningunum. Umfjöllun um flokkinn verður mjög neikvæð í kjölfar þessa, rétt eins og þegar Halldór Ásgrímsson var dubbaður upp sem forsætisráðherra.

Ráðherrar flokksins vilja þetta. Eftir yfirlýsingarnar fyrir kosningar og á kosninganóttina hafa frammámenn í Framsóknarflokknum verið í óða önn við að selja sjálfum sér þessa hugmynd. Kannski þurfa þeir ekki beita sig miklum fortölum.

Það er hins vegar spurning um almenna flokksmenn og grasrótina. Þar verður ábyggilega hart deilt um þessar fyrirætlanir sem kunna að varða sjálft líf flokksins.

En þetta má lesa í heild sinni hér. Góðir punktar hjá Agli.

 

Þingflokkar stjórnarflokkanna á fundum í kvöld

Það er ekki hægt að segja að áframhaldandi stjórnarsamstarf hafi verið skilaboð frá kjósendum né að þessir flokkar hafi fengið umboð frá kjósendum. Þessi stjórn kemur til með að vera mynduð vegna galla í kosningakerfin okkar sem gerir það að verkum að flokkar geta fengið meirihluta þingmanna án þess að hafa einu sinni 50% atkvæða. Þetta er náttúrulega ekki í lagi. Nú heiti ég á alla stórnarandstöðuflokkanna, bloggara og ritfært fólk að gera þessari stórn ekki þann greiða að fá að starfa óáreytt. Heldur berjum við í alla bresti og linnum ekki látunum fyrir en að eitthvað brestur.

Það er einnig eftirtektarvert ef þetta sem hér er fyrir neðan er réttm er ekkert verið að tala um málin heldur bara stóla og völd.  Það er búið að plata kjósendur til að kjósa og nú verður bara haldið áfram þar sem frá var horfið.

 Eftirfarandi er tekið af www.mannlif.is

Stjórnin geirnegld

14 maí 2007

Fátt virðist nú geta komið í veg fyrir áframhaldandi stjórnarsamstarf Sjálfstæðisflokks og Framsóknarflokks samkvæmt heimildum Mannlífs. Þingflokkur Sjálfstæðisflokksins mun í einu og öllu fara að vilja Geirs H. Haarde og innan Framsóknarflokksins hefur verið tryggt að Siv Friðleifsdóttir og Bjarni Harðarson verði til friðs innan nýrrar ríkisstjórnar.

Vilji formannanna er fyrir hendi og samkvæmt heimildum hefur þegar verið ákveðið að halda samstarfinu áfram þó skipting ráðuneyta og önnur atriði séu enn ófrágengin. Áframhaldandi seta á ráðherrastóli gagnast heilbrigðisráðherranum Siv vel og styrkir stöðu hennar innan Framsóknarflokksins. Hún komst aftur inn á þig, ólíkt Jóni Sigurðssyni sem felldi hana í formannskjöri þannig að meira verður væntanlega látið eftir henni en ella.

Vonir Sifjar um að ná formannsætinu verða bjartari haldi hún ráðherrasæti og ætla má að hún og krónprinsinn Björn Ingi Hrafnsson muni bítast á um stöðuna á miðju kjörtímabili. Björn Ingi stynur vitaskuld þungann, rétt eins og aðrir framsóknarmenn, yfir afhroðinu í kosningunum þó niðurstaðan geti vissulega gagnast honum persónulega. Krafan um að yngt verði upp í flokksforystunni hlýtur að magnast verulega í kjölfar ósigursins og Björn mun þá eflaust stíga fram sem hinn smurði úr ráðhúsinu og gera tilkall til krúnunnar ...

 

Ný stjórn að skríða saman

14 maí 2007

Sjálfstæðisflokkur og Framsóknarflokkur eru langt komnir með myndun nýrrar ríkisstjórnar og hún gæti jafnvel litið dagsins ljós seinni partinn í dag. Sjálfstæðismenn telja eðlilegt að þeir fái þrjú veigamestu ráðuneytin og taki forsætis-, utanríkis- og fjármálaráðuneytið. Þá er Þorgerður Katrín Gunnarsdóttir að öllum líkindum að verða utanríkisráðherra.

Það eina sem stendur í sjálfstæðismönnum er staða Jóns Sigurðssonar, formanns Framsóknarflokksins, þar sem einhverjir líta svo á að kjósendur hafi hafnað honum á laugardaginn. Samkvæmt heimildum Mannlífs munu menn þó ekki láta þetta aftra sér frá því að halda stjórnarsamstarfinu áfram.

Verði þetta úr mun Sjálfstæðisflokkurinn að öllum líkindum fá sjö ráðuneyti og Framsóknarflokkur fimm og þar af væru aðeins fjórir framsóknarráðherrar með þingsæti. Fái Sjálfstæðisflokkurinn sjö ráðherra verður Guðlaugur Þór Þórðarson klárlega ráðherra og erfitt verður að ganga fram hjá Bjarna Benediktssyni sem myndi þýða að einn sitjandi ráðherra flokksins verði að víkja og beinast þá sjónir fyrst og fremst að Einari K. Guðfinnssyni, Sturlu Böðvarssyni og Birni Bjarnasyni. Þá má ekki gleyma þætti kvenna í stjórninni en Sjálfstæðisflokkurinn hlýtur að þurfa að gæta að kynjahlutföllum og þá gætu til dæmis möguleikar Guðfinnu Bjarnadóttur á ráðherrastóli opnast ...

Geir: Sérstök ákvörðun ef stjórnarsamstarfið heldur ekki áfram

Var að lesa eftirfarandi á www.mannlif.is

Umboðslaus formaður

14 maí 2007

Vaxandi kurr er innan Sjálfstæðisflokksins vegna áforma Geirs Hilmars Haarde um að halda áfram ríkisstjórnarsamstarfi við trausti rúinn Framsóknarflokkinn. Svo virðist sem helstu vandamálin við að að framlengja líf stjórnarinnar sé þau að kalla á dekk varamenn Framsóknar svo þeir nái að manna stöður í stjórn og á þingi. Þannig eigi skattborgarar að leggja út aukalega stórfé svo hræið af Framsóknarflokknum haldist áfram í ríkisstjórn með minna en helmingskjörfylgi. Það truflar ekki síst sjálfstæðismenn að leiðtogi Framsóknarflokksins hefur aldrei haft umboð kjósenda til að sitja á þingi en virðist ætla að storka lýðræðinu með því að skipa sjálfan sig til áframhaldandi setu í ríkisstjórn og þarna eigi því að svína á lýðræðinu. Sumir ganga svo langt að tala um yfirvofandi valdarán Framsóknarflokksins eða allavega sjálftöku ...

Bjarni Harðarson: „Fundum fyrir heilmiklum meðbyr"

Getur framsókn gert einhverjar kröfur?

Held að flokkurinn fórni sinni félagshyggju fyrir völd verði af þessu. Þá er mér til efs að fólk sætti sig við að ráðherrar víkji af þingi og varamenn komi í staðinn. Þessi hugmynd er kannski skoðunarverð en ekki bara til að bjarga Framsókn núna þegar staðan er sú að flokkurinn getur illa mannað ráðuneyti og allar nefndi.

En skv. fréttum er þetta líklegasta niðurstaðan skv. fréttum. Eins hefur verið nefnd minnihlutastjórn Vg og Samfylkingar með stuðningi Framsóknar. Og svo R lista samstarf.

En það má vera nokkuð ljóst að samstarf Sjálfstæðismanna og Framsóknar verður mótað af því að Framsókn fær að vera með á vagninum og því verður það málefnaskrá Sjálfstæðismanna sem ræður. Og þá er í raun hægt að segja að hér verður ultra hægri stjórnarstefna hér næstu árin. Stóiðjustefnan veður áfram.  Sem og að áfram verður unnið að því að koma auðlyndum okkar í einkaeign sem og nýtingu á þeimá. Og hér verður haldið áfram að hagræða fyrir auðmenn á meðan þeir sem minna mega sín verða að lepja dauðan úr skel.

Útvarpið fer sem og Lansvirkjun. Þjónustugjöld verða hækkuð. Þennslan verður hér áfram þar sem að hún stendur undir útrás fjármagns héðan til annarra landa.

Einkavinir stjórnarflokkanna fá forgang að öllum störfum og einkavinavæðing kemst á fullt.

Egill Helgason segir um þessa möguleika á stjórnmyndunum í gær m.a.

Hugsanlega eru þessar viðræður bara til málamynda - eða kannski nennir Geir, sem stundum virkar ansi værukær, barasta ekki að skipta? Það virkar hins vegar dálítið hæpið að fara í stjórn með eins sætis meirihluta sem veltur á Árna Johnsen. Þess utan er engin leið að halda því fram að það séu skilaboð kjósenda að Framsókn eigi að sitja áfram í ríkisstjórn.

Á hvaða forsendum yrði það líka? Varla upp á helmings hlut eins og hingað til - Framsókn yrði kannski að sætta sig við þrjá ráðherrastóla móti til dæmis sjö ráðherrum Sjálfstæðisflokks. Annað væri móðgun við kjósendur.

 

Frétt af mbl.is

  Líklegast að stjórnin sitji áfram
Innlent | Morgunblaðið | 14.5.2007 | 5:30
Miklar líkur eru á því að stjórnarsamstarfi Sjálfstæðisflokksins og Framsóknarflokksins verði haldið áfram, segir Ólafur Þ. Stephensen, aðstoðarritstjóri Morgunblaðsins í fréttaskýringu í blaðinu í dag. Flokkarnir fengu samtals 32 þingmenn í kosningunum á laugardag, minnsta mögulega meirihluta.

Líklegast að stjórnin sitji áfram

Hvað voru kjósendur að hugsa?

Kjósendur á Suðurlandi og Reykjavík sem notuðu útstrikanir héldu þeir virkilega að þeir gætu einhverju breytt. Það þarf svo feiknalegan fjölda útstrikana til að koma mönnum nógu niður listann að það var aldrei raunhæft. Þannig að þeir eru búnir að kjósa hernaðarsinnaðan einræðisherra áfram í stjórn og "tæknileg mistök" inn á þing.

Hvað halda þeir sem kusu frjálslynda að þeir væru að fá inn á þing. Það hefur verðið nokkuð ljóst að Frjálslyndir hafa ekki þann styrk eða stjórnkænsku til að koma málum sínum á koppinn. Þá hafa þeir líka kosið inn á þing mann sem kom þessari útlendinga vitleysu af stað með "Ísland fyrir íslendinga" Og fólk skal gæta að því að nú eru á þingi a.m.k. 2 fyrrverandi þingmannsefni Sjálfstæðismanna fyrir Frjálslynda og einn fyrirverandi þingmaður Framsóknar.

Kjósendur hafa tryggt áframhaldandi stjórn flokka sem eru aðeins með 47 til 48% fylgi.

Rétt að minna fólk á þetta reglulega þegar það æsir sig yfir því þegar að orkufyrirtækin verða einkavædd og þjónustugjöld hækka og öryrkjar kvarta.

 

Verið að skoða ýmis mál varðandi hugsanlegt samstarf

R-listinn?

Það er alveg spurning hvað réttast væri fyrir Framsókn að gera . Hvort að það væri rétt fyrir flokkinn að fara í stjórnarandstöðu eða vera áfram með Sjálfstæðismönnum. Ef þeir halda áfram í þessu samstarfi ber þess þó að geta að þeir eru í engri stöðu til að gera nokkrar kröfur hvorki um ráðuneyti né stefnumál. Því verða þeir þá að kyngja öllu stolti og viðurkenna að þeir eru þar aðallega til að viðhalda og efla stöður sínar og sinna manna víðsvegar um stjórnkerið.

En færu þeir í R- lista samstarf er samningastaða þeirra sterkari. Þar kæmu þeir inn á meiri jafnréttisgrundvelli og það yrði samið um stefnumál stjórnar.

Mér sem vinstri manni líst frekar á R lista samstarf frekar en að minn flokkur Samfylking færi í samstarf við Sjálfstæðismenn og tækju þá sveiflu til hægri.

Var annars að lesa þetta á www.mannlif.is

VG daðrar við Sjálfstæðisflokk

13 maí 2007

Meldingar eru hafnar um nýja ríkisstjórn í stað þeirra lemstruðu stjórnar sem Framsóknarflokks og Sjálfstæðisflokks sem nú þyrfti í framhaldslífi að treysta á eins þingmanns meirihluta eða 32 þingmenn. Vilji er innan VG, sigurvegara kosninganna, að taka upp samstarf við Sjálfstæðisflokkinn með Geir Haarde sem forsætisráðherra. en sú stjórn hefði þriggja þingmanna meirihluta. Einsýnt þykir að stjórnin er óstarfhæf í ljósi þess að ólíkindatól á borð við Árna Johnsen, endurreistan þingmann Sjálfstæðisflokksins, og Bjarna Harðarson,nýliða Framsóknarflokks, eru um borð í löskuðu fleyinu. Bjarni lýsti því í Silfri Egils að hann teldi vinstri stjórn Framsóknar, Samfylkingar og VG æskilegri en núverandi stjórn enb vitað er að Bjarni tilheyrir þeim armi ´Framsóknar sem hefur verið andvígur samstarfi við Sjálfstæðisflokkinn. Þá má víst telja að Árna Johnsen verður ekki haldið áhrifalausum í jafnveikri stjórn. Það eru því spennandi dagar í vændum en Össur Skarphéðinsson, þingmaður Samfylkingar, benti á þann möguleika í Silfri Egils að Framsóknarráðherrar segðu af sér og Ólafur Ragnar Grímsson, forseti Íslands, myndi þá úthluta umboði til stjórnarmyndunar. Var svo að sjá að nýliðanum Bjarna hugnaðist ágætlega sú leið en það er lífsspursmál fyrir Össur og svilkonuna Ingibjörgu Sólrúnu Gísladóttur í skugga stórtaps að fá inni í ríkisstjórn

Og þetta á sama stað www.mannlif.is

Sleggjan felldi formanninn

13 maí 2007

Sá sigur Kristins H. Gunnarssonar, alþingismanns að hafa náð kjöri sem uppbótarmaður í Norðvesturkjördæmi þykir ganga kraftaverki næst en fáir höfðu spáð því að hann næði kjöri. Ruðningsáhrifin af kjöri Sleggjunnar gera svo sigurinn enn sætari. Þegar Kristinn dúkkaði upp síðla kosninganætur kostaði það nefnilega Jón Sigurðsson, formann Framsóknarflokksins, uppbótarsætið og Herdís Sæmundardóttir, sem hafði verið inni lengst af kosninganótt sem þingmaður datt út við hlið Magnúsar Stefánssonar í Norðvesturkjördæmi. Það má því segja að Kristinn hafi komist inn með stæl og náð samtímis hefndum gegn sínum gömlu félögum í Framsóknarflokknum ...

Ingibjörg Sólrún: Ríkisstjórnin of veik

Nú geta þeir sem vilja breytingar en nenntu svon ekki að kjósa skammast sín

Alveg er þetta makalaust að atkvæði skuli sveiflast svona yfir nóttinna. Þetta þýðir að Sjálfstæðisflokkurinn er með öll spil á hendi. Hann getur boðið Framsókn að halda áfram í samstarfi og samþykkt að ráðherrar flokksins sem duttu af þingi haldi áfram í embætti þó að kjósendur hafi hafnað þeim.

Ef að þessi stjórn heldur áfram þá held ég að það verði lokið við öll þau verstu mál sem hafa komið upp á borðið síðustu ár. Einkavæðing Landsvirkjunar, Vatna og auðlyndalögin og allt það sem fólk hefur óttast. Það er ekki af engu sem að stórir fjárfestar hafa verið að kaupa upp heilu árnar og dalina síðustu ár.  RUV verður væntanlega selt. Þennslan heldur áfram því að það þarf að drífa sig í það að koma allri orkunni á sem lægstu verði í stóriðjurnar svo að börn og barnabörn okkar hafi enga orku til að vinna með þegar þau þurfa að skap sér fleiri störf. Og tryggja að þau hafi sem minnsta óspillta náttúru til að hún sé ekki að tefja þau frá því að sinna okkur sem virkjuðum allt sem hægt var að virkja.

Ég segi ekki annað en "Fólk er fífl"

Frétt af mbl.is

  Ríkisstjórnin hélt velli með minnsta mun
Innlent | mbl.is | 13.5.2007 | 8:44
Ríkisstjórnin hélt velli í Alþingiskosningunum í gær. Þegar lokatölur bárust úr Norðvesturkjördæmi laust fyrir klukkan 9 í morgun lá fyrir, að Sjálfstæðisflokkur hafði fengið 36,6% og 25 þingmenn, bætt við sig þremur mönnum frá síðustu kosningum og Framsóknarflokkur 11,7% og 7 þingmenn, tapaði fimm

 

Ríkisstjórnin hélt velli með minnsta mun

Er þetta rétt? - Var ekki verið að tala um Árna Johnsen?

Þetta er finnst mér eitthvað skrítið að fólk sé óánægt með Árna Matt en sátt við Árna Johnsen. Og ef fólk er svona óánægt með 2 af 4 mönnum í efstu sætunum - hvað var það þá að kjósa flokkinn?

Frétt af mbl.is

  Árni Mathiesen: Hef ekki heyrt af óánægju í kjördæminu
Innlent | mbl.is | 13.5.2007 | 2:14
Árni M Mathiesen efsti maður á lista Sjálfstæðisflokksins í Suðurkjördæmi sagðist ekki hafa neinar öruggar upplýsingar um útstrikanir á listanum er blaðamaður mbl.is ræddi við hann í kvöld. „Ef þetta er rétt þá er þetta eitthvað nýtt sem við verðum að skoða," sagði hann en fyrr í kvöld nefndi Geir H. Haarde formaður flokksins nafn Árna í sjónvarpsviðtali

Árni Mathiesen: Hef ekki heyrt af óánægju í kjördæminu

Ég held að það sé ekki vænlegt að reyna stjórnarsamstarf bara með 1 manns meirihluta

Ég held að það sé ljóst að það er  ekki stjórn sem geti beitt sér í erfiðum málum eða aðstöðu með aðeins eins þingmanns meirihluta. Þetta á bæði vð ef núverandi stjórn heldur meirihluta sínum sem og "Kaffibandalagið" Þannig að ég held að þessa kosti verði að taka út af borðinu nema að eitthvða meiriháttar breytist í nótt.

Það þarf ekki nema einn þingmaður að vera á móti einhverju máli svo að það verði stoppað í þingi. Því ættu menn að skoða eitthvða annað.

Jafnvel finnst mér meira spennandi að hugsa um R lista samstarf frekar en eitthvað svona tæpt.

Geir: Munum ræða við forsvarsmenn Framsóknarflokksins á morgun