Finnst þetta alveg fáránleg rök!

Þegar Geir fór að vitna í stöðuna í Georgíu til að rökstyðja ógnina af Rússum þá varð mér bara óglatt. Finnst það með ólíkindum að Evrópubúar sem eru nú í félagi við USA búnir að fara um lönd eins og Írak, Afganistan og styðja aðgerðir Ísrael í Palestínu og sprengja þar saklaust fólk svona sem meðafurð hægri og vinstri  skuli bregðast svona við ástandinu í Georgíu.

Hann sagði að þeir sem hefðu sagt að sjálfstæðismenn væri fastir í hlekkjum kalda stríðsins þegar verið var að endurskipuleggja varnarsamstarfið við NATO eftir brottför Bandaríkjanna ættu kannski að heimsækja  Gori í Georgíu þar sem Rússar létu sprengjum rigna yfir íbúana

Muna menn ekki eftir að stjórnvöld í Georgíu fyrirskipuðu árás á sitt eigið fólk og vitandi að það fólk fylgdi Rússum að málum og vilja sjálfstæði frá Georgíu.

Við vitum ekki hversu margir féllu þarna. Við vitum að talið er að stjórnvöld í Georgíu hafi fellt eitthvað frá 150 til 2000 borgara í eigin landi.

Sé ekki að RÚSSAR séu meiri ógn við okkur en USA. Þeir ögra Rússum stöðugt eins og t.d. að kaupa sér leyfi hjá Pólverjum að setja þar upp skotpalla fyrir eldflaugar. Rússar eru og hafa verið herveldi og þurfa að fljúga vélum sínum m.a. yfir Norður Atlandshaf.

En finnst ömurlegt ef Geir Haarde ætlar að nota þetta til aukinna hernaðarumsvifa hér á landi. Fannst eins og ræða hans væri byrjun á ásandi eins og var hér þegar Varið land var og hét.

Við eigum náttúrulega að fylgjast með flugumferð og umsvifum við landið en ekki að nota þetta til að hefja eitthvað kalt stríð aftur

Enn stafar ógn af hernaði Rússa

Ég get alveg fallist á þetta með Geir. EN........

Hvernig væri að Geir og ríksstjórn upplýsti okkur nákvæmlega hvernig við eigum að ná tökum sem fyrst á verðbólgunni? Mér finnst nákvæmar upplýsingar um hvað ríkið er er og ætlar að gera. Það þýðir ekki til lengdar að vinna þetta bakvið luktar dyr. Við viljum fá að fylgjast með. Og svona spár eins og að verðbólgan hjaðni hratt á næstu misserum er orðið dálítið þreytt. Þær  haf hljómað síðustu ár en ekkert staðist.

 

Ekki rétt að tala um kreppu

Held að ríkið þurfi að fara að læra!

Þessi kjaradeila ljosmæðra kalla á eftirfarndi viðbrögð:

• Ríkið þarf að átta sig á að með því að svara þessari deilu við ljósmæður með hörku á ekki eftir að skila þeim neinu nema að á endanum þarf ríkið að greiða meira. Þetta er vegna þess að með því að gera þær reiðar þá eru minn líkur á því að þær komi á móts við ríkið í samningum
• Eins og ljósmæður hafa bent á að nú er krafa um að ljósmæður ljúki fyrst hjúkrunarnámi og bæti síðan við sig 2 árum til að verða ljósmæður. Halda menn að fólk leggi á sig 2 ár í viðbótarnám fyrir jafnvel lægri laun en þær mundu fá sem hjúkrunarfræðingar. Þetta leiðir til þess að nauðsynleg endurnýjun verður ekki og þarf af leiðandi eru líkur á stórkostleg vandamál innan fárra ár vegna þess að engar ljósmæður koma inn í stéttina.
• Ljósmæður hafa ekki farið í verkföll um ára raðir og þar af leiðandi eiga þær sjóði til að ganga í verkfalli.
• Önnur verklýðsfélög koma til með að styrkja þær
• Ríkisstjórnin er búin að lýsa því yfir að unnið verði að því að auka veg umönnunar og kvennastétta.
• Og síðast en ekki síst þá veit ríkið að þeir þurfa að semja við þær. Held að með því að láta þessar deilur fara í hart græði ríkið ekkert nema að fá almenningálitið á móti sér.
• Held líka að samninganefndin hljóti að vita nokkrunvegin hvað tölur að lokum verður samið um og ætti að eiga möguleika á að semja um það strax.

 

Nýbakaðar mæður finna mjög fyrir álaginu

Ætli Gunnar fari nú í að rakka Sigurð niður

Gunnar hefur farið mikinn í að reyna að rakka niður fólk sem leyfir sér að gera athugasemdir við hans stefnumál. Frægast er sennilega árásir hans og Guðríði og Samfylkinguna. Og nú síðast heldur hann því fram að samtök fólks í Lindarhverfi séu stofnuð af Samfylkingunni. Nú hér í þessari frétt er Sigurður að bera á móti þessu, Guðríður er nú í Mogganum að bera á móti þessu. Það er eins og Gunnar geri sér ekki grein fyrir að jafnvel fólk sem kaus eitthvað annað en Samfylkingu sættir sig ekki við skert lífsgæði þar sem það býr bara til að hafa einhverja vini Gunnars góða og leyfa þeim að byggja háhýsi í grónu íbúðarhverfi. Og ég spyr nú bara í hvað á nota allt þetta húsnæði?

Síðan verð ég að nefna að í Mogganum í gær skrifað hækja Sjálfstæðismanna í bæjarstjórn Ómar Stefánsson líka og reyndi að hnýta í Guðríði.

Hann þar að halda fram að Guðríður væri á móti öllum framförum og nefndi þar Gæðavottun. Bærinn tók skyndiákvörðun um að fá vottun á starfsemi bæjarins. [ISO]. En það sem Guðríður var aðallega að setja út á að þetta dæmi var ekkert hugsað heldur var það rökstutt með því að bæjarritari hefði verið að lesa um þetta í Sveitarstjórnartíðindum og taldi þetta flott því þetta hefði verið gert í útlöndum. Það var strax ráðinn aðili sem gæðastjóri en ekkert skoða hvað þetta gæti kostað og vinnuna á bakvið þessa vottun. Og ekkert um hvað menn vilja að þetta skili. Hún talar a.m.k. ekki um það á heimasíðu sinni að hún sé á móti þessu. Hún veltir fyrir sér kostnaði og ástæðum!

Hef ekki legið á þeirri skoðun minni að Ómar ætti sem minnst að láta heyra í sér. Það fer honum best.

„Blautir kossar bæjarstjóra“

Óttalega er þetta ódýr rök

Ætla menn að segja mér að þessi kostnaður sé ekki þegar inn í verði á vöru/þjónustu. Þetta hér er kannski ein skýringin

„Í fyrsta lagi þá eru það fyrirtæki sem hafa atvinnu af því að innheimta. Mörg fyrirtæki sjá um þetta sjálf en önnur kjósa að láta aðra sjá um innheimtuna fyrir sig.

Þetta er fyrirkomulag sem hefur verið notað síðastliðin ár og er mjög hentugt fyrir alla aðila.“

Alexander segir að eigi innheimtan að fara í gegnum Reiknistofu bankanna svo hún geti birst samstundis í heimabönkum þurfi að borga fyrir hana. „Það kostar að setja þetta í heimabankana líka,“ segir hann.

Eðlilegt þegar það er kominn bisnes í kring um innheimtuna þá sé reynt að verja þetta kerfi.

Ekki allir sammála um afnám seðilgjalda

Bíddu gegnur frjálhyggjan út á þetta?

Hannes Hólmsteinn sem er aðalmaður í mótun efnahagsumhverfisins á Íslandi hefur alltaf sagt að það sé helsta markmiðið með einkavæðingu og frjálsræði í viðskiptum að þá taki menn ábyrgð. Það er nú ekki hægt að sjá það á þessu? Hér heima eru forstórar leystir frá störfum með feitum tékkum upp á hundruð milljóna. Og ekki er þetta skárra í USA. Hef á tilfinningunni að vinavæðing sé fylgikvistur frjálshyggjunnar og þegar að menn starfa saman í stjórnum hinna og þessa fyrirtækja þá komi svona upp á.

Þetta eru m.a rökin fyrir einkavæðingu ríkisfyrirtækja, þ.e. að forstjórar þar beri ekki raunverulega ábyrgð. En viti menn ef menn þeir gera það ekki heldur hjá einkafyrirtækjum ef þeir fá borgað nóg til að geta farið á eftirlaun um 40 fyrir að hætta eru þeir ekki að bera ábyrgð.

En eins og venjulega höfum við sem borgum þetta á einn eða annan hátt ekkert um þetta segja. Og ekki Bandríkjamenn heldur.

Það er okkar hlutverk að þegja og borga meira!

Vænir starfslokasamningar vekja furðu Obama

Ekkert mál! - Það er heimsendir á morgun!

Þarna er kannski komin lausn á öllum okkar málum

Líkt eftir "Mikla hvelli" í Sviss

Í iðrum jarðar, á landamærum Sviss og Frakklands, hefur verið komið fyrir öflugasta hraðli í heimi. Inni í honum verður til mesti kraftur sem mannkynið hefur staðið að. Tilgangurinn er að skapa aðstæður sem líkastar þeim sem voru eftir Mikla hvell fyrir milljörðum ára. Tilraunin í Sviss er vafalaust mesta vísindatilraun sem mannkynið hefur staðið að. www.ruv.is

Miðvikudagurinn er merkisdagur í sögu eðlisfræðinnar. Aðstandendur verkefnisins hafa ráðið til sín almannatengla til að fullvissa almenning um að þeir muni ekki óvart búa til svarthol sem mun gleypa jörðina og alla íbúa hennar eða á annan hátt eyðileggja undirstöður þessa lífs á nokkurn hátt. www.mbl.is

 

Gengi krónunnar aldrei lægra

Hvað eru margir í stjórn xF í Eyjafirði?

Hélt að frjálslyndir hefðu nú varla nógu marga í að stofna félag í Eyjafirði. Kannski að það sé bara stjórnin? Enda finn ég ekkert í fljótu bragði um stjórn á bloggsíðu þeirra né á www.xf.is . Nema hugsanleg þessa mynd sem prýðir bloggsíðuna. Held þá að þetta félag hittist á miðilsfundum.

Þessi mynd er á upplýsingum um höfund
http://xfakureyri.blog.is

Vilja að Sigurjón gefi kost á sér sem formaður Frjálslynda flokksins

Við þurfum að auka opinbert eftirlit með virkjunum og stóriðju

Það er ekki nóg með að grunur sé um mengun þarna á Hellisheiði frá jarðgufuvirkjunum heldur er þrálátur orðrómur um að afrennsli frá Nesjavöllum hafi aukið kvikasilfur í Þingvallavatni og þar af leiðir í silungi þar. Það er því ekki beint hægt að segja að þetta sér græn orka ef að tæknin er þannig í dag að þetta valdi stórspjöllum á náttúrunni. Þetta með benssteinsvetnið var jú nefnt þegar að Hvergerðingar voru að mótmæla Bitruvirkjun. Ég man ekki betur en að OR segði þetta ekki menga. Og þeir mundu síðar ná að eyða lyktinni með nýrri tækni. En hún er bara ekki komin. 

Þá hafa verið nefndar mælingar í Hvalfirði þar sem mengun fer yfir hættumörk að minnstakosti heyrðist það fyrir nokkrum mánuðum. Talað t.d. um að flúor væri þar á köflum langt yfri mörkum. En verksmiðjan þar neitaði því og síðan hefur bara engin rætt um þetta.

En eins og eftirlitið er í dag er það fyrirtækjanna að fylgjast að mestu með þessu sjálf. Mér finnst það ótækt og finnst að umhverfisstofnun eigi að stækka með auknum umsvifum og rannsóknadeild þeirra stöðugt að gera athuganir á þessu. 

Það dugar ekki að gróðasjónarmið ráði eingöngu. Við eigum að gera kröfur um að frá þessum virkjunum og stóriðjum komi engin mengun eða því sem næst. Það er til tækni sem tekur á þessu flestu og  við eigum ekki að sætta okkur við að mengun sé hugsanlega rétt undir hættumörkum. Við vitum að mælikvarðar um hvaða magn sé í lagi og ekki, breytist með árunum og lækkar yfirleitt.

Hvetur til rannsókna á gróðurskemmdum

Hátt bilur nú í tómum tunnum

Held að þessi bankamenn ættu nú bara að slappa af og fara varlega í að gagnrýna kollega sína í Seðlabankanum. Í annarri frétt hér á mbl.is kemur m.a. fram:

Tómas Örn Kristinsson, framkvæmdastjóri upplýsingasviðs Seðlabankans, segir Seðlabanka Íslands vinna eftir alþjóðlegum stöðlum Alþjóðagjaldeyrissjóðsins þegar viðskiptajöfnuður er reiknaður út.

Þetta er náttúrulega eitthvað sem þessir menn þarna í bönkunum ættu að vita. Eins kemur fram í fréttinni:

Tómas sagði þennan skekkjulið vera til staðar í hagtölum allra ríkja. Dæmið gengi hvergi upp eins og gefið var í skyn að ætti að vera í gær.

Held að þessir yfirmenn greiningardeilda sem alveg fram á síðustu stundu spáðu því að hlutbréf ættu eftir að hækka stöðugt þegar þau voru í 9000 stigum, spáðu því að fasteignaverð ætti bara eftir að hækka, það yrðu aldrei verulegar raun  lækkanir framar, spáðu því að gengið ætti aldrei eftir að sveiflast neitt verulega og svo framvegis ættu nú bara að gefa sér tíma til að fara erlendis í endurmenntun. Þeir hljóta að vita það að síðustu ár hefur fólk hlustað á þá í fjölmiðlum og í kjölfar greininga þeirra fjárfest og sitja nú margir hverjir í súpunni.

Og þessi viðbrögð þeirra um að aðrir fari með vitleysu, þegar að Seðlabankinn, erlendar greiningardeildir og fleiri koma með ábendingar og spár, er með öllu óþolandi.

Ógnvænleg efnahagsþróun