Ríksistjórnin fallin og Samfylkingin orðin næst stærsti flokkur landsins skv. Mannlífskönnun

Var að lesa þessa frétt á www.visir.is . Hún er byggð á svörum um 3500 manna úrtaks og skv. henni eru Framsókn og Sjálfstæðismenn með 31 þingmann. En tæpt er það!

Vísir, 02. maí. 2007 20:35

Ríkisstjórnin rambar í Mannlífskönnun

Úrslit þingkosninganna í maí verða mjög tvísýn ef marka má nýja könnun Mannlífs sem birt er í nýjasta tölublaði tímaritsins sem kemur út á morgun. Könnunin nær til alls landsins og samkvæmt henni fengi Sjálfstæðisflokkur 36 prósent atkvæða og 24 þingmenn og Framsóknarflokkurinn fengi 10,2 prósent og sjö þingmenn. Frjálslyndi flokkurinn fær 5,8 prósent og nær inn fjórum jöfnunarþingmönnum. Samfylkingin 23,4 prósent og 16 þingmenn. Vinstri hreyfingin-grænt framboð mælist með 17,9 prósent eða 12 þingmenn. Íslandshreyfingin næði ekki inn manni fari úrslit kosninganna á sama veg. Gangi þessi úrslit eftir eru ríkisstjórnarflokkarnir samtals með 31 þingmann og stjórnarandstaðan með 32.

Könnunin var framkvæmd dagana 20.-23. apríl og svöruðu 3.505 kjósendur spurningunni um hvað þeir myndu kjósa. Í könnuninni er tekið tillit til kyns, aldurs og búsetu svarenda og þau atriði vigtuð til samræmis við upplýsingar Hagstofunnar um dreifingu íbúa um áramótin síðustu.

„Þó svo að enn ríki óvissa um úthlutun þingsæta er óvissan mest þegar kemur að úthlutun jöfnunarsæta," segir í tilkynningu frá Mannlífi en í könnuninni er jöfnunarþingmönnum úthlutað. Ennfremur er bent á að örlítil fylgissveifla í einu kjördæmi geti breytt miklu um hvaða frambjóðendur fari inn á þing. Þannig þurfi ákaflega lítið að breytast til þess að jöfnunarsæti fari á milli flokka og kjördæma og að örlítil sveifla í einu kjördæmi geti breytt heildarmyndinni. „Þannig munar ákaflega litlu að Sjálfstæðisflokkur fái síðasta jöfnunarsætið á kostnað Frjálslyndra og þar með að stjórnin haldi velli. En ríkisstjórnin rambar og segja má að úrslit kosninganna ráðist af úthlutun jöfnunarsætanna."

Grímseyjarferju klúður.

Mér finnst þetta fyrir neðan allar hellur. Þarna er Sturla að tala um einu samgönguleið Grímseyinga. Það er keypt einhver aflögð ferja frá Írlandi á 100 milljónir (c.a. 15 ráðherrabílar) síðan þarf að breyta henni fyrir a.m.k. 250 milljónir sem síðan Kristján Muller bendir á að líklegt sé að komi til með að verða meira þar sem að ekki er reyknað með kælingu til að flytja fisk, ekki er gert ráð fyrir aðgengi fyrir fatlaða, ekki gert ráð fyrir útvarpi eða sjónvarpi og ýmislegt annað. Síðan ef við gerum ráð fyrir að líftími þessara ferja sé kannski um 20+ ár þá á hún kannski 10 til 15 ár eftir. Síðan eru Grímseyingar bara látnir bíða svona c.a. ári lengur vegna þess að vegagerðin kann ekki að gera almennilega samninga eða áætla verk og stendur nú í stríði við verktakana sem eru að breyta skipinu. Það er allveg spurning ef horft er til þess að allir landshlutar eru nú að fá göng og vegabætur hvort ekki hefði verið eðlilegt að Grímseyingar hefðu ekki átt að fá betra skip og það fyrr.

Frétt af mbl.is

  Ómálefnaleg gagnrýni lituð af kosningabaráttu
Innlent | Morgunblaðið | 2.5.2007 | 5:30
„Þessi gagnrýni Kristjáns er lituð af því að hann er í kosningabaráttu. Hún er mjög ómálefnaleg og hann setur fram fullyrðingar sem standast ekki," sagði Sturla Böðvarsson samgönguráðherra í samtali við Morgunblaðið, aðspurður vegna gagnrýni Kristjáns Möller, alþingismanns Samfylkingarinnar, vegna nýrrar Grímseyjarferju í Morgunblaðinu.

 

Ómálefnaleg gagnrýni lituð af kosningabaráttu

Aðeins áfram með samsæriskenningar varðandi Landsvirkjun

Var að lesa póst sem Ögmundur Jónsson birtir á heimasíðu sinn frá lesanda. Þar er fjallað um þá bræður Árna og Pál Magnússyni og þær stöður sem þeir eru komnir í. Og í framhaldi á sölu á hlut ríkisins í Hitaveitu Suðurnesja til Geysir Green Energy sem er alþjóðlegt fjárfestingarfélag um sjálfbæra orkuvinnslu í eigu FL Group, Glitnis og VGK hönnunar en Árni er einmitt yfir þeirri deild hjá Glitni sem vinnur að fjárfestingum í sjálfbærri orkuvinnslu þá öðlast þetta nýtt samhengi. En hér er kafli úr þessu bréfi af síðu Ögmundar:

Öllum meðulum er beitt til að trygga sér áframhaldandi valdastöðu í samvinnu við þau ofursterku fjármálaöfl sem að baki flokksins standa. Aðilarnir sem leggja flokknum til fjármagn til að hann haldi völdum svo lengi sem sætt er, leggja að sjálfsögðu línurnar um væntanlega "einkavinavæðingu" orkufyrirtækjanna. Þar þarf nauðsynlega að hafa trygga menn í lykilstöðum. Þar ber Páll greinilega af öðrum, verandi bróðir Árna Magnússonar, fyrrverandi félagsmálaráðherra Framsóknar, sem talið var að nýttist valdaklíkunum mun betur í nýrri stöðu, en sem ráðherra. Í snatri var búin til  staða hjá Glitni. Þar var hann gerður að forstöðumanni  "sustainable energy". Augljóst er hver tilgangurinn er, enda ekki einu sinni haft fyrir því að hafa deildarnafnið á íslensku! En þýðing þess á okkar ylhýra er mikið notað slagorð nú um stundir, að ein meginástæða “álsóknarinnar” á Íslandi sé alger sérstaða (sem að sjálfsögðu er einber lýgi) að einungis þar sé öll raforka unnin á grundvelli "endurnýjanlegri orku" í stað jarðefnaeldsneytis til öflunar orku til stóriðju!

 

Og síðan er haldið áfram í bréfinu og talið að þetta sé undirbúningur að einkavinavæðingu Landsvirkjunar.

Árni Matt. reiðist auðveldlega.

Vakti athygli mína í umræðuþætti um skattamál í Kastljósi áðan þegar að Árni Matt. misti kúlið og notaði dýmætan tíma til að ráðast að þáttastjórnanda, sem og að finna að kjósendum sem voru þarna í sal. Þetta er ekki atkvæðavæn hegðun en maður veit ekki því að Sunnlendingar virðast hrífast af svona mönnum og flylgið aukist eftir því í könnunum. Þannig að þar virðast Árni "Fúli" og Árni "Tæknileg mistök" ætla að fljúga inn á þing.

Kjartan Gunnarsson næsti forstjóri Landsvirkjunar og sala undirbúin?

Skv. ræðu SKúla Thoroddsen formanns Starfsgreinasambandsins stendur til ef núverandi flokkar halda völdum að selja Landsvirkjun og að búið væri að ákveða að Kjartan Gunnarsson fyrrverandi framkæmdastjóri Sjálfstæðisflokksins verið forstjóri.

Skúli segist hafa fyrir þessu heimildir og þetta ætti að verða fólki víti til varnaðar um að kjósa aftur helmingaskipta stjórn sjálfstæðis og framsóknar

Þessa frétt ætla ég að geyma hér alla.

www.mbl.is

Innlent | mbl.is | 1.5.2007 | 18:01

Segir að byrjað sé að undirbúa sölu Landsvirkjunar

Skúli Thoroddsen, framkvæmdastjóri Starfsgreinasambandsins, sagði í ræðu á Húsavík í dag í tilefni af 1. maí, að hann hefði fyrir því heimildir að byrjað væri að undirbúa sölu Landsvirkjunar og búið væri að ákveða að Kjartan Gunnarsson, fyrrverandi framkvæmdastjóri Sjálfstæðisflokksins yrði næsti forstjóri Landsvirkjunar.

Jón Sigurðsson, iðnaðarráðherra, sagði við Útvarpið, að ummæli Skúla væru úr lausu lofti gripin.

Skúli sagði, að í gær hefði hafist einkavæðing orkufyrirtækja í eigu ríkisins þegar ríkið ákvað að selja FL-Group og Glitni hlut sinn í Orkuveitu Suðurnesja fyrir, rúma 7 milljarða.

„Og ég fullyrði að undirbúningur að sölu Landsvirkjunar er hafinn. Haldi ríkisstjórnin velli í kosningunum 12. maí, verður það gert. Til að auðvelda söluna ætlar Landsvirkjun á næstunni að gera upp reikninga sína í dollurum, hér dugar ekki ónýtur gjaldmiðill eins og íslenska krónan. Ég hef heimildir fyrir því að Kjartan Gunnarsson, fyrrverandi framkvæmdastjóri Sjálfstæðisflokksins, verði nýr forstjóri Landsvirkjunar. Leikur Framsóknarmanna, með því að skipa Pál Magnússon stjórnarformann er þá líklega sá, að tryggja Finni Ingólfssyni og S-hópnum hluta af kökunni, þegar hún verður borin fram. Viljum við þetta? Er ekkert stopp á spillinguna?" sagði Skúli í ræðunni. 

Segir að byrjað sé að undirbúa sölu Landsvirkjunar

Ég á ekki til orð - Valgerður ætti að skammast sín

Ég ætlað bar að vitna í www.jonas.is hann segir allt sem ég vill segja um þetta mál. EN hann segir:

01.05.2007
Maður gæti ælt
Eftir að hafa ofsótt sjálfstæða mannréttindastofu árum saman, segjast stjórnvöld vilja efla mannréttindi. Valgerður Sverrisdóttir ráðherra vill komast í mannréttindaráð Sameinuðu þjóðanna og stofna hér sjálfstæða mannréttindastofu. Ekki veit ég, hvað hún var að hugsa, þegar stjórnin skar niður fyrri fjárveitingar til slíkrar stofu. Líklega er þetta tengt kosningum eins og margt annað, sem spilltir og hugstola ráðherrar vilja gera þessa fjörugu daga. Skyndilega er það orðið gott, sem þeir hafa vanrækt heilu kjörtímabilin og jafnvel skorið niður. Maður gæti ælt.

Frétt af mbl.is

  Tímabært að sækjast eftir sæti í nýju mannréttindaráði SÞ
Innlent | mbl.is | 30.4.2007 | 18:10
Valgerður Sverrisdóttir, utanríkisráðherra, sagði í erindi í Háskólanum á Akureyri í dag, að tímabært væri að sækjast eftir sæti í nýju mannréttindaráði Sameinuðu þjóðanna í samráði og samvinnu við önnur Norðurlönd. Þá sagðist Valgerður ætla að beita sér fyrir því eftir kosningar, að Íslendingar setji sem fyrst á laggirnar eigin mannréttindastofnun.

Framkoma sjálfstæðismann gagnvart forseta Íslands er fyrir neðan allar hellur

Var að lesa þessa klausu á blogginu hennar Ástu Muller. Hún er þarna að halda áfram umræðunni um Reykjavíkurbréf Moggans.

Hitt atriðið í Reykjavíkurbréfinu varðar hugsanlega virka íhlutun forseta Íslands í stjórnarmyndun, sem er áhyggjuefni og ógnun við lýðræðið í landinu.  Það er mikilvægt að allt frumkvæði í stjórnarmyndun verði á höndum forystumanna flokkanna, án afskipta og íhlutunar forsetans.

Mér finnst fyrir neðan allar hellur að Alþingismenn setji hér einhverjar nýjar reglur sem stangast á við stjórnarskrá. Það er forseti sem fær flokkum eða forystumönnum þeirra umboð til þess að mynda stjórn. Og ég man að hér áður þurftu nokkrir stundum að fá að spreyta sig á því eftir kosninar. Það er forsetans að vinna að því að koma hér á starfshæfri stjórn enn ekki einhverja Sjálfstæðismanna. Þá hafa þeir í gegnum tíðinna síðan að þeirra maður tapaði fyrir Ólafi talað þetta embætti niður og það jafnvel forsetisráðherra þáverandi. Þetta er óvirðing við stjórnarskrá og þjóðina og á ekki að þola þeim sem svo tala.

Furðuleg árátta olíufélaganna að reyna að kæfa samkeppni

Afhverju eru olíufélöginn gömlu ekki búin að læra að það er ekki samkeppni að lækka bara verð til ákveðins hluta viðskiptavina og það bara á svæðum sem annað félag en 3 veldið er að reyna að koma sér inn á markað. Þetta gerir það að verkum að viðskiptavinur N1 á einum stað er kannski að borg 100 til 150 kr. meira fyrir að versla í einu hverfi miðað við annað. Það væri mjög slæmt fyrir okkur ef að Atlandsolía færi af markaði. Það yrði til þess að eldsneyti mundi fyrst hækka fyrir alvöru.

Frétt af mbl.is

  Atlantsolía sakar gömlu olíufélögin um að gera atlögu að fyrirtækinu
Innlent | mbl.is | 1.5.2007 | 14:01
Forsvarsmenn Atlantsolíu segja gömlu olíufélögin gera atlögu að fyrirtækinu með því að lækka verð næst bensínstöðvum fyrirtækisins á meðan landsbyggðin er látin greiða hærra verð. Forráðamenn Atlantsolíu hafa falið lögmönnum sínum að skoða réttarstöðu sína vegna þeirrar stöðu sem fyrirtækið hefur búið við undanfarið, að því er segir í tilkynningu.

Atlantsolía sakar gömlu olíufélögin um að gera atlögu að fyrirtækinu

1, maí - Baráttudagur Verkalýðsins!

Til hamingju með daginn

Baráttudagur verkamanna haldinn hátíðlegur