Þetta með þingmannatölur í kjördæmum er náttúrulega ekki rétt

Mér finnst það athugavert að fjölmiðlar séu að úthluta þingmönnum skv. þessum könnunum sínum. Því að þar er ekkert getið um jöfnunarþingmenn. Eins þá fjölgar um 1 sæti í SV kjördæmi minnir mig nú í þessum kosningum. Þannig að ég held að réttara væri að horfa frekar á prósentur

Frétt af www.mbl.is 
  VG eykur við fylgi sitt í Suðvesturkjördæmi
Innlent | mbl.is | 5.5.2007 | 19:16
Sjálfstæðisflokkur og Samfylking halda sínu fylgi í Suðvesturkjördæmi en Framsókn tapar fylgi til Vinstrihreyfingairnnar-græns framboðs, samkvæmt skoðanakönnun, sem Capacent Gallup gerði fyrir Ríkisútvarpið og Morgunblaðið.

VG eykur við fylgi sitt í Suðvesturkjördæmi

"Biðlistaþjóðin "

Fyrst að ég var að birta grein frá www.jonas.is þá langar mig að birta aðra grein sem hann birti í dag. Alveg frábært hvað hann kemur færslum sínum í fáar meitlaðar setningar sem segja allt sem hann vill segja um málið:

05.05.2007
Biðlistaþjóðin
Hundruð aldraðra eru á biðlistum hjúkrunar. Hundruð barna eru á biðlistum geðdeilda. Hundruð hjartasjúkra eru á biðlistum hjartaþræðinga. Hundruð þroskaheftra barna eru á biðlistum greiningar. Hundruð geðfatlaðra eru á biðlistum húsnæðis. Hundruð sjúklinga eru á biðlistum liðskipta. Hundruð fatlaðra og öryrkja eru á ýmsum biðlistum. Á Landsspítalanum einum eru 3145 manns á biðlistum. Á höfuðborgarsvæðinu eru 1525 á biðlistum eftir félagslegu leiguhúsnæði. Þetta er velsældin, sem ríkisstjórnin státar af. Hún hefur framleitt endalausa biðlista fyrir þá, sem minnst mega sín.

Kannski það sé eins með fylgið hjá þeim

Samkvæmt könnunum þá er útlit fyrir að Siv, Jón Sigurðsson, Jónína og fleiri komsist ekki inn á þing. Það er ekki eins og framsókn hafi ekki verið vöruð við þessu 2003. Það hefur alltaf verið nokkuð ljóst að Sjálfstæðismenn í kjölfar stærðar sinnar hafa sett þá flokka sem sem eru með þeim í stjórn í erfiðustu ráðaneytin og gert þeim að taka á sig skellina við að framfylgja vilja Sjálfstæðismanna.

Framsókn hafið eftir síðustu kosningar alla möguleika að hefja samstarf við aðra flokka og mynda stjórn án Sjálfstæðisflokksins. En þeir kusu annað og kostaði það þá einn formann á tímabilinu, fylgi og álit almennra kjósenda.

Læt hér fylgja með lýsingu á „Jónínumálinu" frá www.jonas.is af því að mér finnst þessi stíll hans að þjappa málinu í fáar meitlaðar setninga svo flottur:

 

05.05.2007
Hart féll Jónína
Fall Jónínu Bjartmarz var hart og hún dró Bjarna Benediktsson með sér í fallinu. Öllum utan Framsóknar er ljóst, að væntanleg tengdadóttir Jónínu fékk fyrirgreiðslu, sem aðrir nýbúar fá ekki. Umsókn Jónínu var afgreidd á tíu dögum eftir fimmtán mánaða dvöl. Aðrir fá afgreiðslu eftir mánuði, þegar þeir hafa verið árum saman í landinu. Pólitísk fyrirgreiðsla og spilling, dæmigerð Framsókn, rotin í gegn. Öllum er það ljóst. Samt kjósa málsaðilar að rífa kjaft. Jónína er þar háværust, en einnig freyðir þríeyki Bjarna í úrskurðarnefndinni. Það telur pólitíkusa mega hafa forgang.

Capacent: Auglýsingakostnaður Framsóknarflokksins ofreiknaður

Þetta heitir að reyna að redda sér korteri fyrir kosningar

Um áraraðir hefur ekkert gengið í þessum samningum. Fólk hefur sífellt þurft að borgar meira af þessum kostnaði. Nú þegar aðrir flokkar hafa tekið þetta upp á stefnuskrá sína reynir Siv að kaupa sér atkvæði til að bjarga þingsætir sínu nú réttri viku frá kosningum.

Frétt af mbl.is

  Samið um tannlæknaþjónustu og forvarnarskoðanir 3 og 12 ára barna
Innlent | mbl.is | 5.5.2007 | 10:49
Heilbrigðis- og tryggingamálaráðuneytið og Tannlæknafélag Íslands undirrituðu í morgun samning um fyrirkomulag tannlæknaþjónustu og forvarnarskoðana 3ja og 12 ára barna

Samið um tannlæknaþjónustu og forvarnarskoðanir 3 og 12 ára barna

Skil varla hvernig nokkrum dettur í huga að vilja Framsókn í stjórn eins og formaðurinn lætur

Hef verið að hlusta á umræðuþætti nú að undanförnu þar sem rætt hefur verið við formenn flokkanna. Og ég get bara ekki skilið að fylgi við Framsókn sé að aukast. Og að svo margir vilji hann í ríkisstjórn.

Mér finnst að málflutningur Jóns Sigurðssonar sé að verða full einhæfur. En hann gegur út á:

• Það má alls ekki stoppa stóriðju eða hægja á
• Það verður að búa vel að atvinnulífinu
• Það verður að gæta að því að gera vel við þá sem eiga peninga svo þeir fjárfesti hér.
• Og ef að Framsókn komist ekki í stjórn með Sjálfstæðismönnum þá verði hér allt stopp

Ég get ekki séð að hann sé meðvitaður um að fyrirtæki kjósa ekki. Og við íslendingar erum ekki svo skyniskroppin að halda að stóriðja sé lausn alls. Við vitum að þessi stóriðja er að nýta orku sem á meðan er ekki föl á almennilegu verði fyrir íslensk iðnfyrirtæki eða erlend fyrirtæki sem vilja koma hingað með sína framleiðslu sem gæti kannski verið umhverfisvænni en álver.

Eins vill ég minna hann og Geir á það að þessi fyrirtæki sem eru í útrás skapa okkur sífellt færri og færri störf og tekjur þeirra og starfsmanna skila sér ekki til okkar þar sem að það eru mest stjórnendur sem fylgja þessari útrás héðan og síðan eru það erlendir starfsmenn sem vinna störfinn þar.  Þannig að þegar að dregur úr þennslunni sem verður sífellt erfiðara að gera án þess að það valdi miklum erfiðleikum fyrir marga, þá verða hér færri og færri mögurleikar til atvinnu vegna þess að störfinn við framleiðslu, fjármálastarfssemi og hátækni eru að flytjast héðan í hagstæðara umhverfi þar sem lág laun vega upp m.a. hátt orkuverð hér til smárra og meðalstórra fyrirtækja. Vegna þess að við erum að selja stóriðju orku á lágmarksverði.

Flestir vilja Sjálfstæðisflokk í ríkisstjórn

Íslenskir kjósendur furðulegt fyrirbæri.

Það er með ólíkindum hverning fylgið virðist sveiflast til og frá Vg skv. þessu könnunum. Maður sér ekkert sem hefur gerst á þessari viku sem liðin er frá síðustu könnun sem réttlætir þessa sveiflu. Á mánuði hefur fylgið dottið um hva svona 7 til 8%. Og ekki hefur það farið til Íslandshreyfingar, þannig að maður hýtur að álykta sem svo að þar sem að fólk sé búið að gleyma umhverfismálum aftur. Og vaknar svo eftir ár og skilur ekkert í sér að hafa kosið þessa stjórn Sjálfstæðis og Framsóknar yfir sig aftur. Eins þá virðast þjóðin vera búin að gleyma stríði öryrkja og ellilífeyrisþega fyrir mannsæmandi kjörum. Það væri kannski holt fyrir fólk að ýmynda sér hverning ástandið væri hér ef að ríkið hefði ekki verið barið til samninga oft og iðulega hér á síðustu árum. Af því ætti fólk að vita að allar aðgerðir til bæta hag þeirra sem minna mega sín verða ekki af frumkæði þessara tveggja flokka. Það verður allt logandi hér í kjaradeilum á næsta ári til að reyna að bæta kjör þeirra sem lægst fá launin ef þessi stjórn heldur áfram. Eins þá veldur þennslan því að erfitt verður að ráða í störf í skólum og leikskólum.

En að öðru ég er sáttur við að minn flokkur er á uppleið.

	Kosn.2003		27.apr		4.maí
	%	menn	%	menn	%	menn
B-listi	18	12	10	6	10	6
D-listi	34	22	39	26	40	27
F-listi	7	4	6	3	6	3
I-listi	-	-	2	0	3	0
S-listi	31	20	21	14	24	15
V-listi	9	5	21	14	18	12

Þessi færsla hefur aldrei verið vistuð

Frétt af mbl.is

  Samfylkingin aftur fram úr VG
Innlent | Morgunblaðið | 4.5.2007 | 5:30
Ný könnun Capacent Gallup sýnir litlar breytingar á fylgi flokkanna á landsvísu miðað við síðustu könnun 28. apríl að því undanskildu að Samfylkingin er á ný orðin talsvert stærri en Vinstrihreyfingin - grænt framboð. Stjórnarflokkarnir halda meirihluta á þingi ef könnunin gengur eftir.

Samfylkingin aftur fram úr VG

Ansi krassandi lýsing á ástandi Framsóknar

Las eftirfarandi á blogginu Bæjarslúðrinu hans Björgvins Vals. Hann er ekki að skafa af því:

Hræ

posted Thursday, 3 May 2007

Framsóknarflokkurinn er þessa dagana eins og rolla sem orðið hefur úti uppi á fjöllum og liggur rotnandi fyrir hunda og manna fótum.  Enn má greina að þarna sé sauður en holdið er löngu rotið, eftir liggja skinin beinin og við vitum að næst þegar við eigum leið um, verða þau líka horfin.

Það vantar allt kjöt á beinin hjá Framsókn, hverju laginu af öðru er svift burtu og sýkt innihaldið blasir við.

 

Þetta lofar góðu. Samfylkingin komin á rétt ról í SV kjördæmi.

Ég verð að segja að þetta voru ánægjulegar vísbendingar um stöðu Samfylkingarinnar í Suðvestur kjördæmi. 4 þingmenn og aðeins um 3% undir því sem hún fékk í síðustu kosningum. Innan skekkjumarka!

Ég í bjarsýni minni trúi að þarna sé að endurspeglast þróun sem á eftir að verða um allt land næstu daga.

www.ruv.is

Æ ég veit það ekki! Ég er löngu búinn að missa trú á honum Guðjóni

Bara svona fyrst að hann er að biðja fjölmiðla um að varast dylgjur og rakalausum fullyrðingar, þa finnst mér við hæfi að setja hér inn þá upplifun sem ég hafði af Guðjóni þegar ég horfði á sjónvarp frá Alþingi nokkuð reglulega í vetur. Ég horfði á hann trekk í trekk koma í ræðustól bæði í ræðum og andsvörum þar sem hann hafði það eitt til málanna að leggja að vitna í gamlar ræður þingmanna og taka úr þeim setningar og búta og snúa útúr þeim. Held að hann hafi með galgopa hætti sínum valdið því að þingi sat deginum lengur eða svo því að menn voru að eyða orku í að svara honum.

Þannig að eftir þetta hef ég ekki trú á því að hann hafi einhverjar hugsjónir eða baráttumál sem brenna á honum heldur að hann sé bara þarna til að skemmt sér og þyggja laun fyrir.

Frétt af mbl.is

  Guðjón Ólafur: „Umfjöllun má ekki einkennast af dylgjum"
Innlent | mbl.is | 3.5.2007 | 21:02
Guðjón Ólafur Jónsson, alþingismaður hefur sent frá sér yfirlýsingu vegna fréttaflutnings DV í dag, sem m.a. var vísað til í fréttum Ríkissjónvarpsins í kvöld. Þar ítrekar hann m.a. að mál stúlku sem fékk ríkisborgararétt eftir fimmtán mánaða dvöl á Íslandi hafi fengið að öllu leyti eðlilega og sambærilega afgreiðslu og önnur mál, og segir umfjöllun ekki mega einkennast af dylgjum og rakalausum fullyrðingum.

Guðjón Ólafur: „Umfjöllun má ekki einkennast af dylgjum"

Nú held ég að það sé komið nóg af Jónínu málinu

Nú er ég að vona að RÚV fari að setja punktinn. Ég held að þau séu búin að upplýsa okkur um það að þarna var um einhverja flýtimeðferð að ræða. Þetta verður vonandi til að settar verða upp skýrar verkreglur í Allsherjarnefnd um afgreiðslu  þessara mál.

www.ruv.is

Fyrst birt: 03.05.2007 07:46

Síðast uppfært: 03.05.2007 07:48

Engin fordæmi um hröðun ríkisfangs

Lögfræðingur alþjóðahúss segist ekki þekkja dæmi þess að einungis taki nokkra daga að afgreiða umsóknir um íslenskt ríkisfang. Umsókn stúlku sem tengist umhverfisráðherra fjölskylduböndum var afgreidd á tíu dögum.

Undanfarna viku hefur verið fjallað um það hvort eðlilega hafi verið staðið að því að veita stúlku sem tengist Jónínu Bjartmarz, umhverfisráðherra, fjölskylduböndum íslenskan ríkisborgararétt eða hvort stúlkan hafi notið tengsla sinna við ráðherrann og fengið sérmeðferð.

Fram hefur komið í fjölmiðlum að stúlkan hafi ekki uppfyllt búsetuskilyrði laganna, hún hafi búið hér í 1 og hálft ár og því þurft að sækja um undanþágu frá Allsherjarnefnd Alþingis. Ástæður umsóknarinnar voru skert ferðafrelsi, stúlkan er á leið til Bretlands í nám og þyrfti annars endurnýjað dvalarleyfi á Íslandi í hvert sinn sem hún kæmi aftur til landsins. Í Kastljósinu í gær var svo bent á að 10 dagar liðu frá því dómsmálaráðuneytið tók við umsókninni og þar til hún hlaut ríkisborgararétt með lögum.

Á heimasíðu Útlendingastofnunar kemur fram að meðalafgreiðslutími mála þar séu 5-12 mánuðir. Nú hafa Starfsmenn Alþingis tekið saman upplýsingar um þá 45 einstaklinga sem Alþingi veitti íslenskt ríkisfang með undanþágu frá lögum um ríkisborgararétt á nýliðnu þingi. Þar kemur fram að 8 af þessum 45 höfðu dvalið skemur en tvö ár á Íslandi þegar þeir fengu ríkisfang. Langflestir þeirra tilgreina persónulegar ástæður eða aðrar fjölskyldutengdar ástæður fyrir umsókn sinni um undanþágu. Sumir teljast akkur fyrir íslenskt samfélag og aðrir nefna mannúðarástæður í umsókn sinni. 5 umsækjendur tilgreina skert ferðafrelsi.

Alþingi veitir ekki upplýsingar um það hve langan tíma tók að afgreiða erindi umsækjendanna. Hins vegar sagðist Margrét Steinarsdóttir, lögfræðingur Alþjóðahússins, í samtali við fréttastofu útvarps ekki þekkja nein önnur dæmi um svo skjóta afgreiðslu á umsóknum um ríkisfang.