Gat nú verið bloggarar með allt á hornum sér.

Nú er verið að tala um eftirfarandi lausnir:

Kjarnastriði viljayfirlýsingarinnar eru sem hér segir:

• Eigendum íbúðarhúsnæðis, þar sem áhvílandi skuldir eru umfram 110% af verðmæti eignarinnar, verður boðið með tilteknum skilyrðum að færa skuldirnar niður í 110% af verðmæti eignarinnar (sbr. „aðgerðir í þágu yfirveðsettra heimila“ í yfirlýsingunni).
• Þannig má afskrifa allt að 4 milljónir króna hjá einstaklingi og 7 milljónir króna hjá hjónum, sambýlisfólki eða einstæðum foreldrum.
• Kveðið er á um heimild til að afskrifa enn meira ef svo ber undir, allt að 15 milljónir króna hjá einstaklingi en allt að 30 milljónir króna hjá hjónum, sambýlisfólki eða einstæðum foreldrum. Skilyrði slíks er eignakönnun og mat á greiðslugetu í samræmi við samkomulag um sértæka skuldaaðlögun.
• Skilyrt er að greiðslubyrði vegna íbúðarlána viðkomandi skuldara sé yfir 20% af tekjum fyrir skatta á undanförnum tólf mánuðum (framtaldar tekjur 2009).
• Þessi úrræði standa skuldurum til boða til 1. júlí 2011 og eiga að geta gengið hratt fyrir sig. Framkvæmd þeirra er hugsuð sem nokkurs konar „hraðferð“.

• Í sérstakri skuldaaðlögun eru lán færð niður í 100% af verðmæti fasteignar.

• Þegar greiðslugeta lántaka er metin getur hún legið á bilinu 70-100% af verðmæti fasteignarinnar. Ráði skuldari ekki við að greiða af öllu láninu fer það sem út af stendur „í bið“ í þrjú ár, óverðtryggt og vaxtalaust.
• Ef skuldari getur ekki greitt af biðláninu sínu að þremur árum liðnum verður leitað annarra leiða, sem getur verið að framlengja skuldaaðlögun eða að skuldari selji eignina og komist þannig undan skuldaklyfjunum.

• „Vettvangur kröfuhafa“ verður settur á laggir til að flýta fyrir skuldauppgjöri og einfalda úrlausn flókinna mála. Þar verða fulltrúar fjármálafyrirtækja, lífeyrissjóða og Íbúðalánasjóðs.

• Boðaðar breytingar á vaxtabótakerfinu eru í raun forsenda þess að aðgerðirnar skili því sem þær eiga að skila.
  • Stuðlað verður að því að fólk með lágar tekjur og miðlungstekjur og miklar skuldir njóti hlutfallslega meiri vaxtabóta hér eftir en hingað til.
  • Ríkisstjórnin gerir ráð fyrir nýju úrræði, tímabundinni niðurgreiðslu vaxta í gegnum vaxtabótakerfið. Ráðstafað verður alls 6 milljörðum króna vegna þessa á árunum 2012 og 2013.

• „Lífeyrissjóðir leitist við að greiða götu félagslegra úrræða í húsnæðismálum með kaupum á sérstökum flokki íbúðabréfa sem Íbúðalánasjóður mun bjóða út á lægstu mögulegum vöxtum. Fjárhæð útboðsins mun ráðast af stefnumörkun nefndar félags- og tryggingamálaráðherra og mati nefndarinnar á fjárþörf. Andvirði bréfanna yrði notað til að endurfjármagna útistandandi félagsleg leiguíbúðalán, fjármagna ný slík lán og fjármagna búseturéttarkerfi.“

Og viti menn hér í bloggi við þessa frétt eru fyrirsagnir svona

• Hilmar Þór Hafsteinsson
  Göngum hægt...
• Pétur Óli Jónsson
  Mjög gott framtak en...
• Páll Vilhjálmsson
  Gengisdómurinn gaf meira en leiksýningin
• Ólafur Gíslason
  Að kasta blýi til drukkandi manns...
• Kristján Hilmarsson
  Kosta ?? Hvern ???
• Einar Guðjónsson
  Þýfið lánað réttum eigendum tímabundið
• Axel Jóhann Axelsson
  Ekki eftir helgi, en strax á næsta ári
• Ragna Birgisdóttir
  Besta jólagjöfin....
• Halldór Egill Guðnason
  Viljayfirlýsing eða raunverulegur samningur?
• Guðborg Eyjólfsdóttir
  En þeir sem eru með erlend lán og ...
• Jón Ingi Cæsarsson
  Risaskref í átt til lausna á Íslandi.

Held að fólk ætti nú að hysja upp um sig og fara í að leysa úr sínum málum. Það verður ekki gengið lengra enda komnar lausnir fyrir flesta sem geta bjargað sér. Nokkur hópur eru heimili sem verður ekki bjargað og hefði ekki haft þetta af þó ekkert hrun hefði verið. Fyrir þau eru líka þarna inni möguleikar á að leigja húsnæðið áfram í nokkur ár sem og að koma á upp örðum úrræðum.

Nú er tímabært að hætta þessu væli og hætta þessum bölmóði.

60 þúsund heimili njóta góðs af

Alveg svakalega þreyttur á þessu fólki

Er ekki rétt hjá mér að samningurinn við AGS nær fram í ágúst á næsta ári? Þau tala um í þessari tillögu að :

Verði tillagan samþykkt á efnahagsáætlunin að liggja fyrir 1. mars 2011 og koma þá þegar til framkvæmda.

Það er semsagt verið að tala um að flýta burtför AGS um  5 mánuði. Með öllum þeim látum sem myndu fylgja því bæði hérlendis og erlendis. 

Þar segir líka:

Í frumvarpinu segir að efnahagsáætluninni verði skilgreindar nauðsynlegar aðgerðir til að gera íslenskt hagkerfi óháð aðstoð sjóðsins og forðast frekari skuldsetningu ríkissjóðs, aðgerðaáætlun útbúin og henni fylgt eftir. „Leitað verði liðsinnis færustu erlendra sérfræðinga á sviði hagvísinda við mótun og framkvæmd áætlunarinnar til að tryggja efnahagsstjórn landsins nauðsynlegan trúverðugleika.“

Menn gera sér náttúrulega grein fyrir að menn eru að fara fram á þetta um leið og verið er að vinna að fjárlagagerð fyrir næsta ár sem byggir á þeim áætlunum sem hefur verið fylgt.

Man ekki betur en nær allir erlendir sérfræðingar ráðleggðu okkur að leita til AGS.

Síðan er þetta náttúrulega spurning hvernig litð er á land sem fær lán hjá AGS og fleirum út á einhverja áætlun en hættir svo við áætlun vegna þess að einhverjir spekingar á Alþingi þykjast hafa svo miklu betri lausnir en vita óvart ekki alveg hvernig.

Svo þetta tal um að AGS hafi látið þjóðir grípa til kreppuvaldandi aðgerða í mörgum tilfellum. Halló við erum að tala um lönd sem hafa beðið um aðstoð AGS vegna þess að þau eru í kreppu. Eins að þau flest  því marki brennd að löndin eru fátæk og geta því ekki annað en skorðið niður til að greiða af lánum sem þau verða að fá.

Síðan væri gaman að vita af hverju lönd almennt leysa sín vandamál án AGS ef það er svona auðvelt? Við heyrðum síðast af Írlandi sem fær lán hjá AGS og ESB á hærri vöxtum en við borgum.

Vilja efnahagsáætlun án aðkomu AGS