Hvaða mann með mikla reynslu er hægt að finna sem ekki kom að bönkunum eða fjármálafyrirtækjunum

Held að þetta sé svo málum blandið þessi aðgerð núverandi stjórnar FME að það hljóti eitthvað annað að búa þarna á bakvið.

Þeir sem helst hafa kallað eftir því að Gunnar færi eru lögfræðingar og álitsgjafar tengdir þeim sem nú sæta rannsókn. Gunnar vissulega tilgreindi ekki tvö félög í eigu Landsbankans. Vissulega óheppilegt. En hann hefur á því einhverjar skýringar. En það sem ég horfi helst í að er að þetta gerðist þegar að Landsbankinn var ríkisbanki og ekki einkavæddur. Þetta var jú 2001 og Gunnar hætti þegar að Björgúlfsfeðgar keyptu 2003. Held að allir menn með reynslu í þessum málaflokki hafi annað hvort sagt eitthvað um mál sem eru óheppilegt eða ekki sagt frá einhverju sem þeir áttu að segja frá. En ef það er ekki meira þá finnst mér þetta mikil læti fyrir litlar sakir. Eins þá velti ég því fyrir mér hvort að menn verði þá ekki að ráða mann sem er ný kominn úr skóla og hafi ekkert unnið hér á landi með skóla til að hann sé gjörsamlega án einhvers sem getur orkað tvímælis. Og yrðu þá ekki allir fjármálabraskararnir ánægðir. Þá kæmi aftur hér sá tími að menn færu sínu fram og hefðu ekki áhyggjur af FME. 

Þetta kemur m.a fram í skýslunni umræddu sem uppsögnin byggist á:

Ekki er örgrannt um að sú hugsun leiti á að vandasamt kynni að verða að finna til starfans einstakling sem án athugasemda stenst skoðun af þessum toga.“ Þetta segja Ásbjörn Björnsson, löggiltur endurskoðandi, og Ástráður Haraldsson hæstaréttarlögmaður, sem unnu greinargerð fyrir stjórn Fjármálaeftirlitsins um hæfi Gunnars Andersens forstjóra.

Vandasamt að finna forstjóra

Þetta blinda byggingaæði!

Hlustaði á bæjarstjórnarfundinn í kvöld í Kópavogi þar sem að sjálfstæðismenn tóku við í samfloti við Y lista og framsókn. Og þessi fullvissa þeirra að auknar byggingar og lóðasala bjargi öllu minnti mig á að allt byggingaræði hér hjá þessum sömu mönnum lækkaði ekki útsvarið mitt öll þau ár sem þeir seldu hér lóðir eins og andskotinn. Og þrátt fyrir alla sölur á lóðum hækkuðu skuldir Kópavogs um 3/4 á 4 árum og við vorum að nálgast að lenda undir eftirlitstofnun Sveitarfélaga þar sem að hér stefndi allt í vitleysu.

Nú halda þeir því fram að með því að lækka verðið þá seljist fleiri lóðir og það eigi að redda öllu. En bíddu þeir eru nú að tala um greiðslukjör sem sennilega frestar nú eitthvað því að við fáum þessa peninga. Sem og að læti þeirra við þetta hingað til olli allri óvissunni varðandi land við Vatnsenda  sem gæti kostað bæinn milljarða. Eins þá keyput þeir upp Glaðheimalandið til að redda einhverjum skíta fjárfestir þar sem hafði byrjað að kaupa hesthús þar á uppsprengdu veriði til að eignast gömul hús á landi sem Kópavogsbær átti sjálfur. Ævintýri sem kostaði okkur milljarða og nú er ég hræddur um að það verði selt á brunaútsölu.

Styðja ekki „buddupólitík“