Ekki viss um að Framsókn sé sammála fjármálaráðherra.

Það væri kannski holt fyrir Framsókn að kynna sér málflutninginn á þessum morgunverðarfundi. En Framsókn hefur haldið því fram að stóriðja væri forsenda framfara hér á komandi árum. Við heyrum jú nú á hverjum dagi auglýsingar sem staglast á því að það verði „Ekkert stopp"

 

Ásgeir Jónsson, hagfræðingur greiningardeildar Kaupþings, sagði á fundinum að hagvöxtur væri nauðsynlegur en hagvöxtur síðustu ára hafi byggst mikið á betri samvinnu á milli fólks. Þá sagði hann stóriðju hafa óveruleg áhrif á hagvöxt til lengri tíma litið. Hún hafi gríðarleg skammtímaáhrif á meðan verið sé að byggja upp en sé engin sérstök forsenda hagvaxtar á Íslandi. Hún hafi haft mikil áhrif hér á landi á síðustu áratugum þar sem hún hafi haft áhrif á tímabilum þegar lítið var að öðru leyti um að vera í atvinnulífinu. Ekki hittist eins vel á núna en kreppa hafi verið í samfélaginu þegar stefnan var mörkuð og fólk hafi ekki gert sér grein fyrir að hún gengi jafn fljótt yfir og raun bar vitni.

(www.mbl.is )

En geri ekki ráð fyrir  að Framsókn skilji þetta.

 

Fjármálaráðherra: Stóriðja ekki forsenda framfara

"Arnarvarpi spillt og ernir skotnir hér"

Ég held bara að það sé ekki í lagi með fólk:

www.ruv.is

Fyrst birt: 07.05.2007 18:29

Síðast uppfært: 07.05.2007 20:00

Arnarvarpi spillt og ernir skotnir hér

Talið er að aðeins hafi 33 arnarpör orpið í vor sem er fjórðungi minna en í fyrra þegar hreiðrin voru 44.

Þetta kemur fram á heimasíðu Náttúrufræðistofnunar Íslands. Í arnarstofninum eru nú talin 64 fullorðin pör og virðist hann standa í stað eftir hægan en samfelldan vöxt um langt skeið. Tæpur helmingur arnarpara hefur því ekki orpið í vor. Ekki er ljóst hvað veldur en veðráttan í vor og síðla vetrar var örnum hagstæð og var búist við góðu arnarvarpi.

Fram kemur að meira hefur verið um það í vor en endranær að reynt hafi verið að spilla fyrir varpi með vísvitandi truflunum og sáust merki um slíkt á 12 varpsvæðum af 75 sem könnuð voru. Varphólmar voru brenndir á tveimur svæðum, grjót borið í hreiður og hræður og flögg sett upp til að fæla erni frá óðulum.

Skýrt er kveðið á um í lögum um friðhelgi arnarhreiðra og nánasta umhverfis þeirra. Þrátt fyrir alfriðun í nær heila öld eru ernir öðru hverju skotnir. Í lok apríl fannst nýdauður fullorðinn örn við Breiðafjörð sem skotinn hafði verið með haglabyssu.

Það er alveg makalaust að Björn Bjarnason komist upp með svona mannaráðningar.

Var að heyra þessa frétt sem fylgir hér á www.ruv.is . Björn hefur nú þegar ráðið Ólaf Börk frænda Davíðssem hæstaréttadómara sem og Jón Steinar , Haraldur Johannessen var skipaður Ríkislögreglustjóri. Og nú er það þetta:

www.ruv.is

Fyrst birt: 07.05.2007 19:06

Síðast uppfært: 07.05.2007 21:52

Aðstoðarríkislögreglustjóraembætti lítið auglýst

Aðeins einn umsækjandi sótti um stöðu aðstoðarríkislögreglustjóra, næstæðstu stöðu lögreglunnar í landinu. Staðan var auglýst í vefútgáfu Lögbirtingarblaðsins. Framkvæmdastjóri Landssambands lögreglumanna segir það furðu sæta að fleiri hafi ekki sótt um og telur að slíkar auglýsingar eigi að birta sem víðast.

Dómsmálaráðuneytið auglýsti embætti aðstoðarríkislögreglustjóra laust til umsóknar í vefútgáfu Lögbirtingablaðsins 20.apríl. bls 1002 Umsóknarfrestur rann út 4. Maí, síðastliðinn föstudag en þann dag birtist auglýsingin í prentuðu útgáfu blaðsins. Sá eini sem sótti um stöðuna var Páll Winkel lögfræðingur en hann hefur síðustu vikur stýrt stjórnsýslusviði ríkislögreglustjóra en var áður framkvæmdastjóri Landssambands lögreglumanna.

Í lögum um réttindi og skyldur starfsmanna ríkisins segir að laust embætti skuli auglýsa í Lögbirtingablaðinu. Hins vegar er algengt að embætti á vegum ríkisins séu auglýst víðar. Lögreglumenn sem fréttastofa Sjónvarps ræddi við segjast margir ekki skilja hvers vegna staðan var ekki auglýst á vef lögreglunnar eða á starfatorgi. Það er dómsmálaráðherra sem skipar í stöðuna til fimm ára. Björn Bjarnason dómsmálaráðherra sagði í dag að Lögbirtingarblaðið væri mjög fínn vettvangur til að auglýsa lausar stöður og hefði reynst ágætlega. Steinar Adolfsson framkvæmdastjóri Landssambands lögreglumanna segir að slíkar auglýsingar eigi að birta víða. Nokkrir lögmenn og lögreglumenn sem rætt var við í dag höfðu ekki séð auglýsinguna og þótti miður.

Dómsmálaráðuneytið hefur ítrekað vikið sér undan reglum um auglýsingar á lausum störfum segir Halldóra Friðjónsdóttir, formaður BHM. Ráðuneytið hefði átt að auglýsa stöðu aðstoðarríkislögreglustjóra víðar en í Lögbirtingablaðinu. Í reglum fjármálaráðuneytisins um auglýsingar á lausum störfum í opinbera geiranum kemur skýrt fram að auglýsing þurfi að birtast á sérstöku vefsvæði um laus störf hjá ríkinu. Auk þess þurfi auglýsing að birtist a.m.k. einu sinni í dagblaði sem gefið er út á landsvísu.

 

Bendi líka á það sem Pétur Gunnarsson segir um þetta mál:

Eini maðurinn, sem vissi af auglýsingunni og sótti um í tæka tíð, er mér sagt að sé sonur ritara dómsmálaráðherra.

Sá heitir Páll Winkel og er nýtekinn við starfi hjá Ríkislögreglustjóra en var áður framkvæmdastjóri Landssambands lögreglumanna. Páll er líklega þekktastur fyrir grein sem hann birti 3. febrúar sl. í Morgunblaðinu undir fyrirsögninni Hvenær brýtur maður lög? en þar hjólaði hann í Ingibjörgu Sólrúnu Gísladóttur vegna Baugsmálsins og sagði meðal annars: "Það er athyglisvert að greina röksemdafærslu Ingibjargar Sólrúnar Gísladóttur sem haldið hefur því fram og síðast nú á dögunum að ákæruvaldið sé "handbendi" Sjálfstæðisflokksins."

Glæsilegt stjórnin er sennilega fallin skv. þessari könnun

Miðað við að Sjálfstæðisflokkurinn færi yfirleitt 3 til 5% minna í kosningum en í skoðanakönnunum þá er stjórnin sennilega fallinn. Sveiflan liggur nú til Samfylkingar enda sá flokkur sem hefur haldið uppi málefnalegustu kosningarbaráttunni.

Vildi gjarnan að Vg héldi því sem þeir hafa þannig að það verði hægt að mynda hér velferðarstjórn.

Frétt af mbl.is

  Samfylking og Sjálfstæðisflokkur bæta við sig fylgi
Innlent | mbl.is | 7.5.2007 | 18:03
Samfylkingin og Sjálfstæðisflokkurinn bæta við sig fylgi frá því í síðustu viku samkvæmt könnun, sem Capacent Gallup hefur gert fyrir Morgunblaðið og Ríkisútvarpið. Fylgi Framsóknarflokks dalar hins vegar. Um er að ræða niðurstöður fyrstu raðkönnunarinnar, sem birtar verða daglega í þessari lokaviku fyrir alþingiskosningarnar á laugardag.

Samfylking og Sjálfstæðisflokkur bæta við sig fylgi

Þetta var nú viðbúið

Og þar með er eitt fyrirtæki sem notar yfir helming af allri orku sem hér á landi er framleidd. Og þar með er komið ægivald á efnahagslífi hér á landi. Þetta er náttúrulega afleiðingar af því þegar verið er að selja orku til svo stóra álbræðslna. Þá verða u3 fyrirtæki hér sem nota um 70% af allri orku sem við þegar erum búin að virkja. Það er Norðurál, Járblendið og svo Alcoa.

Frétt af mbl.is

  Alcoa leggur fram yfirtökutilboð í Alcan
Viðskipti | mbl.is | 7.5.2007 | 11:31
Bandaríska álfyrirtækið Alcoa tilkynnti í dag, að það myndi leggja fram formlegt tilboð í kanadíska fyrirtækið Alcan, væntanlega á morgun. Tilboðið mun hljóða upp á 73,25 dali á hlut eða sem svarar til 33 milljarða dala, 2100 milljarða króna. Bæði fyrirtækin hafa starfsemi hér. Alcan er móðurfélag Alcan á Íslandi, sem rekur álverið í Straumsvík og nýtt álver Alcoa hefur tekið til starfa í Reyðarfirði.

Alcoa leggur fram yfirtökutilboð í Alcan

Mér líkar ekki þessi silkihanskameðferð á fyrirtækjum sem stjórnarflokkar boða nú.

Í hverjum þættinum af öðrum boða stjórnmálaleiðtogarnir sér í lagi Framsóknar, Sjálfstæðis og Íslandshreyfingin að það verði að gera vel við fyrirtæki hér svo þau haldi áfram að fjárfesta og viðhaldi hagvexti. Þetta tal líkar mér illa. Það er verið að gera fyrirtæki að einhverju ósnertanlegu og um leið að færa þeim ægi vald yfir þjóðinni.

Nú ef þessir flokkar komast til valda eða halda völdum hafa fyrirtækin stjórnvöld í vasanum og viðkvæðið verður alltaf að ríkið verður að koma til móts við kröfur fyrirtækjana annars fari þau bara úr landi.

Menn gleyma því lika að hagnaður af starfsemi fyrirtækjana erlendis er yfirleitt skattlagður þar og nú er stefnt að því að sala og hagnaður af hlutabréfum verði skattlaus. Þannig að nú með hverju árinu verða það aðalega skuldir vegan kaupa erlendis sem taldar verða fram hér og þar af leiðandi litlir skattar sem þau greiða. Vegna stórsölu til álvera þá er lítill möguleiki fyrir íslensk fyrirtæki að fá hér ódýara orku til að stunda einhverja framleiðslu og því verður tilhneiging hjá þeim að færa framleiðslunna erlendis eða fá hingað verkamenn sem sætta sig við lægri laun en við mundum sætta okkur við.

Og þar sem að stjórnvöld bera svona óttablandna virðingu fyrir fyrirtækjum verða þau innan fárra missera búin að ná öllum völdum hér.

Þetta líkar mér ekki við

Upprifjun á stjórnartíð Framsóknar og Sjálfstæðisflokk

 

Gallupkönnun: Formaður Framsóknar nær ekki kjöri

80.000 heimsóknir

"Heimilin skulda hættulega mikið"

Var að lesa frétt í Fréttablaðinu í dag þar sem fjallað er um skuldir íslenskra heimila. Þar kemur fram að:

Efnahagsmál Tekjur heimilanna duga ekki fyrir útgjöldum þeirra, skuldirnar hrannast upp og nema nú 240 prósentum af ráðstöfunartekjum. Mikil skuldsetning þýðir að stærri hluti tekna fer í afborganir og vexti og því dregur úr möguleikum heimilanna til neyslu. Þetta kemur fram í Vorskýrslu ASÍ 2007.

Síðar í fréttinni segir síðan:

Hlutfall vaxtagreiðslna af ráðstöfunartekjum hefur hækkað. Í vorskýrslunni segir að nauðsynlegt sé að horfast í augu við að mikil skuldsetning íslenskra heimila og hækkandi byrði vaxtagreiðslna þýðir að áhætta heimilanna hefur aukist. "Heimilin eru orðin mjög viðkvæm fyrir verðbólgu og breytingum á vöxtum, tekjum og eignaverði."

Katrín Ólafsdóttir, hagfræðingur hjá Háskólanum í Reykjavík, bendir á að aðgengi að lánsfjármagni hafi aldrei verið betra en nú og ekki kunni góðri lukku að stýra að fjármagna neyslu með lánum. Hún telur að heimili séu þegar komin að hættumörkum og veltir fyrir sér hvort fjármálafræðslan sé næg, hvort fjölskyldurnar viti hvað þær séu að gera.

"Við erum í stöðu sem við höfum ekki verið í áður, valkostirnir fleiri og hægt að fá hærri lán til lengri tíma en áður. Margir átta sig kannski ekki á þeirri gengisáhættu sem felst í erlendu lánunum. Ef út af bregður er fólk fljótt að komast í erfiðleika því lítið þarf að gerast til að mánaðarleg greiðslubyrði hækki," segir hún.
(Fréttablaðið 6 maí )

Samfylkingin á leiðinni upp en hvað er að gerast með Sjálfstæðisflokkinn?

Mér finnst með afbrigðum ef að 42% þjóðarinnar er ánægð með þátttökur okkar í Íraksstríðinu, meðferð okkar á Falum Gong fólkinu, áætlaða sölu okkar á Landsvirkjun, pólitíska valdbeitingu í Baugsmálunum og almenna einkavinavæðingu síðustu ára.

Finnst einnig að Jón Sigurðsson sé loks að fatta hvað er að þegar hann segir í viðbrögðum við þessari könnun: „„Þessi niðurstaða er auðvitað algjörlega óviðunandi fyrir okkur og myndi auðvitað leiða til þess að við þyrftum að taka okkar störf til endurskoðunar. "

Þá er látlaus áróður gegn Vg og sérstaklega Steingrími J að skila sér. Mér finnst fólk nú full einfallt ef að það er að láta eitthvað sem Steingrímur sagði fyrir nærri 20 árum hafa áhrif á sig, sem og að umhverfismálinn eru ekki þjóðinni eins hugleikin og var því að flokkarnir 2 sem mest lofa stóriðju eru nú með fylgi um 50% þjóðarinnar.

 

Fylgi Sjálfstæðisflokks og Samfylkingar eykst samkvæmt könnun